القلاساااااااااج

[mira92]

سلام عليكم يا حراير:dj_17:
راني حابة نخدم قاطو بالقلاساج مي القلاساج يجيني يابس :mad:معرفتش كيفاه ندير باش يجيني طري:confused:لي تعرف تساعدني وجزاكم الله خيرا

[mira92]

49 مشاهدة ولا رد واحد!!!!!!!!!!!

[rasha holwa]

غلاصاج ديري كاس شاي ماء زهر و بياض بيضة ضربيهم و زيدي عصير ليمونة و ابداي تزيدي في السكر رطب و تخلطي بالفويي حتى يتقال زيدي مغرف زيت و خليه يريح شوية و ابداي تخدمي بيه

[اسمهان79]

حبيبتي استعملي قلاساج الشاربات راه يجي طري وما ييبسش مهما يطول
استعملي كأس شربات باردة وبياض بيضة عصير حبة قارص يكون مصفي وملون ابيض ثم السكر ومن الأحسن سكر المرجان وتبقاي تخلطي حتى يثقال وديري الملون اللي تحبي
هاذ لقلاساج أنا على طول نستعملو ويجي روعةةةةة

[mira92]

غلاصاج ديري كاس شاي ماء زهر و بياض بيضة ضربيهم و زيدي عصير ليمونة و ابداي تزيدي في السكر رطب و تخلطي بالفويي حتى يتقال زيدي مغرف زيت و خليه يريح شوية و ابداي تخدمي بيه


بارك الله فيك اختي

[mira92]

حبيبتي استعملي قلاساج الشاربات راه يجي طري وما ييبسش مهما يطول
استعملي كأس شربات باردة وبياض بيضة عصير حبة قارص يكون مصفي وملون ابيض ثم السكر ومن الأحسن سكر المرجان وتبقاي تخلطي حتى يثقال وديري الملون اللي تحبي
هاذ لقلاساج أنا على طول نستعملو ويجي روعةةةةة
بارك الله فيك اختي

[raboha]

هذا القلاساج من منتدى الجلفة حطاتو مولاتو عندو مدة و الله نسيتها شكون و الله ملي جربتو مستغنيتش عليه
الكيلة كيلي بالفنجال لخطرش يخرج ياسر و إذا خصك تزيدي
كيلة حليب
كيلة زيت
كيلة عصير القارص
الفانيلا
طبعا الملون اللي بغيتيه
خلطي الكل و ديري سكر رطب حتى تتحصلي على القوام اللي يخرج على الحبة
أنا نخبي القلاساج الليي يبقالي فالمجمد مدة طويلة و نعاود نجبدو نخدم بيه
ثان حتى و نخبي القاطو فالمجمد و كي نديكونجليه تبقى الطلية طرية و الله قلاصاج مكاش كيفو

[رحمة تقوى]

اسنعملي طلية الحليب انا استعملتها خرجت روعة كاس شاي حليب 3 ملاعق اكل عصير ليمون 1 ملعقة اكل عسل 3 ملاعق اكل ماء زهر 1 ملعقة اكل زيت سكر قلاسي انتاع المرجان خلطي السوائل ضيفي الملون ثم السكر وخلطي تخرج روعة وتجي طرية وتلمع