استفسار

[abDou3116]

السلام عليكم

خاوتي لقد تحصلت على الباكالوريا لهته السنة الحمد لله

لكن عندي بعض الاسئلة راني حاير

انا شعبة اداب و فلسفة

ما هو المعدل لكي استطيع الالتحاق بشعبة حقوق

اما بخصوص علوم اجتماعية و انسانية ماهي الاختيارات في السنة الثانية ؟؟

السؤال الاخير هو عند اختيار الرغبات

يعني يجب اختيار 10 رغبات !!!! لم افهم هته النقطة

[راية الاسلام1]

سلااام
نعم يجب اختيار 10 رغبااات وبالترتيب والا قادر يبعتووك لشعبة انت مش حابها
عموما لا انصحك بالحقوووق ,,, اذا تقدر دير لغاات احسن
موففق

[abDou3116]

و عليكم السلام

شكراا على الاجابة

الله يخليك ممكن تقولي لي علاش الحقوق مش مليحة ؟؟ و ما هو ادنى معدل للالتحاق

يعني انا ندير الاختيارات واحدة تلةى الاخرى و من بعد هما يخيروني هكذا ؟؟

[راية الاسلام1]

سلاااامـــ

لانو مافيهاش خلااص الخدمة ,,, وحتى لو لقيت خدمة راح يدخل فيها الحرااام
انا اختي قرات حقوق وكملت الكابا وماكان لاخدمة لاوالو ,,, لازم تخدم مع محاامي عندو تجربة ومبعد لازم تكون عندك شعبية باش تربح ,,, بلا الكدب وو
ثانيا ماتقدرش تجوز بيها الكونكور تاع الاساتذة

ادنى معدل للالتحاق كان 10 اما الان لا ادري لانو كل عام يتغير

انت رتب الاختيارات تاعك اللي حابها بزززاف حطها هي الاولى وهكذا حتى توصل للاخير
لانو مثلا لو كان معدل الحقوق 10,50 وانت جبت 10,60 مثلا وكاين اللي جابو معدل اكبر 11 او 12 وحبو يدخلو الحقوق وخلصو البلاايص ماطيرلكش لانهم هوما احق منك فهمتني

انا نصحتك باللغات خاصة الانجليزية والفرنسية راهم مطلوبين بزززاف في الشركات الاجنبية الموجودة بالجزاائر وانت طفل تقدر تخدم بسهوولة اذا حسنت اللغات تااعك
ووممكن تاني تشارك في الكونكور تاع الاساتذة
يعني شوف ديييما لبعيد

[abDou3116]

اه اوكي شكراا

بارك الله فيك اختي :)

انا الحقوق مانيش حاب ندير محامي بل موثق

ممكن تقولي لي واش كاين فالعلوم الانسانية و الاجتماعية ؟؟ يعني فالسنة الثانية

[راية الاسلام1]

سلااام
اسفة ماعندي حتى فكرة حول العلوم الانسانية والاجتمااعية
لكن فرص العمل تكون قليلة وجدا

[abDou3116]

اوكي شكراا لك :)

[abDou3116]

عاونوني الله يحفضكم