حلوه الطابع

[nawal_02]

السلام عليكم وصح فطوركم حراير الجزائر الفحلات
ممكن تساعدوني في وصفه حلوه الطابع انا كل ما نخدمو يجيني يابس ومعجن ملداخل ما يجينيش خفيف ما عرفتش علاه ممكن مساعده تعيشو وربي يجازيكم الجنه

[ميمي2012]

السلام عليكم وصح افطورك
شوفي عزيزتي نمدلك حلوة الطابع كل ما دريه تدعلي بلاك تنسايني

الي يكلها عندي لازم يدي المقادير

كيلة نتاع البيض مثلا دري 8 بيض والي كيلتي بيها البيض كيلي بيها كيلة الزيت و كيلة السكر وفنجان حليب لا فاني زست قارص والخميرة لكل2
بيض دري وحدة خميرة ، يعني انتي هنا درتي 8 بيض دري 4 خمارة قرصة ملح والفرينة

أولا خلطي مليح البيض ثم صفي السكر بلشوية وخلطي وزدي الزيت بشوية وخلطي وهكذا جميع المقادير ولمي بلفرينة مي بصح أنتبهي حبيبتي

لازم العجينة تكون طرية باه تجيك اللحلوة خفيفة وطالعه وخفيفة

وبصحتك أختي ، وأي استفسار رني هنا في الخدمة

[oum abderhmane]

السلام عليكم
حلوة الطابع
6 بيض
كاس زيت
قشور ليمون
كاس سكر
فانيلا
خميرة حلويات زوج
فرينة حتى تتلم العجينة طرية
خلطي كلش و حليها و جدي طوابع و حطيها في سنيوة و بالبنسو دري في وجها بيض و رشي واش تحبي سكر شيكولة فغميسال حلوة واش عندك صحة سحوركم

[nawal_02]

السلام عليكم
حلوة الطابع
6 بيض
كاس زيت
قشور ليمون
كاس سكر
فانيلا
خميرة حلويات زوج
فرينة حتى تتلم العجينة طرية
خلطي كلش و حليها و جدي طوابع و حطيها في سنيوة و بالبنسو دري في وجها بيض و رشي واش تحبي سكر شيكولة فغميسال حلوة واش عندك صحة سحوركم

شكرا حبيبتي وربي يجازيك ياااااااا رب

[nawal_02]

السلام عليكم وصح افطورك
شوفي عزيزتي نمدلك حلوة الطابع كل ما دريه تدعلي بلاك تنسايني

الي يكلها عندي لازم يدي المقادير

كيلة نتاع البيض مثلا دري 8 بيض والي كيلتي بيها البيض كيلي بيها كيلة الزيت و كيلة السكر وفنجان حليب لا فاني زست قارص والخميرة لكل2
بيض دري وحدة خميرة ، يعني انتي هنا درتي 8 بيض دري 4 خمارة قرصة ملح والفرينة

أولا خلطي مليح البيض ثم صفي السكر بلشوية وخلطي وزدي الزيت بشوية وخلطي وهكذا جميع المقادير ولمي بلفرينة مي بصح أنتبهي حبيبتي

لازم العجينة تكون طرية باه تجيك اللحلوة خفيفة وطالعه وخفيفة

وبصحتك أختي ، وأي استفسار رني هنا في الخدمة

اختي ندير البيض كامل ولا الصفار برك قالولي البياض هو لي يبسلك الحلوه
ربي يجازيك الجنه وربي يعطيك واش تتمناي حبيبتي شكرااااااااااااا

[ريحانتي]

تجيك يابسة لاخاطرش تكتري الفرينة بزاف

[ميمي2012]

[QUOTE=nawal_02;3993885014]اختي ندير البيض كامل ولا الصفار برك قالولي البياض هو لي يبسلك الحلوه
ربي يجازيك الجنه وربي يعطيك واش تتمناي حبيبتي شكرااااااااااااا[/QUOT

العفو عزيزتي ، دري بياض وصفار شوفي لما تكيلي 8 بيض انزعي منهم 2 صفار باه تدهني بيه وجه الحلوة لما تطبعيها وهذاك

2صفار زيدلهم ملعقة قهوة كحلة وقليل من لافاني أو زست قارص لأني انا منحبش ريحة البض

حبيبتي الحلوة تجيك يابسة على خطر ا كترتي الفرينة ، ملازمش تكثري منها هذا هو السر لازم تكون طرية

دريها كما خبرتك وتشوفي كيفاه تجي روعة نتمنى تتوفقي في تحضيرها وبصحتك

[*ام بثينة*]

شوفي اختي انا نديرها كيما ميمي برك منحيش 2 صفار ندير الكيلة كاملة تع البيض

السر في حلوة الطابع ماتندلكش

اذا دلكتيها تولي يابسة و متجبكش مليحة
و زيدي كتحليها بالحلال مترقيهاش بزاف خليها خشينة سمك تقريبا 2 سم
و زيدي ديريها بزاف حتى تولي تعرفي قيس الفرينة بمجرد ملامستها باليد انا تاني كانت تصرالي هكذا في الاول مكنتش نعرف نديرها بالوقت و التجارب العديدة و لات تجيني ساهلة بدون تعب و ربي يوفقك