المدرسة العليا للاساتذة ______القبة ______لي حب يسقسي نجاوبوه

[mo7manel]

انا طالبة كملت عامي 3 في القبة وبقالي عامين نولي استاذة علوم طبيعية بالثانوي ان شاء الله
لي حب يسقسي على التخصص ديالي راني هنا على الاقل نربحو منكم شوية دعاوي الخير هههه:19:



__ 2014 __
نسبة النجاح 46.62
شعبة الرياضيات
استاذ علوم طبيعية /متوسط/ 14.27

استاذ علوم طبيعية /ثانوي/ 14.61
علوم دقيقة /متوسط/ 13.33
علوم دقيقة /ثانوي/ 13.76
شعبة العلوم التجريبية
استاذ علوم طبيعية /متوسط/ 14.27

استاذ علوم طبيعية /ثانوي/ 14.61
علوم دقيقة /متوسط/ 14.12
علوم دقيقة /ثانوي/ 14.60

__ 2013 __

نسبة النجاح 45.38
شعبة الرياضيات
استاذ علوم طبيعية /متوسط/ 14.05

استاذ علوم طبيعية /ثانوي/ 14.30
علوم دقيقة /متوسط/ 12.83
علوم دقيقة /ثانوي/ 13.61
شعبة العلوم التجريبية
استاذ علوم طبيعية /متوسط/ 14.05

استاذ علوم طبيعية /ثانوي/ 14.30
علوم دقيقة /متوسط/ 14.14
علوم دقيقة /ثانوي/ 14.59

[dj-berhom]

أي مساعدة في تخصص العلوم الدقيقة ( كملت عامي الأول) راني هنا أيضا لمساعدة الأخت

[mounirblk]

أي مساعدة في تخصص العلوم الدقيقة ( كملت عامي الأول) راني هنا أيضا لمساعدة الأخت

في الاختيار دير اختصاصات ثانوي اولا ثم متوسط
او حسب الرغبة في المادة

[mounirblk]

..............

[celia sisi]

سلام ختي حابة نسقسيك
انا حبيت ندير استادة الموسيقى نتما مي راني حايرة زعما مليحة و لا لالا و لي يقراو نتما واش يقولو عليها و فيها بزاف لي يقراوها و نخرج نخدم نورمال كاي استاذ

[mounirblk]

................

[khaled9002]

هل يمكن الحصول على الدوكتوراه

[mounirblk]

:dj_17:هل يمكن الحصول على الدوكتوراه

نعم .......

[محمد الامين 9]

سلام ختي حابة نسقسيك
انا حبيت ندير استادة الموسيقى نتما مي راني حايرة زعما مليحة و لا لالا و لي يقراو نتما واش يقولو عليها و فيها بزاف لي يقراوها و نخرج نخدم نورمال كاي استاذ

موسيقى العام الماضي بلعت ب 13.5 معدل
بالنسبة للخدمة في المدرسة مضمونة
حتى لو موسيقى
لانه يتم امضاء عقد مع وزارة التربية عند التسجيل

[حية بذكر الله]

السلام عليكم

حبيت نسقسيك مي انا مانيش مترشحة باك 2015

نتوما درتو اضراب هذا العام

واش هو مطلبكم حتی درتو اضراب ؟
ربي يوفقكم

صحا فطوركم

سلام

[ranoucha21]

slp 13.53 na9deer ndir biha ecile ecole superieur de cem mayhamch wech l mada !! ?????

[محمد الامين 9]

slp 13.53 na9deer ndir biha ecile ecole superieur de cem mayhamch wech l mada !! ?????

ممكن المدرسة العليا بسكيكدة

[mo7manel]

سلام ختي حابة نسقسيك
انا حبيت ندير استادة الموسيقى نتما مي راني حايرة زعما مليحة و لا لالا و لي يقراو نتما واش يقولو عليها و فيها بزاف لي يقراوها و نخرج نخدم نورمال كاي استاذ

منكدبش عليك اختي الموسيقى هي التخصص الاخيرفي المدرسة من حيث الاهمية مي كاين نسبة معتبرة من التلاميذ لي دايرينها
وانا منقدرش نقولك ادا مليحة والا لا لانو ماشي التخصص ديالي ولكن سقسيت شحال من وحدة ولقيتهم كامل عجبتهم ...المهم انت ادا راكي قانعة بيها اتكلي على ربي ومن رايي تضمني بلاصة في المدرسة العليا للاساتذة في اي تخصص مهما يكون خير من 100 تخصص في الجامعة
ونزيدلك حاجة في المدرسة العليا يقبلو التحويلات الداخلية مثلا ; سجلتي في تخصص موسيقى تقدري ديري تحويل للعلوم دقيقة لكن بشرط المعدل ديالك ميكونش بعيد بزاف لانهم يختارو نسبة من الطلبة حسب المعدلات ...لكن هاد التحويل معلاباليش اذا يديروه كل عام :confused:
وكاين استاذ في التعليم الابتدائي تاني حاجة مليحة مي ماشي في القبة
والخدمة مضمونة باذن الله :19:

[sabrina9]

شحال معدل القبول لاستاد رياضيات او فزياء و انا شعبة تقني رياضي

[وردة الاحلام شوشو]

انا حابة فرنسي ولا تنجليزي كخيار ثاني كم يتطلب معدل

[mo7manel]

slp 13.53 na9deer ndir biha ecile ecole superieur de cem mayhamch wech l mada !! ?????

ادا كنتي شعبة رياضيات ممكن في العلوم الدقيقة
اما اذا كنتي شعبة علوم تجريبية منطمعكش بزاااف لانو المعدلات راهي كل عام من 14 للفوق
هذا فيما يخص العلوم الطبيعية والعلوم الدقيقة او الاعلام الالي
اما الموسيقى احتمال ملييح يقبلوك تعليم المتوسط لانو المعدلات راهي دور في 13.50
لكن نعطيك نصيحة :حتى واذا مقبلوكش في اي من هاذ التخصصات .المدرسة تفتح الباب للتحويلات الخاجية اي اصحاب المعدلات 12 و13 ممكن جدا يقبلوكم على خاطر يبقاو المقاعد الدراسية متوفرة لكككككككن لازم تكوني شاطرة لانو التحويلات هاذي تكون في بداية سبتمبر وفي وقت وجيز 2الى 3 ايام ان شاء الله مضييعيش الفرصة ومعدلك لاباس بيه ممكن جدا يقبلوك علوم دقيقة :19:

[mo7manel]

هل يمكن الحصول على الدوكتوراه

ايوه يا اخي هه :d

[mo7manel]

السلام عليكم

حبيت نسقسيك مي انا مانيش مترشحة باك 2015

نتوما درتو اضراب هذا العام

واش هو مطلبكم حتی درتو اضراب ؟
ربي يوفقكم

صحا فطوركم

سلام

هاد الاضراب كان خالوطة شوية
مع الاول كي سمعو الطلبة بلي الماجيستار الغي دارو الاضراب باش يرجعو الماجستير ولكن فهمومهم الاساتذة انو الماجستير لم يعد له قيمة ومنه ولاو يطالبو بالماستر 1و2
والماستر هذا انا مفهمتش مع الاول قالو لي قرا 5 سنوات في القبة كي يخرج يعطولو ماستر 2 مباشرة كيفو كيف لي قرا 5 سنوات في الجامعة وماستر 1 بالنسبة للي يقرا 4 سنوات
وكاين لي راهو يقول نطالبو باش يسهلونا التسجيل في الماستر لانهم وضعو شروط تعجيزية بالنسة لنا ...مثلا يطالبوك بمعدل 12 باش تدخل للماستر ومعدل 12 في القبة يحبلك باش جيبو تنوم بيه ههه
المهم كي نفهم مليح نفهمك :19: ومن للفوق المدرسة العليا راح تولي بنظام lmd والله اعلم
وبالاك في بداية العام يكملو الاضراب ادا لم تحقق المطالب

[RIAD ABT]

بالتوفيق وانشاء الله خير

[أم شفاء]

Ana jebt 11,28 w ana dayra 3ouloum tajribya Wech ya3touni za3ma !,! Psk haba n3wdou Bech njibou 16 nchallah Mais Wech 9adrin ya3touni

[dj-berhom]

ana jebt 11,28 w ana dayra 3ouloum tajribya wech ya3touni za3ma !,! Psk haba n3wdou bech njibou 16 nchallah mais wech 9adrin ya3touni


ميعطوكش مدرسة عليا للأساتذة للأسف

[mo7manel]

ana jebt 11,28 w ana dayra 3ouloum tajribya wech ya3touni za3ma !,! Psk haba n3wdou bech njibou 16 nchallah mais wech 9adrin ya3touni

كيما قالولك معدلك بعيد شوية هوما يدومونديو من 14 للفوق
موسيقى دور في 13.50

[Soumia95]

معدلي 14.43 علوم تجريبية
كون يعطوني علوم دقيقة تعليم متوسط كيف يتم التحويل الى الثانوي

[mo7manel]

معدلي 14.43 علوم تجريبية
كون يعطوني علوم دقيقة تعليم متوسط كيف يتم التحويل الى الثانوي


في الاغلب التحويل في بداية السنة الاولى او الثانية والله اعلم اما العلوم الطبيعية ففي بداية السنوات الثلاث وكيما هاد العام الطلبات كامل قبلوهم في العلوم الطبيعية وعلى مااضن العلوم الدقيقة تاني
كل ماغليك ديري طلب خطي+فوطوكوبي تاع الشهادة المدرسية .....وتستناي الرد :cool:
ومن رايي ديري علوم طبيعية احسن لانها حلوة واسهل ماعدا السنة الثالثة لصعيبة اما ادا حبيتي علوم دقيقة فانت حرة مي لازم تكوني متمكنة باش ماتسوفريش

[حية بذكر الله]

هاد الاضراب كان خالوطة شوية
مع الاول كي سمعو الطلبة بلي الماجيستار الغي دارو الاضراب باش يرجعو الماجستير ولكن فهمومهم الاساتذة انو الماجستير لم يعد له قيمة ومنه ولاو يطالبو بالماستر 1و2
والماستر هذا انا مفهمتش مع الاول قالو لي قرا 5 سنوات في القبة كي يخرج يعطولو ماستر 2 مباشرة كيفو كيف لي قرا 5 سنوات في الجامعة وماستر 1 بالنسبة للي يقرا 4 سنوات
وكاين لي راهو يقول نطالبو باش يسهلونا التسجيل في الماستر لانهم وضعو شروط تعجيزية بالنسة لنا ...مثلا يطالبوك بمعدل 12 باش تدخل للماستر ومعدل 12 في القبة يحبلك باش جيبو تنوم بيه ههه
المهم كي نفهم مليح نفهمك :19: ومن للفوق المدرسة العليا راح تولي بنظام lmd والله اعلم
وبالاك في بداية العام يكملو الاضراب ادا لم تحقق المطالب

السلام عليكم
بارك الله فيك أخي
باينة بلي خلوطة هههه
مي فهمت شوي من هذي الخلوطة هههه
فيها خير ان شاء الله
سلام

[dj-berhom]

ساهل كلشي غير متقلقوش رواحكم بزاف

[mo7manel]

ساهل كلشي غير متقلقوش رواحكم بزاف

الصح يضمنو بلاصة في القبة منبعد يشمرو على دراعهم ههه :d

[وفاء التبسية]

اخت عندكم Note td في القبة
بويسك احنا رانا نطالبو ينحوهالنا في سكيكده بويسك الاساتذة هردونا بيها راي غير تحت لموايان الجماعه كامل في سانتاز

[rania ros]

انا متحصلة على شهادة البكالوريا لغات 13.66 و اعطوني ضمن الاختيارات مدرسة عليا للاساتذة ادب و فرنسية و انجلزية في ولاية ورقلة هل هذا بسبب المنطقة مع العلم اني اقطن في ولاية بسكرة

[محمد الامين 9]

انا متحصلة على شهادة البكالوريا لغات 13.66 و اعطوني ضمن الاختيارات مدرسة عليا للاساتذة ادب و فرنسية و انجلزية في ولاية ورقلة هل هذا بسبب المنطقة مع العلم اني اقطن في ولاية بسكرة

طبعا بسبب المنطقة
وراه عندك الزهر
اتوقع تكون معدلات القبول فيها منخفضة عكس قسنطينة و الجزائر

[dj-berhom]

اخت عندكم note td في القبة
بويسك احنا رانا نطالبو ينحوهالنا في سكيكده بويسك الاساتذة هردونا بيها راي غير تحت لموايان الجماعه كامل في سانتاز


نعم كاينة وفي القبة تساعدنا بزاف بزاف ، أقل علامة اديتها في التيدي 15 ، وأكبر علامة 19 ، يعني تساعدنا مليح

[mo7manel]

انا متحصلة على شهادة البكالوريا لغات 13.66 و اعطوني ضمن الاختيارات مدرسة عليا للاساتذة ادب و فرنسية و انجلزية في ولاية ورقلة هل هذا بسبب المنطقة مع العلم اني اقطن في ولاية بسكرة

ايه تاع بسكرة يبعثوهم لورقلة اقرب ليهم
ان شاء الله يقبوك هناك :19: لانو هنا في الجزائر المعدلات طالعة شوية

[rania ros]

نحن كوننا شعبة لغات فهم يطالبوننا بمعدلات ما بين 13 و 14 للالتحاق بالمدرسة العليا للاساتذة انجلزية او فرنسية او ادب عكس الشعب العلمية فقد اطلعت على معدلات القبول في جامعات اخرى كبوزريعة . كما ان المسافة بين الولاية المقيمة فيها و ورقلة هي ضعفها من تلك الى الجزائر او قسنطينة

[روح قسنطينة]

انا تحصلت على معدل 13.17 شعبة علوم تجريبية
هل سيتم قبولي في المدرسة العليا تاع قسنطينة
لغة انجليزية علما اني تحصلت على 17.5 في المادة
ارجووووووووووووك ساااااااااعدنييييييييي

[soulef 1995]

معدل القبول استاذ علوم دقيقة ثانوي او متوسط