طب ام طب اسنان .... ساعدوني

[zineb.m]

السلام عليكم
تحصلت في شهادة البكالوريا على معدل 15,83
من فضلكم هل طب احسن ام طب الاسنان :sdf::sdf:
شكراا
وهل يتم قبولي بهدا المعدل

[س..ع..ي..د]

من المفروض يقبلوك عادي

نصيحتي ليك اذا قبلوك ان شاء الله في الاغواط تبدلي للبليدة

اما طب او طب اسنان اللهم اعلم انتي واش تحبي :1:

[zineb.m]

من المفروض يقبلوك عادي

نصيحتي ليك اذا قبلوك ان شاء الله في الاغواط تبدلي للبليدة

اما طب او طب اسنان اللهم اعلم انتي واش تحبي :1:


شكراا ان شاء الله يقبلوني
بصح سمعت مانقدرش نبدل هداك مشكل
ربي يجيب الي فيها الخير

[bahi1991]

سلام اناطالب طب سنة 6 اولا بالبراكة عليك الباك ... انصحك بطب الاسنان احسن من الطب.

[عثمان الجزائري.]

طب الأسنان أفضل

[boyka 1993]

ليقول طب الاسنان افضل مدابيك جيب برهان و شوية حجج

[the noble]

اختي انا طالب طب و انصحك بالطب و ياسفني ان ارى اطباء يكرهون المهنة النبيلة و ان كان يدل على شيء فانه يدل على فشلهم فيها فلا تدعيهم ياثرون على رايك

[zineb.m]

ليقول طب الاسنان افضل مدابيك جيب برهان و شوية حجج

oui momkin ta36ona 7ojaj w merciii

[soulami sousou]

من المفروض يقبلوك عادي

نصيحتي ليك اذا قبلوك ان شاء الله في الاغواط تبدلي للبليدة

اما طب او طب اسنان اللهم اعلم انتي واش تحبي :1:



السلام عليكم لمادا لا تنصح ب جامعة الاغواط في الطب ارجوكافدني

[Nou Noussa]

اختاري طب :) :) :)

[zineb.m]

السلام عليكم لمادا لا تنصح ب جامعة الاغواط في الطب ارجوكافدني
اختي لم استطع الرد على الرسالة لقلة المشاركة في المنتدى

[soulami sousou]

هل المتحصلين على 15.30الى 15.40 هم في خطر اللدين يريدون الطب

[وجدان الخواطر~]

هل المتحصلين على 15.30الى 15.40 هم في خطر اللدين يريدون الطب

للأســــــــــــف ،، نعــمْ

[soulami sousou]

..........

[(~ ..أســـامة .. ~ )]

السلام عليكم



أختي راني فاتح موضوع فيه الكثير من المعلومات لي تقدر تساعدك باش تختااري


قمت باقتباس البعض من ردودي على طلبة من السنوات السابقة كانو محتارين كيفك و الان راهم راضين باختيارهم


العفو اختااه مرحبا بك معنااا


المشكل تااعك كااين بزااف انا تاني كنت كيفك ........ كنت ماايل للطب في البداية لكلام النااس لكن لما صليت صلاة الاستخارة ربي وجهني لطب الاسنان و الان و الله راني راضي بهذا الاختصاص و احمد الله ما اخترتش الطب
وكاان يرجعوني 1000 مرة نعاود نخير طب الاسنان

لكن هذاا ميولي انا الشخصي ... و كل وااحد و ميوله و قدراته


انا نقولك علاه ماحبيتش الطب

ماعندك مادير بالطب العام تاع 7 سنوات لازم الاختصاص ... و علابالي بالاختصاص روعة و اي واحد يتمناااها

لكن كنت حاسب حاجة ساهلة

لازم تقرى 7 سنوات و لما تكمل تجوز الامتحان الاختصاص و شكون قالك تنجح ؤفيه ماراكش ضامن و داخل فيها شوية معريفة
و اذا نجحت 80 % مايمدولكش الاختصاص لي انت حابووووو لان المقاعد محدودة و الاختصاصات المليحة يدوها ابناء الاطباء و الاساتذة و الي مواصين عليهم

و بصراحة انا لا يعجبني الطب بتاتا خصوصا في الجزائر 12 سنة من حياتي ترووح بزااااف

انت اذا تحبي الطب كثيرا و كان حلمك انصحك بااش ديري الطب .... مالازمش ديري على رايي و رأي النااااس

لانك كلما احببت الاختصاص تبرعين فيه و تتفوقين و يكون عملك متقن بعد التخرج


لكن اذا راكي متبعة كلام النااس غي اخطيك و زيدي فكري مليح 12 سنة بالنسبة للفتاة ماشي ساهلة


اي سؤال اخر في خدمتك
بالتوفيق



و هذه رد على اخت أرادت طب الاسنان لكن الكل يعارضهاااا





اولا بصحتك الباااااك بمعدل جيد و عقبال المزيد من النجاحات

ثانيا اختي اذا حبيتي حاجة ديريها و ما تسقسيش الناااااااس اي اختصاص تكوني تحبيييه تقدري تبدعي فيييه و تنجحي فييه

كااين لدارو الفنون او الادب او القانون و نجحوووووووو فيهههههااااا لانهم احبو الاختصاص .. و راهم خير من وحدين دارو ا طب او مدرسة عليا .... داروها على جال الدراهم و هدرة الناااااس


و ثالثا في رايي الشخصي طب الاسنان افضل اختصاص في الجزائر

دراسته ممتعة .... خصوصا ابتداء من السنة الثانية فيها الكثير من التطبيق بااش ماتكرهش من الروتين تاع النظري و ليكوور ....كتتخرجي عندك فرصة كبيرة في العمل و مستقبل فيهاااااا جيد كااااااااين نقص كبير في اطباء الاسنان في الجزائر و المغرب العربي و جنوب اوروبا مثل فرنسا و ايطاليا هااذي قريتها في مجلة فرنسية قالو حتى 2020 عااد تتلبى احتياجات الدول لاطباء الاسنان


و هي مهنة ممتازة بالنسبة للفتاة تخدمي في الكلينيك من صباح للعشية و تروحي لدارك .. ماكان لا منابة ليلية في المستشفى لاااا ساعات اضافية لا واالو




و هنا الرد على الاخت التي اختارت الطب عن قناعة رغم كلاميي الكثير عن طب الاسنان فهنيئا لها لها على قوة الشخصية




و عليكم السلام

اولا بصحتك اختاااااااه البااااااك بمعدل ممتاز

ثانيا اختااه انا كي كنت نمدح طب الاسنان كنت نقول هذا رايي الشخصي ....... انا اعشق طب الاسنان و اكره الطب و كاين اخر عكسي و كاين اخر ما يحبهومش في زوج و هكذا اذواق النااس لا تناقش


ثالثا ... ارى انك احببتي الطب ... و اخترته عن قنااعة و انا اشجعك على ذلك و انصحك بااااااش ما تبدليش رايك لانك كلما احببت اختصاص تبرعين فيه و تتقنين مهنتك بعد التخرج .......... و لو اخترت طب الاسنان كنت رايحة تكرهي و تغشي في خدمتك ..........


اتمنى لك المزيد من النجاحات و ان شاء الله نشوفوك طبيبة متميزة في المستقبل

سلاام





و الاخ هنا سأل عن الطب و صعوبته و هو متردد من اختياره معدله 17


مرحبا الاخ يزيد

انا ادرس طب الاسنان اخي ..... و لكن اعرف الكثير عن الطب

و لست من الممتازيييييييين هههههههههههههههههههههه :confused:

شوف اخي اذا حاب الطب و تقدر تحفظ .......... دير الطب و ماتخاااااافش .......... انا اعدك كلشي يجيك سااااااااااااااااهل

و رايح تبدع و تكون انت من الممتازيييين

و اذا تبغي التقنيااااات و الفهامة و الرياضيات و الفيزياء و الابداع ووو راك حاب دير الطب لكلام الناااااس او الاهل ... و لقب الطبيب في المجتمع

انا نقولك غي اخطيييييييييييك لاخطرش رايح تكره حياااااتك بعد سنوات الاولى من الدراسة ..........


اولا شووووف ميولك اولا و بعدهاااا قرر

و بالتوفيق




المهم فكري جيدااا



بعد القبول مهما كان اختيارك انا في الخدمة اي اسئلة



ها هو موضوعي ضعي فيه استفساراتك

http://www.djelfa.info/vb/showthread.php?t=1022847

بالتوفيق ان شاء الله

[سارة 16]

بارك الله فيك

[dadydc]

اختي سؤالك صعب و لا اتوقع من اي شخص الاجابة عنه بموضوعية انا طالب طب في السنة الرابعة و لو عدت في الزمن لاخترت طب للمرة الثانية لكن لا يعني انها افضل من طب الاسنان فقط لدي ميول للطب و لم اتصور يوما نفسي طبيب اسنان. ماذا كنت تحلمين ان تكوني ؟ الى اين تريدين الذهاب؟
اسف ان لم افدك باجابتي.

[Boli]

أنا نقرا طب وانصحك به ولكن يا حبذا لو تسجلي في العاصمة

[zineb.m]

شكرااا على النصااائح
الحمد لله تم توجيهي للطب
لكن في الاغواط
حبيت نستفسر على احوال الدراسة فيها