سؤال حول اختصاص طب الاسنان

[Red3]

السلام عليكم
خاوتي عندي سؤال
هل تعتمد دراسة الاسنان على الحفظ؟
و كيف تكون الدراسة؟ هل هي صعبة و تحتاج اجتهاد كل يوم؟
راني خايف نديرها و نحصل لاني مانقدرش للحفظ و نعتمد على الفهم فقط
و انا محتار بينها و بين مدرسة عليا للاعلام الالي
و شكرا

[أسامة ارثر]

Oui bien sur 1 er anné cv chui hfida chui fhama
mais 2eme w ... hfiida bn courage

[ضوء الايمان]

السلام عليكم ..................................طب الاسنان اختصاص ننصحك بيه لاني انا مدايرة طب اسنان المهم السنة الاولى قرايتها تقدر تقول كيما الثانوية معظم قرايتك كيمياء و رياضيات و حوايج خفاف يعني تقرى و تفهم شوي وتحفظ شوي تطلع العام بشكل سهل جدا مبعد القراية اكيد فيها حفاضة و لكن تخف ابتداء من السنة الثالثة قرايتها حلوة لانوا فيها التطبيق بزاااف خير من الطب يعني تحس روحك تقرى و تمارس في مهنة الطب و قبل ما تخرج تكون بربي ان شاء الله متمرس و عندك خبرة
انت قلت راك حاير بينها و بين الاعلام الاعلي الاخ اذا كنت مليح في الرياضيات و عندك روح الابتكار و الابداع و افكار ...الخ ممكن تخرج عليك الاعلام الالي على خاطر هيا مليحة للي يروح بيها بعيد بصح اذا كانت قدراتك انك تنجح و تطلع العام فقط راك تخرج ما عندك ما تدير بيها و انا عندي من العائلة داروا الاعلام الاي و ما خرجش عليهم و عهو مجال كل يوم فيه جديد و لازمك تكون كل مرة تقرى و تبحث باه تكون متالق فيه درك لا قادر تتميز و عندك قدرات دير اعلام الي و لا لقيت روحك بعيد شوي دير طب اسنان العمل باذن الله مضمون ممكن تخدم و تقرى باه تدير تخصص ممكن تقرى في الخارج بدراهمك و كل مرة تدعم روحك اذا كنت تحب الاتقان تاني و بالك طويل طب الاسنان مليح ليك . بالنسبة للقراية رازم تحفظ اكيد و بما انك باين جبت معدل مليح اي تبالك برك مجرد انك تقرى شهر او شهرين تتعود على الريتم و تكتشف بلي راك تقدر تحفظ و ما شي شرط تحفظ كي التاريخ و الجغرافيا انا مثلا كنت ندير الخريطة الذهنية يعني تهز الكور و تفهموا وحدة وحدة و تكتب واش فهمت بطريقتك و بالرموز تاعك انا عطيتك مثال برك هي مع الاول تدي شوي وقت بصح مبعد توالف ........بالنسبة للقراية نعم لازمك كل يوم تقرى و كل يوم تدير واش عطاوك يعني ما تقراش اسبوع تلقى روحك بعيد على لي معاك و ما تقلقش روحك مناه مع الاول شوي تغلب بصح كي توالف خلاص بصح اهم شيء انك تحب واش راك تقرى يعني لا قنعت روحك بلي راك مثلا ما تقدرش تحفظ و تفهم راح تصعبها على روحك ......................المهم انا هدا راي و قلتلك واش قنعني انا نهار عقبت .............................ربي يهديك للحاجة لفيها خير ليك ان شاء الله بالتوفيق

[Red3]

شكرا على الرد اختي
لكن انا كنت تقني رياضي و ماقريتش علوم طبيعية هل هذا يؤثر ؟ و واش تقرو هل عندها علاقة مع العلوم

[مزغنة16]

كنصيحة مني و بما أنك طالب تقني رياضي دير صيدلة لأنها مبنية على الكيمياء و مافيهاش بزاف حفظ كالطب

كما أن الطب يتطلب نوعا ما معلومات قبلية في العلوم و هدا يأثر


لكن الأفضل كتخصص في الجزائر المدرسة العليا للإعلام الآلي خاصة للرياضيين :19: إدا كان عندك معدل مليح

[Red3]

شكرا اختي
لكن صراحة مانيش ممتاز فالكيمياء يعني قدي قد روحي
و انا ناقص جدا فالحفظ
هل يمكنني النجاح في الصيدلة ؟
و هل لها علاقة مع العلوم الطبيعية لاني ماقريتهاش فالثانوي

[أمين الدين الميلي]

شكرا على الرد اختي
لكن انا كنت تقني رياضي و ماقريتش علوم طبيعية هل هذا يؤثر ؟ و واش تقرو هل عندها علاقة مع العلوم

لا متأثرش عادي كاين بزاف معانا كانوا رياضيات وتقني

[مزغنة16]

دير واش يقول قلبك

هل أنت يستهويك كل ما له علاقة بجسم الإنسان و هل أنت مستعد للتضحية من أجل علاج المرضى و هل لديك قدرات تمكنك من فهمه و التميز في مجال الطب و هدا ما يتطلب ميل نحو البيولوجيا

أم لديك قدرات في فهم بيوكيمياء الجسم و الإلمام بالأدوية و تكون رائدا في هدا المجال و في هده الحالة الصيدلة يناسبك

كل التخصصات الطبية له علاقة بالعلوم لكن الصيدلة بصفة أقل و يمكنك النجاح فيه حتى و إن كان لديك صعوبات في الحفظ

[ratil talin]

السلام عليكم اختي اود دخول فرع طب الاسنان لكني لا املك اي فكرة عنها هل لك ام تطلعيني عن كل التفاصيل يعني المواد الامتحانات هذا عندك ملفات تخض السنة الاولى زوديني بيهم ان شاء الله يجزيك الله خيرا

[مزغنة16]

كم معدلك أختي :)

[مريم عادل]

الاخ الصيدله تنقسم الى كيمياء وبيولوجيا جانب يتعلق بالادوية وجانب يتعلق بالتحليل الطبي وهي تدرس كل الفروع البيولوجيا من علم وراثه ميكروبيولوجيا علم المناعه وعلم المناعه التخصصي علم الفيروسات والطفيليات والبكتريا وبالعكس الصيدلي معروف انه الافضل في جانب التحليل البيولوجي مقارنة بالطبيب الدي يتخصص اكثر في جانب امراض الاجهزة كامراض القلب وامراض الجهاز العصبي