الطب vs طب الأسنان ماذا تقترحون لمعدل 15.48 ؟

[*محب النجاح*]

السلام عليكم
انا أخذت باك حر هذا العام 15.48
حلمي كان الثلاثي المرح طب أو صيدلة أو جراحة الاسنان
لكني أميل للطب وجراحة الأسنان أكثر
برأيكم حسب المعدلات المتداولة وتوقعات معدلات القبول
أيهم أستطيع إختياره بشكل يقيني ؟؟

[~ No ONe]

بشكل يقيني الـ 3 من نصيبك ان شاء الله ^_^ هههههههه

مبروووك ليك اخي الف مبروووووووووووك

ياريت تزود اخوتك كيفاه اخذت معدل ممتاز وانت حر

جمدت العام الدراسي ؟

واصلت تعليمك الجامعي ؟ كيف كان ترتيبك للوقت ؟ الوثائق المعتمده ؟ الانترنت كان لها نصيب من وقتك ؟

فرحتلك يا اخي الصغير هههههههه الف مبرووووووووووووك عقبااااااااااااااااال التخرج

[bouss2013]

السلام عليكم

الف مبروووووك

اليقين عند الله

عليك بصلاة الاستخارة والدعاء لله حتى يوفقك لاختيار التخصص الذي تريده

وفقكم الله

[وجدان الخواطر~]

والله نفس المشكل حتى انا معدلي قريب ليك و راني بين 3 نيران

[sasa stre]

إنشاء الله يعطوكم الكل واش حابين
فيما يخص الاختيار بين الطب و طب أسنان أظن أن الأمر واضح و من السهل جدا المفاضلة بينها
الطب أفضل من طب اسنان دون تردد
لكن مشكلة الطب :
طول فترة الدراسة( 7 سنوات طبيب عام ) + كثرة الحفظ على عكس طب الأسنان 6 سنوات فقط حيث السنة الثانية و الثالثة الأصعب لكن ما إن تنججي يعني أنهيت ..................... الباقي ساهل
الآن عليك أن تمعني النظر أكثر في قدراتك و كذلك مشاريعك المستقبلية و هل هي مرتبطة بالوقت ام لا لأن التخصصين حسب رأي متماثلان ففي الأخير أنت طبيبة
أما فيمايخص الصيدلة أعشقها و لا أندم على اختياري لها المشكل الوحيد هو مشكلة agrément الذي يتأخر نوعا ما و لولا هذا المشكل لنصحتك بالصيدلة على حساب الطب( الرزق على الله كما أنه هناك حلول أخرى إن تمكنتي من النجاح في " concourt de résidanat" ) لكن فيما يخص الدراسة روعة و ممتعة على الرغم من صعوبتها مقارنة بالطب في السنوات الأربعة الاولى
إنشاء الله أكون قد أفدتكم و لو بالقليل أنا أعلم ما تعيشونه الآن لأني كنت مثلكم مترددا كثيرا في الاختيار :19:

[ضياء الأمل]

إنشاء الله يعطوكم الكل واش حابين
فيما يخص الاختيار بين الطب و طب أسنان أظن أن الأمر واضح و من السهل جدا المفاضلة بينها
الطب أفضل من طب اسنان دون تردد
لكن مشكلة الطب :
طول فترة الدراسة( 7 سنوات طبيب عام ) + كثرة الحفظ على عكس طب الأسنان 6 سنوات فقط حيث السنة الثانية و الثالثة الأصعب لكن ما إن تنججي يعني أنهيت ..................... الباقي ساهل
الآن عليك أن تمعني النظر أكثر في قدراتك و كذلك مشاريعك المستقبلية و هل هي مرتبطة بالوقت ام لا لأن التخصصين حسب رأي متماثلان ففي الأخير أنت طبيبة
أما فيمايخص الصيدلة أعشقها و لا أندم على اختياري لها المشكل الوحيد هو مشكلة agrément الذي يتأخر نوعا ما و لولا هذا المشكل لنصحتك بالصيدلة على حساب الطب( الرزق على الله كما أنه هناك حلول أخرى إن تمكنتي من النجاح في " concourt de résidanat" ) لكن فيما يخص الدراسة روعة و ممتعة على الرغم من صعوبتها مقارنة بالطب في السنوات الأربعة الاولى
إنشاء الله أكون قد أفدتكم و لو بالقليل أنا أعلم ما تعيشونه الآن لأني كنت مثلكم مترددا كثيرا في الاختيار :19:

مرحبا أختي أٍيد الاستفسار عن مجالات عمل الصيدلي بعد تخرجه ؟؟؟؟؟؟ يفتح محل فقط ؟؟؟

[ضياء الأمل]

آآآسفة يا محب النجاح لطرح سؤالي في موضوعك

[sasa stre]

مرحبا أختي أٍيد الاستفسار عن مجالات عمل الصيدلي بعد تخرجه ؟؟؟؟؟؟ يفتح محل فقط ؟؟؟

لا هناك تخصصات لا بأس بها لكن عددها أقل من الطب المميز بتخصصات عديدة هذه التخصصات لا يمكن أن تزاوليها إلا باجتياز اختبار concourt de résidanat بعدها يمكنك أن تفتحي المحل أو العمل في تخصصك أنت مخيرة على عكس الذين يكتفون ب دراسة 6 سنوات فحسب لهم الحق في فتح صيدلة فقط:19:
أما في مجالات العمل في الجزائر لا يوجد الكثير على غرار البلدان الأوربية لكن هناك المخابر ( تحليل الدم ....) و مصانع الأدوية و كذلك يمكنك التدريس في الجامعة :19:

[*محب النجاح*]

بارك الله فيكم إخواني على المشاركات النافعة
صح الصيدلة تاني تخصص ممتاز فعلا لكني خايف ما يعطوهاليش ؟ زعما تلحق 15.48 ؟؟
لأنو في سنوات كانت تتجاوز معدل الطب

[*نسيم الفجر*]

dir pharmacie lakan ta9der taftah une pharmacie mliha bezaafff

[Hadil97]

بالنسبة لي افضل طب الاسنان
سنوات الدراسة اقل + الطلب عليه اقل مقارنة بالطب لهذا يمكن ان تتميز فيه
الطب طول سنوات الدراسة 7 سنوات من اجل طب عام + 3 سنوات تخصص بعد مسابقة وقد لا نتحصل على التخصص الذي نريده
انا تحصلت على معدل 16.03 وساختار طب اسنان على الطب

[sasa stre]

بارك الله فيكم إخواني على المشاركات النافعة
صح الصيدلة تاني تخصص ممتاز فعلا لكني خايف ما يعطوهاليش ؟ زعما تلحق 15.48 ؟؟
لأنو في سنوات كانت تتجاوز معدل الطب

بربي تقدر دير صيدلة بسهولة معدلك جيد :19:
العام الماضي كان هناك معدلات كثيرة مرتفعة و الصيدلة توقفت عند 14.83
و ترى جيدا هناك فرق شاسع و آمن بينك و بينها
لكن كل شيئ يبقى حسب الطلبات و احتياجات الدولة

[عطر السماء]

اكيييد بدون تردد الطببب
طبيب اسنان تكمل 6 سنين تخدم فى بولكلنيك + عاد درك امراض معديه ليباتيت و سيدا نص اطباء الاسنان تكمل بيهم كيما هكا
الصيديله لكان درتها قول باى لمستقبلك المهنى لقرومو مكانش نعرف واحد من 2006 متخرج وهو يستنى فى لقرمو راح باه يطالب بحقو قالوللى 200 مليون رشوه حلال علييك دررك راه يخدم ب 2 ملاين عند لعرب لانو ما قبلش يبدى حياتو بحرام


لذا دير طب و توكل على ربى

[مريم عادل]

بعض الناس لها تفكير غير منطقي وهل الصيدلي وضيفته فتح صيدلية وهل مثلا كل طبيب او طبيب اسنان سيفتح عياده يااخوة لا تخلطوا بين الوظيفة والمشاريع كل المشاريع بما فيها صيدلية وعيادة يلزمها راس مال مش باطل وان كانت الصيدلة اسهل كونك تكري وتقرض الدواء من الموزعين ولا يوجد شخص من 2006 ومفتحش ويخلص 2 مليون يعمل فقط عند الدوله راه يخلص قريب 5 ملايين وكل عام تطلع خلصته او يعمل في الدعاية ويخلص خلصه شابه او يخدم في شركات او مجالات عديده وان كان متفوق يدرس التخصص او يفتح مخبر تحاليل طبية او يدرس في الجامعه ويعيش هاني مؤتمرات وسفر او يفتح مخبر للصناعة الدوائية او شبه الدوائية او التحليل كاين مشاريع كثيره ومجالات عديده يلزم فقط الذكاء ومش رقاد بل في امريكا الصيدلة لديها 360 مجال وظيفي وهي افضل مهنة من حيث اجتماع الراتب وظروف الشغل وقلة الضغط والقدرة على الابداع
من ايام شفت صيدلية راح دير مصنع
لم ارى يوم صيدلي بطال اقل شيء ممكن يديره يخدم عند الدوله والعمل مضمون مكاش الي يقول مكاش خدمه ادا صيدلة مفيهاش واش خليتو للتخصصات الاخرى

[compositeur]

salam ailaikoum

b hadi la moyenne nrmlm tjibhoum fi 3

w nta khayer li tabghiha psq fi 3 fihoum ta3b et suuuuuuurtt medecine dentaire ( khata2 cha2i3 li ygoulou medecine s3iba ) w koul spécialité aandha charme taaha

medecine gaa nass taaref khadma kifeh

medecine dentaire w li hya spécialité ta3i (mechi ghi yna7i drouss w pince ) khadmat'ha mli7a w 9rayt'ha s3iba

pharmacie khadmat'ha w drahem fiha mais bdaw yssa3bouha hadou l3wam twela 3la jel l'agrement

_____

mais fl 9raya

koulch les polycopies w 7fada 7ata ychib rassek

apart medecine dentaire li fiha 50% tp w les 2 années lwala w90% tp f les 4 ans li yab9aw

en tt cas ana personnelment nmil lel dentaire psq nabghiha

[fifi 18]

ان شاء الله معدلك يخولك باه تختاري اي واحدة فيهم
الطب تخصصي احبه صح قراية صعبة و تعب بصح ماتحسيش بالعام كي يفوت و زيد كي تكملي تلقي الخدمة و قادر تفوتي الريزيدانا و يدو فبها بزاف غاشي تما الفرص كبيرة تخصص متعب لكن يستحق العناء خصوصا لي يحبه من قلبه
الصيدلة مليحة بزاف من حيث الدراسة لكم مشكل فتح الصيدلة هو المعوق و نعرف بزاف ناس كملوها و راهم مريحين في الدار و لا يخدموا بزوج ملايين عند العرب
طب الاسنان تاني مليح بزاف ادا تحبيه ننصحك بيه

[مريم عادل]

الي يدي زوج ملايين يخدم كبياع عند صيدلي وهي فتره ليتدرب فيها فقط اما ادا خدم عند الدوله فهو كباقي التخصصات الطبية وكاين مجالات عديده مش شرط يفتح صيدلية والله كانكم ضمنتم بدراستكم الطب فتح عياده والناس تاتي عندكم وتترك اساتدة الطب او الدارسين بالخارج او من هو في المجال لعشرين او ثلاثين سنه لهدا كل طبيب متخرج حل عياده انا اليوم كنت عند بروفسور في الطب الدي يشرف على اختي قال لي ان الطب لم يعد كالماضي برك مشاكل وضغوطات لا تنتهي قالي يابنتي الصيدلة راه فيها فراغ كبير مكاش دوسنت او اساتده كامل راح يتقاعدوا ويفرغ لكم المجال قالي ديري واش حابه لكن برك متكونيش تاع ماده وتلقي بالعلم لاجل فتح صيدلية قالي واصلي التخصص ودرسي الصيدلة القالنية او الفارماكوا كي قتله لكن يلزم الخارج قالي اقري هنا صيدلي عام وكملي لهيه ادي زاد معاك باش متعانيش وقالي مش شرط الخارج كلش متوفر هنا برك حب العلم مات ومكاش طموح ودكر لي اخت زوجته الي كانت صيدلية الاولى على دفعتها ووالدها لم يتركها تواصل التخصص لاجل فتح صيدلية قال لي خساره كبيره للمجال

[عطر السماء]

اختى مريم انا نهدر على صيدلى بامتله من الواقع عباد نعرفهم و نعرف حالتهم
درك انتى تقولى اختصاص فى صيدله و ما علبالكش بلى كل عام يحوزو 400 وطنيا لكن اللى يقبلوهم هما 20 الاوائل فقط و غي الاول و التانى اللى عندهم الحق يهتارو الباقى يبعتوهم اى حاجه
قلتى بلى يقدر يحل صيدليه معالبالكش بلى لاقرمو مقفوله منا ل 7 سنين رسميا لوجود اكتضاد فى صيدليات + تحتاج راس مال و لكان عطاوك اقرومو لازم تحطى رشوه يعنى واحد يبدى حياتو على الحرام
قلتى بلى تقدرى تحلى مصنع دوا علبالك كم يتكلف اقل حاجه 50 مليار كى والو نسيتى بى كاينن اجهزه و مكان مناسب بعيد على المناطق السكنيه اضافه لازم اختصاص تصنيع دوائى
و معلبالكش تانى بلى يوجد مكان واحد سنويا فى سبيطار و بكنكنور ومعريفه اختى راحت تعقبو من سنه فى مقابله الشفويه قالتلها عضوه فى اللجنه تعرفى تطيبى جارى قوليلى هاذا مستوى ولا واااش
هذه الهدره انا متاكده منها الف بالمئه لانو معظم اقاربى عاملينها و راهم يخدمو ب 2 ملاين عند لعرب

[مريم عادل]

يااختي مثل ماانت تتكلمين من الواقع اتكلم انا ايضا هده السنه فقط فتح شخص نعرفه ونتاع 7 سنين مقفوله مكاش منها قالولي راح تتفتح يعني منا الي نكمل انا ورغم اخر تفكيري صيدلية ساجد مكاني وزيد الان لازم شهادة دكتور صيدلي لي ليه الاولويه ولي يخدم عنده الدوله راه كيفه كيف باقي التخصصات وفضية الاختصاص الصيدلة اكثر من طب الاسنان واقل من الطب في العدد كون الاطباء يجوزوا بالالاف مش كيما الصيدلة العدد مضروب في عشره ادا التخصص مضروب في عشره الامر منطقي ولي يروح للصيدلة مش للطمع باش يفيد المجتمع ومانبقاوش التاليين في اهم اختصاص الي نخسروا بسببه ملايير الدولارات ونزيدك حاجه اختي الصيدلة اليوم راهي طورت ورانا داخلين لعصر جديد اسمه الصيدلة الاكلينيكية مبقاش التفكير في فتح صيدليات اليوم الناس راهي تقلل في صلاحيات الطبيب لصالح الصيدلي ليصبح المسؤول عن الاختيار الامثل للعلاج والاكثر فعالية ومراقبة تعارضات الادوية وبالنسبة للمصانع مكاش الي فتح مصنع من ماله الخاص ولا كان عنده الملايير الامر يتعلق بالمستشمرين والحديث يطول عن كيف تكوين شركة لا شيء مستحيل وادا قدر غيرنا نقدروا احنا اما انا فهدفي الصيدله ثم التخصص ثم التدريس والبحث
ومستحيل تقوليلي صيدلي بطال بل هو من تبطل ولي حب يخلص زوج ملايين هو حر ربما قدراته هديك هيا كان التالي مرتبته تساوت مع فني الصيدلة لانه اخر شيء يخلص 5 ملايين تتزايد مع السنين كيف باقي التخصصات الطبيه
ونزيدك اختي انا اجد اطباء يخدموا في صيدليات او في الدعاية ايضا هل هدا معناه مكاش خدمه في الطب العمل فرصه انت وشطاارتك

[Nas9999]

medecine dentaire >medecine hadi rani sure menha et plusieurs medecines nashoni medecine dentaire

[أمين الدين الميلي]

سلام
اولا وقبل كل شئ التخصصات الثلاث جيدة لكن كل واحد وميولو و واش حاب تاني
عني انا افضل طب الاسنان لعدة اسباب منها ان الدراسة فيها ممتعة وهي الاكثر من ناحية التطبيق الذي يبدا منذ السنة الثانية
اضافة مدة الدراسة 6 سنوات والتخصص فيها غير مهم كما في الطب (حاليا التخصص في الطب ضروري )
فرص العمل بعد التخرج جيدة جدا

المهم هذا رايي.....
انت متسمعش لأي واحد ...على الاقل يكون في الميدان اي يدرس احد هذه التخصصات وبالتوفيق

[compositeur]

اكيييد بدون تردد الطببب
طبيب اسنان تكمل 6 سنين تخدم فى بولكلنيك + عاد درك امراض معديه ليباتيت و سيدا نص اطباء الاسنان تكمل بيهم كيما هكا
الصيديله لكان درتها قول باى لمستقبلك المهنى لقرومو مكانش نعرف واحد من 2006 متخرج وهو يستنى فى لقرمو راح باه يطالب بحقو قالوللى 200 مليون رشوه حلال علييك دررك راه يخدم ب 2 ملاين عند لعرب لانو ما قبلش يبدى حياتو بحرام


لذا دير طب و توكل على ربى

9talti gaa les dentistes khty ghi b chwya machi hak li yabghi yanssa7
en plus khadma f la clinique wela aand rou7ek kima tabghi kima hya kima medecine
w contamination kayna partt kima capable tassra maa medecin kima dentiste w kayen swaleh taa securité

_____________

pour la pharmacie
teni mechi 200 millions rachwa !! win srate hadi !!!

ma nbalghouch c vrai s3iba bech yaatouk agrément surtout f hadou les années twela

mais bn hadi hya l'algerie kayen les problems fi gaa les domaines
et meme medecine

[sihem17]

. ...

[الطاهرة]

ادآ تقدر للطب وعارف روحك تصبر علييهاااا دير الطب


وان شاء الله راهو معدل مقبووول

وطبيب اسنااان راهي في يدكـ ان شااااء الله


اخي محب النجاااااااااح


ارجوكـ اخي اود التحدث معكـ واستشااارتك في امر لآنني تحصصلت على 11 معدل غير متوقع والان قررت اعادته كحرة ..هل لك ان تبعث لي حسابك على الفيسبوكـ للأنني لااستطيييع التواصل معك عير الرسائل الخاصة انا في انتظآر ردكـ اخي

[الملكة بلقيس 2]

انت حطيهم على حساب مويولاتك وان شاء الله تصحلك وحدة فيهم
سلام

[مدمنة دراسة]

السلام عليكم و رحمة الله تعالى
ان شاء الله يتحقق حلمك بدخول كلية الطب
انا كوني طالبة طب انتقلت الى السنة الثانية انصحك بدراسة الطب لانو تخصص اكثر من رائع بغض النظر عن التعب والدراسة المكثفة فهو يفتح لك افاق واسعة للبحث في هذا المجال و اختيار تخصص مناسب وايضا مهنة انسانية بامتياز
بالتوفيق

[أمينة1994]

السلام عليكم
أنا طالبة طب أسنان منتقلة للسنة الثالثة وجاهزة للرد على أي استفسار

[marv01]

oui les 3 disponible

[*محب النجاح*]

بارك الله فيكم إخواني على النقاشات الفعالة التي أثرت الموضوع حقا
إن شاء الله رب يقدر ليا لي فيها الخير
بالتوفيق للجميع

[*نسيم الفجر*]

inshaalaah tawssalha ya akhi.. et 100000 mabrouk ;)

[فايز k]

السلام عليكم
معدلي 15.45 نقدر ندير هندسة كهربائية و الكترونيك او محروقات و كيمياء ببومرداس

[*محب النجاح*]

ادآ تقدر للطب وعارف روحك تصبر علييهاااا دير الطب


وان شاء الله راهو معدل مقبووول

وطبيب اسنااان راهي في يدكـ ان شااااء الله


اخي محب النجاااااااااح


ارجوكـ اخي اود التحدث معكـ واستشااارتك في امر لآنني تحصصلت على 11 معدل غير متوقع والان قررت اعادته كحرة ..هل لك ان تبعث لي حسابك على الفيسبوكـ للأنني لااستطيييع التواصل معك عير الرسائل الخاصة انا في انتظآر ردكـ اخي



بارك الله فيك أختي
حسابي يحمل إسم مترشح حر مع صورة (تريكو أحمر)