من فضلكن ساعدنني راني حاصلة

[Basketteuse]

للخبيرات في صنع البقلاوة في البيت ، أني نوجد فيها بصح اضطريت نطيبها في الفور تاع الدار ، ومانعرفش كيفاش ؟!!!!! للي مالفة تشرحلي بالتفصيل وبسرعة من فضلكن راني قريب نكملها

[ام فروحة]

انا كذلك اختي نطيبها في الدار شوفي حمي الفور من قبل وشعلي غير من تحت فقط ومين يسخن نقسي للنار شوية ودخليها تطيب متشعليش من فوق حتى تشوفي الحواف بداو يحماروا يولوا ذهبين شعلي من فوق باه تحمارلك البقلاوة ومتكوني موجدة العسل وعسليه وبالصحة والهنا

[أم شروفة]

يا اختي غير كيما طيبت واحدة في الفور...لكن عذبتني باش طابت . ارفعيها لفوق وديري النار من تحت ومن بعد ديري فوق وتحت .اذا ما حمارتش من فوق ديري من فوق فقط .قرابة ساعة ونصف وراكي تشوفي ....وفي الاخير طفي الفور وخليها فيه ..تكمل طيابها

[imy houssam]

سلام اختي انا البارح كملتها ودرت نفس طريقة ام فروحة سخنت الفور واشعلتها من تحت برك وكي درتها تقريبا 45 د حمارت على الحواف طفيت عليها من تحت واشعلت من فوق باش تحمارلك وكي خرجت سقيتها بالعسيلة هذه هي طريقتي

[Basketteuse]

شكرًا اخواتي وعذرا على عدم ردي ، لقد طهوتها على 220° وقد نضجت في حوالي 40 د وجات روووووعة