أي استفسار بخصوص اختيار طب انا هنا للمساعدة [الأرشيف] - منتديات الجلفة لكل الجزائريين و العرب

مشاهدة النسخة كاملة : أي استفسار بخصوص اختيار طب انا هنا للمساعدة

j_dog

2015-07-10, 02:19

السلام عليكم ورحمة الله تعالى وبركاته

كلش مبروك لجماعة لي داو الباك ولجماعة لي مداتش لعام الجاي ان شاء الله

المهم اني نهدر بالدارجة برك ههههه

الجماعة لي حابة تدير ميدسين اي تساؤل على سنة أولى طب في قسنطينة اني حاضر نجاوبوا بكل صراحة وسقسييو برك لي يجي في بالكم:1:

profit

2015-07-10, 02:36

وش من لغة يقروا بيها ؟؟

j_dog

2015-07-10, 02:39

طبعا الفرنسية اخي الفاضل

profit

2015-07-10, 02:41

طبعا الفرنسية اخي الفاضل

تباً الفرنسية ماشي راح تبعدنا مكانش بالانجليزية :d

hamzagolf6

2015-07-10, 02:43

ماهي درجة الصعوبة بالنسبة الى شخص لا يحب الحفظ كثيرا
+
هل اللغة الفرنسية عائق
هل البرنامج متشابه مع برنامج الثانوي

بلال123

2015-07-10, 02:44

j_dog

2015-07-10, 03:04

ماهي درجة الصعوبة بالنسبة الى شخص لا يحب الحفظ كثيرا
+
هل اللغة الفرنسية عائق
هل البرنامج متشابه مع برنامج الثانوي

نبداو على بركة الله

بالنسبة الى شخص مايحبش يحفظ ........مممممممم ....فكرتني ب نفسي قريت شعبة رياضيات وكنت نكره الحفاظة

اولا الحفظ مراحش يكون كما الاجتماعيات ولا ت اسلامية ....رايح تستعمل صور تتفرج فيديو ترسم وهكذا مراحش تمل أبدا ... ممتعة مجربة

اما بالنسبة للفرنسية صدقني باذن الله لن تواجه اي عائق لأنها مصطلحات علمية جديدة عليكم كامل تكتاسبوها مع الوقت ...فقط تحتاجها فالتواصل مع لي بروف

بخصوص البرنامج من بعد نوصفلكم وش فيه كامل و واش تقراو

j_dog

2015-07-10, 03:11

أريد أن أسألك سؤالا
أنا نجحت و الحمد لله ب 17.13 لكنني محتـــــــــار لأن الكثير تحصلوا على 15 .. و كلهم سيذهبون الطب أخاف أنني لن أجد عمل في المستقبل بسبب الإكتضاظ .. و هل الدراسة في العاصمة جيدة ؟

الله يبارك معدل شباب

الخدمة مضمونة باذن الله وبما انك تفوقت فالباك زيد تفوق فالريزيدانا وتدي احسن تخصص ليكن طموحك اكبر

الدراسة في العاصمة الاحسن على ما اظن

ايا زيد سقسي وكما قتلك ماتقتلش طموح تاعك بسسب حوايج تافهة كما تاع عدد سنوات الدراسة في نظري و كل واحد وجهة نظروا :mh31:

boutaina21

2015-07-10, 03:35

معدلي 15.08 اتمنى ان احظى بمكان في كلية الطب بقسنطينة يااارب
شكراا اخي ........ إذا وجدت أسئلة سأعود اكيد ان شاء الله

مروميس

2015-07-10, 03:43

انا اريد الطب حقا ولكن الناس تخلع فينا
يقولو بلي صعيب وطويل وحفاظة ياسر
انصحني يا اخي بما لديك من المعلومااات وخفف عني راني في حيرة الله يخفف عنك

جزائرية و لي الفخر

2015-07-10, 05:27

صح فيه حفظ بزاف ؟ انا و الحفظ منتلاقاوش كامل هه ،،
ايه ،، بزاف يقولو القراية شارجي بزاف ،، تقرا ليل نهار صح كاين منها ؟

j_dog

2015-07-10, 12:17

معدلي 15.08 اتمنى ان احظى بمكان في كلية الطب بقسنطينة يااارب
شكراا اخي ........ إذا وجدت أسئلة سأعود اكيد ان شاء الله

معدلك مليح الله يبارك كلش مبروك نتمنى توصلك الطب ان شاء الله :mh92:

سارة 16

2015-07-10, 13:45

j_dog

2015-07-10, 14:06

انا اريد الطب حقا ولكن الناس تخلع فينا
يقولو بلي صعيب وطويل وحفاظة ياسر
انصحني يا اخي بما لديك من المعلومااات وخفف عني راني في حيرة الله يخفف عنك

انتي تريدين الطب جيد اذن اعدك انك لن تواجهي صعوبة خصوصا اذاكنت تريدينه بشدة لانو هذي هي الخطوة 1 في كلش ...الرغبة

لازم تخيري الحاجة لي حابتها نتي ماش أهلك ولا ام يقولو مليحة بويسك 7 سنين بزاف علي يبقا يستنا وكتاش تخلص بصح لي يقرا وينجح ويستمتع بالقراية لانو هو لي حابها تفوت في رمشة عين

بالنسبة للصعوبة اختي تقدري تتجاوزيها كما قتلك قبيل رغبة+اجتهاد ونتي قريتي الطب عادي

الاجتهاد راح يكون تقريب كما فالباك ننصحكم ترتحوا مليح الصيف هذي

بالنسبة للحفاظة راني جاوبت زميلك قبيل تحفظي صح المصطلحات العلمية .....اما باه تحفظي الكور كامل كما تحفظي الاجتماعيات فهذي تهلك صح تملي وماتهزيش .....طريقتي كنت كي نجي مثلا نحفظ ف anatomie نجيب صور يساعدوك بزاف كي نخلص نتفرج فيديو

وفي بعض الاحيان نكتب واش هزيت وكل واحد طريقته هذا لاني كنت نكره ايضا الحفاظة

اذا انا ننصح اختي فالاخير تقرا واش حابة هي بغض النظر طب ولا حاجة خلاف بالتوفيق

j_dog

2015-07-10, 14:22

صح فيه حفظ بزاف ؟ انا و الحفظ منتلاقاوش كامل هه ،،
ايه ،، بزاف يقولو القراية شارجي بزاف ،، تقرا ليل نهار صح كاين منها ؟

اعلا اختي

بالنسبة للحفظ جاوبت زميلاتك نتمنى تستفادي من الاجابة

بالنسبة للسنة 1 صح لي موديل لي تقراوهم بزاف وهي جذع مشترك يعني الطب وجراحة اسنان وصيدلة كامل يقراو كيف كيف

القراية تاع ليل ونهار تقدر تقولي كاينة ....بصح متنسايش انتي فالمستقبل طبيبة الكل يحتارمك و بلاصتك مضمونة

وايضا كي تروحي لجامعة الطب ان شاء الله تلقايهم كامل يقراو الله يبارك حتا تبانلك نتي ماراكيش تقراي وصح ثم تقولي لازمني انا تان نقرى ...........لازم تكون عندك ثقة ورغبة فالدراسة

ونتوما صح كرهتو القراية صايي ....!!!!!!!!:1:

♥ليزا البريئة♥

2015-07-10, 14:25

ارجوكم انا معدلي 12.80 شعبة فلسفة حابة ندير فلسفة فالجامعة
ارجوكم اخبروني صعيبة و لا لالا و اسكو فيها حفاظة بزااااف انا نحبها مي راهم خوفوني قالولي حفاظة في حفاظة
و هل عندما اتخرج نقدر نقري غير فليسي بويسك معنديش حظوظ بزاف منقدرش نقري فالمتوسط و لا الابتدائي لهدا انا خائفة ارشدوني

j_dog

2015-07-10, 14:30

Khouya sah marahch ykoun 3endek ge3 lwekt bech treyeh ??? Ye3nii meli tnod w nta ghir m3a lekraya ?? W esk lehfada melii tnod nhar kamel ??
Wlh khel3ouna bzfff
W esk keyen li kedrou yekrew w y3ichou hyethom m3a weldihom w hyethom normal ?? D

لالا اختي كي تنظمي وقتك وديري ثقة في روحك تقراي وانتي مرتاحة الحمد لله

أي أسئلة أخرى .....:dj_17:

Younes Ben titi

2015-07-10, 14:33

j_dog

2015-07-10, 14:59

السلام عليكم و رحمة الله تعالى و بركاته،
شكراً على الموضوع، لدي أسئلة حول تخصص الطب
ما هو أفضل تخصص متاح في الطب و هل كل التخصصات موجودة في الجزائر؟
هل يمكن للطالب القيام بأبحاث و ما شابه ذلك إلى جانب دراسته؟
هل يمكن أن تتاح لك الفرصة في الدراسة بالخارج؟
عند إختيار الطب هل سيتم قبولك في الجامعة التي توجد في الدليل أم يمكن أن ترسل لجامعات أخرى بشكل عشوائي؟
مثلاً أنا من ولاية تمنراست و المنشور يقول أن ولاية تمنراست تابعة لجامعة الجزائر 1 هل بالضرورة أنهم سيقبلوننا في هاته الجامعة أم يتم توزيع الطلبة بشكل عشوائي على مختلف الجامعات في ربوع الوطن؟
ما هي أفضل جامعة لدراسة الطب في الجزائر؟

اهلا اخي

بالنسبة للتخصصات.. يوجد الكثير من التخصصات الرائعة في وقتنا الحالي الاكثر طلب وهذا لقلة المناصب فكل ممنوع مرغوب ... cardiologue .طبيب العيون ophtalmo .الانسب للفتيات طبيبة نساء او اطفال والكثير اطلع عليها من الانترنت ستجد الكثير

بالنسبة للأبحاث والدراسة لاأظن ذلك ليس في الجزائر ان اردت ذلك عليك بالخارج مرة كنا نقرا عند بروفيسور فالجينيتيك قالنا لي يحوس على العلم صح يروح للخارج لانو هو قرا فالخارج بالانجليزية واكتشف 3 انزيمات وجا يقري هنا ف قسنطينة حسب ماسمعت

كما قلت كاين لي بصواردو يروح يقرا من ظرك و بالانجليزية ........كون جيت متمكن كن رحت ظرك

وكاين يخلي حتا يدي الريزيدانا ويدير تخصص مليح ويكمل ف فرنسا نعرف واحد قرا ف دزاير 7 سنين دار cardiologue وكمل ففرنسا ودرك من أبرز الاطباء هناك الله يبارك .......لاشيء مستحيل

نعم بالدليل شوف وين موالفين يبعثوهم ...كل جهة و وين يبعثوها ليس عشوائي

أظن أفضل جامعة هي الجزائر ......

مروميس

2015-07-10, 15:26

اشكرك يا اخي على نصائحك ومن الطبع للانسان يقرا لانو رايح يكون مسؤول في المستقبل
هل دراستها ممتعة ؟؟ وهل الفرنسية تشكل عائقا ؟

j_dog

2015-07-10, 15:44

اشكرك يا اخي على نصائحك ومن الطبع للانسان يقرا لانو رايح يكون مسؤول في المستقبل
هل دراستها ممتعة ؟؟ وهل الفرنسية تشكل عائقا ؟

الدراسة حقا ممتعة وفيها مواد للفهامة كما الفيزيولوجي ما تعتامديش فقط على واش يمدولك كاين الانترنت تفرجي لي فيديو وهذا لي يخليك ماتكرهيش توكني حابتها فقط

بالنسبة للفرنسية لاتشكل عائق اظلاقا مصطلحات علمية تعتادين عليها جديدة عليكم كامل صدقيني :mh31:

Younes Ben titi

2015-07-10, 18:04

اهلا اخي

بالنسبة للتخصصات.. يوجد الكثير من التخصصات الرائعة في وقتنا الحالي الاكثر طلب وهذا لقلة المناصب فكل ممنوع مرغوب ... Cardiologue .طبيب العيون ophtalmo .الانسب للفتيات طبيبة نساء او اطفال والكثير اطلع عليها من الانترنت ستجد الكثير

بالنسبة للأبحاث والدراسة لاأظن ذلك ليس في الجزائر ان اردت ذلك عليك بالخارج مرة كنا نقرا عند بروفيسور فالجينيتيك قالنا لي يحوس على العلم صح يروح للخارج لانو هو قرا فالخارج بالانجليزية واكتشف 3 انزيمات وجا يقري هنا ف قسنطينة حسب ماسمعت

كما قلت كاين لي بصواردو يروح يقرا من ظرك و بالانجليزية ........كون جيت متمكن كن رحت ظرك

وكاين يخلي حتا يدي الريزيدانا ويدير تخصص مليح ويكمل ف فرنسا نعرف واحد قرا ف دزاير 7 سنين دار cardiologue وكمل ففرنسا ودرك من أبرز الاطباء هناك الله يبارك .......لاشيء مستحيل

نعم بالدليل شوف وين موالفين يبعثوهم ...كل جهة و وين يبعثوها ليس عشوائي

أظن أفضل جامعة هي الجزائر ......

شكرًا لك أخي، في حال أيّ تساؤل جديد سأطرحه عليك هنا
بالتوفيق لك

j_dog

2015-07-10, 20:34

شكرًا لك أخي، في حال أيّ تساؤل جديد سأطرحه عليك هنا
بالتوفيق لك

الشكر لك ايضا انما احببت المساعدة فقط ربي يسهللكم ان شاء الله بالتوفيق

raouf96

2015-07-10, 20:44

انا ادرس تقني رياضي و خايف كي نديرها نحصل على خاطراكش منقراوش العلوم هل العلوم تاع الثانوي مرتبطة بتاع الجامعة

مروميس

2015-07-10, 23:34

اشكرك يا اخي وانا اصدقك ان شاء الله ربي يوفقك ويسرلك طريقك وتكون افضل طبيب
يا مسهل سهل ... بالتوفيق للجميييييييع

مروميس

2015-07-10, 23:35

اذا حسب ما تقول تبدو لي ليست صعبة

spak1993

2015-07-11, 01:02

اود ان ابارك لكل من تحصل على شهادة البكالوريا بعد التعب والكد و الحيرة فالاجدر ان لا يضيع تعبه في اختيار تخصصات جامعية تافهة مثل هندسة النقل بجامعة قسنطينة 1 .....الاختصاص ليس له علاقة بالنقل و لا وسائل النقل فالحقيقة انها تسمية فقط و يدرسون بنظامLMD بل يدرسون مثل طلبة st
هذا التخصص يشهد كل سنة منذ انطلاقه سنة 2011 يشهد اكثر من شهرين اضرابات في السنة
الشهادة غير معترف بها و لن يعترف بها
لا يمكن المشاركة بالشهادة في مسابقات التوظيف
الشهادة غير معترف بها من طرف الجيش الشعبي الوطني
نقص الاساتذة المكونين حيث تجد استاذ يدرس اكثر من تخصص لا علاقة له به فبعضهم جلب من معاهد التكوين المهني
و ليس هناك منشور و زاري يتحدث عنه وابحثو في الجرائد الرسمية فلن تجدوه
كل سنة يتم تغيير رئيس القسم للفشل الذريع للتخصص
عدم توفر التخصص على مخابر TP يجعلهم يشتركون مع مخابر تخصص ST
التخصصات
ingenier des transport...1
mantanance de matriel de tarsport...2 biomécanique....3
transport hydrocarbourique1
traction electrique
hegien de secrite de envrenment
هذه التخصصات تدرس في st فقط التسمية متغيرة و معترف بها وفيه بعثات للخارج و كل شيء يعني st افضل
وهذه نصيحة و يعرف احدا يدرس هذا التخصص يمكنه التاكد و شكرا

j_dog

2015-07-11, 02:17

انا ادرس تقني رياضي و خايف كي نديرها نحصل على خاطراكش منقراوش العلوم هل العلوم تاع الثانوي مرتبطة بتاع الجامعة

اهلا اخي

يوجد الكثير من نفس شعبتك وراهم يقراو الطب عادي والحمد لله

نزيد نطمأنك انا قريت شعبة رياضيات والعلوم ماقريتهاش مليح فالباك تقدر تقول مابقيت شفي على والو والحمد لله فالامتحانات ديت نقط باهيين .....:1:

اذا كنت راغب صح في حاجة ماش يفرضوها عليك الناس وحاب تقراها راح تتمكن وتنجح فيها

بالعكس كون تخير حاجة لانها مليحة والناس تحبها وانت مش قانع بيها صدقني ماتقدرش تكمل تكره ومعانا جماعة بزاف حبسوا :mad: ماكانوش قانعين

استعن بالله صلي الاستخارة مرات و مراات والله ولي التوفيق:19:

j_dog

2015-07-11, 02:51

اذا حسب ما تقول تبدو لي ليست صعبة

رغبة +اجتهاد رايحىة تنجحي باذن الله ولن تواجهي اي مشكلة :19:

صعيبة على واحد ماش حاب يقراها وخيرها :sdf:

وايضا كي تروحو للجامعة تتبدل عليكم شوي تواحشو الدار والعائلة متخليش هذي الامور تأثر على قرايتكم وتلعبلك على المورال :confused:......بالتوفيق

في انتظار المزيد من الأسئلة الموضوع مفتوح لكم سقسيو وش حبيتوا:1: