بين الصيدلة وطب الاسنان

[createur80]

السلام عليكم
انا متحصلة على معدل 15,12
رغم ان حظوظي في الحصول على الطب الا اني وضعته كرغبة اولى
لكني حائرة ما الذي ساضعه طخيار ثاني صيدلة ام طب اسنان
ضروري ان اكون دقيقة في الاختيار (لا شيئ مضمون )

خائفة من مستقبل الصيدلة لانه كما سمعت انه لم تعد تمنح لهم الموافقة لفتح صيدلية

وطب الاسنان معلوماتي محدودة عنه

[ضوء الايمان]

واش تحبي تعرفي على طب الاسنان

[createur80]

اي شيء
صعوبة او سهولة الدراسة
مستقبل طبيب الاسنان في الجزائر
وماذا تنصحيني كوني فتاة بكل حيادية اذا كنتي طالبة طب اسنان ؟
اين يمكنني ان اجد المتعة في الصيدلة ام طب الاسنان ؟

لعلمك اختي انا اجتزت البكالوريا كمترشحة حرة من اجل الطب لم اكن ارغب لا في صيدلة ولا في طب اسنان

ان خطرت في بالي اسلة اخرى لن اتردد في طرحها هههه

[~عبد السلام~]

مستقبل الصيدلة ليس محصور في فتح الصيدلبة

يمكنك تدريس بعض المواد في الجامعة
يمكنك اكمال الاختصاص - افضل خيار لكن بصراحة المقاعد محدودة
العمل في مستشفى
العمل ك délégué médicale -صعبة للبنات -
العمل عند صيدلي

[ضوء الايمان]

السلام عليكم الاخت انا طالبة طب اسنان
من حيث السهولة و الصعوبة ما كانش فرق بين الطب و الصيدلو و طب الاسنان فيهم كامل الحفظ لازمك تكوني مداومة يوميا تقراي و لكن اذا نظمتي روحك راهي ساهلة و لا عندك مشكل اللغة الفرنسية ماراحش تحسي بيه لانك تقراي حاجة علمية و كلمات علمية يعني حتى لو كنت مليحة فالفرونسي الكلمات العلمية ماراحاش تعرفيهم حتى تقرايهم
من حيث سؤالك انك فتاة و هل طب الاسنان مناسب اكيد مناسب و محترم جدا انت طبيبة و مهمتك باينة مافيه حتى احراج او مشاكل راح تتعودي التعامل مع المرضى
من حيث المتعة بالنسبة ليا طب الاسنان ممتع اكثر خاصة انك كنتي تحوسي على الطب يعني عندك نفس المهمة تاع اي طبيب اخر يعني واحد اختصاص كلى و الاخر انف و حنجرة و انتي اختصاص امراض الفمو الاسنان و هي ممتعة لكثرة التطبيق فيها يعني من السنةثانية او ثالثة رايحة تلقاي روحك تقراي و تمارسي فالمهنة خاصة السنة خامسة او السادسة راح يكون عندك مرصاك مخصصين ليك
الضيدلة في راي ماكالاه انا كانت عندي امكانية نديرها و مادرتهاش نحسها صامطة شوي مع كامل احتراماتي طبعا و زيد صعيبة باه تحلي بكري كانت مليحة على خاطر الصيادلة قلال درك اكثر من الصيدليات مكانش و زيد ممكن بعد جهد جهيد و معاناة يعطيوك لاجريموا في بالاصة بعيدة و اذا كنت حابة تكملي تقري فالجامعة ماش كل واحد يقدر يوصل لهاد الشي على خاطر المناصب جد محدودة
مستقبل طب الاسنان ممكن تقراي 6 سنين تخلصي تخدمي 2 سنين عند الدولة و مبعد تحلي عيادتك الخاصة او تكملي مع الدولة او تخدمي في عيادة خاصة و ممكن تخدمي و تكملي تقراي تدخلي تعقبي ريزيدانا و لا ديتي تديري تخصص كاين خمس تخصصات في الجزائر و ممكن تقراي بدراهمك في الخارج
في ما يخص الدراسة العام الاول رايحة تكونوا بعاد على التخصص تقراو anatomie histo biophisique phisique math chimie biochimie
سنة اولى قراية ساهلة شوي اهتمام تطلعي العام من السنة الثانية تدخلي في التخصص السنة ثالثة تحلى مع التطبيق
انا قتلك رايي و راي الناس لي نصحوني باه نديرها ...................ان شاء الله لا طارتلك اي مليحة و احسن من الطب و اذا قريتيها رايحة تتاكدي
بالتوفيق