لــي جبتو الباك و عاودتوه حر

[damed]

يا لــي جبتو الباك و عاودتوه حر و بلوكيتو العـــآم … خرجت عليكم و لا لالا ~ و شحال جبتو الباك هاذ العام ؟
انصحوناااا …افيدونااا رانا حرنااا ~

[Livrophage]

جبتو العام لي فات14،6 درت تخصص انجليزية و درستها و عاودتو و الحمد لله 15،67. الصح كامل في ال5 اشهر الاخيرة مع التركيز على النقاءص.

[damed]

جبتو العام لي فات14،6 درت تخصص انجليزية و درستها و عاودتو و الحمد لله 15،67. الصح كامل في ال5 اشهر الاخيرة مع التركيز على النقاءص.

شـ كرا

[Livrophage]

الصح كامل في التنظيم و حسن اختيار الاساتذة تع الدروس الخصوصية و كتب المراجعة.

[biba.fbi]

salam
el 3am ili fat jbtou b 12 kont 3uloum
w hada el 3am bloukitou w glebt rl braanche w dert adab w falsafa w el hamdulilah jebtou b 14.52
good luck ^^

[younes hom95]

السلام عليكم

انا جبت العام لي فات 11 بلوكيت و جبت هذا العام 14.5 رغم اني مقريتش بمجهود كبير ...

صديقي جاب 8 و هذا العام جاب 14 ...

نعرف واحد ما جابوش و هاذا العام جاب 15 ...

اهم شيء التوكل على الله ثم الارادة و العمل ...

انصحك بتجميد العام الجامعي

[nada200]

الصح كامل في التنظيم و حسن اختيار الاساتذة تع الدروس الخصوصية و كتب المراجعة.


اختي من الضروري الدروس الخصوصية لاني لا اريد التطرق لها

[damed]

شكراا لكم

[ammar64]

االاساتذة التصحيح انتاعهم ادوا حق الطلبة وظلموهم في التنقيط وما شو تصحيح بل تعجيز

[damed]

ak chayef kho

[فيصل.المخادمة]

رغم انه هدا عامي الاول للباك الا ان تجميد البكالوريا من وجهة نظري بها سلبيات وهي التي منعتني من ذلك ومنها :

- طول الوقت يغر بالمترشح الحر مما يجعله يؤجل حتى يصبح في الأيام الأخيرة فلايتقدم معدله إلا بشكل قليل
- المراجعة الفردية والمكوث في المنزل لفترات طويلة تؤدي بصاحبها للملل الشديد ولاتنس انك جالس ليل نهار يعني قد تصاب بالتخمة من الدراسة وتنفر منها
- ضياع عام كامل منك وستصبح بمثابة راسب في البكالوريا.
- الشعور بالقلق والتوتر وعدم الراحة والندم الشديد للتجميد العام.
- العتاب من طرف الاهل في حالة ما اذا لم تحصل على النتيجة المطلوبة وستفقد ثقتك بنفسك

[تيمَهـ]

السلاام عليكم

أنا نجحت هذا العام و لكن أنوي إعادة البكالوريا
و طبعا نبلوكي العام باه نركز على البكالوريا فقط
و ان شاء الله يفوت عام مريح و مليء بالتمارين فقط

انت تعرف امكانياتك و تجارب الغير ماشي قوانين رياضية ذات نواتج مطلقة
خسر عام في حياتك آ سييدي و ربح حياتك المتبقية المهم تحقق احلامك و تكون راض عن نفسك

ربي يوفق

[damed]

السلاام عليكم

أنا نجحت هذا العام و لكن أنوي إعادة البكالوريا
و طبعا نبلوكي العام باه نركز على البكالوريا فقط
و ان شاء الله يفوت عام مريح و مليء بالتمارين فقط

انت تعرف امكانياتك و تجارب الغير ماشي قوانين رياضية ذات نواتج مطلقة
خسر عام في حياتك آ سييدي و ربح حياتك المتبقية المهم تحقق احلامك و تكون راض عن نفسك

ربي يوفق

ربي يبارك فيك كلام من ذهب

[ninja2016]

أنا مترشحة حرة
باك 2014 --- 14.60
باك 2015 --- 17.60
جمدت السنة بعد شهرين ملقرايـة
حظ سعيـــدد

[amel miral]

أنا تحصلت على باك 2014 بمعدل 14.34 لم اجمد العام او عاودت حرة جبت 15.24 المهيم تنظيم الوقت لكن مع الاسف اظنني لن استطيع دخول كلية الطب بهذا المعدل لذا ان حصل ولم يمنح لي هذا التخصص ساعيده حرة للمرة الثانية لكني اود ان اسال لي بلوكاو العام ماهي الوثائق المطلوبة لذلك وماذا عن الشهادة الطبية المطلوبة من أين أتحصل عليها وما طبيعتها؟؟؟ ارجو المساعدة

[♥ عفـــــاف ♥]

ادا راك حاب تجيب الباك بمعل مليح الاحسن تبلوكي العام و تقرا البال لانو ماراحش تقدر التوفق بين لقرايا تاع الجامعة والمراجعة تع الباك ..بالتوفيق لينا كامل ان شاء الله ..

[الطاهرة]

انـــآ نآوية نعآودو حرة آخــي ولكن منحية من بآلي فكرة اني نبلوكـــي العآم خلآص الآ ادا قدر ربييي



خويـــآ دير لي تخرج عليكـ ادا كنت في جامعة قريبة يآخويآ علاه تبلوكي بالعكس تتونس ومنيش عااارفة القرآر يعود ليكـ ونتآ دبر رآسكـ بالمناسبة معلييش تقلي شحال جبت لآموآيآن ...انا جبت 11 حنموت والحمد لله

[damed]

كمش نصائح جدد

[اريج السلام]

..أهلا ،،
لا تايس أخي ،،فانت مازلت في مقتبل عمرك ،،
حضر نفسك جيدا و اتكل على الله ،،


أختك منال .~

[°المتفائلة خيرا°]

العام ليفات جبتو ب 12,73 العام هذا 14,40 ونضن مانقدر ندير بيه والو

[isma3ilmoh]

السلام عليكم
اخي انا الباك الاول ديتو بـ 5.70
الثاني عام 2013 بـ 14.43 ههه كلاصيت 3 ولائيا في تقني رياضي تم تكريمي هههه لدوك مازال مفهمتش كيفاش كرموني
دخلت بيه طب اسنان وحبست
الثالث حر هادا العام بـ 15.7
بالنسبة للباك الحر : لم ادخل الدروس الخصوصية ولم اجمد السنة كنت نقرا st وساعدتيي الرياضيات والفيزياء وكنت نقرا منين داك في البيت لكن كثفت الجهود ابتداءا من شهر مااي
المهم :
اذا كان يجب عليك فانت تستطيع

[crazy miracle]

نصيحتي لا كنت متاكد و واثق من نفسك انك كي تعاودو جيب معدل افضل ~ماتبلوكيش العام ~#رايي ~ دير تخصص سااهل مافيهش قراية بزاف كيما اللغات و لا حاجة و عاود حر ~
+++++
بنت عمي جابت11 و دارت بيولوجي و عاوداتو سنا مي مبلوكاتش العام ~جابتو ب 12 يعني كيفكيف +++ مشيكيتش لا كانت ضمنت العام ف الجامعة مخدمتش مليح~
و الارادة تجعل المستحيل ممكن ~
و القرار يرجع لييكـ
موفق

[Tulipe95]

jabtou 13.58 l'année passée et cette année jabt 16.08 .. kiddir haja fé rassek tal7aq liha .. lazem taber c tt ..

[damed]

ok mr6

[samir-poly]

السلام عليكم و صح عيدكم ، و مبروك على الناجحين ، انا عندي سؤال : أنا عندي بكا للغات أجنبية و حبيت نعاود باك مترشح حر بصح شعبة علوم تجريبية، و حبيت نسأل في الرياضيات و الفيزياء هل لازم نعاود نراجع الدروس من سنة أولى و لا نقدر نبدا من سنة ثالثة و شكرا

[djalal951]

أهلا أخي .. بالنسبة لي أفضل عدم تجميد العام الجامعي للاسباب التالية ..
- الانقطاع عن الدراسة لفترات متباعدة ..
- الشعور بالفراغ .. وقد يلومك الاهل على قرارك فهم من ظلوا طويلا ينتظرون نجاحك وبلوغك الجامعة ..
- نظرا لاتساع الوقت لديك قد لا تجيد التحكم فيه كما ينبغي
كنصيحة سجل في أي شعبة ولتكن من الشعب السهلة والتي بها متسع من الوقت يمكنك استغلاله للتحضير الجيد للبكالوريا من خلال التمارين والمراجعة
لانك لن تبدأ من جديد بل ستزيد من امكانياتك ومهاراتك وتتدرب على المنهجية أكثر لا غير .. كذلك يمكنك الإستفادة كثيرا من هاته الشعبة التي قد سجلت بها حتى وإن كانت ليست الي تطمح اليها
على الاقل ستكون لك زادا من المعرفة وقد تساعدك في التحضير . لم لا ؟ فلا تستهن باي تخصص مهما كان ..
وفقنا الله وإياك صديقي الحبيب ..
وبالتوفيق لي ولك في بكالوريا العام القادم إن شاء الله