عاونوني في صوص البيضاء [الأرشيف] - منتديات الجلفة لكل الجزائريين و العرب

مشاهدة النسخة كاملة : عاونوني في صوص البيضاء

يسمينة البجائية

2015-07-13, 16:45

السلام عليكم يا لبنات عاونوني عندي مشكلة مع الصوص البيضاء
مثلا لأطباق طاجين الزيتون و السفيرية و شطيطحة الدجاج

أنا كي ندير الصوص البيضاء تجي ثقيلة و السبب هو البصل يبقى قطع و كي نميكسيه تولي ثقيلة ثاني
جربت رميت البصل و خليت برك المرق ولى ماااااااااااااااااااااااااااااااء . بزاف خفيف
و العقاقر ما علاباليش واش ندير صرحتا ندير لها فلفل اكحل و ملح و شوية قرفة .
البعض يقولولي زيدي لها ملعقة مايزينة و قارص و الاخر يقول زيدي ملعقة مايونيز ........

كرهت

يسمينة البجائية

2015-07-13, 23:27

.................................................. ...............و شكرا لكم على المساعدة ربي يهنيكم

أنا هي

2015-07-13, 23:53

وعليكم السلام ورحمة الله وبركاته

الصوص لازم تهتمي بيها مليح في اول الطياب

لازم تخلي اللحم او الدجاج يتقلى على نار ضعيفة وتبيليها مليح

نعطيلك طريقتي وانت شوفي إلا تناسبك

صراحة انا الصوص او اي طبخ نستعمل له الكركم كـ مُكون اساسي في التوابل

نحط اللحم او الدجاج ونرابي سنينات ثوم ونزيدلها مغرفتين زيت وشوي فلفل اكحل ونقليها على نار ضعيفة

نضيف لها الكركم والكمون وشوي قرفة

ونقطع نصف حبة طماطم ومعدنوس

نخليهم يتقلاو مليح من بعد نضيف لهم الملح و ورقة رند ومغرف صغيرة فرينة

إذا كانت الكمية لعايلة كبيرة

اما اا كانت عايلة صغيرة نقصي الفرينة على حسب الكمية

نمرقها بماء سخون وما نكثرش

قيس ما يطيب اللحم وتعقد لك الصوص

وإذا كان الطاجين يحتوي على جلبانة او زيتون او حاجة اخرى اعملي حسابك في كمية الصوص

وهذا الصوص نستعمله دائما مع لابيري

يجي حكاااااية ,يهبل

اتمنى ان طريقتي تفيدك ولو بالقليل

ربي يوفقك

sandie belle

2015-07-17, 16:29

و الله مام انا عندي مشكل فيها بصح ميش حاجا . انا نرحي البصلة رقيقة و نقليها مع زيت و شوية زبدة و نضيفلها ملح فلفل اسود عود قرفة شوية عرق اصفر و مبعد نضيفلها الدجاج يتقلى و نمرق غيربشوية ماء قيس ما يطيب الدجاج برك.

حياتي نبع امل

2015-07-18, 01:32

المرقة بيضا ،ادا كان دجاج طيبيه على نار قليلة وراح يطيب غير ف الما تاعو وادا مرقتيها زيدي غير بالفنجال تجيك بنينة
وادا لحم تان طيبيها على نار قليلة ،صح ياخذ وقت بالصح خير مللي تمرقي بزااف وتحصلي بيها
ادا جاتك المرقة تاعك خفيفة زيديلها مغرف فرينة حلليها في شوية ماء بارد وضيفيها بالصفاية للمرق باه ما تديرشحبيبات
كاين طواجن تقدرى تعقدي المرق تاعهم بصفارالبيض وعصير القارص كيما كوشة دجاج ولا لحم والكباب
ادا جاتك المرقة ثقيلة زيديلها شوية ماء وخليها تغلي
التوابل ف المرق الابيض بالنسبة للدجاج ،فلفل اسود او ابيض ،قرفة زنجبيل وادا حبيتيهاصفرا ماشي بيضا زيدي كركم
اما بالنسبة للحم ،فلفل اسود وقرفة
ان شاء الله نكون افدتك

ihk

2015-07-18, 08:57

lalola lamia

2015-07-31, 20:27

اممممممممممممممممم هايلة يعطيك الصحة