قاطو العيد هبلني الخبيرة تساعدني

[ام طيري الجنة]

الفاصلة3
السلام1
صح فطوركم حبيباتي
العيد قرب و رانا مع التلباز و العجين وووو لكن كثيرا ما تعترضنا مشكلات مثل الوصفة اللي نسيناها او القاطو تفتتت او ماصلحش او القلاصاج ما يبسش او او او راكم عارفين و نوليو كيما هكذا :mad::mad::mad::mad::mad::mad::mad::sdf::sdf::sdf: :sdf::sdf::sdf:
لذا قلت اندير هذ الموضوع باش نفيدو بعضنا و نستفادو من الخبيرات و ربي يجازيهم خيرا
اللي عندها سؤال او راها حايرة تتفضل تسأل و الاخوات الخبيرات يجاوبو و يكون في ميزان حسناتهم يا رب

[ام طيري الجنة]

انا نبدا واش هي افضل انواع الشكولا نتاع القلاصاج و خاصة البيضاء

[~رآقية بأخلآقي~]

لم أعد أعتمد على ذاكرتي...وليت وين نحب نطيب حاجة نشوفها من الانترنت وخلاص حتى الصابلي هههههههه

وان شاء الله نستفادو من الأخوات حتى بنصيحة والا فكرة

اللهم إنك عفو تحب العفو فاعف عنا

[ام محمد 2013]

عقدة حياتي الشيكولة البيضاء

[روضة 88]

ام نسرين راهم كامل يشكرو في فيحيكاو سواء السوداء او البيضاء

اما الاخت لايدي كانت تستعمل حبيبات الشيكولا البيضاء.

[sirina_angel]

بالتوفييييييييييييييييييييييييييييييييق

[ام طيري الجنة]

لم أعد أعتمد على ذاكرتي...وليت وين نحب نطيب حاجة نشوفها من الانترنت وخلاص حتى الصابلي هههههههه

وان شاء الله نستفادو من الأخوات حتى بنصيحة والا فكرة

اللهم إنك عفو تحب العفو فاعف عنا


كامل رانا كيفكيف اختي الذاكرة en panne ههه الله يجيب الخير

[ام طيري الجنة]

عقدة حياتي الشيكولة البيضاء

ان شاء الله اختي ماتوليش عقدة بعد ما يفيدونا الاخوات الخبيرات

[ام طيري الجنة]

ام نسرين راهم كامل يشكرو في فيحيكاو سواء السوداء او البيضاء

اما الاخت لايدي كانت تستعمل حبيبات الشيكولا البيضاء.

بارك الله فيك على المعلومات القيمة و في ميزان حسناتك حبيبتي روضة
اطا تقدري قوليلي احسن طريقة لاذابتها

[djamell 2015]

افضل نوعية الشوكولا البيضاء هي__موكا في علبة بلاستيك

[ام طيري الجنة]

افضل نوعية الشوكولا البيضاء هي__موكا في علبة بلاستيك
شكرا حبيبي في ميزان حسناتك
كيفاش اذوبيها لان احيانا تفسدنا كي نجيو نذوبوها

[ام انفال 07]

شكرا اختي ام نسرين على هذا الموضوع القيم اما تساؤلاتي فكثيرة ارجو ان اجد لها احابة نبداو بمول اسيليكون كفياه نستعملو في الفرن وماتضحكوش عليا عندي شحال من نوع ولكن نهاب نستعملهم

[أم هنيدة]

مبادرة طيبة اختي ام نسرين الله يجزيك خير والله في عون العبد ما كان العبد في عون أخيه

ننقلكم نصائح الهام07 وتجربتها الناجحة في تذويب الشكولاطة البيضاء

نصائح العزيزة الهام لاذابة الشكلاطة البيضاء بنجاح


أنا أيضا كان عندي مشكل مع الشكلاطة البيضاء نتاع الميزان، كانت إما ترجع حبيبات كي العجين وتصفي الزيت نتاعها او حتى كي تصلح طعمها حاشى النعمة تقول صابون ولكن بفضل الله ثم مساعدة الاخوات الحمد لله وليت نلعب بيها لعب وكل مرة نغير في الإضافات وجي :
اكيد مانبخلش عليك بزاش تعلمت هذو هوما الأسرار :
1- رابيها في la râpe طبعا قبل ماتحطيها تذوب
2- لازم لازم لازم تذوبيها فوق حمام مائي لازم
3- النار ماتكونش قاوية
4- ماتتقلقيش وماتحركيهاش خليها تذوب على مهلها
5- باش جيك بنينة نحط معها شوية حليب ( شوية برك ) يكون خاثر ( تخثريه بشوية لحظة ) وتخليها تذوب في عقلها
6- كي تشوفيها ذابت يعني معظمه حركيها تلقايها
7- إذا حبيتي تلونيها او جيك ريحتها ليحة ممكن تضيفي مع الحليب الملون او النكهة اللي حبيتي : نوازات أو فانيلا أو .... هذو تذوبيهم في الحليب
8- حذاري ماشي حتان تذوب باش تحطي الحليب لالا كلش تحطيه من الاول وتخليها تذوب ثم تخلطيها مليح وتخدمي بيها

نشكر كل الاخوات اللي ساعدوني وضرك الحمد لله بعد ماكنت نرمي نصفها وتفسدلي وديما نشري ضعف الكمية اللي محتاجة لانو تفسدلي ضرك الحمد لله:
هذي درتها فوق الحلوى الرخامية نتاع ام أماني بيضاء اللون

[ام طيري الجنة]

شكرا اختي ام نسرين على هذا الموضوع القيم اما تساؤلاتي فكثيرة ارجو ان اجد لها احابة نبداو بمول اسيليكون كفياه نستعملو في الفرن وماتضحكوش عليا عندي شحال من نوع ولكن نهاب نستعملهم

العفو اختي و علاش نضحكو عليك كامل رانا نتعلمو مول السيليكون انا تاني ما نستعملوش بزاف بصح اللي نعرف انك تدهنيه مليح قبل ما تحطي القاطو و تحطيه فوق بلا اخر باش تقدري ترفديه بسهولة للهرن او من الفرن و تعسيه مثل اي بلا اخر و يزيدو يفيدوك الاخوات

[ام طيري الجنة]

مبادرة طيبة اختي ام نسرين الله يجزيك خير والله في عون العبد ما كان العبد في عون أخيه

ننقلكم نصائح الهام07 وتجربتها الناجحة في تذويب الشكولاطة البيضاء

بارك الله فيك و في ميزان حسناتك الاخت الهام نصائحها تقطع الشك باليقين جزاها الله و جزاك خيرا كثيرا

[ام انفال 07]

شكرا ام نسرين واثابك الجنة ورزقك الله بتوام بهي الطلعة وسميهم قصي وعدي اامممممممممييييييييييين

[ام طيري الجنة]

شكرا ام نسرين واثابك الجنة ورزقك الله بتوام بهي الطلعة وسميهم قصي وعدي اامممممممممييييييييييين

ااااااميييييين يا رب بوركت اختي الكريمة

[ام انفال 07]

سؤالي الثاني حول صابلي الزيت نتاع ريهام كمية السكر شحال ندي في 3 بيضات وهل لازم يتخلط باليد والعجينة تكون طرية ولا قاسية

[joujou2014]

7abit nsa9sikoum 3la l3ajina si7riya ida na9dar ndirha ba7lib la7dha whal tans7oni ndir biha tcharak tji khir mal3jina l9dima w3la l7achw ta3 tcharah yjini yabas wach ndirlou whal nkhlih yraya7 bach yji m3assal balkawkaw t3ichou rani nastana

[محبة عبد الرحمان]

جزاك الله خير أنا سؤالي على المول نتاع الشوكولا الي استعملاتو الشيف ام أماني في حلوى الكابريس شريت كيفو لكن كي درت فيه الشوكولا ما حبتش تتنحالي راني حصلت

[om romaissa]

وانا سؤالي على القلاصاج كيفاش ما يجيش يابس ويجي يبرق

[ام رويدة]

7abit nsa9sikoum 3la l3ajina si7riya ida na9dar ndirha ba7lib la7dha whal tans7oni ndir biha tcharak tji khir mal3jina l9dima w3la l7achw ta3 tcharah yjini yabas wach ndirlou whal nkhlih yraya7 bach yji m3assal balkawkaw t3ichou rani nastana

يا اختي انا نعتمد ها في التشارك جي خير من التقليدية
بصح بلحظة الله اعلم ماجربتهاش

اما الحشو ييبس فهد راجع لمدة الطهي اكيد كي يطول في الفرن ييبس الحشو
طيبيها على نار متوسطة حتى لون العجين مالفوق يبان ابيض نوعا ما

شعليلو مالفوق يصفار شوية برك ونحيه

[ام رويدة]

موضوع رااائع ام نسرين

بارك الله فيك

[زهرة الريف*]

شكرآ أم نسرين وطيري الجنة إن شاءالله المبادرة تلقى تفاعل من الأخوات ويستفيد الجميع
انا عن نفسي استعمل فيجيكاو السوداء أما البيضاء فحالي من حال بعض الأخوات متصلحليش

[بسمة صيف]

والله اختي الذاكره معطله ههههه

[sabrina206]

7abit nsa9sikoum 3la l3ajina si7riya ida na9dar ndirha ba7lib la7dha whal tans7oni ndir biha tcharak tji khir mal3jina l9dima w3la l7achw ta3 tcharah yjini yabas wach ndirlou whal nkhlih yraya7 bach yji m3assal balkawkaw t3ichou rani nastana

صح سحوركم أخواتي و ربي يعينكم على الحلاويات
مشكورةةةةةة أختي أم طيري على هذا الموضوع الرائع في ميزان حسناتك
أختي مانيش خبيرة بصح حبيت نشارك و نجاوبك عزيزتي بالنسبة للعجينة السحرية راهي مليحة خاصةً للي عندهم مشكل في العجينة التقليدية و متصلحلهمش خاطرش التقليدية عندها مقاييس في الخلط elle est un peu délicate عكس السحرية ساهلة بصح للأمانة العجينة السحرية رغم انتشارها منذ سنوات لكن نفضل التقليدية صراحتًا ذوقها وحدو
بالنسبة لحليب البودرة أو كما نقولو لحظة آيه تقدري تضيفه أحسن من استعمال لحليب شوفي اذا رايحة تستعملي العجينة السحرية ديري كيلة زيت +كيلة سمن+كيلة ماء زهر حلي فيها شوية تاع لحظة و خلطي + لافاني و تنشفي الفرينة خليها ترتاح و بداي تشكلي الحلوة نتاعك جربي حبة طيبيها اذا ماحكمتش الشكل نتاعها la forme يعني العجينة خصتها الفرينة و بالتالي زيدلها و كملي الحلوة نتاعك و طيبيها في فرن سخون على درجة حرارة 180 لا أكثر أنا تطيبلي على الجهتين مرة وحدة
"كما نقولو التشاراك بنته و le charme ديالو في ريحة ماء الزهر"
بالنسبة للحشوة أختي ديما ندير باللوز بصح بالكاوكاو شوفي ما تحمصيهش أرحيه متوسط كما تاع مقروط اللوز و زيدي لافاني و كل 3 كيلات كاوكاو بكيلة ناقصة. 2 أصابع سكر عادي خلطي مليح و زيدي شوية ماغرين أو سمن طري و خلطي و شمخي ب ماء الزهر قيس ما تحكم روحها برك ماشي أجريها ردي بالك كما تقدري تزيدي شوية قشور القارس للحشوة حسب الرغبة
نتمنى نكون أفدتك أختي

[غفران 2]

سلام
يعطيك الصحة اختي على الموضوع والله جا في وقتو
البارح اختي حصلت مع المقروط هو جا مليح بصح كي عسلاته يبس عليه العسل وراهي تسقسي كيفاه دير وشكرا مسبقا

[صابوني مريم]

فيجيكاو احسن قلاصاج و بدون اضافات فقط اذابة في حمام مائي معتدل الحرارة

[sabrina206]

عقدة حياتي الشيكولة البيضاء
أختي راهي الغالية الهام جزاها الله كل خير كفات و وفات بنصائحها الرائعةةةة كعادتها
نقولك برك راني جربت شوكولا بوجدير البيضاء ألي جي في علب البلاستيك تاع 500غ مليحة و أيضاً فيجكاو البيضاء تعب شوية بصح مليحة أيضاً في الحالتين ترابي الشوكولا بالسكرفاج و ديريها في كسرونة و تحطيها في كسرونة أكبر منها فيها كمية من الماء و ضعيها فوق الفرن على درجة حرارة أقل من متوسطة خليها لمدة بدون تحريك بعدها مسيها اذا شفتها ذابت تماك حركيها خاطرش كاين حبيبات دقيقة تذوب بالتحراك بسرعة و تتوزع بالتالي الحرارة بنفس الدرجة
هنا نحيها من الحمام المائي و ضيفلها شوية زيت مع ملون غذائي أبيض خاطرش الملون رايح ينحيلها اللون الباهت و حركي مليييييح بالسباتولا أو الملعقة العادية و ما ترهبيهاش و ثقي في روحك دايمن و كملي حركي هنا التحراك مهمممممم بعدها راح تتجانس و استعمليها
البارح خدمت حلوة و استعملت شوكولا بيضاء اسمها "تيسير" راه غلافها بنفسجي من صنع باتنة شربتها ب 270 دج للكيلو رابيتها و ذوبتها و مازدتلها حتى حاجة و الله تهبلللللل بلخف ذابت و لونها أبيض ناصع كأنها لاموس ماهوش اشهار بصح ننصحكم بيها أخواتي

وفقنا الله لما يحبه و يرضاه و نسأله الثبات دوما

[أم رياض]

شكرا اختي ام نسرين على هذا الموضوع القيم اما تساؤلاتي فكثيرة ارجو ان اجد لها احابة نبداو بمول اسيليكون كفياه نستعملو في الفرن وماتضحكوش عليا عندي شحال من نوع ولكن نهاب نستعملهم

السلام عليكم ، فيما يخص مول السيليكون فهو سهل الاستعمال ما تدهنيش لأنو ما راحش يلصق و لازم تحطيه فوق سنية باش يسهل عليك تحمليه لأنو مع الحرارة يصبح المول طري بزاف و سخون .
ملاحظة : العجينة تكون سائلة أو متماسكة تشكليها كويرات و تحطيها في في المول و تعبزي بيدك باش تشد la forme تاع المول.

[ام انفال 07]

شكرا على الاجابة بارك الله فيك وجزاك خيرا

[sabrina206]

جزاك الله خير أنا سؤالي على المول نتاع الشوكولا الي استعملاتو الشيف ام أماني في حلوى الكابريس شريت كيفو لكن كي درت فيه الشوكولا ما حبتش تتنحالي راني حصلت

أختي بالنسبة للشوكولا التزيين أولا تأكدي بلي استعملت شوكولا مليحة و دربها في حمام مائي بدون أي إضافات و عمري قالب الشوكولا ديالك ثم حطيه في الثلاجة حتى تقساح الشوكولا و تأكدي من هذه النقطة و بعدها أنزعيها
و دوك يدخلو الأخوات و يزيدو يفيدوك

[sabrina206]

سؤالي الثاني حول صابلي الزيت نتاع ريهام كمية السكر شحال ندي في 3 بيضات وهل لازم يتخلط باليد والعجينة تكون طرية ولا قاسية

بالنسبة الصابلي أختي ديري كأس و نصف سكر ل 3 بيضات و اذا ما تحبيش الحلاوة نقصي شوية و ديري كأس واحد..و السكر العادي يكون حبيباته رقيقة من الأفضل..كما تقدري ديري خليط من سكر عادي و سكر غلاص
و العجينة ما تكونش قاسية أي كما تاع الصابلي
موفقة ان شاء الله

[sabrina206]

سلام
يعطيك الصحة اختي على الموضوع والله جا في وقتو
البارح اختي حصلت مع المقروط هو جا مليح بصح كي عسلاته يبس عليه العسل وراهي تسقسي كيفاه دير وشكرا مسبقا

حسب واش فهمت لعسيلة تسكرت خسارة بصح قوليلها تحاول تنفض حبات المقروط بمنديل نقي و تجرب تخدم عسيلة جديدة و تشوف طريقة جيدة كما تاع الأخت أم أنس 69 و هي سخونة تعاود تعسل مقروطها من جديد و تشوف خاطرش السكر تغلغل في حبات المقروط و نتمنى الطريقة تصلحلها
و الله أعلم

[0ibtissam]

جزاكي الله خير بارح جربت شكولا تاع لقلاساج مجتني مليح باش تنصحني

[sabrina206]

شكرا اختي ام نسرين على هذا الموضوع القيم اما تساؤلاتي فكثيرة ارجو ان اجد لها احابة نبداو بمول اسيليكون كفياه نستعملو في الفرن وماتضحكوش عليا عندي شحال من نوع ولكن نهاب نستعملهم
أختي علاش نضحكو رانا كامل هنا باش نتعلمو و واحد مازال معلم كما يقولو ألي يسقسي مايتوهش:19: حسناً بالنسبة لقوالب السيلكون عموما حطيهم في سنيوة تاع الفرن أولا و عندهم عدة استعمالات أي تستعمليهم في العجائن السائل كما المادلان و البابا و....هنا تدهنهم و ترشي الفرينة عليهم ثم عمريهم
و كما تستعمليهم في العجينة الطرية و ناشفة كما الصابلي و الجلجلانية و.......هنا بدون دهن يعني ديري كريات و دخلي كل كرة في حفرة تاع المول و ورتبيها و مشيها مليح بأصابعك باش ما تتشقاقش و ما جيكش محفرة الحبة
ديريهم في الفرن و كي تطيب الحلوة ديالك خرجي السنيوة من الفرن و خلي الحلوة تبرد شوية بعدها نحي الحبات ديالك باش ما تتفتتش يعني تحافظ على شكلها
كما تستعمليهم للتزيين بالشوكولا و تذويبها بدون إضافات و أدهني القوالب بواسطة البانسو و دخلي حبات الصابلي فيها بالضغط الخفيف باش تحكم لافورم و خليها تبرد مليييح باش تقساح و بعدها أنزعيها كما تقدري أيضاً تستعمليهم لصنع الشوكولا المحشية بأنواعها حسب الحجم ألي عندك
ما تنسايش قبل ما تزيدي تطيبي فيهم نضفي المول ديالك من الشوائب باش أجيك الحلوة ديالك شابة و الخدمة نقية
كي تكملي طياب الحلوة كامل أغسليهم عادي و قطريهم مليح باش تخبيهم

بارك الله فيك أختي أم طيري مرة أخرى على موضوعك الرائععععع كروعتك ألي راه فائدة للكل يعطيك الصحة
يوم موفق و سعيد للجميع

[ام هاديل وياسين]

بارك الله فيك ام طيري الجنة موضوع مفيد

عندي مشكل في المكيال حابة عبر تاع 250 ملل ومعنديش الميزان شكون تفيدني

بواش نعبر ؟

[jana ns]

اختي كاس تاع قازوز كبير فيه 250 مل. ولكان عندك بيبرون قديمة قيسي بيها.

[sabrina206]

بارك الله فيك ام طيري الجنة موضوع مفيد

عندي مشكل في المكيال حابة عبر تاع 250 ملل ومعنديش الميزان شكون تفيدني

بواش نعبر ؟
أختي شوفي هادوك الأكواب ألي يجو بأحجام مختلفة لكبير يعني ألي مكتوب فيه واحد كوب(1كوب) هو ألي يوزن 250ملل =ربع لتر و إذا عندك علبة مارغرين تاع بلاستيك ألي توزن 250 غ لابال أو ماني عمري السائل حتى الخط الأول يعني ماشي كيلة مملوءة
ولا أحكمي شكارة حليب و أقسميها على 4 كيلات متساوية و أحكمي كيلة واحدة استعمليها هذاك هو ربع لترة أو 250ملل
نتمنى نكون وصلتلك الفكرة أختي
سلامي

[ام ريان عبدالله]

درت قاطو كندر جا روعة مي لبات شويم مرة
حبيت نسقسيك شكون لقلاساج لمليح الابيض او الاسود

[ام لوجين وهديل]

شكرا علي الموضوع هدا الموضوع كامل النساء يفرحو بيهالي تعرف ولي تتعلام الي نص نصفي ميزان كل وحدة تمد واش عندها وما تبخلش بنصيحة ان حاب وصفت المشوك تكون مليحة ومضمونة

[zizy princess of alg]

جزاكم الله كل الخير سؤال حيرني انا درت البارح قاطو ليمول بحشوة غاناش الشوكولا تاع ام اماني و منبعد تولهت انها قالت الغاناش يبقى 15يوم كيفاه يعني بعد 15 يوم يفسد القاطو?????............... اتمنى ما تبخلونيش بالاجابة.....................

[~رآقية بأخلآقي~]

السﻻم عليكم..

شكراااا للأخوات ونصائحهن خاصة تاع الشيكولة البيضاء جات في وقتها...

وحبيت نسقسيكم شكون جربت تورق البقﻻوة بالنشاء في بﻻصة السمن...كنت شفت ام اماني دارتها وخرجتلها مليحة و انا خفت نغامر
+ الحشو ندير كيلة كاوكاو بنص كيلة سكر؟؟؟ واﻻ كيلة بكيلة؟؟!!!!!

[~رآقية بأخلآقي~]

جزاكم الله كل الخير سؤال حيرني انا درت البارح قاطو ليمول بحشوة غاناش الشوكولا تاع ام اماني و منبعد تولهت انها قالت الغاناش يبقى 15يوم كيفاه يعني بعد 15 يوم يفسد القاطو?????............... اتمنى ما تبخلونيش بالاجابة.....................


خرجلك مليح كي جربتيه؟؟؟ حابة نطيبه حتى انا

[*ام بثينة*]

صباح الخير

مزية لقيت هذا الموضوع ليل قاع و انا نقول الصباح نكتب موضوع و نسقسيكم
البارح درت قريوش تع ام اماني الحبات لولين جاوني ملاح و لعجينة هابلة بصح كعاودت لعجينة ولات مطاطية بزاف و مقدرتش نكسلها بالحلال

و ش ندير بيها
انا درتها في بلاستيك و درتها في الثلاجة
دبرو عليا وش ندير بيها
كيف اتفادى هذا المشكل مستقبلا

وشكرااااااااااااااااااااااا

[zizy princess of alg]

خرجلك مليح كي جربتيه؟؟؟ حابة نطيبه حتى انا

ايه خرجلي بنين و باهي مي مفهمتش بعد 15 يوم ادا يفسد و الله حايرة+++++انا جربت البقلاوة مورقة بالنشاء و جاتني مليحة و سااهلة و دوكا رايحا نزيد نديرها

[ام طيري الجنة]

السلام عليكن و رحمة الله تعالى و بركاته
بارك الله فيكن اخواتي الكريمات دائما سبّاقات لفعل الخير جزاكن الله خيرا و جعل عملكن هذا في ميزان حسناتكن
و الله انا الاولى تعلمت معاكم اشياء كثيرة من خلال الاجابات اللي قدمتوها يعجز اللسان عن شكركن
ومادابيا لوكان نقدر نجاوب على كل اخت لكن انا اني في ميدان القاطو مازلت تلميذة و نحب نتعلم منكم جزاكن الله خيرا
نتمنى كل وحدة تحط سؤال يهتمو بها الاخوات اللي تعرف و لو ابسط شيء و تجاوبها مشكورة
انا نجاوب على هذ السؤالين اللي نعرفهم

درت قاطو كندر جا روعة مي لبات شويم مرة
حبيت نسقسيك شكون لقلاساج لمليح الابيض او الاسود
اختي اولا بصحتكم و قاطو كندر جاك مر لان الكاكاوو بلاك مر بزاف المرة الجاية بدلي النوعية لكن ماعليش اذا مازال ما استعملتيش القلاصاج كي اديريه راح يغطي على المرورية و يكون متوازن في الحلاوة
و القلاصاج الحقيقي نتاعو هو بالشوكولا البيضا تقدري اديري غي دويرة من الفوق يعني على سطح الحبة ماشي شرط تغطسيها كامل و اديري خطوط سوداء
ان شاء الله نكون افدتك
السﻻم عليكم..

شكراااا للأخوات ونصائحهن خاصة تاع الشيكولة البيضاء جات في وقتها...

وحبيت نسقسيكم شكون جربت تورق البقﻻوة بالنشاء في بﻻصة السمن...كنت شفت ام اماني دارتها وخرجتلها مليحة و انا خفت نغامر
+ الحشو ندير كيلة كاوكاو بنص كيلة سكر؟؟؟ واﻻ كيلة بكيلة؟؟!!!!!

اختي انا تاني كنت اندير البقلاوة بالسمن بين الطبقات لكن كي جربت نتاع ام انس بالمايزينة اصبحت تجيني ساهلة و مورقة المهم تبعي الطريقة حرفيا نتاع ام انس او ام اماني و كثري المايزينة بين الطبقات وورقيهم مع بعض مرة وحدة تجي هااايلة و مقرمشة
اما العقدة نورمالمون كيلة سكر + 3كيلات لوز او كاوكاو
ان شاء الله نكون افدتك

[ام ريان عبدالله]

شكون تمدلي روسات تاع قاطو بالسمن تكون ناجحة

[~رآقية بأخلآقي~]

شكراااا أم طيري الجنة و ويزي برنساس...بارك الله فيكما...^_^

[nesrinwarda]

السلام عليكم ورحمة الله وبركاته
درت الشراك العريان العجينة خرجة ناشفة و صعيبة في الخدمة ، كل مرة نعاود نشمخها ب ماء الزهر، تمتم تعاود تنشف، surtout راني كل يوم نخدم غير شوية فيها، ماقدرتش نكملها في نهار، تعبتني، إنشاء الله غدوة نكملها، واش نقدر نزيدلها باش تطرى العجينة.

[ام هاديل وياسين]

شكرا ليكم اخواتي جنى وصبرينة على الافادة ونصائح الله يجازيكم كل خير

[ام هاديل وياسين]

شكون تمدلي روسات تاع قاطو بالسمن تكون ناجحة

تفضلي اختي هادو لاغوسات بسمن لام اماني وثاني راه عندها التشاراك راني مجرباتو شحال

من مرة والله غير هاييل

http://www.djelfa.info/vb/showthread.php?t=1776283

[ام ريان عبدالله]

تفضلي اختي هادو لاغوسات بسمن لام اماني وثاني راه عندها التشاراك راني مجرباتو شحال

من مرة والله غير هاييل

http://www.djelfa.info/vb/showthread.php?t=1776283

شكرا ختي يعطيك الصحة

[sabrina206]

السلام عليكم ورحمة الله وبركاته
درت الشراك العريان العجينة خرجة ناشفة و صعيبة في الخدمة ، كل مرة نعاود نشمخها ب ماء الزهر، تمتم تعاود تنشف، surtout راني كل يوم نخدم غير شوية فيها، ماقدرتش نكملها في نهار، تعبتني، إنشاء الله غدوة نكملها، واش نقدر نزيدلها باش تطرى العجينة.
أختي عجينة خصها السائل جابلي ربي كثرتي الفرينة و الله أعلم المهم ضيفلها حليب بارد راح يطريها أو أخفقي حبة بيض كاملة و لمي بها عجينتك الإضافة تكون غير بشوية باش تتحكمي بطراوة العجينة المرغوبة
موفقة:dj_17:

[nesrinwarda]

أختي عجينة خصها السائل جابلي ربي كثرتي الفرينة و الله أعلم المهم ضيفلها حليب بارد راح يطريها أو أخفقي حبة بيض كاملة و لمي بها عجينتك الإضافة تكون غير بشوية باش تتحكمي بطراوة العجينة المرغوبة
موفقة:dj_17:

السلام عليكم ورحمة الله وبركاته
بارك الله فيك ,حبيبتي على الجواب

[OUM TAKIEDDINE]

السلام عليكم
رجاءا درت غريبية ام كوثر ولما نطبعها بطابع الوردة تلصق وتتنحى بصعوبة ويفسد شكلها واش الحل

[*ام بثينة*]

راني نستنا في حلولكم يا خبيرات

جزاكم الله خيرا
متنساونيش

[sabrina206]

شكون تمدلي روسات تاع قاطو بالسمن تكون ناجحة

[CENTER]أختي شوفي أي وصفة تقليدية كما تشاراك بأنواعه(معسل،العريان،لمسكر و بالطلية) و أيضاً البقلاوة و المقروط.....
كما تقدري تستعمليه في les gâteaux secs و تعوضي المارغرين بالسمن كما الصابلي و مول الشاش و........يخرجو روعةةةةةةة عن تجربة
هادو كأفكار فقط أختي و أنت زيدي شوفي مع الأخوات

[joujou2014]

يا اختي انا نعتمد ها في التشارك جي خير من التقليدية
بصح بلحظة الله اعلم ماجربتهاش

اما الحشو ييبس فهد راجع لمدة الطهي اكيد كي يطول في الفرن ييبس الحشو
طيبيها على نار متوسطة حتى لون العجين مالفوق يبان ابيض نوعا ما

شعليلو مالفوق يصفار شوية برك ونحيه

merci bcccccp ndir nasi7a ta3ak

[غفران 2]

حسب واش فهمت لعسيلة تسكرت خسارة بصح قوليلها تحاول تنفض حبات المقروط بمنديل نقي و تجرب تخدم عسيلة جديدة و تشوف طريقة جيدة كما تاع الأخت أم أنس 69 و هي سخونة تعاود تعسل مقروطها من جديد و تشوف خاطرش السكر تغلغل في حبات المقروط و نتمنى الطريقة تصلحلها
و الله أعلم

شكرا اختي يعطيك الصحة على الرد

[joujou2014]

صح سحوركم أخواتي و ربي يعينكم على الحلاويات
مشكورةةةةةة أختي أم طيري على هذا الموضوع الرائع في ميزان حسناتك
أختي مانيش خبيرة بصح حبيت نشارك و نجاوبك عزيزتي بالنسبة للعجينة السحرية راهي مليحة خاصةً للي عندهم مشكل في العجينة التقليدية و متصلحلهمش خاطرش التقليدية عندها مقاييس في الخلط elle est un peu délicate عكس السحرية ساهلة بصح للأمانة العجينة السحرية رغم انتشارها منذ سنوات لكن نفضل التقليدية صراحتًا ذوقها وحدو
بالنسبة لحليب البودرة أو كما نقولو لحظة آيه تقدري تضيفه أحسن من استعمال لحليب شوفي اذا رايحة تستعملي العجينة السحرية ديري كيلة زيت +كيلة سمن+كيلة ماء زهر حلي فيها شوية تاع لحظة و خلطي + لافاني و تنشفي الفرينة خليها ترتاح و بداي تشكلي الحلوة نتاعك جربي حبة طيبيها اذا ماحكمتش الشكل نتاعها la forme يعني العجينة خصتها الفرينة و بالتالي زيدلها و كملي الحلوة نتاعك و طيبيها في فرن سخون على درجة حرارة 180 لا أكثر أنا تطيبلي على الجهتين مرة وحدة
"كما نقولو التشاراك بنته و le charme ديالو في ريحة ماء الزهر"
بالنسبة للحشوة أختي ديما ندير باللوز بصح بالكاوكاو شوفي ما تحمصيهش أرحيه متوسط كما تاع مقروط اللوز و زيدي لافاني و كل 3 كيلات كاوكاو بكيلة ناقصة. 2 أصابع سكر عادي خلطي مليح و زيدي شوية ماغرين أو سمن طري و خلطي و شمخي ب ماء الزهر قيس ما تحكم روحها برك ماشي أجريها ردي بالك كما تقدري تزيدي شوية قشور القارس للحشوة حسب الرغبة
نتمنى نكون أفدتك أختي

yatik sa7a maditili fikra 7ata ana n7awas 3la ri7t lma zhar wkanat na9satli niya kima 9olti le charme ta3 tcharak lma zhar basa7 doka nathana rabi yjazik

[sabrina206]

السلام عليكم
رجاءا درت غريبية ام كوثر ولما نطبعها بطابع الوردة تلصق وتتنحى بصعوبة ويفسد شكلها واش الحل

أختي رمدي الطابع ديالك في الفرينة و بعدها أطبعي مع الضغط راهي لعجينة مبسة لهذا راح تلصق في الطابع

[sabrina206]

جزاكم الله كل الخير سؤال حيرني انا درت البارح قاطو ليمول بحشوة غاناش الشوكولا تاع ام اماني و منبعد تولهت انها قالت الغاناش يبقى 15يوم كيفاه يعني بعد 15 يوم يفسد القاطو?????............... اتمنى ما تبخلونيش بالاجابة.....................
أختي راهي القاناش مخدومة من الكريمة السائلة و عندها مدة صلاحية و ما تنسايش راهي من مشتقات الحليب لازم لها ظروف و شروط معينة و عامل الحرارة راح يأثر عليها
ونصحتي اذا حضرتي كمية مليحة من ليمول ما متحشيهمش كامل و خبي جزء في علبة محكمة و كي تخلاصلك ألي محشية زيدي أخذمي قناش أخرى و أخشي ليمول ديالك
ان شاء تتوفقي أختي

[zizy princess of alg]

أختي راهي القاناش مخدومة من الكريمة السائلة و عندها مدة صلاحية و ما تنسايش راهي من مشتقات الحليب لازم لها ظروف و شروط معينة و عامل الحرارة راح يأثر عليها
ونصحتي اذا حضرتي كمية مليحة من ليمول ما متحشيهمش كامل و خبي جزء في علبة محكمة و كي تخلاصلك ألي محشية زيدي أخذمي قناش أخرى و أخشي ليمول ديالك
ان شاء تتوفقي أختي

مشكورة حبيبتي المشكل اني وجدت القاطو و حشيتو كامل ودرت كمية مليحة لانو عندي مناسبة بعد العيد تبانلي نديرو فالفريجيدار و الله اعلم.........جزاكي الله خيرا

[lyzzabel]

سؤالي الثاني حول صابلي الزيت نتاع ريهام كمية السكر شحال ندي في 3 بيضات وهل لازم يتخلط باليد والعجينة تكون طرية ولا قاسية

اهلااا حنووونة مزية لقييت سؤاالك هناا شفته فالكوزيينة و نسييت نرد
في ثلااث بيضاات ديري كااس وااحد تااع سكر خااطرش يجي حلو بزااف و العجيينة تكوون ما طرية ما نااشفة بزااف و بالتوفييق غااليتيي

[lyzzabel]

:mh92:7abit nsa9sikoum 3la l3ajina si7riya ida na9dar ndirha ba7lib la7dha whal tans7oni ndir biha tcharak tji khir mal3jina l9dima w3la l7achw ta3 tcharah yjini yabas wach ndirlou whal nkhlih yraya7 bach yji m3assal balkawkaw t3ichou rani nastana

الحشو داايما ديري فييه ملعقة زبدة داايبة باش ما ييبسش و العجيينة السحرية تنجمي تخلطي المازهر مع الحلييب لحظة في مكاان الحلييب لي فالوصفة
و كااين تااني طرييقة للحشو باللوز يجي طري يهبل من بعد نكتبلك الطرييقة بإذن الله

[lyzzabel]

وانا سؤالي على القلاصاج كيفاش ما يجيش يابس ويجي يبرق

قلااساااج هااايل و يقعد طري مهما يطوول
فنجاان حلييب و فنجاان ماازهر و فنجاان زييت و تضييفي السكر رطب مغربل حتى يتقاال ،، و بااش يجي يبرق غربلي السكر على الأقل 3 مراات و تنجميي تمسحيي القااتو تااعك بالملمع الغداائي كي ينشف القلااسااج

[ام طيري الجنة]

ليزا العزيزو اليوم راني غي مع حلوياتك درت نتاع الطبقات و راه يبرد ما زال ما قطعتوش و راني مع الصابلي البريستيج لوكان ما يجونيش غاية نعضّك ههههه اكيد وصفاتك رااائعة و شكرا على مساعدتك للاخوات با رك الله فيك

[lyzzabel]

سلام
يعطيك الصحة اختي على الموضوع والله جا في وقتو
البارح اختي حصلت مع المقروط هو جا مليح بصح كي عسلاته يبس عليه العسل وراهي تسقسي كيفاه دير وشكرا مسبقا


العسل أكييد سخنااته بزااااف ،، لاازم المقرووظ يتعسل و هو يخوون بعسل بارد و الحل ما عندييش للأسف ان شااء الله يفيدووك لي عندهم تجربة كييما هاادي

[lyzzabel]

ليزا العزيزو اليوم راني غي مع حلوياتك درت نتاع الطبقات و راه يبرد ما زال ما قطعتوش و راني مع الصابلي البريستيج لوكان ما يجونيش غاية نعضّك ههههه اكيد وصفاتك رااائعة و شكرا على مساعدتك للاخوات با رك الله فيك

هههه بصحتك يا الزييينة تااعيي أكيييد يجووك خيير مالأصل ،، جييت نكتب رد نقوولك باارك الله فييك على الموضووع لقييت رووحي نجااوب مبااشرة هههه زعما خبييرة خخخخخخخخ ،، ما خبييرة ما واالو رااني نسااعد بالشي لي نعرفه هههه ،، ربي يحفظك و يكوون في عوووونك

[lyzzabel]

انا نبدا واش هي افضل انواع الشكولا نتاع القلاصاج و خاصة البيضاء


الشوكوولاا البيضااء نستعمل فيجيكااوو رووووعة ندوبهاا بدوون إضافااات و نقلااصي بييها ،، و السودااء نستعمل الكترة ambassadeur ندوبهاا مع شويييية حلييب أو مااء ،، تطول شوية بااش تنشف سيييرتو فالصييف

[ام طيري الجنة]

الشوكوولاا البيضااء نستعمل فيجيكااوو رووووعة ندوبهاا بدوون إضافااات و نقلااصي بييها ،، و السودااء نستعمل الكترة ambassadeur ندوبهاا مع شويييية حلييب أو مااء ،، تطول شوية بااش تنشف سيييرتو فالصييف

انا شريت فيجيكاوو و يسموها كانزي مليحة هذي

[lyzzabel]

شكرا اختي ام نسرين على هذا الموضوع القيم اما تساؤلاتي فكثيرة ارجو ان اجد لها احابة نبداو بمول اسيليكون كفياه نستعملو في الفرن وماتضحكوش عليا عندي شحال من نوع ولكن نهاب نستعملهم

موول السيلييكوون أول مرة استعملته الباارح فالحلوياات الجاافة ،، بصرااحة كنت خاايفى لااكاان يلصق الحلوى و تفسدلي ،، غسلتهم طبعاا و نشفتهم ملييييه فالشمس هههه بااش ما تبقاش قطرة تااع مااء ،، و رشييتهم بالفريينة و نفضتهم ملييح بااش ما تبقااش فييهم و درت الحلوى تااعي و طيبتهاا ،، حطييت لي موول في صينية ،، و خلييت الحلوى بردت شوية و نحييتها ،، الحمد لله ما لصقت ما فسدت ،، بالتوفييييق

[lyzzabel]

انا شريت فيجيكاوو و يسموها كانزي مليحة هذي

ويي كنزي تااني ملييحة ما تخافييش منهاا و توكلي على ربي

[lyzzabel]

شكرا علي الموضوع هدا الموضوع كامل النساء يفرحو بيهالي تعرف ولي تتعلام الي نص نصفي ميزان كل وحدة تمد واش عندها وما تبخلش بنصيحة ان حاب وصفت المشوك تكون مليحة ومضمونة

كااين الوصفاات تااع ام امااني جزااها الله خيراا ،، مشوك باللوز و مشوك بالبيمو روووووعة

[lyzzabel]

بارك الله فيك ام طيري الجنة موضوع مفيد

عندي مشكل في المكيال حابة عبر تاع 250 ملل ومعنديش الميزان شكون تفيدني

بواش نعبر ؟

عبري بالكاس تااع الليمونااد ولا بييبروون :19:

[ام انفال 07]

بارك الله فيك الاخت صبرينة206 والاخت ليزابيل فرحتوني بردودكم ارجو من الله ان يحقق امانيكما ويرزقكما من حيث لا تحتسبان

[lyzzabel]

جزاكم الله كل الخير سؤال حيرني انا درت البارح قاطو ليمول بحشوة غاناش الشوكولا تاع ام اماني و منبعد تولهت انها قالت الغاناش يبقى 15يوم كيفاه يعني بعد 15 يوم يفسد القاطو?????............... اتمنى ما تبخلونيش بالاجابة.....................

لااكاان غادي تستعملييه بعد اكتر من 15 يووم خبييه فالمجمد أحسن من الثلااجة خااطرش لاكرام فرااش تتخبى 15 يووم بعد الفتح في الثلااجة و بالتوفييق حنووونة

[lyzzabel]

صباح الخير

مزية لقيت هذا الموضوع ليل قاع و انا نقول الصباح نكتب موضوع و نسقسيكم
البارح درت قريوش تع ام اماني الحبات لولين جاوني ملاح و لعجينة هابلة بصح كعاودت لعجينة ولات مطاطية بزاف و مقدرتش نكسلها بالحلال

و ش ندير بيها
انا درتها في بلاستيك و درتها في الثلاجة
دبرو عليا وش ندير بيها
كيف اتفادى هذا المشكل مستقبلا

وشكرااااااااااااااااااااااا

أكييد رااكي عجنتييها ادا قصدك البقاياا ،، العجيينة عمرك ما تعجنييهاا حتى البقاايا لمييهم فقط بيدك و عااودي حلييهم و من الأحسن استعملي آلة التورييق سيينون غاادي تولي مطااطية و هدا هو المشكل لي طحتي فييه ،، نتمنى يفيدووك الأخوااات لي كاان عندهم نفس التجربة

[lyzzabel]

الأخواات لي ما ردييتش علييهم يسمحوولي هدا ليس بخلاا مني و إنما ما عندييش إجاابة للأسف ،، نتمنى يدخلو الخبيرااات و يفيدووكم

[zizy princess of alg]

لااكاان غادي تستعملييه بعد اكتر من 15 يووم خبييه فالمجمد أحسن من الثلااجة خااطرش لاكرام فرااش تتخبى 15 يووم بعد الفتح في الثلااجة و بالتوفييق حنووونة

مشكوووووووووووووووووورة حبيبتي

[sirina_angel]

أعطوني وصفة قريوش مليح و مقرمـــــــــــــــش هههههه

[أم هنيدة]

أعطوني وصفة قريوش مليح و مقرمـــــــــــــــش هههههه


سرينا جربي قريوش اختنا عازفة الناي

لسهرات رمضان قريوش عزووووووفة ولا ارووووووووووووع

http://www.djelfa.info/vb/showthread.php?t=1817905

[ام طيري الجنة]

أعطوني وصفة قريوش مليح و مقرمـــــــــــــــش هههههه

ديري كيلة سمن او زبدة ب 4 كيلات فرينة و ملعقة خل و لمي بقليل من ماء زهر و خليها ترتاح شوي
او ديري وصفة عازفة الناي تاني مليحة
http://www.djelfa.info/vb/showthread.php?t=1817905&referrerid=50597
او طريقة زينب 83
http://www.djelfa.info/vb/showthread.php?t=1799410&referrerid=50597
وهذي طريقة الظفيرة لام اسلام و اية
http://www.djelfa.info/vb/showthread.php?t=874775&referrerid=50597

[روضة 88]

لبنات مثلا في صابلي النيسلي لام اماني هذيك اللوزة لي زينت بيها تكون مملحة ولا عادي انتاع قاطو.

صابلي الكابريس منيش حابة ندير كريمة الزبدة وش نقدر نعوضها.

[sirina_angel]

ديري كيلة سمن او زبدة ب 4 كيلات فرينة و ملعقة خل و لمي بقليل من ماء زهر و خليها ترتاح شوي
او ديري وصفة عازفة الناي تاني مليحة
http://www.djelfa.info/vb/showthread.php?t=1817905&referrerid=50597
او طريقة زينب 83
http://www.djelfa.info/vb/showthread.php?t=1799410&referrerid=50597
وهذي طريقة الظفيرة لام اسلام و اية
http://www.djelfa.info/vb/showthread.php?t=874775&referrerid=50597

شكرا بارك الله فيكي من بعد نطل عليهم دوك نروح للفطور

[cute nina]

صحا فطوركم الفحلات علابالي كثرت من الاستفسارات لكن اجركن عند الله حبيت نسقسيكم عل القاطو تاع لي كورني تاع ام اماني اذا نقدر نبدل النيسلي بنوتيلا و اذا نقدر كيفاه نديرها و ثاني النيسلي اللي ندير بيه قوالب الشكولا نطيبو ولا لالا و كيفاه نطيبو ربي يعطيكم ما تتمناو افيدوني و ربي يجعلها في ميزان حسناتكم

[sabrina206]

لبنات مثلا في صابلي النيسلي لام اماني هذيك اللوزة لي زينت بيها تكون مملحة ولا عادي انتاع قاطو.

صابلي الكابريس منيش حابة ندير كريمة الزبدة وش نقدر نعوضها.

أختي حبات اللوز عادية من الشكارة ماهي محمصة و لا مملحة
بالنسبة لقاطو الكابريس عوضي الكريمة بالمعجون تاع المشمش و تقدري تزيديلو شوية حلوة الترك و خلطي مليح و إذا حبيتي زيدي حفنة من مكسرات مثلا كوكاو أو لوز يكونو محمصيين و مرحيين و لصقي
أو نيسلي نخلط مع شوية كراميل تاع التزيين و ضربي مليح بالباتور
كما تقدري تلصقي الحبات ب نوتيلا البيضاء أو البنية
تحياتي الخاصة لكي روضة
زيدي شوفي مع الأخوات الله أبارك فيهم

[ام انفال 07]

البنات راح نخلط الان عجينة البقلاوة بعجينة الفيلو لكن محتارة بين نتاع ام انس وام اماني

[sabrina206]

صحا فطوركم الفحلات علابالي كثرت من الاستفسارات لكن اجركن عند الله حبيت نسقسيكم عل القاطو تاع لي كورني تاع ام اماني اذا نقدر نبدل النيسلي بنوتيلا و اذا نقدر كيفاه نديرها و ثاني النيسلي اللي ندير بيه قوالب الشكولا نطيبو ولا لالا و كيفاه نطيبو ربي يعطيكم ما تتمناو افيدوني و ربي يجعلها في ميزان حسناتكم
أختي و الله ما نعرف بصح نضن تقدري تعوضي النيسلي بالشوكولا نوتيلا عادي بصح لوكان الحال بارد نقترح عليك تضيفلها كريمة الشونتي أو كريمة الزبدة و شوفي مع الأخوات ألي مجربات الوصفة:mh31:
أما بالنسبة لقوالب الشوكولا ياك تقصدي المحشية؟ بالنسبة لنيسلي إذا رايحة تستعملي النودكوكو في الحشو نفضل يكون النيسلي أبيض يعني ماشي طايب
أما إذا رايحة تضيفي لوز أو بندق أو كوكاو محمص ديري النيسلي الكراميليزي الذوق ديالهم يتواتو مع بعضهم
و كل واحد و ذوقه عزيزتي

[sabrina206]

البنات راح نخلط الان عجينة البقلاوة بعجينة الفيلو لكن محتارة بين نتاع ام انس وام اماني
أختي راني جربت الوصفتين و الإثنتين روعةةةةةةةةةةةةةةةة ك روعةةةةةةةة الأختين أم أنس و أم أماني
شوفي ألي جيك ساهلة في الخدمة و توكلي على ربي بالتوفيق عزيزتي

[ام و ابنة]

للاسف ماعنديش خبرة في الشيكولا البيضاء
اما الشيكولا العادية نستعمل فيجيكاو ماركة شوكومي رخيصة نشريها ب 30 دج للعلبة و كاين نوع اخر ماشي دايما نلقاه يسوا 25دج نذوبها في الميكرووند لمدة دقيقة فقط و ننحيها و نخلطها مليح و نستعملها مباشرة و دون اي إضافات و تنشف بسرعة

مول السليكون سهل في الاستعمال اغسليه و نشفيه مليح و ممكن رشة خفيفة قرينة و تنفظيه و كي يطيب القاطو خليه يبرد شوي و منبعد نحيه من المول

العجينة السحرية تع التشاراك خلطوا نص كيلة حليب مع نص كيلة ماء الزهر او كيلة ماء الزهر و ذوبوا فيها حليب بودرة

اللي جاتها العجينة ناشفة زيديلها شوية حليب بارد

عجينة باقلاوة بالنشاء ما جربتهاش بصح الفكرة منطقية و مقنعة

اروع قلاساج ثلاث ملاعق زيت و ثلاث ملاعق حليب و ثلاث ملاعق ماء الزهر و ملعقة او اثنين عصير الليمون ممكن تستغني عليه اذا كان ما يتوالمش مع القاطو ديالك و تزيدي السكر الرطب تدريجيا و تخلطيه مليح

مولات الغريبة غلفي الطابع بساشي تع الكونجيلاسيون او النيلون الشفاف تع الطبخ هكذاك ما تلصقلكش فيه العجينة

[ام و ابنة]

كاس الماء او القازوز 250 غ
و كذلك فكرة البيبرون القديم روعة

[هبة ام عبدو]

لبنات:sdf::sdf: انا اول مرة ندير تشارك مسكر عجوزتي تحب قالتلي ديريه وانا حمرتو شوية في طياب في سهرة انشاء الله نرمدو
كي حمرتو يجيني يابس ؟ :confused:
اليوم نتبهدل مع عجوزتي :1:
وحبيت نسقسيم نديرو في الشاربات ومن بعد سكر قلاصي خير ولا في ماء الزهر ومن بعد سكر قلاصي خير؟ :19:
وكل من ساعد حتى بكلمة طيبة جعلها الله في ميزان حسناتك

[oum batoul]

انا عندى مشكل مع الكعك النقاش كى ندخلو للفرن يروح النقش تاعو جربت كل انواع النقاش ولكن لا فاءدة اللى عندها جواب تساعدنى

[ام طيري الجنة]

انا عندى مشكل مع الكعك النقاش كى ندخلو للفرن يروح النقش تاعو جربت كل انواع النقاش ولكن لا فاءدة اللى عندها جواب تساعدنى

انا نظن و الله اعلم انه باش ما يروحلكش النقش يليق تخليه يرتاح مليح بعد ما تنقشيه قبل ما تدخليه للفور

[lyzzabel]

انا عندى مشكل مع الكعك النقاش كى ندخلو للفرن يروح النقش تاعو جربت كل انواع النقاش ولكن لا فاءدة اللى عندها جواب تساعدنى

خلييه يباات لييلة قداام لا تطيبييه ولا ديرييه الصبااح و طيبييه فاللييل بااش يحاافظ على النقش

[ام فاطمة زهراء]

الأخت هبة التشاراك من الأفضل تغطسيه في شاربات ساخن. 2عبار ماء عبر سكر على النار في الأخير زيدي شوية ماء زهر

[lyzzabel]

لبنات:sdf::sdf: انا اول مرة ندير تشارك مسكر عجوزتي تحب قالتلي ديريه وانا حمرتو شوية في طياب في سهرة انشاء الله نرمدو
كي حمرتو يجيني يابس ؟ :confused:
اليوم نتبهدل مع عجوزتي :1:
وحبيت نسقسيم نديرو في الشاربات ومن بعد سكر قلاصي خير ولا في ماء الزهر ومن بعد سكر قلاصي خير؟ :19:
وكل من ساعد حتى بكلمة طيبة جعلها الله في ميزان حسناتك


لااكان ما حمرتييهش بزااف من تحت بالااك ما يجييش ياابس أما التسكاار كاين الطرييقة تااع ام سهاام بزااااف بناات شكرووهاا

[ام و ابنة]

اختي اذا عملت التشاراك بالعجينة السحرية ما راحش يجيك يابس باذن الله و الافضل بما انو التشاراك بارد تحطيه في شاربات سخونة و ممكن تزيديلها شوية معجون يعطيها ذوق مميز

[ام طيري الجنة]

ليزا حبيبتي صح فطورك مزية دخلت
درت القاطو نتاعك نتاع الطبقات و جا هايل و بنين بصح من بعد اتفكرت باللي العيد مازال شوي كيفاش نحفظه باش ما يخسرش سيرتو فيه البيض بزاف

[ام و ابنة]

اختي بالنسبة للنقاش اما عجينتك طرية بزاف او لازم تخليه يريح
بالنسبة ليا عملت النقاش تع الهام كيما نقشتو كيما قعد مع اني ماخليتوش يرتاح و النقش كان بسيط و عادي لاني ما نعرفش ننقش مليح

[فايزة1207]

هذه :dj_17:طريقة ام سهام
تغطسي التشارك في سيرو عبارة عن كاس ما الزهر و4م ك سكر ناعم و2م ك فرينة وم ك عصيرالليمون من بعد قطريهم في كسكاس وديريهم في جفنة صغيرة فيها السكر الناعم وتغطيهم كامل بالسكر وتخليهم 20دقيقة من بعد تنحي الزيادة وتتحفي باليد
[/QUOTE]

[*سماح 94*]

لبنات:sdf::sdf: انا اول مرة ندير تشارك مسكر عجوزتي تحب قالتلي ديريه وانا حمرتو شوية في طياب في سهرة انشاء الله نرمدو
كي حمرتو يجيني يابس ؟ :confused:
اليوم نتبهدل مع عجوزتي :1:
وحبيت نسقسيم نديرو في الشاربات ومن بعد سكر قلاصي خير ولا في ماء الزهر ومن بعد سكر قلاصي خير؟ :19:
وكل من ساعد حتى بكلمة طيبة جعلها الله في ميزان حسناتك


اختي ديري شاربات و خلطي فيها ماء الزهر و رمديه عل مرتين و عند التقديم زيدي رشي عليه سكر رطب بالصفاية باه يجي مرمد مليح و باهي
و الشاربات ديريها سخونة باه يطرالك كثر

[sabrina206]

لبنات:sdf::sdf: انا اول مرة ندير تشارك مسكر عجوزتي تحب قالتلي ديريه وانا حمرتو شوية في طياب في سهرة انشاء الله نرمدو
كي حمرتو يجيني يابس ؟ :confused:
اليوم نتبهدل مع عجوزتي :1:
وحبيت نسقسيم نديرو في الشاربات ومن بعد سكر قلاصي خير ولا في ماء الزهر ومن بعد سكر قلاصي خير؟ :19:
وكل من ساعد حتى بكلمة طيبة جعلها الله في ميزان حسناتك

أختي ما تخفيش كي حمرتي الحلوة ماجيكش يابسة مدامها مخدومة على أصولها منداك نلقاو حلاويات بيضاء اللون و يابسة حجرة كي تذوقيها فقط في التسكار كي تكون محمرة الحلوة إذا الحلوة ماشي مسكرة مليييح راح يبان في أمكان اللون البني و يمنصاب الحلوة تكون بلون أبيض و متناسق
استعملي سكر غلاص من نوع جيد ك المرجان أو نونورس و قد ما كان السكر غلاص مافيهش النشاء قد مايكون هايل للتسكار:19:
الشربات باردة و الحلوة باردة أيضاً راهي الفرينة بلخفض تتشمخ و خاصتا كي تكون مبسة كما تاع تشاراك لدى خليها تبرد و الشربات باردة
كي ترمدي في السكر غلاص المغربل خلي الحلوة ديالك لدقائق مغطاة كليا بالسكر داخل كيس و بعدها أنفدي الزائد من السكر و عاودي رمدي التشاراك مرة ثانية في سكر غلاص جديد و مغربل بلا ما تزيدي تخليه كما المرة الأولى و خليه ينشف في السنيوة و نهار أجي عجوزتك في العيد رشي على التشاراك ديالك بواسطة مصفاة السكر غلاص و قدميه بالصحة و لهنة;)

[sabrina206]

ليزا حبيبتي صح فطورك مزية دخلت
درت القاطو نتاعك نتاع الطبقات و جا هايل و بنين بصح من بعد اتفكرت باللي العيد مازال شوي كيفاش نحفظه باش ما يخسرش سيرتو فيه البيض بزاف
أختي راني جربتو في الشتاء و الله يهبلللللللل
و نسيت علبة لمدة في السيارة حوالي 20 يوم و نهار لقيتو كأني لقيت كنز هههههه و كي طلعتو لدار و دقته لقيت بليك بقى هو هو رائعععععع بصح في الصيف ديريه في الثلاجة ره هش خاصتا إذا كانت كميته كبيرة و ما تقطعيهش و هو جديد أي نهار ألي طيبتيه من الأحسن يبات باش ما يتفتتلكش و القطع يجو شابين
ربي يجازيها الغالية ليزا خبر خير جزاء و يرحم ست الحبايب أمها و يجعلها سيدة من سيدات الجنة في هذه الأيام المباركة على طيبة قلبها و عطائها بلا حدود

[ام طيري الجنة]

أختي راني جربتو في الشتاء و الله يهبلللللللل
و نسيت علبة لمدة في السيارة حوالي 20 يوم و نهار لقيتو كأني لقيت كنز هههههه و كي طلعتو لدار و دقته لقيت بليك بقى هو هو رائعععععع بصح في الصيف ديريه في الثلاجة ره هش خاصتا إذا كانت كميته كبيرة و ما تقطعيهش و هو جديد أي نهار ألي طيبتيه من الأحسن يبات باش ما يتفتتلكش و القطع يجو شابين
ربي يجازيها الغالية ليزا خبر خير جزاء و يرحم ست الحبايب أمها و يجعلها سيدة من سيدات الجنة في هذه الأيام المباركة على طيبة قلبها و عطائها بلا حدود
بارك الله فيك على الاجابة عن سؤالي و عن اسئلة الاخوات و جعله في ميزان حسناتك و حقق امنياتك في هذه الايام المباركة يا طيبة

[ام احمدي]

يعطاك الصحة حنونة ام طيري على الموضوع
حنوناتي واشنو هو بديل الناباج ولا لا جولي
درت التارتولات ومعنديش وبغيتهم يجو شابين ويبرقو هههه

[ام طيري الجنة]

يعطاك الصحة حنونة ام طيري على الموضوع
حنوناتي واشنو هو بديل الناباج ولا لا جولي
درت التارتولات ومعنديش وبغيتهم يجو شابين ويبرقو هههه

الله يسلمك حبيبتي
شوفي هذ الموضوع ممكن يفيدك

http://www.djelfa.info/vb/showthread.php?t=1776641&referrerid=50597

[ام ورود]

سلام الاخوات...مشكورة كثيرا صاحبة الموضوع....انا فب الحقيقة هبلني حلوة الجوزة كل ما نجربها لا تنجح....عندي الطابع نتاع لحديد ليطيب على الغاز نتاع كويزنيار او الطابونة....ارجو من اي اخت عندها الوصفة مجربة وناجحة تنورني بيها وشكرا

[jana ns]

اختي تقدري تديري الكنفتير تاع المشماش و تخفيه بشوية ماء و تدهني بيه تارتولات

[هبة ام عبدو]

صحيتو لبنات كفيتو وفيتو بارك الله فيكم والتشارك الحمد لله مجاش يابس كي ذقتو عجبني هههه :dحوحو يشكر روحو وصفات الاخت ام اماني ديما ناجحين ويحمرو وجه:19:

[ام ريان عبدالله]

شكون لستعملة تغليف الحلويات مول السليكون بالشكولاطة كفاش الطريقة نمسحو ليمول بزيت ولا نديروه ناشف معرفتش

[sabrina206]

[/B]ام ورود;3993875943]سلام الاخوات...مشكورة كثيرا صاحبة الموضوع....انا فب الحقيقة هبلني حلوة الجوزة كل ما نجربها لا تنجح....عندي الطابع نتاع لحديد ليطيب على الغاز نتاع كويزنيار او الطابونة....ارجو من اي اخت عندها الوصفة مجربة وناجحة تنورني بيها وشكرا
[CENTE]صباح النور عالجميع
أختي بالنسبة للجوزة لازم الطاجين يسخن مليح فوق الطابونة و على الجهتين يعني سخني جهة و ألقبي الطاجين و زيدي سخنيه على الجهة الثانية أولا
الوصفة هي:
-250غ مارغرين ذائبة
-4 بيض
-1 ملعقة كبيرة سكر عادي
-1 كأس مايزينة
-1باكي خميرة حلوة
-1 ملعقة كبيرة كاكاو مغربل
-لافاني
-الفرينة حسب الحاجة مغربلة
للتزيين:
عسل
الحشو1:
-250غ كوكاو محمص و مرحي
-1/2 باكي بيمو مرحي
-1/2 كأس مارغرين ذائبة
-1 كأس عسل
-علبة صغيرة حلوة الترك
الحشو2:
مربى المشمش
جوز مرحي خشين
الحشو 3:
نوتيلا
حبات بندق صغار
التحضير:
في وعاء خلطي المارغرين+لافاني+السكر ملييح براحة اليد
ضيفي البيض بالوحدة و خلطي مليح دائما باليد
زيدي المايزينة+الخميرة+الكاكاو و خلطي
في الأخير نشفي الخليط بالفرينة حتى تتحصلي على عجينة طرية
شكلي كويرات صغار يكونو أصغر من حفرة القالب راهي فيها الخميرة مع الضغط على القالب راهي تتنفخلك في الطهي
و تكون الحبات فيهم زوائد تاع لعجينة هنا كي تطيب الحبة و تبرد نقصي الزوائد تاع الأطراف بالموس(السكين) باش أجيك شابة الحبة و على يد واحدة
هذاك الزائد تاع الحلوة ما ترمهش بل زيديه الحشو خاصتا إذا درتي الحشو1
كي تكملي و تبرد الحلوة نتاعك حطي في داخل كل نصف جوزة شوية عسل
عمري مليح جزء من الجوزة بالحشو المختار بواسطة ملعقة قهوة و أغلقي بجزء ثاني ميكونش محشي و أضغطي غير بالشوية باش تحكم روحها الحبة و يلصقو الجزئين
ملاحظة
-تقدري ما ديريش الكاكاو في العجينة و بدله تحطي شوية ملون أصفر مع عطر الموز
-كما تقدري تزيدي عطر الكراميل للعجينة و الحشو 1
-الطهي يكون على الجهتين يعني طيبي الجهة الخارجية للحلوة ثم أقلبي القالب و زيدي طيبيها من الجهة الداخلية للحبة
إذا كان القالب يلصق أدهني الحفر كي يسخن الطاجين مليح بالمارغرين حاجة خفيفة غير بالبانسو ماتكثريش و في الأول برك يعني كي تكرري الطياب بلا ما تدهني ok
-أختاري الحشو ألي حبيتي
نتمنالك كل التوفيق في التحضير أختي
"""أختي أم طيري و فيك بركة جعل الله كل أيامك ورود أنت الطيبة كلها و مرسييييييي على هذا الموضوع الرائعععععع تستهلي أحلى تقييم""
صح فطوركم أخواتي

[/CENTER]

[scorpionoir]

صباح الخير على وجوه الخير
شكرا ام طيري الجنة على الموضوع راهو يسلك الواحلين كيما انا
درت صابلي نص نص تاع ام اماني ويبست العجينة شوي عادت كلي تتفتت واش نزيدلها باش تطري
مع انو جربت حبات وجا شكلهم مليخ بصح خفت لا يبرد وييبس بزاف ؟

[noureddine abdelli]

التوقيع http://www14.0zz0.com/2015/05/18/15/500226910.jpg
ربي يعاونكم خياتي وصح رمضانكم

[couscousa]

salam akhawati aandi mouchkil kbir al makroutte ki dertou yankla wala yatfattette mahowa alhal baraka aallaho fikoum najjjda

[طيور الجنان]

انا حبيت نسقسيكم على الشيكولة السوداء ماتيبسش في السخانة و تذوبلي ماتحكمش شكل المول اللي حطيتها فيه

[scorpionoir]

انا حبيت نسقسيكم على الشيكولة السوداء ماتيبسش في السخانة و تذوبلي ماتحكمش شكل المول اللي حطيتها فيه


اختي لازم كي ديريها تحطيها في الفريجيدار باش تحكم روحها وما تذوبش

[lyzzabel]

ليزا حبيبتي صح فطورك مزية دخلت
درت القاطو نتاعك نتاع الطبقات و جا هايل و بنين بصح من بعد اتفكرت باللي العيد مازال شوي كيفاش نحفظه باش ما يخسرش سيرتو فيه البيض بزاف

ما تخاافيييش كنت قلتلكم من قبل ما تقطعوووهش حتى يووم التقدييم ،، غطييه ملييح بكييس بلااستييكي نظييف و احتفظي بييه في مكاان بااارد ولا الثلااجة ،، و حتى بعد التقطييع خلييه فالثلااجة في علبة محكمة الغلق بااش ما ينشفش مالحواااف و بصحتكم يا الزيينة تااعي

[lyzzabel]

أختي راني جربتو في الشتاء و الله يهبلللللللل
و نسيت علبة لمدة في السيارة حوالي 20 يوم و نهار لقيتو كأني لقيت كنز هههههه و كي طلعتو لدار و دقته لقيت بليك بقى هو هو رائعععععع بصح في الصيف ديريه في الثلاجة ره هش خاصتا إذا كانت كميته كبيرة و ما تقطعيهش و هو جديد أي نهار ألي طيبتيه من الأحسن يبات باش ما يتفتتلكش و القطع يجو شابين
ربي يجازيها الغالية ليزا خبر خير جزاء و يرحم ست الحبايب أمها و يجعلها سيدة من سيدات الجنة في هذه الأيام المباركة على طيبة قلبها و عطائها بلا حدود

ياااااااااااااه يا صبريييينة توشييتيني فالجرح لي ما بغاااش يتبلع ،، بااارك الله فيييك و جزاااك خير الجزااااء على الدعاااء اللهم آمييين اللهم آميييين
شكرااا كتييييرا على الثقة حبييبتيي و ربي يبااركلك في صحتك و عاائلتك و يسعدك في الدااريين آمييين ياا رب العالمييين

[lyzzabel]

يعطاك الصحة حنونة ام طيري على الموضوع
حنوناتي واشنو هو بديل الناباج ولا لا جولي
درت التارتولات ومعنديش وبغيتهم يجو شابين ويبرقو هههه

دييري معجوون المشمااش دفييه شوييية فووق الناار و خلطيي ملييح بااش يولي أملس و ادهنيي بييه

[lyzzabel]

شكون لستعملة تغليف الحلويات مول السليكون بالشكولاطة كفاش الطريقة نمسحو ليمول بزيت ولا نديروه ناشف معرفتش

ما تمسحيييش لي موول لاازم يكوونو نااشفيين مليييييح مليييح و دووبي الشوكوولاا على حماام ماائي بدوون اي إضافاات و ادهني لي موول بالباانسو و دخلييهم للمجمد حتى يجمدوو و عااودي ادهنييهم مرة اخرى بااش طبقة الشوكوولاا تجييك ما رقييقة ما غلييظة و دخلييهم للمجمد حتى يجمدوو و من بعد اجبدييهم و ديري الحشو تااعك و بالتوفيييق

[lyzzabel]

صباح الخير على وجوه الخير
شكرا ام طيري الجنة على الموضوع راهو يسلك الواحلين كيما انا
درت صابلي نص نص تاع ام اماني ويبست العجينة شوي عادت كلي تتفتت واش نزيدلها باش تطري
مع انو جربت حبات وجا شكلهم مليخ بصح خفت لا يبرد وييبس بزاف ؟

اهلااااا ساندرييلاا ويين راكي خاازنة هههه
العجيينة زيدييلها الحلييب غيييييير بالشوية و خلطي ملييح بيدك بلاا ما تعجنيي ،، رااه يخلي العجيينة تطرا بلاا ما تيبس بعد الطياااب و هو أحسن من البيض

[lyzzabel]

salam akhawati aandi mouchkil kbir al makroutte ki dertou yankla wala yatfattette mahowa alhal baraka aallaho fikoum najjjda

لااكاان مازلتي ما تكملييه ديري في غرفية بيااض بيضة مخلطة مع شوية مااء و خلطي ملييح بالفرشييطة ،، غطسي الحبة تااع المقرووظ و قطرييها ملييح و اقلييها مبااشرة و عسلييها

[lyzzabel]

انا حبيت نسقسيكم على الشيكولة السوداء ماتيبسش في السخانة و تذوبلي ماتحكمش شكل المول اللي حطيتها فيه

الشوكوولاا تااع القواالب ما لااازم تضييفييله وااااالوووو ،، دوبييه على حماام ماائي دووون اي اضافاات و ادهني القواالب ملييح و دخلييهم للمجمد حتى يجمدوو ،، ولااكان شفتي الطبقة جااتك رقييقة عااودي ادهنييهم مرة تاانية و ردييهم للمجمد حتى يجمدوو ،، و ادا قصدك الشوكوولاا تااع القلااسااج ،، دوبييه كيما قلتلك بنفس الطرييقة و حطيي كمية فالقواالب بالملعقة و حطي فووقه الحبة تااع القاتو لي بعييتي تقلااسييه و دخلييهم للمجمد و من بعد نحييهم ،، بالتوفيييق حنوونة

[couscousa]

لااكاان مازلتي ما تكملييه ديري في غرفية بيااض بيضة مخلطة مع شوية مااء و خلطي ملييح بالفرشييطة ،، غطسي الحبة تااع المقرووظ و قطرييها ملييح و اقلييها مبااشرة و عسلييها

wa aallah matanghabni amine amine
baraka allaho fik rabi yasahalak koul s3ib inchallah

[ام احمدي]

بارك الله فيكم حنوناتي ام طيري وجنة وليزابيل الغالية على الاجابة
عجبتني فكرة المعجون اموااااااااااااااااااح

[sheherazed]

انا نبدا واش هي افضل انواع الشكولا نتاع القلاصاج و خاصة البيضاء


Chocolat lwejdane elle est magnifique:19:

[cute nina]

السلام عليكم انا درت الشوكولا تاع قوالب السيليكون جاتني مليحة مي حطيتها فلفريجيدار خوفت لا تذوبلي واش رايكم تذوب و لا لالا استعملت شوكولا امباسادور و شكرا كثيييرا على هذا الموضوع القيم

[أم عمار السطايفية]

راني حطيت طريقة تجعلها ناصعة البياض

[sabrina206]

السلام عليكم و رحمة الله و باركته
فقط دخلت لهذا الموضوع الرائع باش نعيد عليكم و نقوللكم عيدكم مبارك و ربي يتقبل منا سائر الأعمال و غفر الله لنا و لكم و كل سنة و أنتم سالمين و فرحانين و بالخير قلوبكم مليانين