كبر السن

[مشكلتي]

انا شاب اكملت مرحلة الليسانس في نظام lmd وانا مقبل على الماستر ان شاء الله اذا قبلوني طبعا , ولكني منيش راضي على شعبتي ابدا فقد وقع اختياري لها خطأ حيث في البداية كنت ادرس في شعبة اخرى ولم ايتطع ان اواصل فيها فقررت ان اغيرها فلم اجد غير هذه الشعبة وانا نادم على اختياري لها

المهم انا تحصلت على بكالوريا علوم تجريبية في الاصل ولقد قررت ان اجتاز هذا العام 2016 الباكلوريا واذا تحصلت عليها ان شاء الله أريد ان ادرس شعبة علمية واواصل فيها ولكن المشكل سيكون عمري 26 سنة العام القادم وسأكمل في 29 سنة وهذا ما يقلقني حيث اني كبير في السن ما رأيكم ارشدوني هل أكمل ام اواصل الدراسة في الماستر الفلسفة ماذا تقترحون علي
كبر السن عائق بالنسبة لي ودراستي هذه لا ترضي طموحي
هل توجد نماذج لكبار السن واصلوا دراستهم ونجحوا وتوظفوا ام لا؟؟؟

شكرا لكم

[houssem zizou]

كبر السن ليس بعائق ابدا أنا أعرف ناس كبار ياقراو في الجامعة و تلقاهم غير هم

26 سنة صغير أنا نعرف جماعة في الثلاثينات، الربعينات و حتى في الخمسينات و بالعكس تجدهم من المتفوقين

و كما يقال العوام أي تعدي حمامي نحي لعوام تع لقرايا و حطهم في الشوماج المهم الهمة توصل بإذن الله

[marauder]

وَمَنْ يتهيب صُعُودَ الجِبَـالِ يَعِشْ أَبَدَ الدَّهْرِ بَيْنَ الحُفَـر
كن سيد قرارك بالتوكل على الله
الذي يحيرني كيف تجعل قرار حياتك انت رهين مزاج الاخرين
نتا شتراك تحوس علاه باغي تعرف اراء الاخرين
للعلم معنا موالديد 77/64/....في الطب ونورمال ...
بالتوفيق لك اصدم ولا تلتفت
ان عزمت فتوكل على الله

[أمَةُ الرحمان]

السلام عليكم
أخي أنا قريبي كان سجينا لمدة 7 سنوات لكن هذا لم يمنعهُ من إعادة النظر في حياته أكمل الدراسة و تحصَّل على الباكلوريا علوم تجريبية و بمعدل ماشاء الله و الحمد لله خرج من السجن بعد مرور 7 سنوات من عمره و العام الماضي تخرَّجَ من معهد الصيدلة و الحمد لله دائما متفوّْق
و هذه السَّنة بالذات أعدا الباكلوريا لكن بحكم العمل و خاصة أنَّه تزوَّج و لديه رضيع لم يستطِع التَّركيو أكثر في الباكلوريا جيدا لكنه تحصَّل عليها و بمعدَّل 13
كلّْ هذا دليل على أنَّ العمر ليس عيب وهوالآن في الثلاثينات الله بارك
هذا يدلُّ على أنَّ الإرادة لا تُحطمها قيود السِّن أو كلام النَّاس ربي يوفقك و يعينك في تحقيق أمنياتك
سلام

[خالد عنابي2]

عادي هناك طلبة في الليسانسن سنهم يفوق الاربعين

شوف وش يخرج عليك اخي

[أمَةُ الرحمان]

وَ أنا معي طالبة و الله متزوجة و عمرها يُقارب عمر أمي و لكن الحمد لله هي في السنة رابعة جامعي وناجحة و ربة بيت ماشاء الله
و ان شاء الله نتخرج السنة القادمة و نحمل الشهادة

[زهير12]

الله يوفقك ..............

[أم محمد ساجد]

العلم لا يقاس بالسن ولا بالعمر توكل على الخالق مادام الرغبة موجودة ومادام مشاكل محدودة

[قمر الزمان هدى]

نورمال راك كبير صح بصح واش فيها

[كلنا راحلون]

السن لا علاقة له بحياة انسان

شاب درس وقاسا في اخير داهب الى اوربية وماكان مدخل فكرة في راسو

يعني انتا دير اسباب


واسئل ....هل أكمل ام اواصل الدراسة في الماستر الفلسفة.................نتمن يساعدوك من درسو فلسفة

هل توجد نماذج لكبار السن واصلوا دراستهم ونجحوا وتوظفوا ام لا.....................صدق او لا تصدق درست من اجل تحقيق امننية والدي ومادرست فجامعة بمعن طالب جامعي وغيابات وعاوت بزاف وتخرجت وتوظفت ويا ليت زمن يعود الى وراء لتحقيق امنيتي


أريد ان ادرس شعبة علمية........راك عارف ............lmd....................

يعن تدرس علوم تفنيات وبغد سنة ونصف ادرس اشغال عمومية ساهلة بزاف او هندسة مدنية شوية تركيز








الله يسهلك

[عبيدة41]

كل شيء عادي في بلادي

[rania81]

نصيحة ليك اذا بانتلك الماستر كمل فيها. وعاود الباك وسجل و بلوكي العام نتاعك وهكذا تصيب روحك ربحت عصفرين بحجر واحد.اما بالنسبة لكبر السن فاعلم في الجامعة لا مشكلة في السن.وانا كملت الجامعة و توظغت و كي فات خمس سنين عل التخرج عاودت الجامعة عادي وامل موظفة و كنت من اوئل الدفعة لولا بعض المشاكل تلتسرية التي اجبرتني عل الانقطاع السنة الثالتة.

[dania12]

مازالك صغير اخي

[first first]

كمل .........بكل اختصار ..........لان العمل بشهادة ماستر اجره افضل من العمل ب ش ليسانس.....هاذي من جهة.....وبما انك ذكر فانت طبعا يهمك الاجر مستقبلا اليس كذلك؟؟
من جهة اخرى .........كي ماتكملش ياااخي الجزائري وتحبس في ليسانس هل تعتقد ان ميادين العملفي الجزاير ستحتضنك بكل حنان مباشرة ؟؟؟؟يعنى ببساطة قادر عامين تاع ماستر تقضيهم شوماج ....وكون درتهم ماستر ماشي خير؟؟؟؟؟؟
26سنة ..........ماتخلعش روحك راح تقرى عامين برك ...........كون جا الماستر هذا 20سنة كون نقولك عاود خمم مليح
نصيحة من اختك ........اااا قبلوك ....كمل اقرى
وربي ينورلك طريقك ويبارك فيك

[intissar98]

ربي يفرجها عليك

[ندى العالم]

كبر السن ليس بعائق
اقرا في صغرك
تجد لكبرك

[besboussa]

Wallah hada moujarrad tweswis, ana na3raf wahed der haja mayhabhach w ki fat 40. Sna der takhassos li habou w njah...w nes kamel mou3jabine bih...ya akhi. Hadi 9raya machi jyaha....matesma3 lhatta wahed yhab yhatmek...otlobou l3ilma mina lmahdi ila lahdi.

[بنت لبحر]

كي قريت المشكل في بالي راك شيخ كبير

مزالك صغير و حتى لو توصل 29 سنو

متخممش خلاص في العمر كااين اكبر منك و راهم يقراو عادي

بالتوفيق

[amine eco]

اخي انا كنت اكره تخصصي وكملت فيه وجبت دكتوارة

انصحك بمواصلة دراسة لانك تتخرج في عمرك 29 لا تاويل لا خدمة و خدمة عسكرية مشكل كبير

نصيحة وانت دبر راسك

[cezar algerien]

26 سنة كبير فالسن؟ ولي عندو 30 و 35 و 40 وانس راهي تقرى ونورمال؟

اقرى على روحك وحط راسك كاين بزاف ناجحين، نعرف ناس كثير أكبر منك وحطو ريسانهم واقراو وراهم أساتذة جامعيين وناجحين في حياتهم ولاباس بيهم،

[ايمان4]

اظن يا اخي ادرس الماستر و كمل ... و ان شاء الله تصيب مدرس في الثانوية ... ممبعد كي تبدا تخدم دفع عاود الباك دير لي بغيت قرا و اخدم ف نفس الوقت خاطرش خاصك تلم باش تدير عائلة .... يعني تدير الاثنين و ربي يوفق