صيدلة vs طب الاسنان

[Emà Chéll]

السلام عليكم

بعد ان فقدت الامل في الطب نظرا لان الجميييع يقول ان معدله سيصل الى 16 و انا جبت 15.45 ... :mad:

اصبح الان الضغط على الاختيار الثاني .... الصيدلة هي شيء جمييل و اعشق مجال صناعة الدواء لكن فكرة اني ادرس لاعمل في بيع الدواء تجنني و الجمييع يقوول ان هذا هو مستقبلك كطالبة صيدلة في الجزائر

طب اسنان صراحه في حياتي كلها لم اتخيل نفسي سوى طبيبة

لكن طب اسنان ... لا ادري فقط لا احتمل العمل في الفم و الادوات .... الخ ... خاصة عندما اتذكر مظهر طبيبات الاسنان اللواتي اذهب عندهن لا احتمل ان اكون يوما ما في نفس الوضع

احيانا يصل بي التفكير في المدارس العليا للاساتذة لكن ... لا اعلم ...

لذلك ارجو رايكم في الموضوع و طبعا اذا امكن مع دلائل و امثلة كي اقتنع

و جزاكم الله خيرا

دعواتكم في ظهر الغيب لاختكم

[تراب الجنة]

ماذا تعنين بمظهر طبيبات الاسنان

[Emà Chéll]

ماذا تعنين بمظهر طبيبات الاسنان

اعني طريقة عملهن و الجلوس على ذلك الكرسي المتحرك و في يدك ادوات لتعملي بها في الفم ... شيء لا اتخيل نفسي افعله

[رميساء خولة]

الصيدلة حسب ماقالولي انها فيها مستقبل وزيد مافيهاش تعب بزاف واذا كنت من الاوائل رايحة تعملي في المخابر مثلا كيما قامنا واحد مخبر حاكمينه صيادلة هما يوجهوا في البيوليجيين وزيد لي يحب الراحة خاصة للمراة لاننا مننساوش بلي المراة ام مستقبلية لوكان نشوفوا من ناحية واحدة اخرى
وصدقيني نص لي تخرجوا مع اختي من الاطباء راهم في تشغيل الشباب يخدم غير لي عنده المال واحل وحده لكن في المقابل صيدلية تخرجت معاهم 26 سنة فقط تدي 10 ملايين لا اتحدث على المادة لكن اتحدت على الجهد والتعب هنا الطبيب يتعب اكثر لكن عمله متعب والصيدلي اقل تعب لكن عمله مضمون
اما طبيب الاسنان متقوليش مش مليح بالعكس راكي تقراي تخصص واحد ماش كي الطبيب عام ثم تخصص رايحا تركزي على حاجة واحدة واصبح طب الاسنان رقم 1 في امريكا

[مريم عادل]

الاخت طب الاسنان ماهوش تاع جزائر وطبيب اسنان هدا راه حاجه كبيره فالخارج والبلدان الخليجيه من حيث المال والمكانه لكن مهنة متعبه تتطلب صبر واتقان اهم شيء ومثل ماقالت الاخت راه دخله افضل من الجراحين في الطب
لكن لو ناتي للجزائر الامر يختلف عنده مشاكل ونجاحه مش كبير وقليل لفاتح وناجح ومش كامل عندهم الدراهم باه يفتح اضافه للتخصص القليل باش واحد يستمر
فلو هدفك الخارج وعندك باه تخرجي طب الاسنان راح يربح عليك طبعا ادا حبيتي المهنة مش وانتي تكرهيها
ناتي للصيدله ببساطه هدي علم كبيير وشاسع يكفي نقولك في امريكا راه عنده 360 مجال وظيفي لكن حنا حصرناه في صيدليه طبعا ادا كنتي تحبي الدراسه كملي دراستك وتخصي وتولي تخدمي في مستشفى ولا مخابر ولا تحلي مخبر التحاليل الطبيه ولا تقري فالجامعه
ولا عندك الزهره تقري فالخارج الكوسميتيك وتخدمي في ماركات عالميه شانيل ديور وتخدمي في مخابر تاعهم ولا كنتي طموحه حتى انتي ديري ماركه المهم هدا حساب طموحاتك
ولا تحبي تكوني مديرة عامه وتشرفي على صناعة الدواء ولا تكوني باحثه
ولا تحبي تروحي الامريكا وتخدمي في الصيدلة الاكلينكيه كاين تماك نفس تخصص طب صيدلي تاع القلب نتاع اطفال نتاع زرع الاعضاء ودروك مبقاش صيدلي العادي رجع طبيب صيدلي
والصيدله فيها تخصصات بيولوجية كيما علم المناعه والميكروبيو

[Emà Chéll]

اعتقد ان اختياري سيكون

طب
صيدلة
طب اسنان

و اللي اختارها ربي سبحانه فيها الخير انشاء الله

و انا راضية و فرحانه بيها و خاصة بالنسبة للطب و الصيدلة لانهما مسالة حب و شغف ليس مادة فقط

دعواتكم

[مريم عادل]

والله يااختي انا يغيدني مجال الصيدله وحالته في بلادنا تشوفي مصري افضل بروفسور فالصيدله تلقاي اخر عنده ثلاث شركات نتاع الدوه وهو اول من ادخل النووي فالصيدله وهو مصري تشوفي مغرابي عنده 70 بحث علمي 40 كتاب واخرى ولات بين 15 عالم راه منتظر يغيرو العالم باخترعاتهم تشوفي سعوديه صيدليه دخلت النانو لعلاج السرطان رشحوها لجائزة نوبل تجي الجزائر يقولك صيدله مكان مكان وتولي تاجر ايه وادا وليت تاجره وليت بزنيس ومن هما واش دخلهم احب العلم واحب الاعمال ووجدت في الصيدله اثنان في واحد والله يوفقنا ونحقو طموحاتنا

[Emà Chéll]

والله يااختي انا يغيدني مجال الصيدله وحالته في بلادنا تشوفي مصري افضل بروفسور فالصيدله تلقاي اخر عنده ثلاث شركات نتاع الدوه وهو اول من ادخل النووي فالصيدله وهو مصري تشوفي مغرابي عنده 70 بحث علمي 40 كتاب واخرى ولات بين 15 عالم راه منتظر يغيرو العالم باخترعاتهم تشوفي سعوديه صيدليه دخلت النانو لعلاج السرطان رشحوها لجائزة نوبل تجي الجزائر يقولك صيدله مكان مكان وتولي تاجر ايه وادا وليت تاجره وليت بزنيس ومن هما واش دخلهم احب العلم واحب الاعمال ووجدت في الصيدله اثنان في واحد والله يوفقنا ونحقو طموحاتنا

و الله معك حق اخت

ان شاء الله

انا الطب احتمااال بعيييد بزاف تصحلي لذلك على الاغلب صيدلة

و ان شاء الله ربي يجيب اللي فيه الخير

[hiso4a]

مننصحكش بالصيدلة par rapport dentiste لان الاولى فيها risq نتاع متلقايش بلاسة وين تفتحي ولا تفتحي في بلاسة مفيهاش الخذمة بصح dentiste تقراي حاجة وحدا وتعاونك ادا حبيتي تخرجي برا

[مريم عادل]

بصاح طب اسنان قاتلك متحبهاش اضافه ماهيش ساهله راها تعي بزاف

[ali1994k]

ديري الحاجة لي تحبيها
هذا النوع من المقارانات دائما لا يخرج بنتيجة لان جميع التخصصات في الجزائر لديها من العيوب ما يجعلك تهرب منها
اعتقد ان طب الاسنان بالنسبة لشخص من اسرة ميسرة ماديا قد يكون افضل من الصيدلة
لكن الصيدلة افضل من ناحية المستوى العلمي

[مريم عادل]

Implants dentaire : Emission spéciale : scéance de vidéos chirurgicales
لازم تشوفي طبيعة العمل