الى طلاب و خريجو المدارس العليا vsخريجو التخصصات الطبية تفضل فنحن نحتاج رايك من فضلك

[مريم #]

السلام عليكم و رحمة الله ان مسالة الاختيار احدى اصعب ما يواجهه الطالب و لعلكم مررتم بنفس الشئ اخي اختي ارجو منكم مصارحتنا و الاجابة على تساؤلاتنا التي غزت تفكيرنا و لم نسطع الاقدام على قرار واحد لذا ارجو منكم ان تجيبونا على اسئلتنا و تصارحونا من قلوبكم و ما احوجما لرايكم :sdf: انا شعبة علوم تجريبية متحصلة على 15فاصل 60 محتارة بين التخصصات الطبية كالطب و الصيدلة و جراحة الاسنان و المدارس العليا ,?
0 من اي ولاية انت !,?
1 هل ندمت على اختيارك ,?
2 هل فرص العمل متاحة :D ,?
3 هل الدراسة مشرجية مالقيتهاش بالعربية :1: :confused: ,?
4 هل وفقت في ايجاد عمل و هل انت مرتاح فيه ;) ,?
5 هل واجهتك صعوبات قبل و بعد الدراسة و اثناء مزاولتك لعملك ,?
6 هل تنصحنا من قلبك نصحا خالصا بدراسة تخصصك ,?
7 هل استطعت اكمال دراسات عليا او تخصص بعد انهاء تعليمك الجامعي او المدارس العليا
8 حدثنا بايجاز عن كيفية و طبيعة ا و برنامج لدراسة خلال السنوات القادمة
9 قدم اسباب اقنعت جعلت تختار تخصصك
في انتظار بوابل اخرى للاسئلة :1:

[مريم #]

رايكم بصراحة يهمنا خاصة ولايات الشرق بحكم اقامتي ، شكرا لك

[Emà Chéll]

نفس التساؤلات

ارجو الاتفاتة

[Yassi Yassi]

أنا تلميذة بالثانوية اعذروني على المرور لكن ميولاتي نحو التكنولوجيا و المدارس العليا أكثر
و بالنسبة للطب لا أجد مانع في الصيدلة أو طب الاسنان
و ألف مبروك النجاح و التفوق

[مريم #]

شكرا لك ان شاء الله توفق في دراستك

[مريم #]

صح فطوركم في انتظاركم صوتوا

[KIMO_DZ]

بنيتي التخصصين جيدين سواء اكان مدرسة عليا او الطب
وكلاهما فرض العمل متوفرة يبقى فقط الميول فهو الحافز للتميز

[ahmed_42]

نصيحة من اخ الى اخيه ... المدارس العليا مستقبل مضمون فرص عمل متوفرة بكثرة و الدخل المادي جيد جداا ...

التخصصات الطبية عيبها انها تستغترق مدة طويلية ( 7 سنوات فاكثر على الاقل ) + برامج مكثفة + صعوبة خاصة في الاعوام الاولى للعمل

[✿ هًذًيًـآنُ قًلًمـْ ✿]

السسلآم عليكم ،

أنآ أيضآ في حيرة من أمري .،

رجاء سسآعدونآ ، فلم يبقى الوقت الكككثير للتسجيل ،

و جزاكم الله خيرآ ،

صح فطوركم ، ^^

[meriem algerie]

:24:السلام عليكم ورحمة الله تعالى وبركاته
مبارك عليكم والعاقبة لنجاحات افضل

اعرف نفسي طالبة طب سنة رابعة

0 من اي ولاية انت !,?
جيجل
1 هل ندمت على اختيارك ,?
لا وان شاء الله لن اندم ولو يعود بي الزمن ساختار طب

2 هل فرص العمل متاحة ,?
فرض العمل ادا قارناها بالتخصصات الاخرى هي اكثر وفرة فمثلا في ولايتي خيريجو العام الماضي كلهم بمناصب شغل هدا بالنسبة للطبيب العام
اما الطبيب المختص فهدا بدون نقاش العمل متوفر والطبيب مطلوب بشدة بل ان الاطباء المختصين (يتفششو) على العمل في القطاع العام

3 هل الدراسة مشرجية مالقيتهاش بالعربية ,?
الدراسة مشارجية و مشارجية مي رايحة تتعودي علىها يلزم الريتم برك

4 هل وفقت في ايجاد عمل و هل انت مرتاح فيه ,?
مازال نقرى :D ا

5 هل واجهتك صعوبات قبل و بعد الدراسة و اثناء مزاولتك لعملك ,?
في الدراسة المد لله لحد الان

6 هل تنصحنا من قلبك نصحا خالصا بدراسة تخصصك ,?
نعم نصيحة من القلب :19: مهنة نبيلة فووووووق المتصور

7 هل استطعت اكمال دراسات عليا او تخصص بعد انهاء تعليمك الجامعي او المدارس العليا
مازال انا في طور الانجار يا بنت الناس :1:

8 حدثنا بايجاز عن كيفية و طبيعة ا و برنامج لدراسة خلال السنوات القادمة
كاين بزاف هدرو على البرنامج والدروس و في هدا الرابط سوف تجديين كل ما يخص الدراسة في قسنطينة (اين ادرس انا) http://univ.ency-education.com/medecine-chems_eddine

9 قدم اسباب اقنعت جعلت تختار تخصصك
في الحقيقة لم اكن مقتنعة به مئة بالمئة وكنت افضل المدرسة العليا للاعلام الالي وهدا كوني اعشق الرياضيات بل ونموووووت عليها
الا اني استمعت لنصائح للوالدين والاقربون
فاقنعت انها الافضل لي كفتاة طبعا بعد صلاة الستخارة
والحمد لله لم اندم

[ahmed_42]

أعيد و أكرر ,خاوتي ما يخلعكم ني ميدسين ني بيتروشيميك !
.
مجرد أسماء لن تجد لك عملا فيها على أرض الواقع
.
تدرس طبيب , 7 سنوات هذا إن لم تعد أي سنة

قليل قليل وين تلقا واحد ميدسين ما يعاودش العام
.
معناه يكمل دراسته 25 سنة . . .
.
بعدها تخرج تخدم في مستشفى تاع الدولة ؟

فالنفترض أنك درت سبيسياليتي...( 4+ سنوات عن السنوات السبع على الاقل )
.
عندك + 700 مليون باش تفتح عيادة خاصة و تشريلها التجهيزات ؟

و منه باش يولي صح طبيب و حاكم مكانو الدائم رح يكون 30 سنة
.
هذا لكان عنده سبيساليتي
.
هذا الراجل وقتاش يكون حياتو ؟
.
وقتاش يدير دراهم وقتاش يتزوج وقتاش يعيش حياة ؟
.
نفترض في 5 سنوات كان خارق للعادة و دار ثروة و منزل و حياة و زوجة
.
معناه 34 سنة باش يبدا حياتو ..

في هاد الـ 11 عام الشخص لي اختار مدرسة عليا
.
راه هرب بعـــيـــــــد ...


ونفس الشيء بالنسبة للإيناث !

أنا لم اقل ميدسين ماش مليحة
.
هل هناك أشرف من مهنة طبيب ؟
.
و هل هناك شخص لا يحترم الطبيب ؟
.
بل ا قول انظر للشيئ لي تقدر تعمل فيه ماش شي لي يقولولك
.
الناس شوفو شوفو هاداك طبيب

و بيناتنا خاوتي كاش طبيب تعرفو عمره اقل من 40 سنة ؟
.
واش خصوا المعهد العالي للهندسة المعمارية ؟ و المعهد العالي للتكنولوجيا ؟ و المدرسة متعددة التقنيات ؟
.
فقط قلت لك الاختيارات متعددة لدرجة لا تتخيلها و تستطيع ان تذهب بعيدًا و تحقق نجاحات باهرة و مستقبل رائع ...
.
و تكون كما تريد انت حرًّا لا كما يريدونك ان تكون و يتحكمون فيك ~
.
.
و والله صدقوني ماكاش لي دار حاجة من قلبوا إلا و نجح فيها فشحال من واحد راح دار تخصصات مكرها إما بسبب الوالدين أو بسبب الافكار المنتشرة في بلادنا ( فلان دار،، وفلانة دارت .. ) و ماطولش و بدل الى تخصصات اخرى و ضيع سنوات من حياتوا ..
.

الاختيارات متعددة و يمكنك ان تذهب بعيدًا ... فلا تتسرع في اختيارك !
.
مجرد رأي ~

[راية الاسلام1]

سلاااامـــ
انا طالبة صيدلة وانصحك بالمدااارس العليااا اذا عندك معدل عالي ( 17)
المدارس العليا لما تكممملي قرايتك تدخلي بالبوست تااعك ,,, اما القطااع الطبي كله بطالة 70 بالمئة

[مريم عادل]

المدارس العليا اكيد هي الافضل لاشخاص لا يفرق معهم التخصص الدي يريدون دراسته ومش مستعدين للتضحيه بسنوات حياتهم وراحتهم لما يكون هو يقري فالجامعه ويخدم 6 سوايع فالسمانه ويسافر للخارج ويحضر المنتديات العالميه انا نكون كامل النهار نقرا ونتعب ومن امتحان لامتحان والمال اصلا مش مضمون لكن انا فقط لانه حاجه في بالي اما انا اختار مدرسه عليا لو ماكانش عندي حب للصيدله وبلا تردد

[عفّة]

السلام عليكم و رحمة الله ان مسالة الاختيار احدى اصعب ما يواجهه الطالب و لعلكم مررتم بنفس الشئ اخي اختي ارجو منكم مصارحتنا و الاجابة على تساؤلاتنا التي غزت تفكيرنا و لم نسطع الاقدام على قرار واحد لذا ارجو منكم ان تجيبونا على اسئلتنا و تصارحونا من قلوبكم و ما احوجما لرايكم :sdf: انا شعبة علوم تجريبية متحصلة على 15فاصل 60 محتارة بين التخصصات الطبية كالطب و الصيدلة و جراحة الاسنان و المدارس العليا ,?
0 من اي ولاية انت !,?
1 هل ندمت على اختيارك ,?
2 هل فرص العمل متاحة :d ,?
3 هل الدراسة مشرجية مالقيتهاش بالعربية :1: :confused: ,?
4 هل وفقت في ايجاد عمل و هل انت مرتاح فيه ;) ,?
5 هل واجهتك صعوبات قبل و بعد الدراسة و اثناء مزاولتك لعملك ,?
6 هل تنصحنا من قلبك نصحا خالصا بدراسة تخصصك ,?
7 هل استطعت اكمال دراسات عليا او تخصص بعد انهاء تعليمك الجامعي او المدارس العليا
8 حدثنا بايجاز عن كيفية و طبيعة ا و برنامج لدراسة خلال السنوات القادمة
9 قدم اسباب اقنعت جعلت تختار تخصصك
في انتظار بوابل اخرى للاسئلة :1:


حياك الله

- من ولاية قالمة
- لا لم أندم ، بل فخورة به
- بإذن الله فرصة متاحة 100/100
- عادي
- العمل تجده لي ورزاة التربية ^^
- أبدا أبدا أبدا
- رآئع مدرسة عليا تعليم ابتدائي
- لا
-عـــادي جدا !
- ببساطة لان أهلي يريدون

وفقكم الله

[Yacine Di Cristi]

أعيد و أكرر ,خاوتي ما يخلعكم ني ميدسين ني بيتروشيميك !
.
مجرد أسماء لن تجد لك عملا فيها على أرض الواقع
.
تدرس طبيب , 7 سنوات هذا إن لم تعد أي سنة

قليل قليل وين تلقا واحد ميدسين ما يعاودش العام
.
معناه يكمل دراسته 25 سنة . . .
.
بعدها تخرج تخدم في مستشفى تاع الدولة ؟

فالنفترض أنك درت سبيسياليتي...( 4+ سنوات عن السنوات السبع على الاقل )
.
عندك + 700 مليون باش تفتح عيادة خاصة و تشريلها التجهيزات ؟

و منه باش يولي صح طبيب و حاكم مكانو الدائم رح يكون 30 سنة
.
هذا لكان عنده سبيساليتي
.
هذا الراجل وقتاش يكون حياتو ؟
.
وقتاش يدير دراهم وقتاش يتزوج وقتاش يعيش حياة ؟
.
نفترض في 5 سنوات كان خارق للعادة و دار ثروة و منزل و حياة و زوجة
.
معناه 34 سنة باش يبدا حياتو ..

في هاد الـ 11 عام الشخص لي اختار مدرسة عليا
.
راه هرب بعـــيـــــــد ...


ونفس الشيء بالنسبة للإيناث !

أنا لم اقل ميدسين ماش مليحة
.
هل هناك أشرف من مهنة طبيب ؟
.
و هل هناك شخص لا يحترم الطبيب ؟
.
بل ا قول انظر للشيئ لي تقدر تعمل فيه ماش شي لي يقولولك
.
الناس شوفو شوفو هاداك طبيب

و بيناتنا خاوتي كاش طبيب تعرفو عمره اقل من 40 سنة ؟
.
واش خصوا المعهد العالي للهندسة المعمارية ؟ و المعهد العالي للتكنولوجيا ؟ و المدرسة متعددة التقنيات ؟
.
فقط قلت لك الاختيارات متعددة لدرجة لا تتخيلها و تستطيع ان تذهب بعيدًا و تحقق نجاحات باهرة و مستقبل رائع ...
.
و تكون كما تريد انت حرًّا لا كما يريدونك ان تكون و يتحكمون فيك ~
.
.
و والله صدقوني ماكاش لي دار حاجة من قلبوا إلا و نجح فيها فشحال من واحد راح دار تخصصات مكرها إما بسبب الوالدين أو بسبب الافكار المنتشرة في بلادنا ( فلان دار،، وفلانة دارت .. ) و ماطولش و بدل الى تخصصات اخرى و ضيع سنوات من حياتوا ..
.

الاختيارات متعددة و يمكنك ان تذهب بعيدًا ... فلا تتسرع في اختيارك !
.
مجرد رأي ~

أخي الكريم أحترم رأيك
وخليني نعطي رأيي
أنصحك لله في سبيل الله مادامك تخمم بلغة المال غير حبس لقراية وروح دير تجارة
أنا راني نقرا ميدسين وقبل كنت نقرا في المدرسة العليا للاعلام الآلي
الفرعين جيدين وفيهما عمل أكثر من أية فروع أخرى
حكايتك على الطب : وعيادة خاصة وماكاش الصوارد .... حبيبي لكان تخمم هكاك اقرا واش حبيت والله ما تلحق بعيد، كي تتخرج طبيب ماهر الصوارد يولو يفتشو عليك ربي يا بعد يرزقك، كاين طبيب هنا في باتنة تالمو مشهور ويدو داوي ربي يبارك جا رجل أعمال مشهور ثاني دارو شراكة وحلو عيادة مانيش حاب نظكرها باش ما نديرش اشهار ... المهم ما تخممش بلغة المال وخلي الرزق على ربي ...
لي بغا ميدسين مليحة ولي بغا مدارس عليا ثاني ملاح، كل واحد وميولاته لكن نصيحتي ما تلوحوش رواحكم في دومان نتوما ما تحبوش غير على جال المال
والسلام عليكم

[مريم #]

شكرا لتواصلكم و اراكم الرائعة و نقاشاتكم الرائعة

[Yacine Di Cristi]

العفو أختي

[KIMO_DZ]

الميول وحب التخصص هو بداية النجاح

[mo7manel]

هههه عجبني الموضوع ديالك
انا طالبة السنة الرابعة بالمدرسة العليا للاساتذة -القبة-تخصص علوم طبيعية ثانوي
من اي ولاية انت !,?
من الجزائر العاصمة
1 هل ندمت على اختيارك ,?
مع الاول كنت نادمة مي دك الحمد لله عرفت بلي احسنت الاختيار
2 هل فرص العمل متاحة :D ,?
100 مضمونة وهاذي الحاجة ليتفرح في المدارس العليا للاساتذة
3 هل الدراسة مشرجية مالقيتهاش بالعربية :1: :confused: ,?
بزاف مشرجية مي توالفو ان شاء الله
4 هل وفقت في ايجاد عمل و هل انت مرتاح فيه ;) ,?
مزالني نقرا ...بقاولي عامين
5 هل واجهتك صعوبات قبل و بعد الدراسة و اثناء مزاولتك لعملك ,?
مزال متلاقيتش بالصعوبات ههه الحمد لله
6 هل تنصحنا من قلبك نصحا خالصا بدراسة تخصصك ,?
متلقاش احسن من المدارس العليا ...صح نظام فيها مزير شوية لكن دومان هايل خاصة للبنات
7 هل استطعت اكمال دراسات عليا او تخصص بعد انهاء تعليمك الجامعي او المدارس العليا
مزال...نكمل قرايتي قبل ممبعد نخمم في الدراسات العليا
8 حدثنا بايجاز عن كيفية و طبيعة ا و برنامج لدراسة خلال السنوات القادم
تخصص العلوم الطبيعية في المدرسة العيا صح معدلو طالع لكن هو الحلو والاسهل خاصة العامين الاولين ...والعام الثالث هو الاصعب لازم التخباش
باختصار القراية حلوة مي فيها حفيظة بزاف والاساتذة منكدبش عليكم مزيرين بزززاف

9 قدم اسباب اقنعت جعلت تختار تخصصك
انا في الحقيقة كنت رايحة نخير طب مي حبيت نختصر على روحي علابيها رحت للتعليم
الطب والتعليم رانا كامل نتفاهمين بلي هوما الافضل وكل وحدة عندها سلبيات وايجابيات ومتشوفوش للناس واش تقول لازم نتوما تخيرو الحاجة لتحبوها لان التخصصين في زوج ملاح ومعندكم وماتخيرو هههه وادا تلفتلكم كامل ديرو شادي مادي :)

[مريم #]

شكون لصراحتكم ، و الله من قلبي الشكر لجميع من مر

[مريم #]

في انتظار تصويتكم

[أمينة بوعوينة]

سلآم ختِي ،،

شوفي القرار يوّلّي ليكـ ،،

إذآ كنتي حــآبّة تجيبي درآهم ليه ليه ،،

فالمدرسة أفضل ليــكْ ،،

وإذآ كنتي تحوسي على النيفو وتشتي لقراية ،،

فالتخصصات الطبّية أحسن ،،

وآي قرآية مليحة ،،

المهم كي تمــآجوري فيهــآ ،،

وزيد معدلكـ مليحْ ،،

يعني تقدري على آيْ قرآية نْ شــآ الله ،،

مــآ تنسايشس تصلّي صلآة الإستخــآرة ،،

وتــآني لّي مكتبّو ربّي هدآكْ هوّ ،،

وربّي يوفقكـ ،،

سلآم ،،

{ مــآقدرتش نصوت :d ،، منــآه لزّوج ملآحْ }

[مريم #]

سلآم ختِي ،،

شوفي القرار يوّلّي ليكـ ،،

إذآ كنتي حــآبّة تجيبي درآهم ليه ليه ،،

فالمدرسة أفضل ليــكْ ،،

وإذآ كنتي تحوسي على النيفو وتشتي لقراية ،،

فالتخصصات الطبّية أحسن ،،

وآي قرآية مليحة ،،

المهم كي تمــآجوري فيهــآ ،،

وزيد معدلكـ مليحْ ،،

يعني تقدري على آيْ قرآية نْ شــآ الله ،،

مــآ تنسايشس تصلّي صلآة الإستخــآرة ،،

وتــآني لّي مكتبّو ربّي هدآكْ هوّ ،،

وربّي يوفقكـ ،،

سلآم ،،

{ مــآقدرتش نصوت :d ،، منــآه لزّوج ملآحْ }

شكرا جزيلا لك ، و بارك الله فيك في كل كلمة

[Emà Chéll]

جزييل الشكر على ارائكم الرائعة استفدنا كثيرا و شكرا على الموضوع الاخت مريم

[مريم #]

جزييل الشكر على ارائكم الرائعة استفدنا كثيرا و شكرا على الموضوع الاخت مريم

العفو ، اختي شكرا للجميع استفدنا من ارائهم

[abir mimi]

أعيد و أكرر ,خاوتي ما يخلعكم ني ميدسين ني بيتروشيميك !
.
مجرد أسماء لن تجد لك عملا فيها على أرض الواقع
.
تدرس طبيب , 7 سنوات هذا إن لم تعد أي سنة

قليل قليل وين تلقا واحد ميدسين ما يعاودش العام
.
معناه يكمل دراسته 25 سنة . . .
.
بعدها تخرج تخدم في مستشفى تاع الدولة ؟

فالنفترض أنك درت سبيسياليتي...( 4+ سنوات عن السنوات السبع على الاقل )
.
عندك + 700 مليون باش تفتح عيادة خاصة و تشريلها التجهيزات ؟

و منه باش يولي صح طبيب و حاكم مكانو الدائم رح يكون 30 سنة
.
هذا لكان عنده سبيساليتي
.
هذا الراجل وقتاش يكون حياتو ؟
.
وقتاش يدير دراهم وقتاش يتزوج وقتاش يعيش حياة ؟
.
نفترض في 5 سنوات كان خارق للعادة و دار ثروة و منزل و حياة و زوجة
.
معناه 34 سنة باش يبدا حياتو ..

في هاد الـ 11 عام الشخص لي اختار مدرسة عليا
.
راه هرب بعـــيـــــــد ...


ونفس الشيء بالنسبة للإيناث !

أنا لم اقل ميدسين ماش مليحة
.
هل هناك أشرف من مهنة طبيب ؟
.
و هل هناك شخص لا يحترم الطبيب ؟
.
بل ا قول انظر للشيئ لي تقدر تعمل فيه ماش شي لي يقولولك
.
الناس شوفو شوفو هاداك طبيب

و بيناتنا خاوتي كاش طبيب تعرفو عمره اقل من 40 سنة ؟
.
واش خصوا المعهد العالي للهندسة المعمارية ؟ و المعهد العالي للتكنولوجيا ؟ و المدرسة متعددة التقنيات ؟
.
فقط قلت لك الاختيارات متعددة لدرجة لا تتخيلها و تستطيع ان تذهب بعيدًا و تحقق نجاحات باهرة و مستقبل رائع ...
.
و تكون كما تريد انت حرًّا لا كما يريدونك ان تكون و يتحكمون فيك ~
.
.
و والله صدقوني ماكاش لي دار حاجة من قلبوا إلا و نجح فيها فشحال من واحد راح دار تخصصات مكرها إما بسبب الوالدين أو بسبب الافكار المنتشرة في بلادنا ( فلان دار،، وفلانة دارت .. ) و ماطولش و بدل الى تخصصات اخرى و ضيع سنوات من حياتوا ..
.

الاختيارات متعددة و يمكنك ان تذهب بعيدًا ... فلا تتسرع في اختيارك !
.
مجرد رأي ~

راك غالط في تفكيرك كامل واش رايك في الوالدة نتاعي مزالها تقرا للان في الطب وتزوجت منذ 20 عام قبل ماتدخل للطب اصلا ماتفكروش في الدراهم الدنيا هاذي ماشي غير دراهم اقراو واجتهدو وكل حاجة في بلاصتها انت متلا ولد خيرت الطب تبغى تتزوج في 25 سنة اتزوج اشكوت لي راهو حاكمك ماركش باغي تتزوج واحد ما يسالك ولي يحوس على دراهم مايقراش كاين طرق بزاااف باش يجب الدراهم هذا واقع لانو لوكان نسقطو التخمام والتفكير نتاعك على الواقع نلقاو بلي كاين اشخاص جاهلين وعندهم اموال ما شاء الله مالا ماتخمموش هكا ربي يحفضكم

[houssemdza]

الطب +7 سنوات و المدارس العليا ريسك فالعامين اللولين :s