مساعدة عاجلة [الأرشيف] - منتديات الجلفة لكل الجزائريين و العرب

مشاهدة النسخة كاملة : مساعدة عاجلة

غزة غزة

2015-07-09, 22:11

من فضلكم مصباح ونا نحوس على بقلاوة الهام ومالقيتهاش عيشكم عاونوني واجركم على الله

زهرة السوسن البري

2015-07-09, 23:39

اختي الكريمة انا وجدت الوصفة وهي كالتالي
اليوم جبتلكم أسهل و ألذ بقلاوة على طريقتي بعجينة الفيلو المعدة منزليا عندي سنين و أنا معتمدتها و هي من حلويات العيد 2013 لبيت أهلي
آسفة ماصورتش المراحل من الأول لأني كنت مسرعة باش نروح لأهل زوجي و لكن وعد مني أني نعمالهالكم بالتفصيل الممل في الأيام القادمة بإذن الله ... نخليكم مع الصور
هنا منين كملتها و قطعتها

هذه هي الوصفة للعجينة :
5 كيلات فرينة لابال لاتستعملو سيم درت بيها ماصلحتليش مافيهاش العلك .. تتقطع وحدها
كيلة ليدام ( 1/2سمن + 1/2مارغارين التوريق)
1/2 كيلة مايزينة
قرصة ملح حليه في شوية ماء
حبة بيض
2 ملاعق حليب بودرة .. تقدري تستغناي عليه أنا مادرتوش
2 ملعقة أكل خل أبيض
2 ملعقة ماءالزهر ( أنا زدت شوية)
2 ملعق أكل سكر بودرة
ماء للعجن
الكيلة لي درت بيها هذه الصينية هي باطة مارغارين 500 غ
للحشو
3 كيلات مكسرات
3/4 كيلة سكر عادي خطرش تتعسل
قشور ليمون
لفاني بودرة
قليل من السمن الذائب
و نرش بماءالزهر مثل فتل الكسكس.........
الطريقة هي أنك تحطي كل مقادير العجينة في قصعة و تعجني عادي مثل البقلاوة العادية .... أقسميها على 14 كرية متساوية (أوكيما تحبي نتي عدد الطبقات) أنا درت 7 من فوق و 7 من تحت ممبعد تحطي الكريات يرتاحو داخل كيس نظيف
ممبعد أغطسيهم في المايزينة ثم حلي 7 كريات شوية و حطيهم فوق بعضاهم مع إعادة رش المايزينة مليح بين الطبقات و حلي بالحلال جيدا حتى توصلي لسمك 0.5 سم وطبعا قد سمك الصينية
ممبعد تهزي العجينة و تفرشيها فوق صينية فرن تكوني دهنتيها مسبقا بمارغرين التوريق جيدا
تعملي ثقوب بالإبرة ثم تفرشي الحشو و تسويه جيدا ثم تعاودي تحلي الكريات 7 الباقية بنفس الطريقة و زاودو المايزينة بيناتهم و تحطيهم فوق الحشو وتسوي الحواشي ثم تقطعيها و تزينيها حسب الرغبة ثم تدهنيها بمارغارين التوريق.... خليها تريح شوية ثم طيبيها في الأول على نار قاوية ثم نقصيلها تطيب في غرضها و عسليها و خليها تتشرب
وهذا الرابط الخاصة بالوصفة
http://www.djelfa.info/vb/showthread.php?t=1390399

أم تسنيم 2017

2015-07-10, 04:54

jojo dj

2015-07-10, 05:35

سلاااااام عليكم اختي هي ستعملت بقلاوة ام انس وهاااااايلة درتها في هاذ العيد ان شاء الله هذو روابط

http://www.djelfa.info/vb/showthread.php?t=1412073
http://www.djelfa.info/vb/showthread.php?t=1390399

انا ثاني استعملت بقلاوة ام انس مي غلطت غيها خرجلي الحشو قوليلي اختي كي كنت تقطعي فيها فالاخير قطعتيها. للطىقة الاخيرة او الطبقة الفوقانية برك و السمن لي زدتيه فالاخير كثرتي كيما البقلاوة العادية ام امسحتي الطبقة الفوقانية برك بالبانسو

غزة غزة

2015-07-10, 11:45

شكرا لكما صافي لي بالمايزينة خير من لي تتدهن بالسمن

زهرة السوسن البري

2015-07-11, 02:19

شكرا لكما صافي لي بالمايزينة خير من لي تتدهن بالسمن
راني بحثتلك على الوصفة ووضعتلك الرابط وكان ردي اول رد وشفت انك اهملتيه وشكرتي الاختين الي بعدي :confused::confused::confused::confused::confused: