إلى اخت السطايفية : ميكانيك دقة وضبط سطيف مارايكم فيهـ

[" سرحات "]

السلام عليكم

اختي سطايفية ربي يجازيك انت راكي قريت هذا التخصص وش رايك فيه

فرص العمل مستقبــــل

ومواد التي تددرس هنـاك وتعامل الاساتذة

ربي يجازيك اختي

[dbente1]

انت تقصد اخي بصريات وميكانيك الدقة ??

[سطايفية بكل فخر]

السلام عليكم
السلام عليكم اخي سرحات
بداية مبروك عليك الباك
ثانيا وشا عطاوك خيارات كامل انسخهملي نشوفهم
ثالثا بالنسبة لتخصص بصريات وميكانيك الضبط لقراية مليحة وهايلة ونيفو طالع لكن المستقبل مكانش رايحة نقتابسلك رد اخي شعيب لانو قرينا كيفكيف في المعهد باش تتعرف عليه ومن بعد نقلك رايي ونكملك الاسلئة

السلام عليكم و رحمة الله تعالى و بركاته
نظرا لقة المعلومات عن هذا المعهد هذه بعض المعلومات التي ممكن تساعد الطالب
أو الطالبة المقبلين على هذا المعهد في السنة الدراسية الجديدة
أنا طالب أكملت السنة الأولى بها المعهد
لقد تم اعتماد هذه الشعبة لتصبح معهد مستقل
بعدما كانت معهد في الثمانينيات ليسحب منها هذا الاعتماد في بداية التسعينات
و أصبحت تابعة لشعبة العلوم و التقنيات
لكن منذ سنتين تم اعتمادها من جديد معهد مستقل
أما بالنسبة للمواد التي تدرس في السنة الأولى فهي
رياضيات،فيزياء،كيمياء،اعلام آلي،لغة فرنسية، استكشاف 1 (بصريات)،استكشاف 2 (ميكانيك)
بالنسبة للاستكشاف1 و 2 فها يعطيان نبذة عما سيدرسه الطالب عندما يتخصص لاحقا
سواء في مجال البصريات أو الميكانيك
في السنة الأولى
يدرس الطالب جذع مشترك علوم و تقنيات و في نهاية السنة الأولى
يعطى الطالب للاختيار
الذهاب الى أحد التخصصات المهنية في بداية السنة الثانية
أو
اكمال النصف الأول من السنة الثانية جذع مشترك علوم و تقنيات سنة ثانية
ثم التخصص في السداسي الرابع (اي في النصف الثاني من السنة الثانية) في
احد التخصصات الأكاديمية
نأتي الى التخصصات
هناك 5 تخصصات
2 تخصصات مهنية هما
2 licence professionnelle
ليسانس مهني في علم القياس و الرقابة الصناعية
metrologie et controle industriel
و ليسانس في القياسات البصرية
optométrie
يتخصص الطالب في احد هذه التخصصات في بداية السنة الثانية أي في السداسي الثالث
و قد كانت من قبل لا تملك ماستر هذه التخصصات لكن هذا العام فتح الماستر في التخصص الأول
علم القياس و الرقابة الصناعية
مدة التكوين 2 سنوات (مع فتح الماستر في التخصص الأول فأنه اصبح 2 سنوات تكوين + 2 سنوات ماستر
و هذا بالنسبة للتخصص الأول فقط)
سنة أولى+2 سنوات تكوين =ليسانس مهني في التخصص المعين
+
2 سنوات ماستر بالنسبة للتخصص الأول
أما بالنسبة لمن اختار اكمال النصف الأول من السنة الثانية جذع مشترك علوم و تقنيات سنة ثانية
فالتخصص يكون في السداسي الرابع أي النصف الثاني من السنة الثانية
أما التخصصات الأكاديمية فهي 3 تخصصات
3 licence acadimiques و هي
ليسانس أكاديمي في تكنولولجيا المواد
technologie des matériaux
ليسانس أكاديمي في الميكانيك التطبيقية
mecanique appliquée
ليسانس أكاديمي في بصريات الأجهزة و الفوطونيات
optique instrumentale et photoniques
الماستر في هذه التخصصات الثالثة مفتوحة
و الدكتوراه أيضا مفتوحة بالنسبة للتخصص الأخير الذي ذكرته
بصريات الأجهزة و الفوطونيات
كما أن الدكتوراه ستفتح أيضا في التخصصين الأولين
مدة الدراسة
(السنة الأولى+النصف الأول من السنة الثانية)+ (النصف الثاني من السنة الثانية+السنة الثالثة)= ليسانس أكاديمي
+
(ماستر1+ماستر2)= 2 سنوات
+
دكتوراه (3سنوات)
=
8 سنوات لمن يكمل جميع المراحل
ملا حظة بالنسبة للماستر 1 و 2 فأن ليس كل الطلبة يمرون لهذه المرحلة أظن فقط 25 طلبة الأوائل
أيضا في الماستر 2 يتم تصفيتهم
أما بانسبة للدكتوراه فان العدد الأقصى هو 8 طلبة


طبعا هذا التعريف رايحة نضيفلك معلومات جديدة عليها
اولا زادو ماستر اوبتوميكاينك اكاديمي يدخلو صحاب الفوطونيك وصحاب الميكانيك لانو بيناتهم
ثانيا غلقو تخصص الاوبتومتري ومكانش دفعة جديدة تخرجنا حنا منها اربعة دفعات فقط واخر دفعة هذه السنة
+
كيما قتلك اخي سرحات الدراسة في المعهد من اروع ما يكون وعنا اساتذة ما شاء الله ماطرين على يدين الالمان ومفيهش الظلم في التصحيح
لكن للاسف المنستقبل مجهول ورانا كامل ننطاشو برا
والاوبتومتري نحاوها لانو معندناش لاقريمون
نصيحتي ليك مطيش روحك لمستقبل مجهول ومتروحش ليه لانو كامل التخصصات تعاني مهمش معتارفين بيه في الوظيف العمومي ومنقدروش نقريو
وثاني فرض العمل قليلة جدا
وكلنا هاربين منو ونصنا رانا نقراو ماستر خارج الولاية فقط باش نتخلصو من بصريات وميكانيك الضبط من الشهادة
لذلك اخي اخطيك منو حاليا نهار تتحصن اوضاعو المهنية ننصحوكم بيه
وراني هنا نعاونك في الاختيارات

[" سرحات "]

ختي سطايفية ربي يجازيك متروحيش ه
دك نصورلك الإختصاصات لي مدهوملي
شكرا لك جزيـلا اختي

[" سرحات "]

http://store1.up-00.com/2015-07/1436721329341.jpg
http://store1.up-00.com/2015-07/1436721329462.jpg
http://store1.up-00.com/2015-07/1436721329593.jpg

http://store1.up-00.com/2015-07/1436721334764.jpg http://store2.up-00.com/2015-07/1436721686151.jpg

[سطايفية بكل فخر]

اخي سرحات صبرني شوية راني في موضوعي
يخي معليش

[" سرحات "]

مش مشكل المهم ديريني في بالك
ههههههههه
اني نستنا فيك وراه مازال الوقت
المهم انت اعطيلي تخصصات ملاح ولي عند حظظ لي نقراهم

[سطايفية بكل فخر]

مش مشكل المهم ديريني في بالك
ههههههههه
اني نستنا فيك وراه مازال الوقت
المهم انت اعطيلي تخصصات ملاح ولي عند حظظ لي نقراهم



راني رجعتلك متخافش :1:اني هذي ليمات عندي ظروف برك كون لهيت بيكم وزيد رايحة نتناقش معاك حتى تكره مني وتقول الطفلة هذي متخطينيش شوية راهي قريب تقرا في بلاصتي :1:
ظرك نحطلك مبدئيا التخصصات تقدر تخير منها
سواء علمية او ادبية او تقنية وبعدها نبداو نقصو بشوية حتى تلحق لل 10

[سطايفية بكل فخر]

كيما قتلك رايحة نحطلك بدون ترتيب يعني نحي لي ميصلحوش خلاص ومن بعد نقصو بلعقل

تيكنو
تسيير التقنيات الحضرية هذي اسال عليه الاخت اكرام لانو مجالها
علوم اقتصادية
لغات
مدارس عليا للتعليم
طبيب بيطري
رياضيات واعلام الي
بيولوجيا
رياضة وخونا شهاب الليل يشرحهالك
علوم اسلامية قسنطينة
علوم اجتماعية علوم انسانية
صناعات بتروكيمياوية
مناجم
محروقات
نظافة وامن صناعي
هندسة بحرية هذي من بعد نحكيلك عليها فيها فرص تقرا برا او تلتحق بمدرسة البحرية لبوسماعيل اذا ربحت الكونكور
المدارس التحضرية

http://store2.up-00.com/2015-07/1436721686151.jpg



هذو مبدئيا يعني انا نحيتلك من اطريق هذوك الفنون والتخصصات لي مستقبلها مجهول والتخصصات الجديدة لي مزالت مش مرتبة روحها ولي معظمها خرجت من التيكنو

[المانجيكيو]

العلوم الإسلامية في قسنطينة فيها فرص عمل ولا الدايم الله؟؟

[" سرحات "]

ياختي ربي يجازيك والله غير فرحتيني ختي سطايفية
+
المواد الادبية انا منحبش نقراهم غير نحيهم هما كذلك ؟
+
التخصصات نتاع البليدة و البرج وش نديرهم في الإختيارات ولا لا .......

[سطايفية بكل فخر]

العلوم الإسلامية في قسنطينة فيها فرص عمل ولا الدايم الله؟؟
جامعة الامير عبد القادر للعلوم الاسالامية هي الاحسن اخي ومعترفين بيها دوليا كون تحب تروح تقرا في احد البلدان العربية يقبلوك
اضف لذك معظم لي قراو فيها راهم اما يقريو او اامة مساجد
ربي يوفق اخي

ياختي ربي يجازيك والله غير فرحتيني ختي سطايفية
+
المواد الادبية انا منحبش نقراهم غير نحيهم هما كذلك ؟
+
التخصصات نتاع البليدة و البرج وش نديرهم في الإختيارات ولا لا .......


والمواد العلمية تحب تقرا العلوم ولا تحب الرياضيات والفيزياء والمات والحسابات
باش نعرف واش نزيدو نليكيديو

[سطايفية بكل فخر]

البرج نيفو هابط شوية وهوما راهم يقراو عدنا تيكنو نظن حلوه هذا العام اخطيك منها
البليدة جامعة قديمة ومليحة اصبرني نقرعجلمك على نيقو التخصصات هذو فيها ونرد عليك

[" سرحات "]

اختي سطايفية ربي يخليك
انا نحب فيزياء والمات .
العلوم إطلاقاَ
بالنسبة للحسابات لا يوجد لدي مانع خصوصـا لوكان يعطولي مدرسة تحضيرية غادي نخرجللك من ميكروا نتاعك بصح المشكلة عطاولي 08 اقسام
مانيش عارف لي رايح يحبط فيها معدل القبلو العام ليفات حبست في 12.20 في : 5 اقسام
وهذا العام راهم زادو شويــ 3 اقسام
المهم لا علينـ اني نكمل معاك انا حتى نيروا عشرة قوائم ربي يخليك ختي ويعطيلك ماتتمنياي
ونتاع البرج ملاا نحيها من راسي + ختي سطايفية لوكان مثال يعطولي البليدة نقدر نبدل فمـ " تيكنو ولا لا ؟؟
المهم كملي كملي
ههههه
وربي يخليك

[سطايفية بكل فخر]

اختي سطايفية ربي يخليك
انا نحب فيزياء والمات .
العلوم إطلاقاَ
بالنسبة للحسابات لا يوجد لدي مانع خصوصـا لوكان يعطولي مدرسة تحضيرية غادي نخرجللك من ميكروا نتاعك بصح المشكلة عطاولي 08 اقسام
مانيش عارف لي رايح يحبط فيها معدل القبلو العام ليفات حبست في 12.20 في : 5 اقسام
وهذا العام راهم زادو شويــ 3 اقسام
المهم لا علينـ اني نكمل معاك انا حتى نيروا عشرة قوائم ربي يخليك ختي ويعطيلك ماتتمنياي
ونتاع البرج ملاا نحيها من راسي + ختي سطايفية لوكان مثال يعطولي البليدة نقدر نبدل فمـ " تيكنو ولا لا ؟؟
المهم كملي كملي
ههههه
وربي يخليك


تسما نحي لي يبازيو على العلوم هههه تسمى نخلصهم كامل
+
الادب ثاني خاطيك
خلاص رايحة نخليلك غير وحدة :1:
+
راني حاسة بلي مزالك حاب تاع العلوم اقتصادية وعاجباتك

[سطايفية بكل فخر]

انت لي تخير العشرة اخي لانو مستقبلك انا راني فقط نساعد فيك على حساب ميولاتك والقرار الاخير ليك اخي
زيد صلي صلاة الاستخارة وخمم مليح وشاور الاهل ولي فيها الخير يكتبهالك ربي انش اء الله

[سطايفية بكل فخر]

بما انك متميلش للعلوم
نحي علوم الطبيعة
جيولوجيا
طب بيطري
بيولوجيا لي هي نفسها علوم طبيعة
هذو متاروحش ليهم لانهم مجالهم العلوم

[" سرحات "]

إيه صح حاب نتاع العلوم الإقتصادية
زيدي وش بقالنـ دك ختي السطايفية
...

[سطايفية بكل فخر]

إيه صح حاب نتاع العلوم الإقتصادية
زيدي وش بقالنـ دك ختي السطايفية
...

وشا نقلك اخي اذا صح حابها صلي صلاة الاستخارة وزيد شاور اهلك واهل الاختصاص وقرر

واذا حابها صح حطها هي الاولى وخلي الاختيارات الاخيرة كبديل اذا مطارتلكش ديرهم
خمم مليح اخي سرحات وربي يوفقك
وراني هنا نتناقش معاك ونجاوبك على اي سوال
لكن القرار الاخير اخي يرجع ليك

[سطايفية بكل فخر]

تسما تبقالك
تيكنو
تسيير التقنيات الحضرية
تسيير واقتصاد
اذا تحب تولي استاذ وتضمن عمل مدارس عليا للاساتذة
تبقالك سبور
اعلام ورياضيات
نظافة وامن صناعي باتنة
محروقات ورقلة
الاقسام التحضرية تاع الاقتصاد طبعا
+
جميع التخصصات الجديدة النتفرعة عن التيكنو سقسي عليهم اخي سامي لانو عندو فكرة عليهم كيما مثلا هندسة مناج وتعدين تاع عنابةلانو زارهم وسقى عليهم سقيه على النيفو
ايضا كاين صناعات بترو كيميائية وغيرها
سقسيه بلاك يزيدلك معلومات انا منعرفهمش
ريب يوفقك اخي سرحات

[khalil polina]

لوجه الله اخطيك صاحبي

[سطايفية بكل فخر]

لوجه الله اخطيك صاحبي

هههه من الباب لتاقة هكا اخطيك على الاقل مدلو مبررات اخي وعلاش يخطيه منها
هل انت طالب بها وهل مستك ايضا
+
لا تقلق راني قتلو اخطيك منها وبينتلو ذلك
ربي يوفق

[" سرحات "]

اختي السطايفية
انا ديرت قرار في نفسي وقولت نقرا st وخلاص
لان معدل ميسحمليش وين نروووح بعيد
بصح كاين مشكلــة وهي
انه الصاحبي يقراو في الجلفة قالولي لي متجيش عدنـا
كل يوم إضرااب ومكانش قع القرااايا
وديجى نتاع الــ : التكنو 1 مازال مكملوا الإمتحانات السداسي 2 ؟؟

وزيدي الإقامة بشع كل البشع ؟؟؟
وكيفاش دك ندير انــا
وش رايك لوكان نختار اي تخصص اخر ونبدل ؟؟؟ يقبلوني ام لا في اي ولاية من ولايات
بصح المعرفة معنديش هههههههه
+++++++++
وش رايك في تخصص
الهندسة لطرائق
لـ مدية

[dbente1]

اخي تخصص البصريات وميكانيك الدقة ابتعد عنه كل البعد ... وكل من درسه سينصحك بعدم اختياره
معدلك هو 12 على ما اعتقد ... بامكانك اختيار رياضيات واعلام آلي تخصص جيد خصوصا اذا اخترت في السنة الثانية اعلام الي ونجحت فيه وتحصلت على الماستر ولم لا الدكتوراة ستنجح اكيد
في اعتقادي انه افضل من التكنولوجيا ... والله اعلم ...
فكر جيدا اخي والقرار الاخير يعود لك واخترالتخصص الذي اعجبك انت وليس غيرك .... وفقك الله

[lalib40]

المشكل في ميكانيك الدقة هو في اسمها فقط وهي نفسها الهندسة الميكانيكية لكن في سوق الشغل يطلبون الهندسة الميكانيكية . لدي زميل يعمل معي في نفس المصنع درس ميكانيك الدقة وقال لي بان الهندسة الميكانيكية احسن من ميكانيك الدقة .