من منكم حسم قراره على تخصص محروقات بومرداس ؟؟

[نميرة 07]

السلام عليكم خاوتي
صحا فطوركم . ..
أريد أن اعرف فقط من منكم أختار محروقات بومرداس .... بالاك نتلقاو تما ان شاء الله
و من لديه اي استفسارات انا في الخدمة
¨Peace :D

[Abo Al-EoS~]

وعليكم السلام

أنا ادرس ماستر1 محروقات وكيمياء - بومرداس
تخصص: Forage des puits

أي استفسار حول الفرع يامرحبا

[نميرة 07]

وعليكم السلام

أنا ادرس ماستر1 محروقات وكيمياء - بومرداس
تخصص: Forage des puits

أي استفسار حول الفرع يامرحبا

ممكن تعطيني معلومات حول تخخصص Forage ؟؟ كاين غيل في الجنوب هذا التخصص و لا تاني في الشمال ؟؟
و هل هناك إمكانية للدراسة بالخارج او العمل هناك ؟؟

[emanezahrane]

من الافضل بين المدارس العليا ام المحروقات

[آلم̝̚عﭠم̝̚ﮃ علے آلله]

سلام عليكم
اخوتي عندي سؤال هل هذا التخصص يستحق كل هذا الاهتمام ؟
انا معدلي 15,23 هل اضعه مباشرة بعد الخيار الذي اريده ام هناك تخصص يستحق ان يكون في مكانه من مدارس عليا وتحضيرية ؟

[Abo Al-EoS~]

ممكن تعطيني معلومات حول تخخصص Forage ؟؟ كاين غيل في الجنوب هذا التخصص و لا تاني في الشمال ؟؟
و هل هناك إمكانية للدراسة بالخارج او العمل هناك ؟؟

Forage petrolier أو حفر الآبار البترولية
هذا التخصص اسم على مسمى .. وهو أفضل تخصص في المحروقات

بالنسبة للعمل كاين
فالصحراء: فالإدارة أو في آلة الحفر (حسب grade كاين بزااف)
فالشمال: كاين مركز برامج الحفر في حيدرة بالجزائر العاصمة (يخدمو برامج الحفر وخطي مشاكل الحفر)

الدراسة في الخارج متاحة تحت اسم Genie petrolier

بالنسبة للعمل في الخارج يلزم 5 سنوات خبرة على الأقل هنا في الجزائر
ومن ثم الطلب للعمل في الخارج بدخل يفوق 1000000دج للشهر كحد ادنى

الحفار الجزائري هو الأكثر طلبا في العالم .. لصعوبة تضاريس الصحراء الجزائرية

[نميرة 07]

من الافضل بين المدارس العليا ام المحروقات

شوف نتا و الميول نتاعك .. اذا تحب الكيمياء و عندك شغف بيها فالمحروقات أفضل ...المدراس العليا راهي ضمن خيارتي لكن مهنة استاذ متعبة نوعا ما

[نميرة 07]

سلام عليكم
اخوتي عندي سؤال هل هذا التخصص يستحق كل هذا الاهتمام ؟
انا معدلي 15,23 هل اضعه مباشرة بعد الخيار الذي اريده ام هناك تخصص يستحق ان يكون في مكانه من مدارس عليا وتحضيرية ؟
نعم أكيد .. محروقات من أفص التخصصات ..يمكنك الاطلاع على هذا الموضوع
http://www.djelfa.info/vb/showthread.php?t=1357818
شوف انت و الميول نتاعك ..قارن بيناتهم و شوف لي تساعدك و تضمن بلي راح تنجح و ما تندمش عليها

[-آية الرحمن-]

السلام عليكم

انا ايضا افكر في دراسة هذا التخصص
ولكن انا مترددة

فقد سمعت بانها غير مناسبة للفتيات هل هذا صحيح يا ترى ؟؟؟؟؟؟

[نميرة 07]

forage petrolier أو حفر الآبار البترولية
هذا التخصص اسم على مسمى .. وهو أفضل تخصص في المحروقات

بالنسبة للعمل كاين
فالصحراء: فالإدارة أو في آلة الحفر (حسب grade كاين بزااف)
فالشمال: كاين مركز برامج الحفر في حيدرة بالجزائر العاصمة (يخدمو برامج الحفر وخطي مشاكل الحفر)

الدراسة في الخارج متاحة تحت اسم genie petrolier

بالنسبة للعمل في الخارج يلزم 5 سنوات خبرة على الأقل هنا في الجزائر
ومن ثم الطلب للعمل في الخارج بدخل يفوق 1000000دج للشهر كحد ادنى

الحفار الجزائري هو الأكثر طلبا في العالم .. لصعوبة تضاريس الصحراء الجزائرية

شكراا أخي على المعلومات ا. طلعتلي المورال هههه .. انا راني نفكر باش ندير هذا التخصص اذا كتب ربي
++
معليش نزيد نسقسي :d هل السنة أولى صعبة أم سهلة من حيش الدراسة ؟؟ و الفرنسية تشكل عائقا لمن لديه مستوى متوسط مثلي ؟؟

[نميرة 07]

السلام عليكم

انا ايضا افكر في دراسة هذا التخصص
ولكن انا مترددة

فقد سمعت بانها غير مناسبة للفتيات هل هذا صحيح يا ترى ؟؟؟؟؟؟
هذه فكرة خاطئة تماما عن هذا التخصص اختي
يوجد الكثير من التخصصات الملائمة للفتيات خاصة في الشمال

[*محب النجاح*]

السلام عليكم
انا معدلي 15.48
وراني حاب نديره إن شاء الله

[نميرة 07]

السلام عليكم
انا معدلي 15.48
وراني حاب نديره إن شاء الله

ان شاء الله يكون من نصيبك أخي
أنا ديت 16.02 تقني رياضي
اذا عندك استفسارات فانا بالخدمة

[youcef_lee]

ana na9ra them master 1 nensa7kom khawti nasi7a li wejh leh madirouch hada takhassos wlh tndmou

[Abo Al-EoS~]

شكراا أخي على المعلومات ا. طلعتلي المورال هههه .. انا راني نفكر باش ندير هذا التخصص اذا كتب ربي
++
معليش نزيد نسقسي :d هل السنة أولى صعبة أم سهلة من حيش الدراسة ؟؟ و الفرنسية تشكل عائقا لمن لديه مستوى متوسط مثلي ؟؟

السنة الأولى تتشابه في كل تخصصات الجامعية
كاين unité fendamental
فيها: physique , chimie et math

وبقية المواد: informatique ,histoire de la science ,MSTH ,français et TP phys&chimi

اللغة الفرنسية رانا كامل كنا Moyen بصح مع الوقت بنادم ولا يجيب روحو الحمدلله

[*محب النجاح*]

ما صحة هذا الكلام ؟
بيترو كيميا تخدم بيها في الصحرا
وظركا الصحرا قالك يخدمو غير ولاد الجنوب تع الشمال لالا

[Abo Al-EoS~]

ما صحة هذا الكلام ؟
بيترو كيميا تخدم بيها في الصحرا
وظركا الصحرا قالك يخدمو غير ولاد الجنوب تع الشمال لالا

كلام فارغ

الاصل هو الأولوية لسكان الجنوب في حال تساوي النقاط مع واحد من الشمال فالكونكور

أما الي يتخرج من الجامعة كإطار دولة فهذا راجع للكفاءة

كيفاش حابهم يجيبو نيفو سيزيام يديروه انجينيور؟؟

بالعقل برك ماتجيش

[*محب النجاح*]

كلام فارغ

الاصل هو الأولوية لسكان الجنوب في حال تساوي النقاط مع واحد من الشمال فالكونكور

أما الي يتخرج من الجامعة كإطار دولة فهذا راجع للكفاءة

كيفاش حابهم يجيبو نيفو سيزيام يديروه انجينيور؟؟

بالعقل برك ماتجيش

بارك الله فيك
للأسف الكلام يكثر حول هذا التخصص وأغلبهم غير طلبة فيه
ما رأيك فيمن يحبطون من يريد أن يلتحق بهذا التخصص ؟

[Abo Al-EoS~]

بارك الله فيك
للأسف الكلام يكثر حول هذا التخصص وأغلبهم غير طلبة فيه
ما رأيك فيمن يحبطون من يريد أن يلتحق بهذا التخصص ؟

ربي يهديهم

لي مالحقش للعنب يقول حامض

[SidLif3]

السلام عليكم انا جبت 14.73 تقني رياضي يقبلوني ؟ و عندي صاحبي جاب 14.38 يقبلوه ؟ و شكراا :)

[شِـتآءْ ∞]

السلآمُ ععليْكُمْ و رَححْمةة اللهِ و بركآتُهْ ،

نبْدأ بـ " الخَلْععةة " :O !
وينككْ مُختفية يَ بنتْ :p ؟ عآشْ منْ ششآفككْ نسسيمةةَ الشريررة المهْبوولةة هعْ ،
ألفْ مُبآرككَ لككِ المُعدل المُمْتآز يَ تقنيةة :D ،
و ألْف مُبآرككْ أخْرى - يَعْني صآروآ ألفِينْ :p - حَسمككِ للتخَصصْ ،
" نسْتعرفْ " بييككْ نسوومةة ، اخْترتِ تَخصصاً يَرى لهُ المُجتمعْ الغبي أنهُ حكْرٌ على الرجآلْ ،
كُنآ قْرييبْ رآيحينْ نتلآقآو هعْ ، لأننِي رغِبْتُ بالإينييلآكْ . .
و لكنْ اطمنِي لنْ تحْدثَ الحرب العآلميةة الثآلثةة بيْن الأشرآر لأنّني غيرتُ رأيي :p ،

السؤآل اللي يْطرحْ نفْسو : شْكونْ أنآ :p ؟

[safahdz]

ana na9ra them master 1 nensa7kom khawti nasi7a li wejh leh madirouch hada takhassos wlh tndmou

خويا والله بريزيتني أنا عندي معدل 15.17 هندسة كهربائية ماذا تقترح مع العلم راني حاب ندخل لأكادمية شرشال

[مسامح.]

يا فتيات شوفو تخصصات ملائمة

[MESSI ARTIST]

كم هو متوسط دخل الحفار (forag)الجزائري حسب معلوماتك ان سمحت لي بالسوال

[farid1945]

وعليكم السلام

أنا ادرس ماستر1 محروقات وكيمياء - بومرداس
تخصص: Forage des puits

أي استفسار حول الفرع يامرحبا
السلام عليكم .. مارأيك في تخصص اليكترونيك بومرداس ؟ هل تتساوى فرص العمل في المحروقات مع تخصص محروقات وكيمياء ؟

[youcef_lee]

خويا والله بريزيتني أنا عندي معدل 15.17 هندسة كهربائية ماذا تقترح مع العلم راني حاب ندخل لأكادمية شرشال


ajoutini fi l FC B bech na7kou
mon FC B:
KaRo Lee

[youcef_lee]

شوف نتا و الميول نتاعك .. اذا تحب الكيمياء و عندك شغف بيها فالمحروقات أفضل ...المدراس العليا راهي ضمن خيارتي لكن مهنة استاذ متعبة نوعا ما

salam nsa7a7lk okhti :) kayn 3andna 11 spécialités kayn 2 berk ta7taji fihom chimie

[albert walid]

ومحروقلا مش سبيسياليتي لللبنات لانو اوقات العمل ومستوى العمل يحتاج رجل سيرتو في السبيسياليتي زينة
الافظل ديري استاده كونك بنت موفقة

[Lamine dahia]

هي من إختياراتي الأولى ...

[SidLif3]

السلام عليكم انا جبت 14.73 تقني رياضي يقبلوني ؟ و عندي صاحبي جاب 14.38 يقبلوه ؟ و شكراا :) :sdf::sdf::sdf::sdf:

[MESSI ARTIST]

ماهي الشهادة التي تمنحها كلية بومرداس للمحروقات بعد التخرج

[matrixofptc19]

هل الشهادة مهندس + ماستر أم ماستر فقط ؟
+ ممكن مقارنة بين المحروقات والالكترونيك في بومرداس لاني متردد بينهما

[zaeev]

هل العمل مضمون

[Sêd Hãkø]

واش رايك خو في المحروقات تم التخصص في الجيولوجيا التطبيقية

[Abo Al-EoS~]

كم هو متوسط دخل الحفار (forag)الجزائري حسب معلوماتك ان سمحت لي بالسوال

في الجزائر
من 130000دج (كدخل أولي لمساعد الحفار بدون احتساب les primes)
ومع الخبرة والارتقاء تصل إلى 25 مليون في المؤسسات الوطنية وإلى 45مليون مع الأجنبية

أما في الخارج دخل الحفار يفوق 100 مليون للشهر ,, لكن يلزم 5 سنوات خبرة على الأقل

[Abo Al-EoS~]

السلام عليكم .. مارأيك في تخصص اليكترونيك بومرداس ؟ هل تتساوى فرص العمل في المحروقات مع تخصص محروقات وكيمياء ؟

وعليكم السلام

تخصص الكترونيك من افضل التخصصات في الجزائر
الفورماسيون باللغة الإنجليزية
فيه 4 تخضضات (2 الكترونيك و 2 كهرباء)ا
إذا حبيت تكون مليح فيه لازم تجتهد وتجيب احدى تخصصي الالكترونيك

[Abo Al-EoS~]

salam nsa7a7lk okhti :) kayn 3andna 11 spécialités kayn 2 berk ta7taji fihom chimie

هاد العام إن شاء الله ماكانش تخصص كيمياء
بدلولها الاسم ولات محروقات برك

التخصصات:
forage - production - transport - mecanique ds chantiers - geophysique petr

[Abo Al-EoS~]

السلام عليكم انا جبت 14.73 تقني رياضي يقبلوني ؟ و عندي صاحبي جاب 14.38 يقبلوه ؟ و شكراا :) :sdf::sdf::sdf::sdf:

وعليكم السلام

أخي هذا راجع للمعدلات هاد العام والمقاعد المفتوحة

بالتوفيق

[Abo Al-EoS~]

هل الشهادة مهندس + ماستر أم ماستر فقط ؟
+ ممكن مقارنة بين المحروقات والالكترونيك في بومرداس لاني متردد بينهما

آخر دفعة للمتخلفين من المهندس كانت العام لي فات

دوكا بقات ماستر2

ماستر2 = مهندس + 1

[Abo Al-EoS~]

هل العمل مضمون

ماكانش حاجة اسمها مضمون

لكن الطلب كبير على طلبة تخصصات المحروقات

[Abo Al-EoS~]

واش رايك خو في المحروقات تم التخصص في الجيولوجيا التطبيقية

من المقرر أنو تخصص الجيولوجيا تم حذفه من قائمة التخصصات هاد العام

[*محب النجاح*]

ما صحة كلام انك تفوقت عامك في إضرابات

[Abo Al-EoS~]

ما صحة كلام انك تفوقت عامك في إضرابات

هاذي هي اسمط حاجة

بصح قالك هاد العام يفصلو بين المحروقات والتخصصات الاخرى كيما st وsm وmi

رح تتسرح شوي

وربي يجيب الخير

[*محب النجاح*]

هاذي هي اسمط حاجة

بصح قالك هاد العام يفصلو بين المحروقات والتخصصات الاخرى كيما st وsm وmi

رح تتسرح شوي

وربي يجيب الخير

يعني الإضرابات لا علاقة لها بتخصص محروقات وقالك فيها مشاكل وديبلوم عيان ههههه
بل أصحاب تخصصات اخرى يديروها

[Abo Al-EoS~]

يعني الإضرابات لا علاقة لها بتخصص محروقات وقالك فيها مشاكل وديبلوم عيان ههههه
بل أصحاب تخصصات اخرى يديروها

المشكل تاع الديبلوم انحل والحمدلله