مساعدة لوجه ربي

[مشكلتي]

لسلام عليكم ورحمة الله وبركاته
لم يحالفني الحظ في التحصل على البكالوريا هده السنة وهي اول مرة اجتازه فيها
كان حلمي نجيبو ونفرح عايلتي درت بزاف احلام ومشاريع وكنت نتمنى نديرهم
الصدمة هده غيرت مجرى حياتي كلها والله كانت صدمة كنت نبكي نبكي ونبكي والله ماكنتش ماامنة ماما كانت تبكي معايا مقدرتش نفرحها
جبت 9.90 والله تعبت طول العام سهرت ليالي درت دروس خصوصية في اخر السنة تعبت
بش كي نشوف النتاءج نلقا اللي مادخلوش يقراو جابوه وانا وانا نبكي اللي الغشاشين جابوه وانا لا لا
كي تقلهوم مجبتوش يقعدوا يستشفاو
راني في حالة يرثى لها ماني ناكل والله ماني نشرب انضريت والله
كنت حابه نفرح بابا وماما مقدرتش حسيت بلي جامي ويلا فرحتهم ماني نافعة لوالو كامل خاوتي نجحوا وضمنوا المستقبل نتاعهم غير انا
طول العام وانا ندعي لربي يحقق احلامي مي مكتبليش نجيبوا
اللي نقلو مجبتوش يستشفى فيا
بنت الجيران قاعدين يزغردولها زكارة فيا بش نسمع وبش يقهروني
سماطلي كلش سماطتلي الدنيا
منيش حابة نولي نقرى مع اللي اصغر مني لاني جامي عاودت وجامي تحصلت على هاد النقطة
قلتلهم نعاودو في الدار مقبلوش دارنا
حابة ندير فورماسيو ولا كاش حاجه ومنيش عارفة الا نولي للليسي ولا لا
ضعت كل شيء راح
عاونوني لوجه الله
اختكم في الله

[abdoustar]

ما عليش ختي ما راهيش نهاية العالم ما تعمريش راسك بالناس

أول فشل راح يفيدك صدقيني راح تتفادس كل غلطات السنة

و تجيبي الباك بمعدل مليح تفرحي والديك تاع الصح

9.90 صدقيني كي ماجبتيهش خير خلي هدفك مش غير الجامعة فقط

باين فيك مجتهدة التعب تاع السنة مش راح يروح باطل راح يفيدك العام الجاي

[robi987]

نفس الحالة أمر بها أختي العزيزة
الله غالب حتى أنا قهروني وخيرها في غيرها
ومازال ماعلاباليش واش ندير
ارتاحي ووقت ماتلثاي روحك مرتاحة خمي في عقلك

[ام رضوان]

السلام عليكم ورحمة الله
شوفي بنيتي الحزينة واللى كون تباتي توصفي في حالتك ما تكفيش ايام الايام باه تخلصي
انت قريتي وتعبتي وحبيتي تفرحي والديك بصح ربي ما كتبش واللى شايفو ربي انتي ولا غيرك مايعلموش.
نصايحي ليك توكلي على ربي وادعيه وانت موقنة بالاجابة
احتسبي عند ربي وادعي ربي يخلفلك ويعوضك وراهو كاين هذا الدعاء.
اوقفي من جديد وقاومي وما تفشليش وخلي عزيمتك اكبر
اقراي عن حالات فقدت او فشلت في اشياء وعاودت وقفت من جديد ونجحت راهو مكانش اللى مايطيحش المهم كي تعاودي توقفي وتعرفي وين تحطي رجليك.ورايحة تنجحي باذن الله وبامتياز.
ربي يوفقك ويخرجك من هذه المحنة سالمة ويعوضك خير امييييين

[همس المشاعر*]

ختي حتى انا كنت نقرا مليح من صغري وعمري لا عاودت بصح الباك جبته بمعدل 9.80 مالقري كنت نقرا غادتني ماكنتش حابه نعاودو بصح والديا وقفو معايا وقالولي عاوديه وعاودته وجبته وقريت في الجامعه الحمد لله صدقيني ختي منين تكون عندك شهاده جامعيه او شهاده عليا الدنيا ومافيها كي تكبري تفهمي هدرتي

[FELLA BIO]

شوفي يا اختي معظم الناس لي جابو الباك جابوه من المرة الثانية و الثالثة لذي ما حدث معكي من الله فتوكلي عليه وانسي ذلك وادخلي في الدخول المدرسي وكل شئ عادي ودرسي وستنجحين باذن الله والعام سيمضي سريعا وستكتبين لنا في هذا المنتدي لتبشرينا بنجاحك يا رب

[~أميرة أميري~]

راني كيفك ولا اكثر تخيلي للمرة الثانية وماجبتوش بكيت صرى فيا المنكر غاضني تعبي ولي كانو عام كامل وهوما يضحكو ومايحضروش مامبا الحصص جابوه وراهم خير مني
وعلاش ديما لي يتعب ماينالش ويديها غير لي مايستاهلش
انا من جيهتي راح ننسحب عقدلي حياتي هاد الباك كل صيف نبكيو والديا كل صيف طامعين ويستناووووو
ماعندي الزهر فحتى حاجة وماكنتش نستنى فهاد النتيجة كنت متأكدة بلي نديه وجاتني صدمة
ماعرفتش واش ندير حاسة مستقبلي ضاااع وماعندي حتى فرضة تانية ممكن تعوضلي الحرقة لي راهي في قلبي
راح ندعي ربي صباح مع العشية يعوضنا يحاجة خير لانو مايحس بلجمرة غير لي كواتو
وبالاك فيها خير ربي عمرو مايحب حاجة مشي مليحة لعبدو
انتي عندك فرصة عاوديه للمرة الثانية انا محال نعاودو للمرة الثالثة لاني كرهت حاجة اسمها باك في حياتي كرهتووو

[robi987]

راني كيفك ولا اكثر تخيلي للمرة الثانية وماجبتوش بكيت صرى فيا المنكر غاضني تعبي ولي كانو عام كامل وهوما يضحكو ومايحضروش مامبا الحصص جابوه وراهم خير مني
وعلاش ديما لي يتعب ماينالش ويديها غير لي مايستاهلش
انا من جيهتي راح ننسحب عقدلي حياتي هاد الباك كل صيف نبكيو والديا كل صيف طامعين ويستناووووو
ماعندي الزهر فحتى حاجة وماكنتش نستنى فهاد النتيجة كنت متأكدة بلي نديه وجاتني صدمة
ماعرفتش واش ندير حاسة مستقبلي ضاااع وماعندي حتى فرضة تانية ممكن تعوضلي الحرقة لي راهي في قلبي
راح ندعي ربي صباح مع العشية يعوضنا يحاجة خير لانو مايحس بلجمرة غير لي كواتو
وبالاك فيها خير ربي عمرو مايحب حاجة مشي مليحة لعبدو
انتي عندك فرصة عاوديه للمرة الثانية انا محال نعاودو للمرة الثالثة لاني كرهت حاجة اسمها باك في حياتي كرهتووو

أختي رانا كامل تعبنا وكرهنا
حتى انا كانت الصدمة وكرهت حاجة اسمها باك رغم أنو مرتي الأولى
لكن والله ماتيأسي ماعلابالكش ربي واش مخبيلك
أختى داتو في المرة الرابعة وهي الأولى في الجامعة تاعها وتخرجت
ربي مايخيبش
نكونوا يد وحدا و نطلعوا المورال لبعضانا ونقراو كيف كيف حتى يفرج ربي
ديري حاجة أخرى وعاودي في نفس الوقت
عام يفوت في رمشة عين
وربي يوفقنا:)

[~أميرة أميري~]

أختي رانا كامل تعبنا وكرهنا
حتى انا كانت الصدمة وكرهت حاجة اسمها باك رغم أنو مرتي الأولى
لكن والله ماتيأسي ماعلابالكش ربي واش مخبيلك
أختى داتو في المرة الرابعة وهي الأولى في الجامعة تاعها وتخرجت
ربي مايخيبش
نكونوا يد وحدا و نطلعوا المورال لبعضانا ونقراو كيف كيف حتى يفرج ربي
ديري حاجة أخرى وعاودي في نفس الوقت
عام يفوت في رمشة عين
وربي يوفقنا:)



ان شاء الله انا ضركة راني تحت وقع الصدمة وبابا يقلي عاودي 3 و 4 و 5 و 6 ماكانش لي يسالك مي انا ماحبتش تدخلي في راسي نعاود نفتح لي كايي ونعاود نقرى ونسهر و زيد نستنى النتيجة وزيد راح نعاودو حرة
راني نستنى فأي فرصة جيني وحدوخرة من غير الباك ماقدرتش ولازملي وقت باش نزيد نخمم اذا نعاودو ولا لالا راني تايهة
ربي معانا ان شاء الله

[robi987]

ان شاء الله انا ضركة راني تحت وقع الصدمة وبابا يقلي عاودي 3 و 4 و 5 و 6 ماكانش لي يسالك مي انا ماحبتش تدخلي في راسي نعاود نفتح لي كايي ونعاود نقرى ونسهر و زيد نستنى النتيجة وزيد راح نعاودو حرة
راني نستنى فأي فرصة جيني وحدوخرة من غير الباك ماقدرتش ولازملي وقت باش نزيد نخمم اذا نعاودو ولا لالا راني تايهة
ربي معانا ان شاء الله

حاسة بيك أختي والله حتى انا وليت نشوف الكراريس راسي يوجعني
حتى أنا خممت نعاود حرة لأنو محال نقرى في الليسي
وقلت ندير حاجة أخرى نفوت بيها ليامات وفي نفس الوقت نقرى دروس خصوصية ونقرى للباك
ومازال عندك الوقت ريحي مخك ومن اوت أبداي خمي في مستقبلك
أختي المهم تقراي وتنجحي لأنو اذا ماتعاوديهش تندمي عليها في حياتك كامل
شحال من واحد راه نادم
لأنها مازالت عندك الفرص
ووالديك واقفين معاك ماتخيبيهمش:19:

[مجرّد إنسان]

لكلّ جواد كبوة
كلّنا نتعثّر ونخطأ ونفشل في هذه الحياة الدنيا ولكنّنا لا نيأس ولا نستسلم
يجب أن نخلق من المحنة منحة
ويجب أن نستفيد من أخطائنا
لنواصل السير نحو أهدافنا
والله هو الموفّق

[البحث هن العلم]

عسى ان تكرهوا شيئا و هو خير لكم
الحمد الله عندك والديك و عام مادا ما جاب

[عبد الله 22]

السلام عليكم الخير فيما اختاره الله ، والله الانسان لا يعرف ما هو افضل له هل فعلا نجاحه اما إعادة السنة ، ربما عدم نجاحك منعك عنك شرا كثيرا لا طاقة لك به، المهم الانسان صحته ، وأخلاقه ، ودينه، وعائلته، والحمد الله على ما أعتقد ان الله منحك هذه النعم، وتأكدي بأن الحياة ليس نجاح وفشل في هذا الامتحان ،بل هي فشل في الاخلاق، في الدين ن رضى الولدين بالتوفيق

[sarra95]

اختي حاسة بيك لاني جربت هدا الاحساس نتعب عام كامل و معدلات تاع الفصول ملاح و الاخير منديش تغيدك عمرك صح لكن تاع منعودش مع لاصغر مني منكونش معاك صراتلي العام لي فات مديتش بكيت لكن هدا الفشل درت بيه عزيمة قلت قبل تعبت هدا العام نتعب اكتر وكي دخل نقرا رحت النهار الاول عادي كلي اول مرة رح نقرى وزيد الغلطات لي درتيهم العام لي فات درك لا الخوف راح فالتعقاب لول ..... صح كاين لي حب يقيسك و يخليك تحس بلي اك مديتش باه ديما يشوف دمعتك نقولك اتبتيله العام الجاي في هدا الوقت
انا العام لي فات كانت استادة ديما تقلي لي صحباتها داو و هي اي هنا تمعني عليا كنت نبكي و في قلبي نقلها في جويلية نلحقهم و كي كنت نبكي تقلي لا خليها تحرق في قلبك باه متزيديش تغلطي و تعاودي
خلي املك تاعك بربي كبير و ربي يصبرك

[biti]

ربي يعوضك
عاوديه ايه عاوديك و طفي الجمرة لي في قلبك
ربي يفرحك و يفرح خويا تاني و الله قاع رانا محروقين كيف كيف

[~رآقية بأخلآقي~]

شوفو هذي الإرادة وهذي العزيمة لهذا الطالب إن شاء الله تديرو التحدي كيما هو وربي يوفقكم يااااارب

http://www.djelfa.info/vb/showthread.php?t=1830454

[ابتسام smile &hope]

ننصحك تروحي للبحر حوسيييي هاذ الصيف و في رايي عاوديه حرة وديري سويعة فالمادة اللي ماخدمتيش فيها باش يكون عندك احتكاك بالنظاميين

[رَكان]

شوفي ..
بالأمس كنت جالس مع وحده مثلك ..قلت لها ...
النجاح في الباكالوريا ..لايعني اطلاقا النجاح في الحياة ...فشتان بينهما ..
طيب ماذا لو كنت ماسكا الأمر بيدي ..وخيرتك بين النجاح في الباكالوريا أو النجاح في الحياة فماذا ستختارين ؟؟؟؟

[first first]

شوفي اختي العزيزة .............كي اليوم ان شاء الله نسمع بيك ديتي الباك وفرحتي ولديك وفرحتينا....9.90ماشي بعيد .....و9.90راهي فيها سهرات وتخمام وتعب كبير.......بالا ك ربي شافلك خير في العام الجاي
وثاني نقولك ...............كل من اخذو الباك هذا العام ......بجهده ......................بالغش ................بالزهر ........مع اني لا اممن بان الباك زهر ابدا ابدا......نقولك جميعم اخذوه دون ان يسلبو اي نقطة من نقاطك .................فلامجال لمعاتبتهم ....................ولالتقييمهم .......................ولا لمقارنة نفسك بهم ....................هناك حقيقة واحدة تقولك ................انه نقصتك اشياء قليلة لتصلي للمعدل؟ركزي طاقتك في تقييم نفسك وايجاد الخلل .......الا مايكون هناك نقص .................ماتقوليليش مكانش ..................والله حتى لي داو الباك عندهم خلل وتقصير في مكان ما ..................فكري على هذا النحو احسن لك

اتمنى ان تكوني من الاوائل العام المقبل وتفرحي وتفرحينا معاك باذن الله.

وبخصوص الليسي وتقراي مع لاقل منك ............مادامك لم تعيدي ولامرة ..............ماتتمسخريش بروحك ارجعي لليسي وقراي .......بناتكم بضع اشهر رديتي روحك نناهم وحشمتي تقراي معاهم؟؟؟؟؟......هني روحك من هذا الجانب ...............هناك من هم اكثر منك وبكثييييييييييييييييييييييييير...................ا لمهم تدي الباك

[محمد بوشمال]

الخير فيما اختاره الله لك

[reine alissar]

malazamch tkhami kima hak,,,,anti dirti li 3lik ou matfechlich el 3am jay inchallah,,,ou nass hadouk li ge le ghachachine li rahoum yzaghrdou,,hadouk rahoum yekedbou 3la arwahoum,,,,ma yanfa3 ghir sah ou inchallah rabi yssabrek ou y9adrek bech tanj7i ou mazal trig touil goudamek lazem tkouni 9wia !!!

[nani matrix]

ليس كل من لم يتحصل على مايريد يندب حظه العاثر,,,,,,, والفشل هو اول خطوات النجاح والانسان المسلم لا ينسى خالقه في هذه الاوقات الحرجة فيجب علينا ان نثق بالله وحده ونتوكل على العلي القدير لانه هو القادر على كل شي وما التوفيق الا بالله ,,,,,اختي اخواني الافاضل لاتدعو اليأس يحطمكم اعلم ان ما تمرون به من خيبة امل ومن صدمة لكن فربما تكون درسا لكم وربما تكون بداية لحياة جديدة ,,,,دعيني اسالك انت التي تقولين تحصلت على معدل 9.90 فلنفترض انك تحصلت على معدل 10.34او 11.77 وعند بداية التسجيلات الجامعية ستندمين على حصولك على البكالوريا بهذاالمعدل ويزيدك ندمك وكرهك للبكالوريا عندما لاتوجهين الى الشعبة التي ترغبين بسب معدلك الدي لايسمح لك وستجدين نفسك في مازق اكبر من فشلك في البكالوريا ,,,,,نصيحتي اليك حاولي اجتياز هذه الفترة والاكيد انك استفدت من اخطاءك في هذه السنة اعيدي حساباتك ولقد عرفت من هم اصدقاءك حقا ومن هم اعدائك لاتبالي لمل يقولون لا تدعيهم يرونك ضعيفة ولا تدعيهم يرو دموعك ابدا كوني قوية كما كنت سابقا فقيمتك وكرامتك فوق كل اعتبار فالبكالوريا شهادة لا تنقص من كرامتك ,,,,,اقرئي هذه المقالة عندما تكوني مرتاحة واتمنى لك التوفيق,,,,,,,,,, والنجاح في حياتك ,,,,,

من المعروف والمتعارف عليه أن الحرب بين الفشل والنجاح كانت ومازالت وسوف تظل سجالاً إلى الأبد وذلك لأن تلك الحرب هي صراع دائم بين طرفي المعادلة.. ولاشك ان لكل من الفشل ذرائعه وأسلحته ومقوماته وفي كلا الحالتين ظل الإنسان هو المسؤول عن تحقيق الفشل أو النجاح من خلال سلوكه وممارسته وأساليب استخدام وسلوك السبل التي تؤدي إلى أي منها. فللنجاح عوامله وللفشل أسبابه وقد أُمر الإنسان بالجد والاجتهاد وعدم الاستسلام للفشل وقد قيل أن الإنسان الناجح هو ذلك الذي يحول الفشل إلى نجاح والهزيمة إلى نصر من خلال الفكر النيّر والجهد والمثابرة والعزيمة التي لا تلين ناهيك عن الثقة بالنفس والقدرة على إدارة الوقت واستغلال الفرص وعدم الاستسلام للعوائق وكسب المعارف والعلوم والاستفادة من تجارب الآخرين، ليس هذا فحسب بل إن التحلي بالخلق الفاضل والاخلاص في العمل وحسن النية والتعاون وحب الخير للآخرين ومشاركتهم هو سر النجاح، كما أن عدم الاحتباس رهينة للماضي وفشله سمة أساسية من سمات الناجحين.

وعلى العموم فإن النجاح الذي نتحدث عنه هو النجاح في مسيرة الحياة سواء كانت علمية أو تجارية أو إدارية أو اجتماعية أو اقتصادية أو غيرها من الفعاليات التي يتكامل الناس بها من أجل تحقيق مردود أفضل ينعكس خيره على الجميع لذلك فإن الإنسان الناجح هو الذي يصنع الأحداث ولديه أحلام يسعى إلى تحقيقها كما أنه يستمتع بالعمل ويتطلع إلى المستقبل ويعمل على تحقيق الممكن ناهيك عن انه دائماً يفكر في الحل لذلك فلسان حاله يقول: الحل صعب لكنه ممكن وهو يعتبر أن الرغبة في النجاح هي المفتاح لتحقيق النجاح ذاته.

نعم الناجح يناقش بقوة وبلغة لطيفة وهو دائماً يتمسك بالقيم ويترفع عن الصغائر على قاعدة «وتصغر في عين العظيم العظائم» ولاشك أن للنجاح ضريبته فبالإضافة إلى الجهد والنَّصب والتعب والسهر يسبب بعض العداوات التي أبطالها الفاشلون ممن سبّب الحسد والحقد والضغينة فشلهم ونفور الناس منهم.

إن الفشل وارد ولكن الفاشل هو الذي يستسلم للفشل ويقعده عن محاولة النهوض، أما الناجح فهو الذي ينهض من كبوته ويشمر عن ساعديه ليضرب الفشل بالنجاح. ولعل من أهم أسباب الفشل أن الصغائر تصبح كبيرة وعظيمة في عين الفاشل على قاعدة «وتعظم في عين الصغير الصغائر» من هذا المنطلق يمكن أن نجري مقارنة بين الفشل والنجاح وبين الناجح والفاشل وذلك من خلال بعض الأمثال والحكم التي يتمثلها بعض منهما في:

* الناجح في الغالب مبتسم والفاشل في الغالب متجهم.

* الناجح يفكر ثم يفعل والفاشلون قسمان: قسم فكر ولم يفعل، وقسم فعل ولم يفكر.

* النجاح يستطيع تحقيقه المثابر والفشل هو الشيء الوحيد الذي يستطيع أن يحققه كل إنسان دون أن يبذل أي مجهود.

* الناجح يستفيد من كل لحظة في حياته والفاشل هو الذي يضيع عمره في الفشل.

* القاعدة الذهبية للعمل تقول إن الذي يعمل ويفشل خير من الذي لا يعمل ابداً فالفشل في بعض الأحيان حافز من حوافز النجاح.

* الناجح يستفيد من آراء الآخرين على قاعدة الآراء تتلاقح والفاشل يحكم رأيه رغم عدم صوابه.

* الناجح يكسب أصدقاء مزيفين وأعداء حقيقيين والفشل من ضمن هؤلاء الأعداء فهو من ألد أعداء النجاح.

* أسوأ من الفشل عدم محاولة النجاح وذلك لأن الذي يتعرف على كيفية فشله يستطيع ان يفهم كيف ينجح.

* الناجح يساعد الآخرين والفاشل يتوقع المساعدة من الآخرين.

* الناجح لا تنضب أفكاره،والفاشل لا تنضب أعذاره

* الناجح يثني على نجاح الآخرين، والفاشل يشكك في نجاحهم.

* الناجح يستمتع بالعمل ويرى فيه أملاً، والفاشل يتنكد بالعمل ويرى فيه ألماً.

* الناجح يعامل الناس كما يحب أن يعاملوه، والفاشل يقول اخدع الناس قبل أن يخدعوك.

* الناجح ينظر للمستقبل ويتطلع لتحقيق الممكن، والفاشل ينظر للماضي ويتمنى ما هو مستحيل.

* الناجح يفكر في الحل والفاشل يفكر في المشكلة.

* الناجح ينسى إساءة الماضي والفاشل يتخذها عذراً لفشله ليحمل الآخرين مصائبه.

* الناجح يسامح ويتلمس الأعذار والفاشل يسعى للانتقام.

* الناجح لا يُحمل الشكوك أكثر مما تحتمل والفاشل يكبر الشكوك حتى يحولها إلى حقائق من وجهة نظره.

* الناجح لديه أمل في المستقبل، والفاشل فاقد الأمل في الحاضر والمستقبل، وعلى أية حال فإن الاتصال والتواصل في العلاقات الإنسانية تشبه التنفس للإنسان، فكلاهما يهدف إلى استمرار الحياة ولذلك فإن العالم يفسح الطريق للمرء الذي يعرف وجهته. أما الإنسان الذي ليس له هدف فهو يشبه السفينة التي ليس لها دفة، فكلاهما تتقاذفه الأمواج وينتهي به الأمر إلى التحطم.

إن الناجحين هم فقط من يعرف أن السعادة تكمن في متعة الانجاز. وهم أيضاً من يعرف أن النجاح يحتاج إلى تحضير مسبق وبدون ذلك يتحقق الفشل.

إن نجاح أية أمة من الأمم يكمن في تكاتف الناجحين من أبنائها وهذا ما جعل الاكتشافات والإنجازات العظيمة تتم نتيجة تعاون الكثير من الأيدي والعقول.. ولا شك أن حل المشاكل بصورة جيدة يصل إليه من يستطيع إبعاد نفسه عن التحيز والأفكار المسبقة بالاضافة إلى قدرته على التعرف على حقائق الموقف وترتيبها بصورة متسلسلة يلي ذلك اتخاذ قرار الحل مع عدم اهمال المشورة على قاعدة «ما خاب من استشار» كما أن الحكمة الحقيقية تفرض عليه عدم رؤية ما هو أمامه فقط بل تحتم عليه التكهن في ماذا يمكن أن يحدث في المستقبل فجميع الأمور لها ماضٍ وحاضر ومستقبل ولكل منها مقوماته التي يجب أن تؤخذ بعين الاعتبار. إن الإنسان السامي يكمن سر نجاحه في ذاته ولذلك فإنه يسعى لتحقيق طموح دوافعه الداخلية. أما الإنسان الدنيء فإنه يسعى لما لدى الآخرين. ولذلك فإن المثابرة نبع داخلي لا يفرض من الخارج وبه يمكن تخطي أصعب العقبات. فالذي يخاف من الصعاب أو غيرها لا يشعر بالتحرر بل بالأغلال تطوقه. ولذلك فإن الرجل العظيم يكون مطمئناً ومتحرراً من القلق، أما الرجل الضيّق الأفق فعادة ما يكون متوتراً وقلقاً وتساوره الظنون.

من هذا كله يتضح أن الإرادة هي سر النجاح وهي الحد الفاصل بين النجاح والفشل فصاحب الإرادة يقدر على نفسه وعلى الشيطان وفاقد الإرادة ينهزم أمام نفسه وأمام الشيطان..

وعلى العموم في المسافة بين النجاح والفشل يعيش فيها خلق كثير يصارعون من أجل النهوض من الفشل واللحاق بالنجاح، ومن خلال ذلك الصراع المستمر تستمر الحياة بحلوها ومرها فهي في حراك دائم يتربع الناجحون في مقدمته ويقودون حراكها ويظل الفاشلون في مؤخرته رغم ما يثيرونه حول أنفسهم من صراخ أو دخان يصم الأذان ويكتم الأنفاس. وتظل القافلة تسير رغم كل المعوقات.

نعم، إن النجاح سلم لا يستطيع تسلقه من يداه في جيبه. لذلك فإن مقومات النجاح وأسباب الفشل يجب أن تولي عناية خاصة وأن تكون جزءاً لا يتجزأ من أساسيات التربية والتعليم يساندها في ذلك دور الأسرة والإعلام. وعلينا أن نضع أمام أجيالنا الصاعدة تجارب الرواد في جميع المجالات وأن تحضهم على أن يكونوا رواداً مثلهم وأن تذكر بأسباب فشل الفاشلين ونطلب منهم أخذ العبرة من غيرهم فالحصيف من اتعظ بغيره واستفاد من تجارب الآخرين.. والله المستعان.

[خالد عنابي2]

عادي انا جبتو على الخطرة الثالثة وبمعدل 10.00 والثلاث مرات درتهم في الليسي وفي الجامعة راني ناجح غير بالدزان والتكركير والرشا والكريدي ولكن المستوى تاعي عالي احسن من جميع الطلبة في القسم وحتى بعض الاشياء التي اعرفها لا يعرفها بعض الاساتذة

النقطة لا تعكس بالضرورة المستوى الحقيقي للطالب او التلميذ .

[amira1989]

استهدي بالله الخير فيما اختاره الله
متعرفيش الخير وين راه
نحكيلك حكاية اختي ...جهلت و جابت الباك ولكن للاسف لما راحت للجامعة لانعلم ما حدت لها جاتها صدمة ومرضت هبلت محملتش الدراسة و لونتوراج جابت ليسانس ...لكن للان وبعد 6 سنوات لم تعمل و لم تتزوج هي بس متل المجنونة تتكلم لوحدها من هم الجامعة
ياريتها لم تجب الباك
احمدي ربي لانو الله لازم نحمدوه علا كل شي