شعبة رياضيات بواش تنصحوني

[Amira.12]

السلام عليكم معدلي 13.21 شعبة رياضيات ماعجبنيش بصح الحمد لله مالفا نجيب 17 و18 قبل النتيجة قولت نرضا بواش كتب ربي مي الي غاضني ووجعلي قلبي الي مالف يجيب 9 و 8 جابو 13 انا في قسمي نورمال مالفة ثانية جيت الثانية بصح على مستوى ليسي غاضتني مالفا انا 2 على مستوى ليسي ثلاث سنين المهم نحمد ربي وخلاص والله عرقي وجهدي ملي دخلت نقرا سنة اول ابتدائي جامي نقلت ولا درت حاجة هكا ولا هكا الى يومنا هذا ومانيش راح نتبدل ان شاء الله هدفي نغير في البلاد للاحسن ونكون شعلة امل لهذا الوطن الغالي فبمذا تنصحونني ندير صحا فطوركم ومبروك على الي نجحو وبالتوفيق في المرات القادمة للراسبين وربي يهدي الي جايبو بوسائل حربية ههههه

[وفاء التبسية]

كملي في مجالك يعني ديري رياضيات و اعلام الي شعبة مليحة
و نشاله ربي يسهلك فيه

[سامي 123]

رياضيات و إعلام آلي .. أو علوم و تقنيات

في زوج ملاح .. بصح الأفضل لك كفتاة الإعلام الآلي

[محمد الامين 9]

رياضيات و اعلام آلي جيد لك
خصوصا اذا عندك القلب و تكملي القراية للدكتوراه ان شاء الله

[Amira.12]

اخاوتي والله مانعرف انا قولت مانديرش رياضيات على الدمار الي شفتو نهار التعقاب تاع الرياضيات ههههه ويقولو صعيبة ياسر في جامعة انا نعرف فيها الحمد لله بصح هي الي هبطتني على خاطر جاني الموضوع صعيب و جو متعكر هذاك هو

[ميرا97]

ماعنديش خبرة بصح نقدر نقولك اعلام الي
انا جبتو 13,24 والحمد لله على كل حال
حابة ندير اعلام الي الا كتب ربي ان شاء الله

[Amira.12]

اعلام الي هذا مدرسة عليا اعلام الي ؟؟ خاوتي ولا على واش تحكو

[aminito]

يا اخوتي الكرام
انا طالب من ولاية سطيف جبت الباك العام لي فات و قريت في قسنطينة لكن مكتبش ربي حبست القراية في منتصف العام
"بلوكيت العام" و هذا الموسم نشاله راني حاب نقرى في و لايتي و حاب ندير تحويل هل بامكاني فعل ذلك و الطريقة ان امكن
ارجوكم ردوا على طلبي

[Amira.12]

اخي انا مبتدئة العام هذا جبت الباك ان شاء الله يفيدوك

[yousranaz]

رياضيات و إعلام آلي جامعة العلوم والتكنولوجيا هواري بومدين

[Amira.12]

رياضيات واعلام الي خاذي جامعة نورمال كاش مدرسة عليا ؟؟

[الأمين®]

يا اخوتي الكرام
انا طالب من ولاية سطيف جبت الباك العام لي فات و قريت في قسنطينة لكن مكتبش ربي حبست القراية في منتصف العام
"بلوكيت العام" و هذا الموسم نشاله راني حاب نقرى في و لايتي و حاب ندير تحويل هل بامكاني فعل ذلك و الطريقة ان امكن
ارجوكم ردوا على طلبي


روح للجامعة لي حاب تبدل ليها اسحب استمارة التحويل بين الجامعات و اسأل عن الملف المطلوب و تاريخ وضع الملفات املأ الاستمارة بالتخصص الذي تريد و ضع الملف بعد مدة يخبرونك هل تم قبولك أم لا

[محمد الامين 9]

اعلام الي هذا مدرسة عليا اعلام الي ؟؟ خاوتي ولا على واش تحكو

المدرسة العليا للاعلام الآلي مستحيلة بالمعدل تاعك
راهم يقصدو ديري رياضيات/اعلام العام الاول
وفي العام الثاني تختاري اعلام آلي

كاين كذلك رياضيات-اعلام بجامعة هواري بومدين ( لكن المعدل فيها مرتفع )

المهم القراية العام الاول تتبدل على الثانوي - مكانش النهايات و الاشتقاق ..الخ
بصح من اصعب الاختصاصات في ال lmd
يعني لازم الجدية

[الأمين®]

رياضيات واعلام الي خاذي جامعة نورمال كاش مدرسة عليا ؟؟

نعم هادي في الجامعة

[darknight]

مدرسة عليا اساتذة ربما تعليم ابتدائي

[Amira.12]

هيه شكرا انا ثاني علابالي اعلام الي مدرسة عليا 15 ولا 16كنت حابتها بصح الله غالب بصح كاين مدرسة عليا اعلام الي سيدي بلعباس 13 فاصل على هاذ نحساب تقصدوا مدرسة عليا اعلام الي

[محمد الامين 9]

هيه شكرا انا ثاني علابالي اعلام الي مدرسة عليا 15 ولا 16كنت حابتها بصح الله غالب بصح كاين مدرسة عليا اعلام الي سيدي بلعباس 13 فاصل على هاذ نحساب تقصدوا مدرسة عليا اعلام الي

اذا راكي حابة اعلام آلي
ديري اول الخيارات المدارس العليا للاعلام الجزائر ثم بلعباس

المهم في الاختيار ادرسي جميع الامكانيات
واهم شيء التخصصات اللي تميلي ليها

[Amira.12]

خاوتي نحب تمدولب يعني واش لمليح وكامل

[StudentESI25]

انصحك بعلوم و تقنيات او احدى مدارس التعليم
وفقك الله

[Amira.12]

ان شاء الله خاوتي تجيني مدارس عليا ولالا

[سارق الأحزان]

مدرسة عليا اعلام الي سيدي بلعباس ممكن تكون من نصيبك

اما اذا كان لديك هدف اخر و معدلك لا يسمح
فكما ذكرتي انتي مجتهدة جدا
لذلك انصحك باعادة الباكلوريا مرة اخرى لتنالي معدلا يرضي طموحاتك

[سارق الأحزان]

ان شاء الله خاوتي تجيني مدارس عليا ولالا

نعم هناك بعض المدارس العليا ستكون في جعبتك ان شاء الله

[Amira.12]

شكرا لكم اخوتي وان شاء الله ربي يجيب الي فيها الخير وكي تظهر الاختيارات نصلي صلاة استخارة وان شاء الله تجي الحاجة لي فيها الخير ليا وليكم

[omariro05]

ماذا يمكنني ان افعل ب 11.95 شعبة رياضيات

12 غير 0.05

[dj-berhom]

السلام عليكم معدلي 13.21 شعبة رياضيات ماعجبنيش بصح الحمد لله مالفا نجيب 17 و18 قبل النتيجة قولت نرضا بواش كتب ربي مي الي غاضني ووجعلي قلبي الي مالف يجيب 9 و 8 جابو 13 انا في قسمي نورمال مالفة ثانية جيت الثانية بصح على مستوى ليسي غاضتني مالفا انا 2 على مستوى ليسي ثلاث سنين المهم نحمد ربي وخلاص والله عرقي وجهدي ملي دخلت نقرا سنة اول ابتدائي جامي نقلت ولا درت حاجة هكا ولا هكا الى يومنا هذا ومانيش راح نتبدل ان شاء الله هدفي نغير في البلاد للاحسن ونكون شعلة امل لهذا الوطن الغالي فبمذا تنصحونني ندير صحا فطوركم ومبروك على الي نجحو وبالتوفيق في المرات القادمة للراسبين وربي يهدي الي جايبو بوسائل حربية ههههه


مبارك عليك ،، انصحك بالمدرسة العليا للأساتذة بالتوفيق