تحطمت و فقدت الامل...

[***نور الهدى***]

نصيحة لوجه الله تحطمممممممممت نهااائياا

[lalola lamia]

علاه واش كاين

[loulouat eddodja]

لا سمح الله يا اختي وعلاه هكذا
نورمال مازالك صغيرة و تجيبيه العام الجاي ان شاء الله بمعدل مكنتيش تحلمي بيه و اجعلي هذا درس لك و نضمي وقتك من الان

[صفاء الروح]

علاه اختي ماهيش نهاية العالم مريتي بتجربة فشلتي متياسيش من رحمة ربي كل عطلة فيها خير

[روح المعرفة]

تفائلي خيرا وأعيديه بعزيمة أكبر و ان شاء الله تحققي حلمك

[biba.fbi]

سلام
يا ختي ما تقوليش هاك حنا رانا امثلة قدامك و تحطمنا ماشي غير مرة و خلاص و الله غير كل شهر يفوت علينا م ن العام نتحطمو الف مرة و مرة و من اسباب مختلفة
مي الحمد لله كل مرة نلعنو ابليس و نستغفرو ربي و نعاودو النوضو من جديد
و الحمد لله اليوم رانا واقين على رجلينا و بلا مزية واحد و رانا جبل ما تهزو ريح
ما لغري قع واش صرا من لوم و عتاب و فشل في محطات الحياة الا اننا قدرنا نلملم انفسنا من جديد
و الحمد للهعاودت اكي و جبتو 14.52 و تحقق حلمي لبلوغه ورانا الحمد لله
مالا نوضي توضاي صلي ركعتين و اخطيك من التوسويس
و ابداي حياتك من جديد باش توصلي لواش راكي حابا
انا كنت دايرا شعار ف حياتي
never give up
ان الله لا يضيع اجر من احسن عملا
و الثال و الي يليق بيك
سانطلق منالعدم لكي اصل الى القمم
تفاءلي .... امسحي دموعك و ابدئي حياتك ن جديد
اختك بيبا
و الله ولي التوفيق

[الرحب]

ايه هادي هي الدنيا متوقعة 15 خرجتلي 13.12
تحطمت احلامي كامل راحو لا طب لا صيدلة لا مدرسة عليا لا.........

[الطاهرة]

معك متحصلة على 11 والحمد لله عاشور الحادش

[AyOuB0587]

زعمة غير الباك
هيا قولينا اجتهدت ولم تنجح؟ أم تكاسلت؟
إن كانت الاولى فلا عليك يكفي بذلك للمجهود، وإن كانت الثانية فلومي نفسك ولكن لا تنتحري فلن يسمع بك أحد وتحاسبين في قبرك ولن تفيدي أمك.

ثانيا، ألف واحد كيفك فشلوا في الدراسة، ها لويزة قرنون وخليدة تومي وبن قرنبيط، كشما قراو راهم وزاء
وكيفك من النساء كثير

وفوق هذا ناس فشلوا في أول الامر ثم مع الزمن تحسن الوضع ومع الاجتهاد صاروا من الآوائل !!!

الحل: عوضي ما فاتك واجتهدي وانتهى الأمر

[اسماء 05]

استهداي بالله ختي
معليش مزلتي صغيرة تعاوديه العام الجاي وان شاء الله تجيبيه
انا راني معاودة مديتش العام لي فات بصح السنة راني نجحت زيري على روحك صدقيني راهو العام يفوت ليه ليه

[ammar64]

يا اختي التصحيح انتاع الباك هؤلاء الاساتذة ادو حق الطلبة والتصحيح ماهوش قدقد

واخذوا من حق الطلبة

[ithran sara]

السلام عليكم

اختي الكريمة ... انا ايضا لم يحافني الحظ ...

بكيت حتى كرهت ...... كل ما نشوف في ماما و بابا نعود نبكي

مساكن كانو يخففو عليا .... مي كانو حابين ننجح و نفرحهم ... كيما بنت عمي فرحت والديها ....

لكن فكرت و استرجعت انفاسي ........ وباذن الله ساحاول مرة اخرى .....

ما الفشل إلا هزيمة مؤقتة تخلق لك فرص النجاح.. والنهوض من جديد ..........

ان شاء الله ندوه بمعدل شباب :)

[kakarottos]

يا اختي التصحيح انتاع الباك هؤلاء الاساتذة ادو حق الطلبة والتصحيح ماهوش قدقد

واخذوا من حق الطلبة

الله يهديك هناك تصحيحان الاول و الثاني و اذا كان الفرق أكثر من 3 نقاط يعاد تصحيح الورقة و اذا كانت 25 بالمئة من اللجنة فيها فارق أكثر من ثلاث نقاط يعاد تصحيح اللجنة كاملا.


كلامك هو للفاشلين لا غير

[Nounastar]

السلام عليكم
تريد أن أعرف اذا كان المترشح الراسل الطعن في النتائج. أخي متأكد من الذي دونه. شكرا على الرد

[mohamedTLM]

مكانش لي صرلوا كفي ديت 9.98
ومرانيش زعفان بالعكس نعود ونجيب نقطة مليحة خاطر ماكنتش عام رقد فيه

[bouss2013]

السلام عليكم


ان هذه قسمة ونصيب وما هو الا امتحان دنيوي فان نجحنا نحمد الله ونشكره وان لم ننجح نحمده ايضا ولا نكفره فله الحكمة عزوجل لا يعلمه الا هو كقوله تعالى بعد بسم الله الرحمان الرحيم وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ


اخواتي لا تقنطوا ولا تياسوا من رحمة الله وارضوا بما ارتضاه الله لكم كقوله تعالى بعد بسم الله الرحمان الرحيم فأما الإنسان إذا ما ابتلاه ربه فأكرمه ونعمه فيقول ربي أكرمني وأما إذا ما ابتلاه فقدر عليه رزقه فيقول ربي أهانني

اخواتي هناك منهم في المستشفيات مرضى فاحمدوا الله على الصحة والعافية ام الباكالوريا فلكم كل الوقت للاعادة والنجاح باذنه عزوجل


لا تلقوا اسلحتكم وباذنه تعالى في العام المقبل تكونوا من الفائزين

[***نور الهدى***]

السلام عليكم


ان هذه قسمة ونصيب وما هو الا امتحان دنيوي فان نجحنا نحمد الله ونشكره وان لم ننجح نحمده ايضا ولا نكفره فله الحكمة عزوجل لا يعلمه الا هو كقوله تعالى بعد بسم الله الرحمان الرحيم وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ


اخواتي لا تقنطوا ولا تياسوا من رحمة الله وارضوا بما ارتضاه الله لكم كقوله تعالى بعد بسم الله الرحمان الرحيم فأما الإنسان إذا ما ابتلاه ربه فأكرمه ونعمه فيقول ربي أكرمني وأما إذا ما ابتلاه فقدر عليه رزقه فيقول ربي أهانني

اخواتي هناك منهم في المستشفيات مرضى فاحمدوا الله على الصحة والعافية ام الباكالوريا فلكم كل الوقت للاعادة والنجاح باذنه عزوجل


لا تلقوا اسلحتكم وباذنه تعالى في العام المقبل تكونوا من الفائزين

احييك أخي..

حقا لقد نسيت قول الله عز و جل ...
و رحت اقنط من رحمة ربي

بارك الله فيك و جزاك الله خيرا...

[الأمين®]

احييك على الكلام الجميل اختي بيبا..

مي ماشي حاجة ساهلة عليا راني فمرحلة صعيبة لحقت نفكر بالانتحار بصراحة الخبر ما كانش ساهل عليا ...

اين الوعد الذي وعدت به امي الحبيبة التي ضحت علي بكل شيء

اين جزاء ابي...

خممتي في والديك كي ماديتيش الباك و ماخممتيش فيهم كي تنتاحري ....هل هذا كلام عاقل

ثم أين الرضا بقضاء الله و الله لنيل مقام الرضا بقضاء الله خير من نيل 10000000 بكلوريا

ثم أنتم صغار مالفرق أن تنجح هذا العام أو القادم و الله كون يقولولي ترجع للسن تاعكم و مانديش الباك من أول مرة نقبل نعاودو 10 مرات و نصلح أشياء و صحائف عمرناها بالتقصير في حق الله و المعاصي ... عاودي حسابك و أولوياتك و شهدي و استغفري من هاد الهدرة ... ان شاء الله العام الجاي تنجحي و تفرحي والديك فالدنيا و الأخرة ....سلام

[~رَآنيةْ قـْ .عَ~]

ألا تعلمي يااختي ان من ينتحر مثله مثل الكافر في النار خالد فيها
اليوم ايضا انتحرت فتاة من نفس منطقتي لقد صدمت الكل
نارر وعذاب الدنيا افضل بكثير ~فصبر جميل والله المستعان~

[***نور الهدى***]

احييكم احبائي...

صح صحوركم...♡

[***نور الهدى***]

ضغط بعض افراد العائلة جعلني افكر في ما لا يرضي الله...

لكن ارضاء الناس غاية لا تدرك...

وارضاء الخالق اولى من ارضاء الخلق

[ninja2016]

تفائلي اختي
انا لعام لي فات كنت كيفك
بصح هاد لعام عاودته وجبت 17 وؤاني فرحانة
نتمناها ليك ان شاء الله
ماتزعفيش ومتزعفيش والديك خاصـة

[***نور الهدى***]

تفائلي اختي
انا لعام لي فات كنت كيفك
بصح هاد لعام عاودته وجبت 17 وؤاني فرحانة
نتمناها ليك ان شاء الله
ماتزعفيش ومتزعفيش والديك خاصـة

احيي فيك الارادة و العزيمة القوية...

كيفاش كانت الاجواء كي مانجحتيش العام الاول و اهلك هوما لي شجعوك؟ اي شعبة؟ هل اعدتيه حرة؟


ارجو منك الاجابة اختي...

صيام مقبول ان شاء الله...

[ninja2016]

احيي فيك الارادة و العزيمة القوية...

كيفاش كانت الاجواء كي مانجحتيش العام الاول و اهلك هوما لي شجعوك؟ اي شعبة؟ هل اعدتيه حرة؟


ارجو منك الاجابة اختي...

صيام مقبول ان شاء الله...


صيام مقبول تقبل الله منا ومنكم صالح الاعمال والدعاء
في عامي لول جبته بمعدل مسمحليش نحقق فيه احلامي
كل العائلة وخاصة الوالدين كانو ضد اني نعاود او نجمد عامي فالجامعة ويخوفوني اذا منجيبش مليح واش راح يكون مصيري
الاجواء كانت حزن في البداية بصح مبعد حطيتها كتجربة ولازم نستفاد منها
انا من شعبة علوم تجريبية
بكالوريا 2014 ---- 14.60
بكالوريا 2015 ---- 17.60

[*مونيب*]

نعرف انسان كل عام يعاودو حت عاود مع ابنه و 2015 انجح ابنه , وهو لا ,,,,,,,,,,

[ميرا97]

ايه هادي هي الدنيا متوقعة 15 خرجتلي 13.12
تحطمت احلامي كامل راحو لا طب لا صيدلة لا مدرسة عليا لا.........

حتى انا صراتلي كيفك اختي كنت تستنا في ال15 لقيتها 13,24
ولكن الحمد لله على كل حال لانو اخر دعوة دعيتها قبل ظهور النتاائج
قتلو يارب عليك توكلت واليك انيب فوضت امري الى الله وقتلو ياربي لي فيه الخير جيبهولي لذلك راني راضية عليه
الخير في ما اختاره الله اختي وربما تفهمي الحكمة ممبعد ربما يجي يوم وتحمدي ربي كي ما دتيش الباك هذا العام صدقيني
احمدي الله على كل حال وان شاء الله ربي يوفقك العام القادم وتجيبيه بامتياز
http://www.loadplus.net/h.ashx?o=im&g=709af329b7eb45fbbb7ae7eb4e0f78f6
http://up.ejaaba.com/uploaded/20120616/RU7R_1339850048.jpg

[noureddine18]

واللي قرا للباك مليح وجاتو ضروف مامبا ماجابوش وشنو يقول ؟ ينتحر مثلا ؟؟ ارضاو باللي عطاهالكم ربي
بالتوفيق

[bouss2013]

السلام عليكم


احمدوا الله حمدا كثيرا طيبا مباركا فيه

طالعوا على هذه القصة المؤثرة وادعوا له بالرحمة والمغفرة


http://www.echoroukonline.com/ara/articles/248484.html

[بركان حسنى]

قفي من جديد !
قفي بهمة أكبر !
لا تتخاذلي و لا تتململي !
لعل الله جعل في ذلك خيرا !
كلنـا معكــ !!