وصفات العيد من عند نور ~ جربي و ادعيلي

[عماني نور]

السلام عليكم ~ صح فطوركم و سحوركم و تقبل الله منا و منكم صالح الأعمال إن شاء الله

جيتكم قبل العيد نحطلكم كاااااامل الوصفات الي طلبتوها و الي طولت بالبزاااف عليكم علابالي ، مي الله غالب " أدعولي ربي يسهلها دايما يااااربي علينا و عليكم ان شاء الله " ~

المهم كالعادة ، نحطلكم موضوع متجدّد فيه الوصفات التالية :

~~~~~~~~~~~~~~~~~~~~~~~~~~~~~~~~~~~~~
* مقروط سوريا

* العجينة السحرية ( الجديدة ) الأكثر من رااائعة .

* مخبز الفلان .

* مقروط القارص .

* الطلية " 3 وصفات مختلفة "
~~~~~~~~~~~~~~~~~~~~~~~~~~~~~~~~~~~~~~

هذا كامل ان شاء الله رايحة نحطو هنا ~ فرجاءً حبوباتي خلوني نكمل المواضيع أومبعد حطو تعليقات ، أوك ؟؟؟

ان شاء الله بربي نكملهم اليوم ~ و ياااربي تستفادو منهم و يعجبوكم ~

بعض الوصفات غير مرفوقة بصور ، و كل الوصفات غير مرفوق بصور لمراحل العمل ، لكن رايحة نحاول نوصللكم الفكرة كما هي بالضبط مع كل النصائح ~ و الي مافهمتش أي حاجة تسقسي أووك ؟ متفاهمين ؟؟ :mh31:


يالله نبداو على بركة الله ~


Nour

[عماني نور]

مقروط سوريا :

http://store1.up-00.com/2015-07/1436733433012.jpg

http://store1.up-00.com/2015-07/1436733432871.jpg

هي وصفة سهلة جدا ، و مضمونة بإذن الله إذا اتبعتِ نفس الخطوات ، و ممكن يجيك خير من الي في الصورة ألف مرة ، لأني شخصيا كل مانديرو يخرج خير من المرة الي فاتت ، يعني الحمد لله اتعلمت من الأخطاء ☺ الي ظرك نقولهوملكم كااامل باش ماتديروهومش نتوما تاني ~

المقادير : ( الكيلة المستعملة كأس تع 250 ملل )
- 2 كيلات فرينة .
- كيلة سميد خشين ، أنا نستعمل سميد " مولة " .
- كيلة سمن ذايب و بارد .
- 4 ملاعق كبيرة سكر ناعم ( ماشي معمرة مليح ) .
- م ك فاني .
- م ص خميرة ( ماشي معمرة مليح ) .
- 3 صفار بيض .
- ماء الزهر .
الحشو :
- 2 كيلات لوز بقشورو محمّص شوية برك ماشي حتى يحمار .
- كيلة جوز ( إختيارية ) ، لكن إذا استغنينا عليها نديرو 3 كيلات لوز .
- كيلة سكر ناعم .
- ماء الزهر .
التزيين :
عسل ، بيستاش .

أولاّ حضري العقدة " الحشو " و خليها ترتاح " ...
نعطيكم طريقتي انا كيفاش موالفة نخدمها : دايما عندي كوكاو معالج فالثلاجة مرحي متوسط ، كي نحب ندير حاجة تع اللوز ( الحشو تع المقروط ، البقلاوة ، التشاراك و العرايش ، السلطانيات ، المشكلة ..... ) ندير نص بنص ، كوكاو معالج + لوز ، هكذا نقتصد فاللوز الي سومتو راهي تدور فال 2000 دج ، و نستفيد من الكوكاو الي بطريقة سهلة خلاص نعطيه ذوق اللوز ، و حقيقة مستحيل واحد يفيق بلي راه ياكل فالكوكاو ^^
و هنا تلقاو أفضل طريقة لمعالجة الكوكاو :
http://www.djelfa.info/vb/showthread.php?t=1001609
فقط ، أنا نغسل الكوكاو ملييييح مليييح قبل مانبدا نفورو
المهم ، ببساطة نخلطو 3 كيلات مكسرات الي عندنا ، اللوز يكون بقشورو نحمصوه شوييييية برك قيس ما تبان طعمتو برك ، نرحوه متوسط ، نزيدولو السكر ، و نلموه بماء الزهر حتى يوليلنا طري و يتلم فاليدين .
غلفيه بالبلاستيك " كيس أو بابيي فيلم " و خليه يرتاح .
المقروط : خلطي الفرينة و السميد و السكر مع بعضاهم بيدك ديري ثقبة فالوسط ، فرغي فيها السمن الذايب و البارد يكون سائل ماشي تبرديه فالثلاجة كيما تع الغريبية ، ديري صفار البيض فوق السمن بلا ماتخلطي ، زيدي الفاني و الخميرة أومبعد خلطي ، و أعجنيها مليح مليح بيديك .
زيديلها ماء الزهر بشوية حتى تتلم ، ديريها شويـــــــــــة طرية " شوية برك " خاطرش السميد يشرب ، بصح ماتحرحريهاش باسكو ماتحافظش على شكلها ممبعد ، يعني تجيك العجينة متماسكة و تقدري تديريها في يديك و تشكليها عادي ..
غطيها ، و خليها ترتاح شوية " 15 د " تقريبا .
في التشكيل ، عندك كامل الحرية ، تحبي تديريه مقروط كيما نعرفوه كامل ، يعني تديري حربوش و تقطعيه مقروطات :
حلّي العجينة بالحلال " إذا عجنتيها مليح ، و درتيلها كمية ماء زهر كافية " رايحة تتحل بكل بساطة و ماتلصق ، ماتعييك فالخدمة ، إذا شفتيها تلصق غطيها و خليها تزيد ترتاح حتى تشرب مليح ^^
ديري حربوش من العقدة ، يكون شوية خشين ماشي رقيق بزاف ، و هذا سر من اسرار البنة فهاذ المقروط ..
ظوك عندنا عجينة تع المقروط محلولة ، و حربوش تع اللوز ، ديري الحربوش فوق العجينة و لوي ، حتى يولي عندك حربوش تع عجينة السميد فيه الداخل حشوة اللوز ، فهمتو ؟؟
يعني هاذ المقروط مانديروهش كيما المقروط الي موالفينو تع نحلو العجينة بيدينا فالوسط و نديرو الحشو و نغلقو ، مقروط سوريا عجينتو تحليها بالحلال سمك متوسط ، تحطي حربوش الحشو ، و تلوي حتى يولي عندك حربوش خشين ، عدليه بيدك و حليه حتى توصلي للحجم المطلوب
قطعيه مقروطات ، بواسطة بانسو ادهني وجهو ببياض البيض و رمديه فالبيستاش مرحي خشين أو لوز بقشورو مرحي خشين .
يعني ندهنو الوجه برك الي من فوق و نديروه في البيستاش أو اللوز ، و نحطوه فالسنيوة ...
نستفوه عادي ، هاذي قدام هاذي ، بصح ماشي متلاصقين ، لأنو فيه الخميرة فحجمو رايح يكبر شوية .
نسخنو الفرن على حرارة 180 درجة ، و نطيبوه حتى يتحمر ، غير يخرج من الكوشة و هو سخون عسليه .
التعسال ، و بحكم أنو هاذ المقروط بزاااااااااااااف هش ، مانديروهش مع بعض و نعسلوه ... ، خليه فالسنيوة الي طاب فيها أو بدليه و حطيه في بلاطو ( تعاملي معاه بحذر لأنو يتفتت ) ، ظوكا جيبي العسل بارد قدامك ، أنا شخصيا نستعمل عسل المرجان هو أحسن حاجة ، المهم في كل حبة مقروط ديري ملعقة كبيرة عسل ، فرغيه عليه و خليه يشرب .
ظوكا إذا المقروط درتيه على بكري ، و نهار جيتي تقدميه حسيتي بلي نشف ، باسكو راه يشرب العسل ، سخني شوية عسل ، و عاودي عسلي الحبات بنفس الطريقة ، برك نقصي شوية العسل ، يعني بدل ملعقة كبيرة ، ديري ملعقة صغيرة معمرة مليح .
، حطيه فلي كيسات ، و بالصحة و الهنا " ~ أحسن مقروط " و أضمن وصفة بإذن الله

بالنسبة للتشكيل : طبعا مع لي مودال الجدد تع الطوابل و لي مول تقدري تشكلي المقروط تاعك كيما تحبي ، شكلي كريات من العجين ، و كريات أصغر من الحشو ، ديري كرية الحشو داخل كرية العجين و دوري مليح بيدك ، كمية العجين تكون مليحة ، ماتديريهاش رقيقة بزاف ، و الحشو تاني ، ماتكثريش حتى يخرج ، و ماتديريش نقطة حتى ماتبانش كامل " الكرم الكرم أححم أحححم .
ديريه فالطابع و أطبعي ، و طيبيه ، و بعد ماتعسليه زينيه بالبيستاش المرحي متوسط .

http://store1.up-00.com/2015-07/1436733433143.jpg
~~~~~~~~~~~~~~~~~~~~~~
هذا هو مقروط سوريا بالشرح المفصل الممل جدا هههههه ، و الي مافهمتش أي حاجة تسقسي ، علابالي الصور هوما أحسن توضيح ، مي الله غالب انا حتى نكمل الوصفة باش نتفكر التصاور ههههههههه
يالله ~ نلتقي بعد قليل ان شاء الله في وصفة أخرى .....

محجوووووووز ، بالاكو نلقى تعليقات ظوكا هههههه ، فرحوني بالتعليقات كي نكمل ماشي ظوكا أوووك ؟؟
حبكم & دعواتكم
Nour

[عماني نور]

العجينة السحرية :
هي عجينة تصلح لكل أنواع الحلويات الي فيها طلية أو تجي مسكرة : تشاراك ، عرايش ، براسليات ، مخبز كيما الي في الصورة .....
ديرو بيها أشكال و أنواع من الحلوى و تجي بزااااااااااااااف خفيفة و ماشي مزيتة كيما العجينة تع السمن و الحليب الي صراحة اعتمدناها سنوات و سنوات و كانت مسلكتنا يعني يكثر خيرها باش ماننكروش الجميل احححم احححم ، بصح هاذ العجينة خييير و خير
أولا : لأنو مقاديرها مضبوطة
ثانيا : فم فم تقدري تخدمي بيها ، و سهلة جدا في التشكيل و حتى طيابها مايديش وقت .

نعطيكم مقادير العجينة فقط ، الحشو يبقى ليكم ، كل واحدة على حساب الحلوى الي رايحة تديرها أوووك ؟


أنا درتو على شكل مخبز ، درت كريات صغيرة من العجينة ، حشيتها بلوز مرحي متوسط + سكر + مبشور ليمون ، لميتها بصفار البيض ، يجي ذوقها كيما مقروط اللوز تماما ، و ماتخافوها تيبس ، مايتبدل طعمها ... العكس تجي معسلة و بنينة هااايلة ، و كل واحدة و ذوقها ....
المهم بعد ماحشيت الكويرات درتهم في طابع بيضوي و شكلتهم بيدي و طيبتهم ، طليتهم و زينتهم بورود اصطناعية ، هذا ماكان ^^

http://store2.up-00.com/2015-07/1436734991791.jpg

مقادير العجينة السحرية :
- 250 غ زبدة ، ممكن تستعملي فلوغيال أو لابال أو ماني ، تعطيك تقريبا نفس النتيجة فهاذ الوصفة
- 500 غ فرينة .
- ماء الزهر .

ديري الزبدة كيما هي بلا ماتذوبيها ، زيدي عليها الفرينة بشوية و لمي بيدك ، بعد ماتكملي كمية الفرينة ، رشي بماء الزهر حتى تتشكل عندك عجينة طرية و متماسكة كيما عجينة الصابلي .
إذا استخدمتي العجانة ، استعمليها فقط باش تلمي الزبدة و الفرينة ، لكن كي تجي تضيفي ماء الزهر اتكلي على يدك باش تعرفي اذا كمية ماء الزهر كافية او لا ، لأنو ممكن تتكلخلك كي تستعملي البيتخا ، و تجري العجينة ، أومبعد أكيد رايحة تزيديلها الفرينة ، و هذا يعني انو بديتي تخلطي و تخسري في عجينتك سيدتي الشطورة ^^

تتلم العجينة ، ديريها في كيس بلاستيكي أو بابيي فيلم تريح شوية برك ، و اخدمي بيها واش تحبي ^^

برك ماتنسايش تدعيلي ^^
ملاحظة :
كوني سخية في الحشو إذا شكلتيها على شكل مخبز ، باش يبان صح مخبز ^^ .


مازال ماكملتش ~ لا تعليقات :34: :34:

Nour

[عماني نور]

مخبز الفلان :

http://store1.up-00.com/2015-07/1436735403371.jpg

هي وصفة سهلة ، إقتصادية ، و هشة جدا و بنييييينة جدا ^^ نتمنى تجربوها و تعجبكم
مكونة من 3 حاجات ، العجينة ، الحشو ، و الطلية .... الطلية نخلوها في الصفحات المقبلة ان شاء الله ^^

بالنسبة للعجينة فيها :
250 غ زبدة ذايبة و باردة " أنا نستعمل فلوغيال " .
2 بيضات كاملين
باكي فلان فاني تع 50 غ .
ملعقة كبيرة سكر عادي
فانيليا
1 خميرة
نصف كأس مايزينة
فرينة
الحشو :
250 غ كوكاو محمص غير شوية " ماشي حتى يحمار " مطحون متوسط .
2 م ك سكر
م ك مرغرين ذايبة
و نلم بماء الزهر
التحضير :
1/ العجينة : نذوبو الزبدة و نخلوها تبرد " ماشي حتى تجمد " قيس ما تولي بحرارة الغرفة ، نضربها مع 2 حبات بيض ، نزيد الفلان و السكر و الفاني ، و نخلط كل شي مع بعض .
نزيد المايزينة ، الخميرة و الفرينة حتى تتلم العجينة ، و لازم تكون عجينة طرية و سهلة التشكيل ، تشبه لحد بعيد عجينة الصابلي .
الحشو : نخلطو جميع المكونات و نشمخوهم بماء الزهر ، ماشي حتى تولي عجينة ، غير قيس ماتتشمخ و تتلم شوية برك ، باش ماتيبسلناش فالطياب .
التشكيل :
نديرو حربوش من العجينة ، كيما الي نديروه فالمقروط عادة ، يعني نديرو حربوش و نثقبوه بصباعتينا في الوسط ، نديرو الحشو فالوسط ، و نعاودو نغلقو الحربوش ، ندوروه بيدينا حتى يرقاق شوية .
نقطعوه بالموس ، ظوك هنا تحبو تقطعوه مربّعات ، مستطيلات ، مثلّثات ، أنتوما و ذوقكم ^^
برك ديرو حساب بلي فيه الخميرة ، يعني حجمو يكبر ، فحاولو صغرو الحجم شوية ، باش مايتعبش فالماكلة و مام شكله يجي شباب
أنا درتو ضخم ههههههههههه " اتكلخت ماشي بلعاني " راني قتلكم نقوللكم كامل الأخطاء الي وقعت فيها باش ماتعاودوهاش "

المهم ، نديروه في سنيوة مرشوشة بالفرينة ، حطوه متباعد شوية باش مايلصقش كي يخمر ، نطيبوه في فرن مسخن من قبل بحرارة 180 درجة ، مدّة 15 د تقريبا ، شوفوه غير يتحمر من الجناب خلاص ، مالازمش يطول فالكوشة باسكو إذا طوّل ييبس الحشو .
بعد ما يطيب ، خلوه يبرد تماما ، سوولو الجناب بالموس ، يعني نحو الزوائد باش يجي الشكل مطبوع ، لأنو يخمر فرايح يتبدل الشكل شوية .
أطلوه ، خلوه ينشف ، زينوه كيما تحبو ، و بصحتكم ☺

ملاحظة : ممكن تستنغناي عن الحشو ، تديري العجينة وحدها ، تطبعيها ، و تطليها ، تجي خفيفة تاني ^^

أسرار الفشل :
- تكثري السكر في الحشو ، هذا أهم مسببات الفشل ، باسكو إذا كثرتي السكر معناه الحشو يجي يابس ، و إذا يبس الحشو ، قاردي بيه الناس ، ماتشقايش تاكليه ^^
- الزبدة خليها تبرد أومبعد أخدمي بيها ، إذا درتيها دافية ولا سخونة شوية رايحة تديلك بزااااااااف الفرينة و ماتخرجش مليحة .
- ماتكثريش الفرينة باش ماتيبسش العجينة ، أولا رايحة اتعبك فالخدمة ، ثانيا مارايحش يجيك خفيف و يذوب فالفم كما يجب .
- ماتكثريش السكر فالعجينة ، لأنو الحلوى رايحة تتطلى ، فمقادير السكر راهي مضبوطة كما يجب ...

~~~
Nour

[عماني نور]

مقروط القارص :

هاذ القاطو إختراع ، هو بوسو لا تمسو بالليمون ، أنا شخصيا نحبو بزااااااف ، شكلو يجي كيما مقروط اللوز " شكلووو ^^ " ، بنتو هايلة ، و بزااااااااااااف خفيف و إقتصادي جدا تاني ☺
المقادير :
250 غ زبدة " فلوغيال " .
100 غ فلان فاني
2 صفار بيض
بيضة كاملة
1 خميرة
مبشور حبة ليمون " الأحسن يكون أصفر "
فرينة
الشاربات :
نصف كأس سكر
كأس ماء
عصير 2 حبات ليمون
التزيين :
سكر ناعم
ملمع غذائي ( إختياري ) .
التحضير :
نبداو بالشاربات : ماء + سكر ، نديروها فوق النار و نخلوها تغلي 10 د و نطفو عليها ، نزيدولها عصير 2 ليمونات ، و نخلوها تبرد .
العجينة :
نخلطو الزبدة مع الفلان حتى تمتزج تماما ، نزيدو صفار البيض و نخلطو مليح ، نزيدو البيضة الكاملة و نخلطو ، مبشور الليمون + فرينة و خميرة ، حتى تتشكللنا عجينة طرية ، باالاكو تيبسوها ، لموها حتى تولي كيما عجينة الصابلي طرية و خفيفة .
خلوها تريح شوية ، شكلو حربوش ، قطعوه مقروطات متساوية ، رشو السنيوة بشوية فرينة ، حطو الحبات متباعدين شوية ، و طيبوهم على حرارة 160 درجة مدّة 7 – 8 د ، غير قيس ما يولو يتشققو ، و نحوهم
خلوهم فالسنيوة شوية حتى يبردو ، أومبعد نحوهم ، خلوهم يبردو تماما ...
وجدو السكر الناعم مغربل
الحبات سووهم بالموس من الجناب إذا شفتو الشكل تبدل شوية ، باش يجونا مقروطات شابين ..
غطسوهم فالشاربات ، خلوهم واحد 15 ثانية هكذاك ، و نحوهم قطروهم شوية برك ، و رمدوهم فالسكر مليح ...
عند التقديم جيبو صفاية فيها سكر ناعم و رشو عليهم ، و من فوق رشو ملمع غذائي ، هاذي اختيارية الي يحب يخلي المقروطات تاعو سامبل يخليهم ^^
هذا ماعنديش صور تاعو :/ مع اني نديرو بزاف ، و راني دايرة منو للعيد ان شاء الله ، بصح وجدت غير العجينة برك و خبيتها ، حتى قريب العيد ان شاء الله نديرها فالشاربات و نسكرها .
نصائح :
- ماتكثروش الفرينة فالعجينة باش يجيكم خفيف .
- يستحسن كثيرا يكون القارص أصفر لأنو الأخضر شوية مر ، لكن أكيد إذا مالقيتوش استعملو الأخضر عادي ، لكن ماتكثروش منو .
- القاطو يكون بارد و الشاربات باردة .
- ماتخلوش القاطو يشرب بزاف باسكو راه يتحرحر كااامل ، غير قيس مايتشمخ شوية .
- الي تحب وصفة بوسو لا تمسو ، تستغنى عن الليمون تماما ، تستبدلو بالفاني فالعجينة ، و بدل الشاربات تدير ماء الزهر ^^
و يكون عندك ألذ و أخف بوسو لا تمسو ان شاء الله
بصحتكم

Nour

[عماني نور]

الطلية :
وصلنا للمسقي ظوكا هههههههه ، وصلنا لأكثر حاجة يفشلو فيها بزااااااف بنات و حتى نساء ، و ماشي عيب لأنو الوصفات بزااااااف ، و مانعرفوش وين راهي الناجحة فيهم و الأهم الي ماتيبسش مهما طولت ....
أنا عندي 3 وصفات معتمدتهم ، نبدل بيناتهم حسب الحاجة ، يعني إذا قاطو ساك مثل الصابلي ، ندير وصفة الطلية بالحليب
إذا قاطو تع مناسبة مهمة بصح الكمية قليلة : ندير طلية روايال
و إذا مناسبة بصح عندي كمية كبيرة ندير الطلية تع السيرو
ظوك نحطهوملكم كامل ، بالتفصيل ، و نتوما خيرو منهم الي تحبو و الي تساعدكم ^^

1/ طلية الحليب :

وصفة مضمونة و بزاااااااااف ناس معتمدينها ، المليح فيها أنها فم فم تنشف ، خفيفة ، بنينة ، تصلح للحلويات الجافة و حتى لحلويات المناسبات
لكن الي ماشي مليح فيها أنها تبدا تطلق اذا طولت ، يعني تميه شوية ، و حتى طعمها يتبدل ، و إذا حطيتي الحبات فوق بعضاهم راهي رايحة تفسد تماما .
لذلك يتسحسن أنها تستهلك في أقرب وقت ، يعني ماتفوتش أسبوع ....

المقادير بسيطة : ديري كيلة حليب سائل بحرارة الغرفة ، كيلة زيت ، كيلة ماء الزهر ، شوية عصير ليمون ، خلطيهم مع بعض بملعقة ، و ابداي تزيديلهم في السكر الناعم المغربل بشوية حتى تولي ثقيلة ...

الطلية تاعك باش تعرفيها بلي راهي واجدة و مليييحة ، تولي ثقيييييييلة ، بمعنى لوكان ترسمي رقم 8 بيها تبقى مدة باش تسيح ، هكذا باش تجيك طلية و عليها الكلام ، ماشي غير تثقال شوية خلاص تطلي بيها ، لالا هكذاك رايحة تجيك شفافة ، يتسمى ماشي ناجحة ، زيديلها السكر حتى تثقال مليح و اخدمي بيها .
كي تجي تطلي ، ديري مشبك ، اذا ماعندكش استعملي المشبك تع الكوشة أو الثلاجة ، ديري سنيوة نقية من تحت ، حطي الحبات فوق المشبك ، اذا كنت مبتدئة أبداي بعدد قليل 3 حبات .... ديري فوقهم مغرفة كبيرة طلية أو أكثر ، خليها تهبط شوية ، و احكمي المشبك من الطراف و اخبطيه غير بلعقل باش تهبط الطلية مليح و تتغلف كامل الحبة ، شوفي الحبات تاوعك من كامل الجوانب باش تتأكدي بلي اتطلات كامل
غير تهبط الطلية مليح ، يهبط الزائد منها ، نحي الحبات غير بلعقل ، ارفديهم بفورشيطة من تحت و حطيهم في سنيوة ، و خليهم ينشفو مليح .
بعد ماينشفو تماما ، ارفدي الحبات تاوعك تلقاي فيهم بعض الزوائد تع الطلية يعني شكلهم غير متناسق ، احكمي موس و بداي تنحي فالزائد ، غير بلعقل ...
الحبات ظوكا كامل راهم شكل واحد ، متناسقين و شابين ، جيبي ملمع غذائي ، و بواسطة فرشاة أو اسفنجة أو صبعك اذا ماعندك لا هاذي لا هاذيك ، فوتي الملمع على الحبة كامل ، و زينيها كيما تحبي .
هاذ الخطوات تديريهم مع نوعين الطلية الي رايحة نكتبهم ظوكا اووووك ؟؟


الوصفة الثانية :

2/ طلية الشاربات
الشاربات : كيلة سكر + 2 كيلات ماء
سكر ناعم مغربل
2م ك عصير الليمون
2 م ك ماء الزهر
بياض بيضة
التحضير : نطيبو الشاربات ، ماء + سكر و نخلوهم يغلو 10 د ، نحطوها بجيه و نخلوها تبرد تماما
ظوكا هنا على حساب كمية القاطو الي عندك ، إذا بزااااف ديري كمية الشاربات الي عندك ، إذا كمية قليلة ، خذي مقدار فنجال صغير تقريبا بزاااف ...
حطي الشاربات ، زيديلها السكر حتى تتماسك مليح ، هنا زيديلها بياض بيضة ، ماء الزهر و عصير الليمون ، إذا لقيتيها ماهت بزاف زيديلها السكر الناعم المغربل .

نصائح : ماتستعمليش أبدااااااااااا الفوي في نحضير الطلية ، لأنها تديرلك فقاعات هواء تفسدلك شكل الطلية تاعك .
ماتديريش الطلية مايهة و شفافة لأنك راكي تخسري فالسكر تاعك بااطل ، يا تديري طلية و عليها الكلام ، يا ماكالاه ^^

إن شاء الله إذا اتبعتِ النصائح هاذي نأكدلك بلي تخرجلك طلية هااايلة شكلا و ذوقا ان شاء الله ^^

بقاتلنا آخر وصفة للطلية ~

3/ طلية روايال :

هاذي طلية هااااااااايلة ذوقا و شكلا و لمعانا ، تقولي راكي تاكلي فالفوندون ماشي طلية ، هي تطول باش تنشف بصح نتيجتها رووعة ، تصلح للمناسبات ، و الحلويات الي تتهلاي فيها ^^

المقادير :
- بياض بيضة .
- نص فنجال عصير ليمون يعني عصير حبة ليمون تقريبا ( حبة متوسطة ) ، ديري تقريبا 4 ملاعق كبيرة .
- نفس الكمية ماء الزهر .
خلطوهم مع بعضاهم شوية برك ، و ابداو تزيدو في السكر الناعم المغربل بشوية حتى توليلنا طلية متماسكة .

الملاحظات : الملون نستعملوه بعد ما نكملو كل كمية السكر ، باش يعطيلنا اللون المطلوب .
أنا شخصيا نستعمل منكهات في الطلية ، يعني اذا كنت دايرة قاطو باللوز ، ندير قطرة منكه لوز فالطلية ، صدقوني تعطيك طعم راااائع ، و الحلوى تاعك تعبق من بعيد .
و اذا درت صابلي أو مخبز الفلان مثلا : ندير نكهة الفراولة في الطلية تاني النتيجة تكون هاااايلة ، جربوها و اعطوني رايكم ;)

بهذا نكون آنساتي سيداتي كملنا الموضوع ~ نتمنى يكون عجبكم ، و نفعكم ياااااااربي .....
نستنى تطبيقاتكم ، أسئلتكم ، تعليقاتكم ... و حتى انتقاداتكم و إضافاتكم أكيد ...
و ماتنسونيش من دعواتكم حبوووباتي ، أدعولي بالتسهيل في كل الأمور و التوفيق و الهداية يااااااااااااااااارب

حبكم كاااااااااامل
Nourita ♥

إنتهى

[براءة سامية]

مرسي يعطيييييييييييييييييك الصحة

[عماني نور]

يسلمك ☺ ~ شكرا على المرور ^^

[khadidja1]

يعطيك الصحة

[Meymouna*]

شكرا اختي وصفات هايلين

[نونة الجزائرية]

يعطيييييييييييييييك الصحة نور

[ام ورود]

شكرا جزيلا على الوصفات والنصائح...جزاك الله خيرا...
اختى حبيت نسال بالنسبة للفلان هل لازم فاني.....وماهو دوره في الوصفة....وشكرا

[معتزة باسلامي]

ربي يعطيك ماتتمناي ويرزقك الفردوس الاعلى على المجهود الي تبذلي فيه

[sheherazed]

Merciiiiiiiii hbiba w Rabbi yjazik w ybarek fik nchlh


W mn 3ndi ahla takyiiiiiiiiim

[زهرة الريف*]

بارك الله فيك وجزاك الله خيرا على هذا المجهود الرائع
وشكراً كثيراً على الوصفات والنصائح ربي يبارك فيك

[Aya69]

يعطيك الصحة وجزاك الله كل خير يارب العالمين

[samsouma70]

يعطيك الصحة يا لفحلة
عارفاتك نهار اللي تحطي وصفة وعليها لكلام
ربي يحفظك و يحققلك اللي راكي متمنيتها يااااااااااارب

[salima saradj]

يعطيط الصحة

[saja hamed]

4444444444444444444444444444

[ام اريج نرجس]

سلااااااام:mh31: انا مشتركة جديدة :D في الحقيقة سبب مشاركتي هو ابداعكم على الموقع ومعاملتكم مع بعضكم البعض.... ما تقدمونه هو فن :19::19::rolleyes: مشكوووووووووورة .......الله يعطيك الصحة و عيد مبارك...

[باسم وبيسان]

يعطيك الصحة سخطووو على القلاصاج 44444444444444

[حياة نور الدين]

بارك الله فيك

[omo marwane]

السلام عليكم مشكورة اختي على كل هذه الوصفات وعلى أسلوبك الرائع جعل الله ذلك كله في ميزان حسناتك

[~رآقية بأخلآقي~]

مشكووووووووووووورة نور أكيد ستكون لي عودة إن شــــآء الله لتطبيق إحدى طليـــآتك,,,

بارك الله فيكي

[شوشو 11]

باااااااارك الله فيك وجزاك الله الجنة
كفيت ووفيت وأعطيت النصائح من قلبك ربي يعطيك ما تتمناي

[عماني نور]

أوّلا شكرا ، جزيل الشكر على تثبيت الموضوع :) ~

♥

[عماني نور]

شكرا جزيلا على الوصفات والنصائح...جزاك الله خيرا...
اختى حبيت نسال بالنسبة للفلان هل لازم فاني.....وماهو دوره في الوصفة....وشكرا

حبيبتي راهم كايني وصفتين فيهم الفلان ، وين فيهم الي تقصدي ؟؟؟

و في الوصفتين أكيد تقدري تبدلي الذوق ، لكن مثلا إذا درتي مقروط القارص حاولي تعوضي القارص بالذوق الي درتيه ، يعني اذا درتي فلان فراولة ، ديري نكهة الفراولة بدل الليمون ..

و في المخبز ممكن تغيري الذوق عادي ^^

أنتِ و ذوقك ~ ديري الي يعجبك ☺ ♥

[عماني نور]

ربي يحفظكم كااااااااااااااااااامل إن شاء الله ~

والله غير تفرحني ردودكم ^^ ربي يسعدكم ياااااااااااااااااااااارب ~ ♥

[محبة رسول الله]

جزاك الله الجنة على هاد الوصفات بالنسبة للمخبز بالعجينة السحرية هل نقدر ندير عجينة الشاراك للاخت ام اماني تاع كيلة سمن وكيلة حلين وكيلة زيت ونلم بالفرينة ولا لازم هادي الوصفة راني رايحة نجربو من فضلك الجواب وربي يخليك

[ام لوجين وهديل]

يعطيك الصحة روعة اريد منك مقادير المشوك مع اسرار النجاح والفشل نحب نديرو في العيد

[ام مدينة]

يعطيك الصحة اختي على الوصفات كلهم روووووووووعة

[عماني نور]

]

جزاك الله الجنة على هاد الوصفات بالنسبة للمخبز بالعجينة السحرية هل نقدر ندير عجينة الشاراك للاخت ام اماني تاع كيلة سمن وكيلة حلين وكيلة زيت ونلم بالفرينة ولا لازم هادي الوصفة راني رايحة نجربو من فضلك الجواب وربي يخليك

أكيد حبيبتي ممكن تستعملي الإثنين ، فيزوج يصلحو ، لكن في الطعم هاذي خير ، لأنو العجينة السحرية الأولى تجي مزيتة بزااااف :rolleyes:~ و أنتِ و ذوقك ^^

[محبة رسول الله]

مشكورة اختي ان شاء الله كي نجربها وتصلحلي نقولك مرة اخرى مشكووووووورة اختي

[أم درصاف]

بارك الله فيكي اخيتي ربي يعطيك ما تتمناي

[محبة رسول الله]

انا راح نجربها بالعجينة نتاعك وعجينة التشاراك العادية 3 كيلات فرينة بكيلة سمن ونردلك يخي تصلحلي وتاعك ان شاء الله تجيني مليحة اختي شكراااااا

[عماني نور]

يعطيك الصحة روعة اريد منك مقادير المشوك مع اسرار النجاح والفشل نحب نديرو في العيد

نورتيني يا أم لجين ~ أدعيلي حتى أنا ان شاء الله نولي ام لجين ☺ ~ لأنو هذا أحب الأسماء على قلبي ^^ ربي يحفظهالك ان شاء الله هي و هديل ^^

بالنسبة للمشوك ~ أنا معتمدة وصفة قدييييمة ، بصح بنينة بزاااااااااااااف و زاكية ان شاء الله تجربيها و تعجبك :

مقاديرها :

250 غ زبدة فلوغيال .
ملعقة كبيرة سكر ناعم
4 صفار بيض .
نصف كأس جوز مرحي
كأس كوكاو محمص و مرحي رقيق
نصف كأس حلوة الترك
1 خميرة
فاني
فرينة



و إذا تجبي الجلجلان ممكن تضيفيلها ، و ممكن تستغناي عن حلوة الترك و الجوز و تديري 2 كيسان كوكاو ^^ ، كيما ممكن تعوضيهم ب 2 كيسان لوز طبعا ^^

خلطي الزبدة مع السكر ، ثم صفار البيض ، ثمّ المكسرات ، الفاني ، الخميرة + الفرينة حتى تتلملك ، و تجيك عجينة طرية ، شكليها دوائر ، غطسيها فبياض البيض ، و رمديها فالكوكاو أو اللوز بقشورو مرحي خشين و ماشي محمص ...حطيها فلي كيسات و ديريها تطيب في فرن مسخن بحرارة 180 درجة ، مدّة 10 دقائق تقريبا أو أقل ..... حتى تشوفيه تشقق
غير تخرجيه ، عسليه بعسل بارد ، كل حبة ديريلها ملعقة كبيرة عسل ~


و بصحتك ^^ ☺

[عماني نور]

مشكورة اختي ان شاء الله كي نجربها وتصلحلي نقولك مرة اخرى مشكووووووورة اختي

لا شكر على واجب حبيبتي ☺ ~ الشكر لكِ على المرور الطيب ^^


انا راح نجربها بالعجينة نتاعك وعجينة التشاراك العادية 3 كيلات فرينة بكيلة سمن ونردلك يخي تصلحلي وتاعك ان شاء الله تجيني مليحة اختي شكراااااا

عجينة التشاراك قصدك تديري بيها تشاراك ولاّ مخبز ؟



بارك الله فيكي اخيتي ربي يعطيك ما تتمناي

آآآآمين ياااااااارب و إياكِ ان شاء الله ^^

[محبة رسول الله]

ندير بيها المخبز كان متصلحش اختي غير قوليلي باه مكلاه نديرها هكا ندير وصفتك وخلاص

[عماني نور]

ندير بيها المخبز كان متصلحش اختي غير قوليلي باه مكلاه نديرها هكا ندير وصفتك وخلاص

بصراحة أنا عمري ما جربتها ، يتسمى مانقدرش نعطيك رأي سديد :)

إذا عندك مناسبة مهمة على ضمانتي ديري المخبز الي كتبتو بنفس العجينة و نفس الحشو ، و أطليه بطلية روايال :19::19: من اروووووووووووع ما يكون

إذا حابة تجربي برك ، جربي الوصفة الي حبيتي و ملتي ليها ^^ و من التجربة أكيد رايحة تعرفي أحسن وصفة ^^

بالتوفيق حبوووبة ♥

[محبة رسول الله]

خلااص نجرب وصفتك اختي لعزيزة والف شكر على رحابة صدرك وردودك لينا

[lea cha pink]

شكرااا ربي يخليك

[ايمان 200]

يعطيك الصحة اختي

[ام احسان]

بارك الله فيك اختي

[0ibtissam]

يعطيك الصحة أختي على الوصفات جربت طلية اول مرة نجربها وصلحتلي جزاك الله خيرا

[Oum Ziko]

baraka allaho fiki


yatik saha

[biba04]

بارك الله فيك وجزاك الله خيرا على هذا المجهود الرائع

[ام عبد الله01]

بارك الله فيك و جزاك خيرا

[idron0]

جزاك الله خيرا

[rym86]

ya3tik assaha 3la had les recettes et les conseils

[ام زينوبة]

يعطيك الصحة أختي

[*ام بثينة*]

يعطيك الصحة ويعطيك الصحة و يعطيك الصحة

شكرا على الشرح الوافي الكافي لي مبخلتيش علينا بتجربتك
جعلها الله في ميزان الحسنات

[أم هنيدة]

جزاك الله خيرا وفي ميزان حسناتك

[صدفات]

يعطيك الصحة شرح وافي جاري التطبيق بإذن الله

[هبة الرحمان 23]

:dj_17:مشكورة اختي على كل الجهود باينة صنافة الله يبارك فيك و في صويبعاتك يعطيك الصحة:19:

[ام ارسلان2]

44444444444444444444444444444444444444444

[passifika katrina]

السلام عليكم
بارك الله فيك
وجزاك خيرا
أعجبني الموضوع للغاية
جزاك الله خيرا

[passifika katrina]

دمت للمنتدى

[ام البنوتة]

المقروط روعة ياريت كنت حطيتي الوصفة من قبل بايام شكرا لمجهودك حبيبتي

[chetoui]

...جزاك الله خيرا...

[sweet Giirl]

يعطيك الصحة يا الفحلة
ديري فيا مزيا و اعطينا المقادير للطلية قيس 100 حبة عرايش

[liliane24]

44444444444444

[wala]

بارك الله فيك موضوع رائع فيه كل شيئ

[faryal zahira]

جزاك الله خيرا

[ocean d'espoir]

بارك الله فيك اختي يعطيك الصحة

[ليليا25]

روعة روعة روعة

[أم محمد تاج]

الله يعطيك الصحة على الوصفات وعلى تعبك بوركتي

[_اية_]

شكرا بارك الله فيك

[دادي03]

بارك الله فيك

[ليلى اماني]

شكرا جزاك الله خيرا

[فايزة1207]

بارك الله فيك اختي

[فايزة1207]

[التشكيل :
نديرو حربوش من العجينة ، كيما الي نديروه فالمقروط عادة ، يعني نديرو حربوش و نثقبوه بصباعتينا في الوسط ، نديرو الحشو فالوسط ، و نعاودو نغلقو الحربوش ، ندوروه بيدينا حتى يرقاق شوية .
نقطعوه بالموس ، ظوك هنا تحبو تقطعوه مربّعات ، مستطيلات ، مثلّثات ، أنتوما و ذوقكم ^^

ربي يسترك فاهميني فيها مليح حابة نديرو لعشية

[lotfia123]

الجوز نقشروه ونحمصوه ولا لا

[اميمة44]

شرح مميز يعطيك الصحة

[تغرينية]

بارك الله فيك وجزاك الله خيرا على هذا المجهود الرائع

[radjasamir]

salam 3alaykom okhti
rabi yejazik kol khir w rabi yebarek fik 3la echarh ta3ek
habit nsaksik glaçage royal haba njarbo bessah 9olili okhti wach nesta3mel Bach neharak batteur wela fououi wela farchita ?

[ام ساجد]

يعطيك الصحة وجزاكي الله خيرا على مجهودك

[ghorba]

جزاك الله خيرا

[كروان الصحراء]

يعطيك الصحة حبيبتي
ويجعلها في ميزان حسناتك

[dalila2010]

شكرا لك اختي الفاضلة على وصفاتك القيمة ربي يحفظك ويعطيك ماتتمناي

[pharma-93]

مرسي ختي ربي يجعلها في ميزان حسانتك نشاالله ختي تعيشي جاوبيني حبيت ندير الوصفه نتاعك نتاع قاطو القارص بصح حبيت نحشيه باللوز ملداخل قوليلي كاين كيفاه نقدر ولالا ؟؟وصحه فطورك

[عماني نور]

خلااص نجرب وصفتك اختي لعزيزة والف شكر على رحابة صدرك وردودك لينا

إن شاء الله تصلحلك و تعجبك آمالا ~ العفو حبيبتي ☺

شكرااا ربي يخليك

يعطيك الصحة اختي

بارك الله فيك اختي
baraka allaho fiki


yatik saha


شكرا على مروركنّ الطيّب حبوباتي ^^

يعطيك الصحة أختي على الوصفات جربت طلية اول مرة نجربها وصلحتلي جزاك الله خيرا

الحمد لله كي جربتي و صلحتلك ^^ ~ بصحتكم ♥

[عماني نور]

بارك الله فيك وجزاك الله خيرا على هذا المجهود الرائع

بارك الله فيك و جزاك خيرا

جزاك الله خيرا

ya3tik assaha 3la had les recettes et les conseils

يعطيك الصحة أختي

يعطيك الصحة ويعطيك الصحة و يعطيك الصحة

شكرا على الشرح الوافي الكافي لي مبخلتيش علينا بتجربتك
جعلها الله في ميزان الحسنات

جزاك الله خيرا وفي ميزان حسناتك

يعطيك الصحة شرح وافي جاري التطبيق بإذن الله


:dj_17:مشكورة اختي على كل الجهود باينة صنافة الله يبارك فيك و في صويبعاتك يعطيك الصحة:19:

44444444444444444444444444444444444444444

دمت للمنتدى

المقروط روعة ياريت كنت حطيتي الوصفة من قبل بايام شكرا لمجهودك حبيبتي

...جزاك الله خيرا...


حبوووباتي ~ شرفني كثيرا مروروكنّ

شكرا على كلماتكنّ الطيّبة ~ دمتمنّ بود ♥ ♥

[عماني نور]

يعطيك الصحة يا الفحلة
ديري فيا مزيا و اعطينا المقادير للطلية قيس 100 حبة عرايش

حبيبتي ، المقادير على حساب الطلية الي تديريها ، لأنو كل وصفة تعطيك كمية مختلفة عن الوصفة الأخري

إذا درتي الطلية تع الحليب ديري كأس متوسط كيلي بيه ~ و السكر يطيحلك حوالي 6 حتى 7 صاشيات

إذا درتي طلية تع البيض اضربي الكمية في 3

و اذا طلية الشاربات ديري 2 كيسان تع 250 ملل ،،

و إن شاء الله تكون مضبوطة ☺ ~

[عماني نور]

44444444444444

بارك الله فيك موضوع رائع فيه كل شيئ

جزاك الله خيرا

بارك الله فيك اختي يعطيك الصحة

روعة روعة روعة

الله يعطيك الصحة على الوصفات وعلى تعبك بوركتي

شكرا بارك الله فيك

بارك الله فيك

شكرا جزاك الله خيرا

بارك الله فيك اختي

شرح مميز يعطيك الصحة

بارك الله فيك وجزاك الله خيرا على هذا المجهود الرائع


مشكووورات على المرور العطر

[أم عبد الكريم]

يعطيييييييييييك الصحة حنونة

[زهرة السوسن البري]

شكراااا يعطيك الصحة

[عماني نور]

[

ربي يسترك فاهميني فيها مليح حابة نديرو لعشية

http://store2.up-00.com/2015-07/143690855161.jpg

http://store2.up-00.com/2015-07/1436908551692.jpg

شوفي الصور ، كيفاش قسمت العجينة ، و كيفاش دارت الحشو ، و كيفاش غلقت و دارت حربوش ،، انتِ ديري كيما هي و قطعيه هذا ماكان ^^

الجوز نقشروه ونحمصوه ولا لا

تقشريه قصدك من القشرة القاسية الي برا ؟ هاذيك أكيد تتقشر
بصح الحبات ماتقشريهم ماتحمصيهم ، أرحيهم كيما راهم ، و بصحتك ☺

salam 3alaykom okhti
rabi yejazik kol khir w rabi yebarek fik 3la echarh ta3ek
habit nsaksik glaçage royal haba njarbo bessah 9olili okhti wach nesta3mel Bach neharak batteur wela fououi wela farchita ?

حبيبتي ، عمرك ماتستعملي الباتور ولاّ الفوي فالطلية ، لأنك رايحة تدخليلها الهواء ، و كي تجي تطلي تديرلك بنابل ، يتسمى تخسرلك المنظر شوية

إذا عندك سباتول خلطي بيها إذا ماعندكش استعملي ملعقة عادية حطب أو حديد ~

[عماني نور]

مرسي ختي ربي يجعلها في ميزان حسانتك نشاالله ختي تعيشي جاوبيني حبيت ندير الوصفه نتاعك نتاع قاطو القارص بصح حبيت نحشيه باللوز ملداخل قوليلي كاين كيفاه نقدر ولالا ؟؟وصحه فطورك

بصراحة عمري ماجربت نحشيه ، أنت سيي حبة واحدة و شوفي ، إذا ما اتحلتش معناها تقدري ^^

رجعيلنا الخبر اذا جربتي نتعلمو منك ☺ ^^

[فايزة1207]

هاذ المرحلة فهمتها
بغيت نفهم انه الحشو يبان ولا كيفاه

[عائشة 88]

شكرا ر بي يجازيك كل خير

[بعيدة المنال]

ربي يجازيك دنيا وآخرة

[sousouhd]

http://www.djelfa.info/vb/data:image/gif;base64,R0lGODlhUwAqAPY5AAEBAQ8PAA8PDx8fAB8fDxA QEB8fEB8fHy8vAD8/AC8vED8/ECAgIC8vIC8vLz8/IDAwMD8/MD8/P09PAE9PD19fAF9fD29vAH9/AE9PL09PP0BAQE9PQE9PT1BQUF9fX2BgYG9vb39/fwD/AI+PAJ+fAK+vAL+/AM/PAN/fAPXABO/vAP//APCUUPW3V+1rnjm8/4+Pj5+fn6+vr7+/v8/Pz9/f3+/v7////wAAAAAAAAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAAAAAAAAAAAACH/C05FVFNDQVBFMi4wAwEAAAAh+QQJBwB/ACwAAAAAUwAqAAAH/4B/goOEhYaHiImKi4yNjo+QkZKTlJWWl5iZmpucnZ6foKGio6Slpq eoqaqrlDCsi66Zsa+Is5cwtrSEuJW4vr+HL5/Chr/Grb/EhsqczIXGuYLOicCIL9OYLdiC1ci+hdfh4pfi5S673ZOz0X/l25LuxYPsjrYjsbbjm/rn3M+ZI4Lpy1ROUL9GEgAoVAih0YiA4Aa9gyfR4MFD/QaYWMGiI4sTCQoQIvawpElpETEpc8GyZctEADzK7HiiASKTDwt d/OSSZaIJHkucYFEhhUcUHG6WNLQzG9OXhA4G4NjxggkWCIZ6BHA I51NDLTb19FcopscEGFgA0OpRgcFBENL/QOzp4oVPTwebCjqAQuaEtAHYduRKKK6guDDG4h2kUK/ZE0MxDE0w1IRWwoYUPr1LCvOfhWYvJGCRwujQEgDSql1IyPMgx bIygwY9SEDHCgAmnOibooIACaoxz6b9trhxT64FdehbQsAHAQs dzDhwlcWAQ8nPhTVILxNrRGYHyMBBnnwHoB8PgNdsavsfvYUec Cxx4Eb5DwioJtDViF6F2w6IIIIA+Q1WD3+ILNDXCRhgUN0KEyC ISQQX9NXRCiS4JWEmCSmk3oYghijiiCSCGAgAIfkECQcAfwAsA gAAAE0AIwAAB/+Af4KDhIWGh4iJijCKjY6PhIyQgpKFlZOLmJp/L44wl5GbiJ2IoIMjmJ+qq4qoj6SQpqKUq6awrYW3nrKzL6qHup AvwZa1v4S6l66RrIbDwsPRwy2LtZrLg5WV0tyE2MjdhC6GzZgj 2KCX3MSj0bvHjufy8+TO7onq0p7Z5vPf7fdeDdI1LpRBSPQECm LnLJc4RwUpJTr34pzCgbPERcwoaNk/UbwMuRhJkiTHbx9D4jpEbVDJkYU2EvKwoSYIji4LtRRVkh8iBh NKnBh6AkMDkZgYHor47eUgAIgCmGCRIgWLEyxYrMCQCOqhSjBx/okY0WshAVNZYMCaAGvWBIj/zJod+9KkoY9IxQGYO6jDhawsEmBgAcAt1QBx9y51qknl3seEAq wAPGFwALcnthZ6rBhRz7FiIRPifGEFgBJqUbdlUaLwCgGcN3cW 1KKkSm84JZg4AeBy1aspEgjoQIIFAk1kNy3bKdOQhBMpDogAgC CB9QAHanSYCneSTJm3H5l6blzGDRro0ePA4YDtPrHNJwEofuLD +vvrbQCYjFis/0YAZEUAfvfRMIFWAjQ0kX/f3JbAWzQQaIMGVpUgwX+F4JXRAVZh0MEN981wQAVaDYDhiYLId CALJBwggQQHDFAcCxf0khc+CmIyAApUDcVjVnydYgmKOAWAGmA soDABFZFMIiJBANYlgMAGTVZppZAMXvlfIAAh+QQJBwB/ACwBAAIAUQAnAAAH/4B/goOEgjCFiIIjiYyNjouOkYIvjYeSl4mUmIMum5KWnomdoaR/oJcwp6Wrho6anqmxsoQAf6+IALm1jruCva2upbKpf7u/wH8PFRjMGAgOiKDG0aqFt46qs77HtBgr3ywpLCwkAby9w9rW14 TshqkvMLrFjAAl4yQkLBMo4ycCjWrNMzWs3YgXCBOyc2dqkKpc iBCM24eBRYATEy9AKwQxkbp2CtkdZJcNFyEB/cYlqAgA48QBHNsRKpgpIciQCEPpAiARQz9mLBJgLNGSxE5uMx3 WtLlOYaEWmwBcYAFgwIoTGEmsQAFAQAkUBxBBSkpW5p+DSxlys taNqoMAF/8wYC0hYMaHe9zGbrrG1ykrACaCxrAroXCHGjgkYEQgVm81UqDU XgKg74QEHJgzYxYgztzZEaBDg2ZldpDaUY4mjENwQzNmGgNYoA A4SPRoSahJr40UYNyFGa5xxNBHooOt2qF1r3KRO5EAjBg+uI5B YVyFQrZXPY7EvLv3RglkEwhBo/wHC4FTbKzNHhmh5o8YQeXkvXnuA/dQVEjAvyKLEwtgJ2Ajuc2n23fu0XLPRBOh4NlumLzAHCmo6fVH fZNN4BILK2BAWygw1IfggRBKIoEuH7IiYiIW4lYIfMphMqIwMT YkiWSCYAhjjWKhQgpUo4QYiSWWtMgjI0YyYt9MKmMZuKOSRw55 5HaM4OhRlE9ekmWUBG7JZY5VxnekhVR+SUqSZqbJnXJe1shOmw ke994laCJZSJlq5qlnlHh+2eeemKCJ2p/tAapcIAAh+QQJBwB/ACwBAAQAUQAmAAAH/4B/goOEhTCFiImKi4yNjo+KAJCEKpOWjpWOkoKbl4idiYeeo5yljK KNnaCMmaSpf6ukm7GungC3uLS2sLWeqJF/I4oOuR2LubiEwr+eL6O0DgkmLNQrJQOJL7qEvy69g8yfhQAYLC skLCYrLC4T4o4w4Yry85qECNQnCSwY0ywpAQht+xOvoMFCzkjF Y+RskwAU1DDsS1COGgkJphoZXNhr48FjMCZQ4zexIrWAkugZKs gQHriNmkqUqMBCH78SLEoAYFFh4MqP2S4VTNhIwAoMAEicy7nC hIADKUz45AaukLBBL4jCA8poJwZiFfqdICGABtQTDiAxY5a1rd tBV/8RoVIpMKcDGyEk6O1gA8fOFdu0QnKb1SXVoisA38DBuLHffwe+ IWyLSPCgFpYknGCBYIZjxjL2mTAmWdCLEZQRPvJGSDAAnBhCfM bxodzUS0QtF/6278SBzzYIrMNm2JFgZ1lhELZsScDmAbIZz8gAsUTkRHFLL+dt LgGuC+tYEMc+ibXx1N92jhy5IkFrq9kTmX9EuDSsFOtPIMA+or///orMd5hqpjEioCMCJKAgAgww8h+A8rhwoCLxJYRZIRP+keEl/yEi4YcgXviNhAO6wtqDAb4AoiXmxQXii/YJEld8qKxY2osbkhJffILASJ4nNsYIiXk5FqdhkGrR14g6gCSO OMiGPIbiiYgEGSZKlBpiWBqWQlp12ZMsdrkIXb5YwpxGQha5pJ iXNMnmIhmeKaOQNL4pWVyBAAAh+QQJBwB/ACwBAAYAUQAkAAAH/4B/goOEhYaHhACIi4yNjo+PioKSf5SJkJiZmoOSnZeTnJuio4UApp WGnqikrKOmlpevrbOCMJiwqae0u5C4hSqrvI7Arb6pmLbCpJYw rxKfpMTKjZIHFSss2SYDoZDJ05uKAiUsKdnYKwig3uDfjCOXE9 nyKBjZKALBjiPuoi+0AASgyJYgRYkK2VhMCPbPEIyHECEKcqGs HyIA8giewJCAhQsW+IwViviQnSaLhxyYSJjgRImOLDCkQCBypE REDVmVNJSzEosE8hKsOHEhJoCNNQeRnEYyIiIYCH4CKHEiWwoT AjqQMPHsD0qlYGdZbMqoY4IPAhBMwHBBAI0OJv9OdGXUz9bXPz 0zvbi5qGOFEDdkiBh8A4eEE3JpwRuU15tTRgNYmHCAo7JlHAcM fpj2ovHiRd/uTmKxAkDhyzYiYxDZmFHn17BNhkWU+eeMyzhiyKugDHZnSC00S SCHQQRuB1W5KRvxmucjioRad5x82oYEhCfyCfPtfJeAEysqHJA gYRxB2Y5y9rT1excCbCgQm2NRQuTnRdCjF/rnO/ah/I9klBBI2iFyHyLQAbhIf/hpksBA2WAQwH6FjHCgIS4o2Ih/CGrYiADOGGjhiCMSkuGJKBKCEneFoOjiciTC04+LHlao3iDBDU Jji4qV2GGGguSIE4X/nTgbKdDFiOAnC0Zmkt+BL07z2YHJ5FejKFZKWSGGPBpyYSMKXg kOU7uIxtgmYgYCACH5BAkHAH8ALAEABQBRACUAAAf/gH+Cg4SFhoeIiX8jio2Oj5CRkpOUlZaXmJmam5ydnpmMiTCfpK WmjqOIL4gAg62Hr3+xp52vs4a2ii60lK23sLKTobzAv6zBpruc AMzNzITOzsSbxo3V04OpisYCzALA2Ji/CSgsLCcIgiquitqP7ofrlrcTLCv29gmF14TwpMPHBgUwB4MFBn MrAkB7Fy9cLAAHWSBgceGEuVn8svkLh+xPgHssALBIYJFFioei YKhcqbLTRkOMYtW7ONIiihTpBGVUOWLlpVXtrMkicYHESIMpEm K44EsQUEQsCSlz6YjZiQQfjZag6OJCiWeookJ62Y6sq6sCEKQw V0KAjAkn+ySMzZbo6SSWeAnZBXA1xoduAA7UEIEhLsN+pfCShc G3hAMckCMTNizI7CS7UA+JTSThxAoANyJD7kwiY1BVlWC88Lnt YAIaonGIxGAaEsAXmA//sSzLoAjRNSZO8IS7uPFBI3LTRbzNYIjINyQYHdBIeXXjmK1XAr DixIHQOD4MSIHiwOVHxwvhPtRCUiiRFQ5IODDhXgVFACW9SL7+ D/b0hrgwlVOIBFAOCieUwwIK/OQXyVN2/ZfIgI4gAJI5KVCHyAgcclgZIhRmlw2AhQhoYiQDlGSCQo04eAi FimCnCyWAfeOIi1KZCOMhEM5IXCU78qgeR0BqVkggACH5BAkHA H8ALAEACwBSAB8AAAf/gH+Cg4SFhoeIiX8jio2Oj5CRkpOUlZaXmJmam5ydnp6MiTCfpK WbL5CohKOIqqavsJMusbSTobWKrrmxs7i+mQCCwZzDw7+swsmK EszMxofFv4jBz4UAFyYn2icYARIq0H/PyI/kiOCPANWEEyks7/AsKxgO0+t/5qUj6uriiAjwTsBgQWIFvBL3qPEblO8PulfrAKCAh4EEiwQn4k UUVStfv0EV4iXAwAJARngrGgz6iAhGQ03kXoZycPLdBJIBar6L dsilyxE+Xz7S1fMlv3faWGAocTFjiZMLia4KiqwXTKo+ob3DkI DFiYkFTbggWRJS0EhCW1KdZhOAxYABmzqQvWdobatBUs1mLaRK gjuEB/gBOEDDAVMWCMoxHFrJLrSBLAbIwEGZsggEBlMIECTUXFpBL/K6yocs7YJ3JQ7cqCwjwEQWFS7lC027NqG8nP+MVgTA5gcaNGa4 Rlpv063aofHa1oQAxYoLCRJcMLhiAgNTyweNwG0pwIXX8kgMYE wJuSHulgAIEEzXEXq88CG1kHTr14v6qAIBACH5BAkHAH8ALAEA EABRABoAAAf/gH+Cg4SFhS+GiYqLjI2Oj5CGMIsjkZaXmJmam5ydnpmTn5CIoq Wmp5eVi6GOrKivsIOkjbOCroexubqRLrucG8DAAJ2qjbedty8D FyfNzSUTArK5vZvDhgQlKyzc3dwoCIrXvo7jgwIlLBcJCBcrGB cY3Cnhhubkf64A+/d/ANwAVqDAsAIBiXjfAtjjh28RP34DvElksSKdChYlHjIkdIxRR0 IqIvX7xwLFtokCua2QVqhfvlwwivlLRBKBPBYwup1AkKCbS5cv QYr62JLbAAAJMJBohiGAhJ4sUrCERBRZVUERWWA4EKODhK8fah wgwS2jJRhXz6Jdu9aQKgnpb1gMiIGjLo4bDiqoHPAI7Qi2aDHV GgT4agAUURF0ECEihIALKhMQGiwJ8J9qiSh7bOsoAIkVK0hgGH 2ChQsT9dQGppXWFltIGxBo82aiwtRIlg2ResGbd1/CijRrBHBAE6u0mhPdutqao7FCV0kFAgAh+QQJBwB/ACwBABUATwAVAAAH/4B/goOEhYUvhomKi4yNjo+QhDCLI5GWl5iZmpucnZ6Pk5+QiKKlpq ePlYYMHh4wrR6NoaiiDBckJycouSYkDKaki8GCs4bDhhUrLMvM zSQQtNF/FSwrEwkJJSwnGBjMJb+MLtKXEMonBSYnFSgGFwba1eGWqrKZ84 OTDPEvzcwr8aodI4QP0zhMBQVtOOGv4bIUyiYoSkiOIMECBU6k IOGQGYoC2hIUYFDAYsV8gkhiHFnggCAAJFa4U+YPBYYADFnMY7 ly5ElDJQ05qFYBALajCAJMWKGCBYkNiYL+KeaIKqEVioq5TCTh ArNcYHMuOwFtYqFJVj3BqMdIwgSxMDD8rbggNRJVrJtg6NULqU CFEjSXoaAby9JevqXSNuoAoHHjAwDyJibGiC2qSooTBQIAIfkE CQcAfwAsAQAZAE8AEQAAB/+Af4KDhIWFL4aJiouMjY6PkIQwiyORlpeYmZqbnJ2ej5OPDBuk pQwMl4ifnRsMExgnKLIoJycYFwUbq7uJlX8MGCssLMIsMMTDxB gQhqG8nhsowgkAAgAXKxMA18knzJ2qi+GCzobjggjFLBjJwiUp KQIm7d/PmaiGDOrJ/P3JAYoYuLDXCJ+gAghZpGDnj98KDAOEITxFyGAhX43KXULFoMA fGAkUIkjwopZJk7gQoGDxIsGgjr88DbTUcSIhCAxLJNjJk2eFE 8k8FkJokyAjoYQ2JDCxryELEy4TITUqaVABi4UgFMCw0l+KEgN 0LbpKlROEAD0TDMilApLGjIsHVpTV9LZRIAAh+QQJBwB/ACwBABoATwAQAAAH8YB/goOEhYaHhwwMBQWLiI+QkZKTiAUVKJiYKQwblJ6foIUbGCssLK WnpiUMoa2hL48QFywlFQglLCcXGKYmrK7AwKO5CCwoMCgDGBO8 LL4jwdGejabV1qe4phWN0t2PrAUpA6jX1ygQf7/erjCJggUsyuXVKLgrv+qGsOug+CsoBU7MA4grRQFB+fhFG8Gqm LEJF0ysgEGrQoBsq9INaqdQGgMIAlVNKAAAAAIMKUytGABAQLR 9j2AK4nhIZqEBKOZZWzGho09CDEjodIZgkoufwCDcIueswgFg0 CTRjDb1D6wNJEsCeErI5rqjSMNCCgQAIfkECQcAfwAsEwAaACo AEAAAB8WAf4KDhIWCDAwFBYmGjY6PhAUVKJSUKQwbkJqPGxgrL CyfoaAlDJungxAXLCUVCCUsJxcYoCamqJqdsQgsKJMDGBO0LLa 4j4ugycqhsKEXi8aFpgUpA6LLyygQf7fRtwUswNjJKM0Fh9Hch ysoBSfj7bAp5+qaL4amvL0TFyairQGalaqXjhuEd6QmFAAAAAG GFKBWDFBUsNAAFOOUrZhQ0REDEhmJITAG4xSEV9eIVeh26h6uD QsZAjjQ0dAISCVP5SwUCAAh+QQJBwB/ACwNABwANAAOAAAH/4B/goOEhYaHiIcjiYyMDBuQkQwMjYKLlTCVGwwTGCcooCgnJxgXBR uMIyOZLomZjhgrLCyys7S2KxgQhaq9vogvMK+HGyiyCQACABcr EwDLtie7vL4jLq2DwtrbhQi1LBi4LCUpKQImuNPZvtvX2dvDgw zftvX2tgHUvdruL/7B2l4QKkCQRYpw9+rlGiCL4CRLfwrAWAXD3SCA2v5QYlBA0ASD CBKYGEWSpCkEKGYlkLeIgbZVFrP9g+GQ0AaEJRLo3LmzwglbHQ sVCECzFStCMP4JhJGv0AaR9BKyMLHy0FFBV/8IxFqAEiIIBTCkvJeixABUiboK2nqxEFtGEA8C8Eww4FSlu6kY xdPbKBAAIf5NQW5pbWF0aW9uIGJ5IENhbWlsbGEgRXJpa3Nzb2 4uDQp3d3cubWlsbGFuLm5ldA0KQ29weXJpZ2h0IFByb3RlY3Rl ZC4uAVVTU1BDTVQAOw==

[sousouhd]

يعطيك الصحة والله يحفظك بارك الله فيك وجزاك الله خيرا

[nadiatlemcenia]

جزاك الله خيراااااااااا
موضوع رائع لاحرمك الله جنته

[radjasamir]

http://store2.up-00.com/2015-07/143690855161.jpg

http://store2.up-00.com/2015-07/1436908551692.jpg

شوفي الصور ، كيفاش قسمت العجينة ، و كيفاش دارت الحشو ، و كيفاش غلقت و دارت حربوش ،، انتِ ديري كيما هي و قطعيه هذا ماكان ^^



تقشريه قصدك من القشرة القاسية الي برا ؟ هاذيك أكيد تتقشر
بصح الحبات ماتقشريهم ماتحمصيهم ، أرحيهم كيما راهم ، و بصحتك ☺



حبيبتي ، عمرك ماتستعملي الباتور ولاّ الفوي فالطلية ، لأنك رايحة تدخليلها الهواء ، و كي تجي تطلي تديرلك بنابل ، يتسمى تخسرلك المنظر شوية

إذا عندك سباتول خلطي بيها إذا ماعندكش استعملي ملعقة عادية حطب أو حديد ~


chokran okhti 3la erad raha njarbo inchallah w rabi ya3tik ma tetmenay

[mariaanfel]

444444444444444444444

[radjasamir]

saha ftorak okhti
rani jarabet glaçage royal wellah jani mlih bezaf 44444444
rabi ya3tik kol khir
w chokran okhti 3la mossa3ada

[ام محمد78]

بارك الله فيك

[umabdullah]

بارك الله فيك

[جوهرة الكون]

merciiiiiiiiiiiiii 444444444444444

[*منار الاسلام*]

شكرااااا
بارك الله فيك

[أم فاطيمة]

يعطيك الصحة

[أم أحمد عبد الصمد]

بارك الله فيك على الوصفات و النصائح القيمة

[houda04]

بارك الله فيك

[أمـــــــــــــــيرة]

سلاااااااااام

بارك الله فيك وجزيت كل خير

جربت مخبز الفلان ورووووووووووووووووعة

[oum islem]

جزاك الله خيرا

[ام اسماء82]

عيدكم مبارك شكرا على الوصفات ام اسما

[أم ريمة*]

ما شاء الله وصفات فالقمة ربى يجعل تعبك فى ميزان حسناتك ويسرلك كل امورك اميييييييييييييين

[عماني نور]

saha ftorak okhti
rani jarabet glaçage royal wellah jani mlih bezaf 44444444
rabi ya3tik kol khir
w chokran okhti 3la mossa3ada

بلا مزية حبيبتي ، و الحمد لله كي نجحتي فيه و عجبك ^^ ~ بصحتكم & عيدكم مبارك ☺



[QUOTE=أمـــــــــــــــيرة;3993896998][center]سلاااااااااام

بارك الله فيك وجزيت كل خير

جربت مخبز الفلان ورووووووووووووووووعة


و فيك بارك أختي ^^
بصحتكم ~ ☺

[عماني نور]

شكرا حبووبات على كل الدعم و التشجيع ~

عيدكم مبارك & إن شاء الله كل عام و انتوما و الأمة الإسلامية بخير و صحة و سلامة يااااااااااااااااارب

ربي يتقبل منا و منكم و يغرلنا جميعا ياااااااااااااااارب

بصحتكم حلوة العيد ~ بصحتكم الفرحة و اللمة

ماتنسوناش من دعواتكم

أحبكم ♥ ♥

[اسماء 28]

ربي يفتح عليك اختي جربت وصفاتك جاوني روعة
الف شكر حبيبتي

[سوسو95]

يعطيك الصحة رووووووووووووعة

[روح مراد]

ربي يجازيك كل خير على النصائح القيمة

[صدفات]

مساء الخير و عيد سعيد أختي نور لك وللعائلة الكريمة
شكرا شكرا حبيبتي درت مقروض سوريا و بوسو لا تمسو حسب الوصفة نتاعك ودعيتلك في الغيب نجحولي بنة و شكل و سهولة
ربي يحفظك ،انت ما بخلتيش علينا بوصفاتك و بخبرتك وحنا لازم علينا نشكروك بارك الله فيك و في إنتظار جديدك دمتي في رعاية الله

[om tayeb]

S'agit w saha idak

[om tayeb]

Sahiti w saha aidak

[omsadja]

ماشاء الله كل عام وانتم بخير

[شقراء]

يعطيك الصحة يااختي على كل هده الوصفات
عيد سعيد

[الوهابية]

ya3tik saha okhti charh wafi

[luffy 88]

شكرا جزيلا

[Benna-tv.com]

4444444444444444444444444444444444444444 الله يخليك

[صدفات]

صباح الخير يا ست نور كيما وعدتك
هذه هي حلوياتي لعيد 2015
http://www.up.djelfa.info/uploads/143756305598941.jpg

فيهم مقروض سوريا و بوسو لا تمسو و سابلي الفلون
يعطيك الصحة حنونتي

[yesser bem]

ما شاء الله الله يعطيك الصحة

[اسومة الاسمى]

بارك الله فيكي على الوصفات الهاااايلة والنصائح الرائعة

[lamia miss]

نجرب منهم و نرجعلك الخبر

[lamia miss]

مرررررررررررررررررررررررررررسييييييييييييييييي تحفة

[lamia miss]

حابة ندير منهم للعرس نتاعي واش رايكم

[ملاك02]

يعطيك الصحة نوووووووور بارك الله فيك

[oumserine]

بارك الله فيك و شكرًا

[نسمة16]

يعطيك الصحة هايلين

[Nadjwa JoJo]

Merciiiiiiiiiiiiiiiiiiiiiiiiiiiiiiiii

[imanou la]

يعطيك الصحة

[fatiha07]

الله يكملك واش تتمني وينولك اللي في بالك بما يحبه ويرضاه
اميين

[angelsool]

ربي يجازيك ان شاء الله وصفات رائعة

[sofia sofia]

راااااااااااااااااااااااااااااائع راااااااااااااااااااااااااااااائع

[زهرة الجميلة]

راك 44444444444444444444444444 يعطيك الصحة

[انامل]

بارك الله فيك اختي على الشي لي قدمتيه .. صراحة روعة
فقط حبيت نقول أنو مقروط القارص مش اختراع هو ومعروف عندنا من بكري هو وبوسو .. قدم بزاف .. حتى انو موجود هنا في المنتدى وهذا الرابط

http://www.djelfa.info/vb/showthread.php?t=474290

وشكرا على مجهودك ربي يجعلو في ميزان حسناتك

[عماني نور]

مساء الخير و عيد سعيد أختي نور لك وللعائلة الكريمة
شكرا شكرا حبيبتي درت مقروض سوريا و بوسو لا تمسو حسب الوصفة نتاعك ودعيتلك في الغيب نجحولي بنة و شكل و سهولة
ربي يحفظك ،انت ما بخلتيش علينا بوصفاتك و بخبرتك وحنا لازم علينا نشكروك بارك الله فيك و في إنتظار جديدك دمتي في رعاية الله


صباح الخير يا ست نور كيما وعدتك
هذه هي حلوياتي لعيد 2015
http://www.up.djelfa.info/uploads/143756305598941.jpg

فيهم مقروض سوريا و بوسو لا تمسو و سابلي الفلون
يعطيك الصحة حنونتي


بصحتكم حبيبتي ، و الله فرحتني كلماتك و تطبيقاتك رووووووووووعة ربي يدوم عليكم الأفراح ياااااااااارب ♥

يعطيك الصحة ☺

[عماني نور]

بارك الله فيك اختي على الشي لي قدمتيه .. صراحة روعة
فقط حبيت نقول أنو مقروط القارص مش اختراع هو ومعروف عندنا من بكري هو وبوسو .. قدم بزاف .. حتى انو موجود هنا في المنتدى وهذا الرابط

http://www.djelfa.info/vb/showthread.php?t=474290

وشكرا على مجهودك ربي يجعلو في ميزان حسناتك


و فيك بارك أختي ~ و ربي يجازيك حتى أنتِ على كلماتك ^^

الوصفة الي مديتيها مليحة و هايلة الله يبارك ^^ ~ بصح الوصفتين مختلفين تماما على فكرة :o

و انا كي قلت اختراع ماشي معناها انا اخترعت بوسو لا تمسو ^^ ، أنا عدلت فيه فقط بإضافة الليمون يعني كلمة اختراع لا تختلف عن كلمة روووعة في هذا الاستعمال ، و هي لا تعني حقيقة اختراع الشيء من العدم :) ~ و هذا واش يصرا في عالم الحلويات :)

كل واحدة و لمستها و ذوقها حتى نوصلو ان شاء الله لوصفات روووعة ♥

شكرا على المرور مرّة أخرى ♥ ☺

[أمـــــــــــــــيرة]

بارك الله فيك

[SAMIR BOB]

رااااااااااااااااااااااااائع

[Nada Alomer]

جزاك الله خيرا.

[قمر الشام]

بارك الله فيك اختي

[om asma]

شكرا يعطيك الف صحة وعافية

[ام احمد اسامة]

يعطيك الصحة

[noya liktra]

[QUOTE=Meymouna*;3993857248]شكرا اختي وصفات هايلين raw3a

[عماني نور]

شكرا على مروركنّ الطيّب ♥

الله يحفظكم ☺

[dalila nadir]

barak allah fik ...wa yajaalou fi mizan hassanatak

[celia16]

شكرا اختي وصفات هايلين

[luna mery]

شكرا على النصائح

[om romaissa]

وصفات رائعة الله يعطيك الصحة

[mimo mimo]

merciiiiiiiiiiiiiiii

[أم سلسبيل23]

يعطيك الصحة

[dalila nadir]

واو...رائع ربي يبارك فيك وفي أهلك

[x ام رحاب x]

بارك الله فيك على المجهود جعله الله في ميزان حسناتك اختي كلش هايل ومتقون تسلم ايدك حبيبتي

[عبير الروح7]

merciiiiiiiiiiiiiiiiiiiiiiiiiiiiiiiiiiiiiiiii

[ريحانة24]

شكرًا جزيلا على المجهود الرائع دمت راقية

[لوليتا 87]

مشكورة على الوصفات الرائعة

[سهام سمسومة]

يعطيك الصحة

[عائشة333]

يعطيك 100000000 صحة

[fatisousou]

موضوع رائع جزاك الله خيرا اكيد راح انجرب بعض الوصفات مشكورة مع تحياتي

[imen kasem]

شكرااااااااااااااااااااا يعطيك الصحة على الافادة الطيبة

[minannn]

الله يستر هادوك ا اليدين وشكرااااااااااااااااااااااااااااااااااااااااااااا

[إيمانDZ]

ربي يجازيك نور...على تعبك....و سخائك....و ييسر لك امورك..
ان شاء الله راح نجرب مخبز الفلان....يا رب ينجح لي برك...
ان شاء الله في ميزان حسناتك...

[nina13]

بارك الله فيك شكرا عاى الوصفات

[ام صهيب 48]

4444444444444444444444444444444444444444

[mounira titi]

شكرا جزيلا على الوصفات والنصائح .جزاك الله خيرا...

[عماني نور]

لكلّ من مرّت من هنا ~

شكرا على تشريفك موضوعي ☺

عيدكم مبارك ♥

[عماني نور]

ياريت تورولنا تطبيقاتكم ☺

[aures40]

والله ماقصرتي في الشرح الله يبارك فيكي حبيبتي يعطيك الصحة على الشرح و صح عيدك و الله يبارك فيك

[حسيبة2010]

يعطيك الصحة على الحلوى و الوصفات رااائعة
سؤال نوعية السميد اللي استعملتي لمقروط سوريا قلتي خشين واحنا متعودين على المتوسط بالنسبة للمقروط. من فضلك وضحيلي حبيت نديرو للعيد إن شاء الله

[souma kh]

شرح مميز انا عندي مشكل في الطلية ان شاء الله برك نجربها وتنجحلي

[fella987]

ماشاء الله يعطيك الصحة

[وفاء الياسمين]

ماشاء الله جزاك الله خيرا على مجهودك في الشرح بارك الله فيك

[sisouni]

جبتيلي الدمعة اختي نور
:mh93::mh93::mh93::mh93::mh93::mh93::mh93:
عفستيلي على الجرح تعرفي و الله الطلية عقدة حياتي ولا مرة نجحتلي نجرب نصائحك و انشاء الله تنجح لان حلمي طلية ما تيبسش و الله حلمي :(

[رحيق الازهار]

روعة مشكورة بارك الله فيك

[ttoutta]

شكرا على الوصفات الرائعة

[عماني نور]

حبووباتي ، ان شاء الله كلكم تكونو بخير ♥

ان شاء الله تكونو جربتو الوصفات و نجحولكم ......

مازالو بزااااااااااااف وصفات حابة نحطهوملكم ماعلاباليش واش راني نستنى ههههه مي نحب نحط مجموعة وصفات مع بعض

ان شاء الله كي يوجدو كامل نحطهوملكم

ماتنساونيش بدعواتكم

♥

ربي يحفظكم و يفرح قلوبكم جميعا

[sahlelzhar]

يعطيك الصحة شرح كافي ووافي وفقك الله في حياتك

[koukita4]

يعطيك الصحة شاف نور

[bas]

شكرا ختي وحبيت نسقسيك على الطلية روايال الكمية ال درتيها تبان قليلة يعني كي نكثرو نستعملو كيلو قارس

[riri riri]

بارك الله فيك

[lili lili]

بارك الله فيك

[salsabille]

تسلمي و مزيدا من التالق...

[أ م ساجد وسيم]

كلمة رووووووعة قليلة عليك الله يبااااااااارك

[عماني نور]

شكرا ختي وحبيت نسقسيك على الطلية روايال الكمية ال درتيها تبان قليلة يعني كي نكثرو نستعملو كيلو قارس

مام تستعملي كيلو قارص ، تجي بنينة ، ماتgهمش ، ماشي حلوة بزاااااااااف حتى تحرق في الحلق كي تاكليها ، و الشكل روووعة ، تجي تبرق و طرية

جربيها و ماتخافيش ☺ ^^

[عماني نور]

يعطيك الصحة على الحلوى و الوصفات رااائعة
سؤال نوعية السميد اللي استعملتي لمقروط سوريا قلتي خشين واحنا متعودين على المتوسط بالنسبة للمقروط. من فضلك وضحيلي حبيت نديرو للعيد إن شاء الله



اسمحيلي حبيبتي هذا وين شفت تعليقك .... بالنسبة للسميد الخشين أنا نستعمل فقط سميد مولة ، جربت نوعيات اخرى ماصلحليش .
و مع الفرينة و البيض ... مايبانش بلي خشين ، يجي طعمو هااايل و طري و يشرب مليح

جربيه و راه مضمون ان شاء الله

[عماني نور]

شكرا لكل من شرّفتني بالرّد على موضوعي ♥

[ام صفصف]

بارك الله فيك

[~ ساندي بل ~]

شكراا ..... باارك الله فيك

[أ م ساجد وسيم]

يعطيك الصحة وصفات روعة ةةةةةةةةة

[khawla990]

merci ya3tike sa7aaa
:) :) :)

[الزوجة البارة]

يعطيك الصحة اختي طليتي على قلوبنا

[omdouaa]

ربي اينور دربك اختي ويعطيك الصحه

[حسيبة2010]

بارك الله فيك

[sara mess]

rabi ya7afdhek w ya3tik ma tetmanay

[ام اياد 2013]

مشكورة حبيبتي على الوصفات

[طهراوي ياسين]

بارك الله فيك

[أ م ساجد وسيم]

موضوع متميز محتفظة بيه في المفضلة تاعي

[siina bellaa]

بارك الله فيك

[nadian]

جزاكي الله كل خير