بوتي فور روووعة للعيد ...كل عام وانتم بخير

[*أم كوثر*]

السلام عليكم ورحمة الله وبركاته
صح فطوركم
تقبل الله منا ومنكم الصيام والقيام
اتمنى ان تكونوا بخير
جبتلكم ليوم وصفة جديدة ومميزة للبوتي فوغ
خفيفة وبمقادير مضبوطة
للامانة هي للشاف المصري المشهور
الشيف حسن
شفتها وجربتها وخرجت هايلة وحبيت نشارككم بيها
السر في نجاح الوصفة هو التقيد بكل مراحلها
من قبل جربت شحال من نوع بوتي فوغ والنتيجة ماترضينيش
لكن هذ المرة جربت المقادير كماا هي ووزنت بالميزان مش بالكاس تع المكاييل
وفعلا لقيت فرق كبير في الميزان
وثاني حاجة استعملت البيتران للحصول على احسن نتيجة في وقت قصير
واستعملت مضرب الــk مش الفوي كما متعودين نطلعوا الزبدة والسكر في العادة
المقادير:
500 غ زبدة طرية انا استعملت ماني
175 غ سكر ارطب ...قلاسي..
4 بياض بيض
مغرف كبيرة فاني تع الميزان
قرصة ملح
625 غ فرينة

الطريقة :
نضرب السكر والزبدة مليح
في الاول على سرعة متوسطة ومن بعد نزيد السرعة حتى يذوب السكر تماااما

http://cdn.top4top.net/i_c7eea8f9881.png

http://cdn.top4top.net/i_fc1925718d1.png

ثم نضيف الفاني و4 بياض بيض على دفعات ونواصل الخفق على سرعة عالية حتى يتضاعف الخليط ويبياض وبولي كما الشانتيي في الكثافة

http://cdn.top4top.net/i_c7eea8f9883.png

الان نضيف 625 غ فرينة دفعة وحدة ونواصل الخلط على سرعة متوسطة

http://cdn.top4top.net/i_61fff7965d9.png

ثم نزيد السرعة قليلا حتى يتجانس الخليط ونتحصل على قوام مثل اللي في الصورة

http://cdn.top4top.net/i_c7eea8f9884.png

من الاحسن نحط الخليط في الثلاجة لان الزبدة تكون ذايبة بيدما يسخن الفرن
ندهن السينية دهن خفيف ونشكل وردات بلابوش

http://cdn.top4top.net/i_c7eea8f9885.png

ثم نغطس صبعي في الفرينة وندير ثقب فوق كل وردة نسيت ماصورتش هذ الخطوة
ونطيبهم على درجة 180 درجة من 20 الى 25د
لازم لونهم يميل للاحمرار
كي يطيبو رح يهبطو شوية ماتخافوش هذاك هو المطلوب
كي يطيبو مكان الثقب نعمرو بالشوكولا او الكنفيتير او قبل الطياب نحط فوقه سوغيز كونفي

http://cdn.top4top.net/i_c7eea8f9886.png

http://cdn.top4top.net/i_c7eea8f9887.png

http://cdn.top4top.net/i_61fff7965d8.png

الشكل لي عجبني اكثر ويجي كما لي يتباع
درت بلابوش اصابع بنفس الطول وكي طابو حمرتهم مليح ولصقتهم بلاجولي وغطست الجوانب في الشوكولا
هااايلين للاسف ماصورتهمش لانهم كلاوهم
هذا البوتي فوغ لي عجبني بزاف من بين لي جربتهم
هايل وخفيف جدا
ولي تحب ذوق الشكولا
تنقص 50 غ من كمية الفرينة وتعوضها بكاكاو
الوصفة باه تكون ناجحة لازم تتبعوا كل الخطوات خاصة الميزان ومراحل التحضير
واخيرا كل عام وانتم بالف خير
تحيات أم كوثر:)

[oum abderhmane]

ما شاء الله يعطيك الصحة ربي يحفظك لاهل بيتك صحة سحوركم

[om kamilia]

بارك الله فيك حنونة جاء هايل مكاش اسهل منو

[ام رويدة]

ممممممم رووووعة يشهي وهاادا اللي نمووووت عليه يبان كما تع المحلات

اعتدنا وصفات البتي فور بالصفار أو البيض كامل وهدي كي عادت غير بالبياض اكيد تخرج حاجة أخرى وذوق آخر

تسلم الايادي استادتنا ام كوثر وكل عام انت بخير

[mojab]

ما شاء الله يعطيك الصحة انا تنيك جربتو يدوب فى الفم

[رزان.]

يعطيييييييك الصّحّة :19:
بارك الله فيك أختي

[saja hamed]

44444444444444444444444444444444444

[دعاء القلوب]

صرلو زمان القمر مابان
يعطيك الصحة ام كوثر كلشي من تحت ايديك هايل
ان شاء الله نجربو وعينيا مغمضين

[ام خالد اسلام]

توحشناك ام كوثر اهلا بابداعاتك نورتينا كل شئ من يدك رائع

[ikram08]

حتى انا نظل نبحث على وصفة كيما تاع المحلات مي كامل لي جربتهم ما عندهمش نفس الدوق نجرب هده الوصفة أن شاء الله

[أم تسنيم 2017]

مممممم الله يعيطيك صحة هااااايل

[maloo]

شكرا ام كوثر جزااالله الجنه

[ماريا.م]

شكرا ام كوثر
باين ناجح كيما جميع وصفاتك :19:
بارك الله فيك

[**افنان**]

ماشاء الله يعطيك الصحةوالعافية

[idron0]

جزاك الله كل خير

[ام ساجد]

يعطيك الصحة وعودة ميونة ان شاء الله دايما ناشطة

[ام عبد الله01]

يبان رائع

بارك الله فيك على الوصفة

[نبض الفؤاد]

يعطيك الصحة باين هايل

[miryaham]

hayal ya3tik saha w aide sa3ide inchallah

[oum mariem]

الله يرضى عليك. أخدت الrecette و راح نجربها لهدا العيد و إن شاء الله تجيني مليحة . صح فطوركم

[emily21]

جزاك الله كل خير ممكن صورة للمزان و لبوش ادوئ جزاك الله كل خير

[*سماح 94*]

توحشششت موتضيعك ام كوثر
القاطو يهههبل

[زهرة الريف*]

بارك الله فيك اختي أم كوثر ويعطيك الصحة
وصفاتك كلهم ثقة نديرهم وانا مطمنة

[mounia hse]

مرحبا بيك ام كوثر توحشناك
كل عام و انت بالف خير
شكرااااااااااااا حنونة ربي يحفظك

[rahma23]

:19::19::19::19::19::19::19::19::19::19:

[@ابني حياتي@]

يعطيك الصحة روعة

[sandie belle]

4444444444444444444444444

[سلطانة زيادي]

مليح يعطيك الصحة

[أم ياسين الزهراء]

على سلامتك حبيتي وعودة قوية ومميزة كيما عرفناك

هايل راح نجرب لاني حتى انا جربت شحال من وصفة وماعجبنيش وراهو يبان هايل

[mariana1]

بارك الله فيك على هذه الوصفة الصحيحة

[louli2007]

ya3tik sahha

[صباحات]

جزاك الله خيرا

[قمر 77]

بارك الله فيك ام كوثر جاك ما شاء الله ان شاء الله نجربوه في ميزن حسناتك

[أم درصاف]

شكراااااااااااااااااااااا روووووووعة

[samsouma70]

يعطيك الصحة و بارك الله فيك على الشرح يا غالية

[*أم كوثر*]

السلام عليكم
صحا فطوركم وتقبل الله منا ومنكم
شكرا على ردودكم الجميلة
وبصحة لي رح تجربو مسبقا
كل عام وانتم بخير
الاخت لي طلبت صورة الميزان ولابوش غدا بحول الله

[omo marwane]

مشكورة على الوصفة

[عطرالذهب]

وصفة تبدو رائعة واكيد راح نجربها
الف شكر ام كوثر ومرحبا بعودتك منورتنا بابداعاتك

[lamis.imen]

رووووووووووووووووووووووعة ماشاء الله

[هبة الرحمان 23]

:dj_17:اختي كانت الايام هادو كامل تفركت على الوصفة تع البتي فور و مشكورة ام كوثر بارك الله فيك انا اليوم ا ان شاء الله راح نجرب الغريبية تيعيك و ان شاء الله تصلحلي مشكورة

[ام ارسلان2]

:19::19:وانت بالف خير.يعطيك الصحة

[صدفات]

بارك الله فيك يا شيف أم كوثر أنت و الشيف حسن كنت شفته دارها في قناة النيل العائلة و ما جربتهاش شجعتيني با نجرب ربي يحفظك

[faryal zahira]

يعطيييييييك الصّحّة
بارك الله فيك أختي

[ocean d'espoir]

بارك الله فيك اختي يعطيك الصحة

[oum moncef]

وصفتك رائعة و شكلهم شباب لكن انا لما جربتهم هبطولي شوية وعلى ما اظن المشكل في لابوش ادوي تخرج رقيق شوية لما نشوف اتاعك نزيد نتاكد لكن الذوق روعة للي ما جربوهمهش ومازال ما غانيتهمش بالكونفيتور ني شكولا

[oum moncef]

106622ها هي صورهم بعد الطهي هبطولي شوية خاصة السنيوة الولى والمرة الثانية تداركت الامر في لابوش ادوي رانا نتعلموا

[djamell 2015]

جميل جدا يعطيك الصحة

[djamell 2015]

جميل جدا اختي

[tong2]

روعة بارك الله فيك

[تغرينية]

بارك الله فيك وجزاك الله خيرا على هذا المجهود الرائع

[nadiatlemcenia]

راه يهبل يعطيك الصحة وربي يفرحك

[ذكرى الايام]

بارك الله فيك.

[hanane220]

بارك الله فيك أختي

[ام سراج وملاك]

جزاك الله خيرا شكرا لك على الوصفة

[omaymen]

جزاك الله خيرا

[oum islem]

جزاك الله خيرا