مساعدة فلاكرام فراش من فضلكن عاجل الآن لأن النت ستنقطع عندي... [الأرشيف]

Nour el houda93

2015-07-10, 14:14

السلام عليكم ورحمة الله وبركاته:
أخواتي ربي يحفظكم شريت كرام فراش معرفتش نستعملها ادا تقدرو تشرحولي كيفاش ندير بيها دوزيام بلا للفطور لأني ماش مالفة نستعملها لي بلا
بسرعة أتمنى اجابتكن لا تحرججني جزاكن الله خيرا

sabrina206

2015-07-11, 03:58

شوفي أختي بالنسبة للكرام فراش تستعمليها في الأخير في الدوزيام بلا مثلا في طاجين الكفتة بالزيتون أي لمثوم في الأخير زيديلو الكريمة فراش سواء سائلة أو ثقيلة و يغلي غلوة و طفي عليه
كما تقدري تزيدي كمية من الكريمة للصوص بيشامال تحضريها عادي و دائماً في الأخير تزيدي الكريمة تهز غلية وحدة و طفي و فرغيها فوق لغراتان بأنواعه
كما تقدري تضيفها لتتبيلة الشاورما تاع الدجاج تعطيها بنة و طراوة روعةةةةة
و أيضاً تستعمليها في الشوربات كما حساء الخضر،الفرماج،الجزر،الكابويا.....بعد ما يطيب أرحي الحساء نتاعك+ الجبن و ضيفيلو الكريمة فراش و حطيه يغلي مرة و طفي عليه
نتمنى نكون أفدتك أختي