واش بيكم

[العاتري12]

شكون اللي نجح راح نباركولوا

[العاتري12]

وينكم غير التسيير مكانش

[أمل الاحلام]

ولد لوستي ربح و لله الحمد..هو اقتصاد و تسيير

[العاتري12]

الحمد لله مبروك عليه

[imenemalak]

الحمد لله اختي اداتو ومبروك عليكم كامل

[IslamO 26]

جبتو 15.40 و لله الحمد =)

[آلغآردينيآ]

ألف ألف مبـــــــــــآرك

[la floule]

حنا القسم تاعنا داوا 10 برك ليباقي قاع عاودو و تسير هدا العام مداوهش بزاف انا كنت نتوقع 11 ديت 8
قدرا الله ما شاء فاعل ............ فيها خير انشاء الله

[ahmed khalil3]

اخواني لديا موضوع هام اريد الاستفسار فيه بالنسبة للاقصاء هناك صديق لي انه يقول لم يغش و مع ذلك وجد نفسه مقصى هل من اجراءات تعرفوها للمطالب بحقه ارجوووووووووووووو المساعدة و شكرااااااا

[IslamO 26]

إلى الأخت ana hia..
يا أختي أنـا جبت 15 بالقراية هههههههـ
لازم كل مادة تعطيها حقها و ما تهمليهاش...، لازم تنظمي وقتك مليح و تديري جدول توقيـت متكامل..
و معروف أنّ التسيير فيها الحفاظة كثر من الفهامة..، لذا أنا كنت دايماً نوض بكري نحفظ، و الفهمامة كيما المحاسبة و الرياضيات مع العشية و غالباً مع أصدقائي في المكتبة..
بالنسبة لمادة المحاسبة ماهيش صعيبة، ساهلة لي يحب يقرا..، قمثلاً الوحدات الأولى تاع القيود لازم تحلي تمارين بزاف..، و ما يكفيش أنّك تحفظيهم برك، لازم تعرفي المنهجية و تعرفي كيفاه توظفيهم، و أنا هنا ننصحك بكتـاب الكفاءة..، أمّا الوحدات الأخرى كيما حساب النتائج، الميزانية الوظيفية..، الدفعات..، ساهلين هادو خلاص أحفظي القوانين تاع النسب و الجدول كيفاه يرسموه بويسك ديما يعطونا مجاهيل عليهم، و فالباك مايعوناش مجاهيل تعجيزية راهم يمدوهم ساهلين خلاص..
و بالنسبة للمحاسبة التحليلية لي هي الصح، هاذي تتطلب تركيز و مالازمش تتسرعي فيها، و لازم تحسبي و تتأكدي و تعاودِي قبل ما تنتقلي إلى الخطوة الموالية، بويسك تغلطي في حاجة يروح كلشْ..، بالمناسبة ديت فيها 16.5 فالباك..
-
بالنسبة للرياضيات فالحقيقة ما كنت عارف عليها والو، و فالفصل الثاني بديت ندير دروس خصوصية باه لقيت روحي شوية فيها..، ديت فيها 14.5 بسيف..
و ما تنخلعيش ماهيش صعيبة، لي يقرا يلقاها ساهلة..
-
بالنسبة للأدب هنا لازم تركزي مع الأستاذ واش يقول فالقسم، كل كلمة مهمة، و لازملك تحفظي شوية تعريفات كيما تعريف الالتزام و المقال و الخصائص نتاعو، و لازم تعرفي تفرقي ما بين الأنماط و تعرفي الخصائص نتاعها..، و ثان لازم تعرفي المنهجية الإجابة خاصة على أسئلة النّص..
-
الاقتصاد و القانون و الاجتماعيات و الشريعة و الفلسفة هادي حفيظة لا نقاش فيها، و الصراحة كنت مخصصلهم وقت كثر من المحاسبة و الرياضيات لأنّ مجموع عواملهم 15..يا صديقتي..، الفلسفة حفظت 5 مقالات برك طاحت تاع المكشلة و الاشكالية الحمد لله..

و أي استفسار أنا في الخدمة..

[ana hia]

ايه علابالي الحفاضة هي الصح و الحفاضة من بداية السنة ....
و بالنسبة للرياضيات واش الكتاب اللي شريتو ؟؟ .
الادب في الحقيقة قريت ليكور عند استاذ جامعة كراك في الادب . ماحفضتش الدروس نتاوعو برك

مممانا كرهت الرياضيات و المحاسبة 8نقاط مضمونين .. بالصح التحليلية هيا اللي صعيبة ياسر هذا العام جات صعيبة

ممم قولي كيفاه نضمت وقتك .. هذا العام متهنية مش العام اللي فات .. نعود نهار نرووح و شهر ما نروحش .. سما يعود عندي الوقت ..

[ana hia]

انا محتاجة تمارين في الرياضيات .خويا ضال يندب عليهم

[IslamO 26]

الحفيظة حبذاً لو تبداي تليكيدي فيها من درك..، راه يخف الضفظ عليك و بعدها تتفرغي غير للمواد تاع الفهمامة..
بالنسبة للرياضيات كنت ندير دروس خصوصية و كنت نتبع دروس الأستاذ نور الدين فاليوتيـوب، روعة تفهمي كلش من الألف إلى اليـاء..، أنا كنت فيها زيرووو...
التحليلية لازم تحلي تمارين بزاف، و تاع هذا العام ماهي صعيبة ماهي ساهلة، كانت فالمتناول للي كان مركّز..
بالنسبة لتنظيم الوقت طول العام مكانش عندي جدول توقيـت محدد، مي كيما فتلك الحفيظة ديما مع الصباح بويسك راسك يكون فارغ و تقدري دخلي فيه كلشْ، و بحكم أنّك معيدة الحفيظة ماراحش تجيك صعيبة..
نظمت وقتِي في ماي شهر قبل الباك برك هههه

[ana hia]

هههههههه .. ايه عندي القت باه نقرا .. الحفاضة بعد رمضان ان شاء الله

وينا استاذ نور الدين ؟؟ .. وقيل هبلتك تقول اول عام ليا نعقب ههههههههه
مممممممم ماشريت حتى كتاب في الرياضيات ؟؟

[IslamO 26]

لالا نورمـــال مرحباً بيك في أيّ وقتٍ..
أكتبي فاليوتيوب قناة الأستاذ نور الدين يخرجلك كلشْ..، نو ما شريتش مي كنت كان عندي وحد الكتب جبتو مالمكتبة تاع الليسي و الله غي نسيت واش آسمو ههه

[mansour2ge]

يا جماعة خصووووني دروووس على المتتاليات

[nina chekkl]

3awnoni f math

gloli kifh nbda n9ra dros mrni hkma wlo