للمرة الثانية

[jigi]

للمرة الثانية أجتاز البكالوريا ولا أنجح هل هو قدر أم سوء حظ لذا قررت أن أستسلم بعد معاناة لمدة عامين بدون إستغلال عطلة الصيف
قررت الإنسحاب

[la floule]

ana kif kif fiha khir

[jigi]

صراحة لا أعرف ........حتى الدموع جفت

[bouss2013]

السلام عليكم


ان هذه قسمة ونصيب وما هو الا امتحان دنيوي فان نجحنا نحمد الله ونشكره وان لم ننجح نحمده ايضا ولا نكفره فله الحكمة عزوجل لا يعلمه الا هو كقوله تعالى بعد بسم الله الرحمان الرحيم وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ


اخواتي لا تقنطوا ولا تياسوا من رحمة الله وارضوا بما ارتضاه الله لكم كقوله تعالى بعد بسم الله الرحمان الرحيم فأما الإنسان إذا ما ابتلاه ربه فأكرمه ونعمه فيقول ربي أكرمني وأما إذا ما ابتلاه فقدر عليه رزقه فيقول ربي أهانني

اخواتي هناك منهم في المستشفيات مرضى فاحمدوا الله على الصحة والعافية ام الباكالوريا فلكم كل الوقت للاعادة والنجاح باذنه عزوجل


لا تلقوا اسلحتكم وباذنه تعالى في العام المقبل تكونوا من الفائزين

[~أميرة أميري~]

حتى انا هكدا للمرة الثانية ومانجحتش وراح ننسحب كيفك
ان شاء الله تتفتح علينا من بيبان وحدوخرة
شعور لا يوصف والله ماخممت في روحي قد ماخممت في والديا واحساسهم
بابا خلى خدمتو قالي ماقدرت نخدم ويمى خليتها وحدها في الكوزينة راهي دورة وجي لعندي تقلي مكتوب ربي
اسمحولي والديا

[jigi]

ونعم بالله لكني لا أريد تضييع وقتي مع البكالوريا سأسجل في المعهد أو شبه طبي و على حسب ما سمعت توجد تخصصات رائعة في المعهد

[~أميرة أميري~]

ونعم بالله لكني لا أريد تضييع وقتي مع البكالوريا سأسجل في المعهد أو شبه طبي و على حسب ما سمعت توجد تخصصات رائعة في المعهد


وي حتى انا حابة نسجل اكديلي على الشبه طبي كاش خبر عليها وقتاش يزيدو يديروها املي الاخير وحتى انا راني نخمم كيفك
اذا عندك كاش خبر عليهم ماتبخليش عليا راني رايحة نهبل والله

[سمو امير الكلمات]

أكي حتى لا تضيعي من وقتكي ادرسي شبه طب ولكن لا تفقدي الأمل بالعكس عاوديه مرة واثنان حتى تجيبيه فقط جاوبيني من تحصل على بكالوريا ماذا يملك زائد عليك اكيد لاشيىء فقط اعيدي تنظيم اوراقك تدراكي اخطاءك واصيبي هدفك والله هو المستعان حظ موفق

[kaiii]

الله يعوض عليكم اجمعين
انا خويا الصغير تاني ربي كتبله الخسارة بصح بلاك فيها خير
على العموم لكل لي ما نجدحش هذي مشي نهاية العالم و الانسحاب مشي حل فالهارب لا يمكن ان يفوز يوما و الراغب في النجاح لا يمكن ان يهرب
و الفشل مشي كي تخسر و انما الفشل عندما انت تقرر الاستسلام له و مهما تكرر الفشل و تعدد و طال كلما راك تدي في تجربة (صح مريرة و لكن فيها فائدة) حوس على الاخطاْءوين راهي و حاول تصححها و اعلم انه كلما طال الطريق الى النجاح كلما كان تأثيره و لذة الفوز اقوى
و انشاء الله التوفيق دائما

[jigi]

يقولون أن تسجيلات شبه طبي في بداية سبتمبر

[Narcisse95]

للمرة الثانية أجتاز البكالوريا ولا أنجح هل هو قدر أم سوء حظ لذا قررت أن أستسلم بعد معاناة لمدة عامين بدون إستغلال عطلة الصيف
قررت الإنسحاب


توكلي على ربي و عاوديه ثالثة و رابعة . . . اذا مسعيتيش من الاجل العلم , واش تقعدي ديري ؟
معليش دايما شدي في خيط الامل حتى و يكون رفيع

[jigi]

شكرا إخوتي في المنتدى سأعيده بإذن الله و لكن لن أخبر أحدا من العائلة

[وفاء التبسية]

ربي يوفقكم و يفتحها عليكم من جيهة اخرى

[شتاء آب]

السلام عليكم

لا تستسلمي أختي أنا أعرف طبيبا اليوم بعد أشهر يريد دخول مسابقات التخصص
لم يتحصل على البكالوريا في أول مرة و بل كان المعدل الذي أخده كارثة أرضية جوية

لا تعلمين ما صرف الله عنك من ضر لو نجحت !
استغفري الله و جددي العزيمة و اصبري و راني ندعيلك ان شاء الله ربي يفتحها عليك من كل الجوانب حتا تحيري واش ديري بالفرحة
شدوو الهمة

[ninja2016]

لا تفقد الأمل
نعرف وحدين - اعضاء بالمنتدى -
عاودو لباك حتى ل3مرات وحقو مبتغاهم

[دنيا♥]

السّلـام عليكم ورحمة الله وبركاته
لا مجال للإستسلام في الدراسة لا مجال للإنسحاب والعودة إلى الوراء
دائما نذكُر القناعة ونوصي بالنظر إلى الجزء المملوء من الكأس في كل المجالات فنتفاءل
إلّـا العلم لا قناعة فيه " عاودي مرة وزوج و3 و4 و5 و......." وين راه المشكل !!!
وكي تحُطي حاجة في بالك لـازم تديريها وتوصليلها
وعليه يجب علينا أن ننظر للجزء الفارغ
ونطمح للمزيد والمزيد والمزيد ولن نيأس ونستسلم
وانتظري ما يسر خاطرك أخيّتي
نصيحة من القلب ♥

[abouba]

لا اخي والله انا لي صديقا قد حاول 3 مرات حتى تجح واخر 5 مرات و هو يدرس في الجامعة الآن عادي فلا تستسلم ولكن حاول من جديد

[jigi]

ونعم بالله أشكركم على نصائحكم التي تجبر الخاطر ...قدر الله و ما شاء فعل