نعمة القدوس تريد أن تطمئن على أصدقائها [الأرشيف] - منتديات الجلفة لكل الجزائريين و العرب

مشاهدة النسخة كاملة : نعمة القدوس تريد أن تطمئن على أصدقائها

نعمة القدوس

2015-07-09, 11:01

السلام عليكم إخوتي

حبيت نبارك لكل شخص تحصّل على البكالوريا
سواء نعرفو أو مانعرفوش

واللي ماجابهاش نقوللو خيرها في غيرها
والدنيا عمرها ماخلصت بالنسبة لاي انسان إلا إذا هو خلص عمرو

موضوعي يستدرج الأعضاء الذين أعرفهم ممن يعقبو هاد العام
فقط باه يطمنوني عليهم

سواء اللي نعرفهم من قبل أو الذين كانوا يسألوني في المدونة تاعي بخاصية المجهول
طمنوني عليكم بارك الله فيكم
(اللي ماش حاب ولا ماش حابة يقوللي هنا .. يقدر يرسللي في المدونة ويقوللي لا تنشري السؤال
حابة نطمن فقط)

شكرا لكم

وربي يوفقكم

لنا حديث آخر في موضوع آخر

سلامممم

Its me

2015-07-09, 11:06

15.95
الحمد لله

espoire

2015-07-09, 11:07

الف مبرووك ع كل الناجحييين

« شَيمآءْ »

2015-07-09, 11:07

مبارك للناجحين و حظ اوفر للذين لم يحالفهم الحظ

ابارك لكل من ايناس و فرح و نسرين و اميمة و مرام و اسماء و اكرام و اكيد زينب

مبارك نجاحكن ... اتمنى لكن مزيد من التوفيق و النجاح

boyka 1993

2015-07-09, 11:08

ألف مبروووووووووووووووووووك

نعمة القدوس

2015-07-09, 11:12

15.95
الحمد لله

ماشاء الله تبارك الله عليك أخي

ان شاء الله تدير واش راك حاب

مبارك لك

شكرا على ردك

نعمة القدوس

2015-07-09, 11:14

مبارك للناجحين و حظ اوفر للذين لم يحالفهم الحظ

ابارك لكل من ايناس و فرح و نسرين و اميمة و مرام و اسماء و اكرام و اكيد زينب

مبارك نجاحكن ... اتمنى لكن مزيد من التوفيق و النجاح

نباركلك أولا يا شيماء بطريقة رسمية ههههههه
كلشي مبارك على نجاحك أنت تاني في البكالوريا

ونزيد نبارك لكل البنات اللي ذكرتيهم
بارك الله فيكي .. فرحتيني كي ذكرتي هاد الاسماء المألوفة لدي
ونتمنى يأتين بالواحدة ليطمئنني بأنفسهن

مبارك لكن يا شاطرات

ناصف الورداني

2015-07-09, 11:14

فيك بارك الرحمان اختي
كالعادة حاضرة على الدوام ما شاء الله ْْ~~
سلام جميل ْ~~

ام ايمان16

2015-07-09, 11:16

الف مبرووك ع كل الناجحييين

نعمة القدوس

2015-07-09, 11:18

الف مبرووك ع كل الناجحييين

ألف مبروووووووووووووووووووك

بورك فيكما على المرور

« شَيمآءْ »

2015-07-09, 11:22

نباركلك أولا يا شيماء بطريقة رسمية ههههههه
كلشي مبارك على نجاحك أنت تاني في البكالوريا

ونزيد نبارك لكل البنات اللي ذكرتيهم
بارك الله فيكي .. فرحتيني كي ذكرتي هاد الاسماء المألوفة لدي
ونتمنى يأتين بالواحدة ليطمئنني بأنفسهن

مبارك لكن يا شاطرات

الله يبارك فيك نعمة
ههههه

لعقوبة للباقيين ان شاء الله

{ حديث الوجدان }

2015-07-09, 11:23

السلام عليكم

13.73

بارك الله فيك أختي على السؤال

+

لا تنسوني من صالح دعاءكم أن يفرغ الله علي صبرا ...

نعمة القدوس

2015-07-09, 11:24

فيك بارك الرحمان اختي
كالعادة حاضرة على الدوام ما شاء الله ْْ~~
سلام جميل ْ~~

وفيك بركة أخي

هاو لازم نفرحوا مع خاوتنا ^^
مشكور على مرورك

الف مبرووك ع كل الناجحييين

شكرا أختي على المرور الطيب

نعمة القدوس

2015-07-09, 11:30

السلام عليكم

13.73

بارك الله فيك أختي على السؤال

+

لا تنسوني من صالح دعاءكم أن يفرغ الله علي صبرا ...

وعليكم السلام سعيييدووو

الحمد لله كي جيت وطمنتني عليك

الحمد لله اللي نجحت
فرحتلك
دركا نقدر نرقد شويا

(علابالي ماعجبكش المعدل، وتقدر تقول باللي راك تستاهل ماكتر
وأنا نشهدلك ... وكيما قلت ربي يفرغ عليك صبرا
وان شاء الله ماننساكش من الدعاء ... وماتحطش بزاف في بالك
وان شاء الله ستكتشف قريبا أن هذا كله في مصلحتك

سعيد خويا ... ربي يصبرك
ويفرحك قريبا
وان شاء الله تدير اللي راك حابها)

لنا حديث آخر بخصوص اختيار التخصص
وان شاء الله ستوفق في ذلك

ابق بالقرب

ضياء الأمل

2015-07-09, 11:31

شكراااا جزيييييلا لك أختي

رحيل^^

2015-07-09, 11:34

السلام عليكم

مبروك عليكم

14.02

تفـღـآؤل ツ وردٍ✿

2015-07-09, 11:38

السّلآمُ عليكمْ ورحمةُ الله وبركـآته *

أهْلآ نعمةة .. اشتقنآ لكِ ، كيفَ الحآل ؟

لطفٌ كبيرٌ منكِ أن تتذكّري إخوتكِ

دمتِ بخيرْ ~

نعمة القدوس

2015-07-09, 11:38

شكراااا جزيييييلا لك أختي

العفو

هذا واجبنا

شكرا على المرور

نعمة القدوس

2015-07-09, 11:40

السلام عليكم

مبروك عليكم

14.02

وعليكم السسلام

ومباارك لك أنت تاانييي

الحمد لله =)

مشكورة على الرد

{ حديث الوجدان }

2015-07-09, 11:42

+++

شكرا أختي نعمة أزحتي عني الكثير

+++

نحي علينا هذاك الثيم نتاع المدونة ههههههه

اريد ان استفسر عن بعض التخصصات المتاحة

أعانك الله على الردود ...

نعمة القدوس

2015-07-09, 11:42

السّلآمُ عليكمْ ورحمةُ الله وبركـآته *

أهْلآ نعمةة .. اشتقنآ لكِ ، كيفَ الحآل ؟

لطفٌ كبيرٌ منكِ أن تتذكّري إخوتكِ

دمتِ بخيرْ ~

مرحبااا لحن

توحشنااك آ لالة

ان شاء الله بخير

قوليلي برك
كي مانتفكرش خاوتي وحبابي تاع الجلفة
شكون راح نتفكر ؟ هاه ؟

ههههههه

وأنت ماتطمنينيش (كي شغل مانعرفك ماتعرفيني ولا كيفاه ؟ هههههه)

صحيتي على مرورك

romi rosa

2015-07-09, 11:45

اهلا نعمة ....ان شاء الله تكوني مذكرتيني من العام الماضي كيف احوالك وكيف هي دراستك ان شاء الله بخير .....لم استطع مراسلتك على المدونة...

نعمة القدوس

2015-07-09, 11:46

+++

شكرا أختي نعمة أزحتي عني الكثير

+++

نحي علينا هذاك الثيم نتاع المدونة ههههههه

اريد ان استفسر عن بعض التخصصات المتاحة

أعانك الله على الردود ...

صار أنت هو اللي يضل نحي الثيم هادا !

زعما عجبني أنا هههههههههههه
والله ماجيت نخلصو غير ربي اللي عالم

أصبر عليا أيام مالا بالاك نلقى واحد خير (اتدلل اتدلل)

(بالنسبة للتخصصات
تقدر تقول باللي راني مانفهمش فيهم مليح
ولكن هيه استفسر وأنا نحوس ونحاول نفيدك باللي نقدر عليه
ماش خسارة ياخي ؟)

ماتخافش على الردود

درك شويا ويهدأ الموضوع
(فقدت شعبيتي لول)

نعمة القدوس

2015-07-09, 11:49

اهلا نعمة ....ان شاء الله تكوني مذكرتيني من العام الماضي كيف احوالك وكيف هي دراستك ان شاء الله بخير .....لم استطع مراسلتك على المدونة...

أهلا أختي رميساء

نعم تذكرتك

أحوالي ... نقولوا الحمد لله
والدراسة كذلك الحمد لله
نجحت في عامي الأول نحمد ربي ونشكرو

+
بالنسبة لعدم تمكنك من مراسلتي عبر المدونة
فهل هناك شيء يمكنني أن افعله ؟

مرورك طيب وأسعدني

تفـღـآؤل ツ وردٍ✿

2015-07-09, 11:50

مرحبًـآ ،

( ابتسآمة ) .. لآ لآ قولت بالاك نسيتني - أمزحْح -

الحمدُ لله .. تقديرْ جيد جدآ 16.95

~
لنآ حديثٌ آخرْ بإذن الله .. بوركَ فيكِ

romi rosa

2015-07-09, 11:52

أهلا أختي رميساء

نعم تذكرتك

أحوالي ... نقولوا الحمد لله
والدراسة كذلك الحمد لله
نجحت في عامي الأول نحمد ربي ونشكرو

+
بالنسبة لعدم تمكنك من مراسلتي عبر المدونة
فهل هناك شيء يمكنني أن افعله ؟

مرورك طيب وأسعدني

الحمد لله ...بالنسبة للمدونة ظهرت لي صفحة لا توجد فيها اي ايقونة للمراسلة ....يوجد فقط مراسلاتك مع الاصدقاء...ما الحل

نعمة القدوس

2015-07-09, 11:55

مرحبًـآ ،

( ابتسآمة ) .. لآ لآ قولت بالاك نسيتني - أمزحْح -

الحمدُ لله .. تقديرْ جيد جدآ 16.95

~
لنآ حديثٌ آخرْ بإذن الله .. بوركَ فيكِ

المزية مازلت مانسيتش مالا ههههه

الله يبارك فتتيني يا شرييرة هههههههههههه
مبارك لك إذن
وربي يفرحك أكتر كي تديري اللي حابتها
(لا درتي طب هانا نتلاقااو فالشالي)

نعم . لنا حديث

شكرا لك

نعمة القدوس

2015-07-09, 11:58

الحمد لله ...بالنسبة للمدونة ظهرت لي صفحة لا توجد فيها اي ايقونة للمراسلة ....يوجد فقط مراسلاتك مع الاصدقاء...ما الحل

آه حسنا

تلك خدايم الثيم الجديد
(خلاص قررت نبدلو)

شفتي الفوق منين اسمي "نعمة القدوس" في المدونة ؟
تلقاي على يمينو عبارات
home ask submit archive theme
اختاري ask !

نعمة القدوس

2015-07-09, 11:59

نعستتت

بالاك نروح نرقد والله ماقدرت نكمّل

لي عودة

romi rosa

2015-07-09, 12:00

آه حسنا

تلك خدايم الثيم الجديد
(خلاص قررت نبدلو)

شفتي الفوق منين اسمي "نعمة القدوس" في المدونة ؟
تلقاي على يمينو عبارات
home ask submit archive theme
اختاري ask !

ok راني بعثتلك

أستاذ علي

2015-07-09, 12:28

ألف ـ ألف مبرووووووووووووك لكل الناجحين
وحظ اوفر للراسبين في الدورة المقبلة بإذن الله

~ حِـكــآيةُ حُ‘ـلمٍ ♫

2015-07-09, 13:37

السلام عليكم ورحمة الله وبركاته نعمة

توحشناك ، الحمد كتبلي ربي و ديتو 16.30

زعما نقدر نتلاقاو في الشالي ؟ :1:

البنااات كلش مبروك خاصة لحن =)

اخي سعيد ربي يكون معاك ويعطيك الثبر معليش عسى ان تكرهوا شيئا وهو خير لكم ولله ما تدري واش مخبيلك المولى في مكتوبو

نعمة عاونينا في الاختيار ولله ادي هي الحصلة تاع الصح

bouss2013

2015-07-09, 14:03

السلام عليكم

قبل كل شئ الف مبروووووووووووك

عند التسجيلات الاولية سيتضح لك اكثر التخصصات التي يمكنك اختيارها

نصيحة مني اخي هيثم صلي صلاة الاستخارة وتوكل على الله ووفقك الله في تخصصك

❀عنْفُوَاפּ طُمُوحْ❀

2015-07-09, 16:45

مبارك لكن فتيات خاصة ملاك و لحن ، فخورة بكن
اما سعيد نسأل الله أن يفرغ عليك صيرا و يثبتك ، و يرضيك الله بما رضاه لك
كما أشكر نعمة على هذه الالتفاتة
صديقتكم فرح

~ حِـكــآيةُ حُ‘ـلمٍ ♫

2015-07-09, 18:11

مبارك لكن فتيات خاصة ملاك و لحن ، فخورة بكن
اما سعيد نسأل الله أن يفرغ عليك صيرا و يثبتك ، و يرضيك الله بما رضاه لك
كما أشكر نعمة على هذه الالتفاتة
صديقتكم فرح

ربي يعيشك فرح الله يجعل ايامك كلها افراح
طمنيني عليك حبيبتي ؟

❀عنْفُوَاפּ طُمُوحْ❀

2015-07-10, 15:46

ربي يعيشك فرح الله يجعل ايامك كلها افراح
طمنيني عليك حبيبتي ؟

عني الحمد لله 16,02

~ حِـكــآيةُ حُ‘ـلمٍ ♫

2015-07-10, 16:07

كلشي مبروك فروحة فرحتلك من قلبي 3> ^^

❀عنْفُوَاפּ طُمُوحْ❀

2015-07-10, 16:09

كلشي مبروك فروحة فرحتلك من قلبي 3> ^^

شكرا ، أنا أيضا ، عسى أن تكون أيامنا كلها فرح :)

{ حديث الوجدان }

2015-07-11, 06:16

أختي حكاية + عنفوان

مبارك لكما والله تستاهلو

ربي يوفقكم في بقية المشوار

ادعولي ننجح في باك 2016

ان شاء الله اوفق في ذلك

مرة على مرة تفكرونا

وفقكم الله وسدد خطاكم

++

الف مبروك للبقية ..

ربي يحفظكم ..

++

أختي نعمة اود أن استفسر عن بعض التخصصات

لكن هناك مشكلة في المدونة خاصتك

{ حديث الوجدان }

2015-07-11, 06:22

++

أحت حكاية لكان عندك مقالات

خاصة الدروس الأولى أفيديني بهم

متى تيسر لك ذلك .. ربي يجازيك

عذرا على الخروج من الموضوع ...

~ حِـكــآيةُ حُ‘ـلمٍ ♫

2015-07-11, 17:40

++

أحت حكاية لكان عندك مقالات

خاصة الدروس الأولى أفيديني بهم

متى تيسر لك ذلك .. ربي يجازيك

عذرا على الخروج من الموضوع ...

قررت تعيد كحر اذا ؟ ربي يعينك ويوفقك اخي

بالنسبة للفلسفة ، فكان عندي مرجع وحيد وهو كراس لتلميذ هنا بالمنتدى ، وربي يشهد غير دعيتلو بالخير كل ماقريت من عندو ،والحمد لله ربي ما خيبنيش و كانت العلامة جيدة ، المهم سابحث لك عنه :19:

+ الكتاب المدرسي غني و يكسبك الاسلوب الفلسفي انصحك بقراءته في العطلة

~ حِـكــآيةُ حُ‘ـلمٍ ♫

2015-07-11, 17:53

تفضل سعيد
هنا (https://www.dropbox.com/s/xfkwlixk5zx0i0m/Philo.pdf?dl=0)

انصحك اخي بتخصيص كراس ، تقوم فيه بكتابة عناوين المقالات الاساسية ثم كتابة الحجج و الاقوال التي تمر عليك من مختلف المصادر ، فهذا سيجعل مقالتك اغنى و اثرى ان شاءالله

{ حديث الوجدان }

2015-07-13, 07:20

تفضل سعيد
هنا (https://www.dropbox.com/s/xfkwlixk5zx0i0m/philo.pdf?dl=0)

انصحك اخي بتخصيص كراس ، تقوم فيه بكتابة عناوين المقالات الاساسية ثم كتابة الحجج و الاقوال التي تمر عليك من مختلف المصادر ، فهذا سيجعل مقالتك اغنى و اثرى ان شاءالله

جزاك الله كل الخير .. :19:

شكرا جزيلا وربي يوفقك في مشوارك ..

سآخذ بالنصيحة ان شاء الله ..

نعمة القدوس

2015-07-13, 21:59

ألف ـ ألف مبرووووووووووووك لكل الناجحين
وحظ اوفر للراسبين في الدورة المقبلة بإذن الله

وعليكم السلام أستاذنا

نشكرك على المرور العطر

بارك الله فيك

السلام عليكم ورحمة الله وبركاته نعمة

توحشناك ، الحمد كتبلي ربي و ديتو 16.30

زعما نقدر نتلاقاو في الشالي ؟ :1:

البنااات كلش مبروك خاصة لحن =)

اخي سعيد ربي يكون معاك ويعطيك الثبر معليش عسى ان تكرهوا شيئا وهو خير لكم ولله ما تدري واش مخبيلك المولى في مكتوبو

نعمة عاونينا في الاختيار ولله ادي هي الحصلة تاع الصح

أهلا أهلا ملاك

كلشي مبرووك
بالبركة بالبركة

أكييييد نتلاقااو فالشالي مع أنو راهم يقولو باللي السنة الأولى يديوكم لقسنطينة 3
والله أعلم لكان حنا تاني معاكم

على العمووم نتلاقااو نتلاقااو ههههههههههه

صح صح حصلة كبييرة

أنت واش حابة طب ؟ ولا كيفاه ؟

مانقدرش نقوللك الطب ماش مليح
كيما مانقدرش نقوللك مليح

بالصح ننصحك تقري آراء المتفوقين في السنة الأولى
في الموقع الأول للدراسة
مفيدين وذلك موضوع الأخ زين الدين

هاهو الرابط تاعو http://djelfa.info/vb/showthread.php?t=1617603

وان شاء الله إذا كتب ربي حتى أنا نكتب مغامرتي في السنة الأولى طب

بالتوفيق في الاختيار

السلام عليكم

قبل كل شئ الف مبروووووووووووك

عند التسجيلات الاولية سيتضح لك اكثر التخصصات التي يمكنك اختيارها

نصيحة مني اخي هيثم صلي صلاة الاستخارة وتوكل على الله ووفقك الله في تخصصك

وعليكم السلام أخي

بارك الله فيك على المرور وكذلك النصيحة

شكرا

مبارك لكن فتيات خاصة ملاك و لحن ، فخورة بكن
اما سعيد نسأل الله أن يفرغ عليك صيرا و يثبتك ، و يرضيك الله بما رضاه لك
كما أشكر نعمة على هذه الالتفاتة
صديقتكم فرح

مرحبا أخت فرح

أهلا بك وشكرا لك على المرور
مبارك لك أنت كذلك ياخي أنت تاني تاع بكالوريا ؟

{ حديث الوجدان }

2015-07-14, 01:05

http://www.up-00.com/?j57g

نعمة القدوس

2015-07-14, 01:29

جيت يا سعيد

وحاولت اخترتلك 10 اختيارات ولكن مانيش متأكدة
شغول مديتلك راي وأنت رتبهم على حساب الأولوية
وقبل كل شيء لازم
نديروا بحث صغير حول معدلات القبول في السنوات اليابقة بالاك تجي مقاربة لها
سما الانسان يحاول يحسب ويخطط مليح باه مايتخلعش

درك نكتبلك القائمة

وأنت واش راك معول تدير أول خيار ؟
المدرسة التحضيرية تاع الاقتصاد هاديك ؟

~ حِـكــآيةُ حُ‘ـلمٍ ♫

2015-07-14, 01:29

صحيتيي نعمة على موضوع الاخ زين الدين ديجا جبت منو 10 صفحات xD

مانكدبش عليك هدرتهم في الموضوع زادت حببتني في الطب يا ربي يسهلي ويكون من نصيبي

قلتيلي يهزونا للنوفال مالا :1: علاه آوخدي علاه كانت في الشالي قريبة لدار جدي يعني نشقا نشقا xD

المهم في انتظار مغامراتك على احر من الجمر ، حقا بديت زعما نقرا في الموضوع تاعك تاع التسجيل ممبعد قفلت خفت يتعلق قلبي بالطب و مع الاخير مايقبلونيش
الزبدة اسلوبك تحفة :1:

ماطوليش علينا حبيبتيي ربي يهنيك ^^

نعمة القدوس

2015-07-14, 01:36

نعمة القدوس

2015-07-14, 01:45

صحيتيي نعمة على موضوع الاخ زين الدين ديجا جبت منو 10 صفحات xd

مانكدبش عليك هدرتهم في الموضوع زادت حببتني في الطب يا ربي يسهلي ويكون من نصيبي

قلتيلي يهزونا للنوفال مالا :1: علاه آوخدي علاه كانت في الشالي قريبة لدار جدي يعني نشقا نشقا xd

المهم في انتظار مغامراتك على احر من الجمر ، حقا بديت زعما نقرا في الموضوع تاعك تاع التسجيل ممبعد قفلت خفت يتعلق قلبي بالطب و مع الاخير مايقبلونيش
الزبدة اسلوبك تحفة :1:

ماطوليش علينا حبيبتيي ربي يهنيك ^^

العفو العفو

أنا بعد استفدت منو بزافففف

++

ان شاء الله نحاول ننظم أفكاري وندير موضوع يتناول كلش
ان شاء الله مانكتئبش ونبطل والعياذ بالله

نعمة القدوس

2015-07-14, 01:46

تاني سعيد أنا ماحطيتلك معلم ابتدائية لأني أنا مانحبهاش

لكان تحبها حطها

~ حِـكــآيةُ حُ‘ـلمٍ ♫

2015-07-14, 14:23

العفو العفو

أنا بعد استفدت منو بزافففف

++

ان شاء الله نحاول ننظم أفكاري وندير موضوع يتناول كلش
ان شاء الله مانكتئبش ونبطل والعياذ بالله

بعيد الشر عن قلبك حبيبتي ^-^

{ حديث الوجدان }

2015-07-14, 15:19

هندسة معمارية وعمران
لغة انجليزية
لغة فرنسية
علوم دقيقة أستاذ ثانوي
علوم دقيقة أستاذ متوسط
لغة فرنسية استاذ ثانوي
لغة انجليزية استاذ ثانوي
علوم المادة
رياضيات وإعلام آلي
المدرسة التحضيرية في العلوم الاقتصادية
واعلام آلي

شوف حط هادوك فرنسية وانجليزية مع الأخير
وحط المدرسة التحضيرية هي الاولى إذا حابها
وحط المدرسة العليا اللاساتذة تاع المتوسط قبل الثانوي لانو تاع الثانوي يجيو عاليين كيما الانجليزية العام اللي فات ولصت ل15 بالاك ولا 17 والله نسيت
ومبعد حط الاعلام الآلي وعلوم المادة وهادوك ويجيو كيما قلتلك الفرنسية والانجليزية في الاخير

شوف مع روحك وردلي

مستعدة نقعد معاك حتى تخلص الاختيار

تاني سعيد أنا ماحطيتلك معلم ابتدائية لأني أنا مانحبهاش

لكان تحبها حطها

السلام عليكمــ ...

عذرا على المغادرة .. حسبتك غادرت أيا رحت أنا ثاني ..

بخصوص الخيارات : ( راح نشرط زعما معدلي فوووور )

الهندسة المعمارية : مدايرها خويا نتاع بسكرة ... شوي تحتاج الانسان يكون مبدع ( وانا خاطيني ) وتعتمد ياسر على العمل التطبيقي وثاني فيها مصاريف ياسر ( حنايا قد حالنا .. يعني زوج آرشي راح نفقرووو :1: )
رياضيات وإعلام آلي : كامل نصحوني بيها لكن أنا خايف منها كونها تعتمد بشكل كبير على الرياضيات

لكن راح نديرها ضمن الخيارات . + الاعلام الآلي ثاني ..

علوم المادة : فيها غير فيزياء وكيمياء ... معرف لكان مليحة ؟

لغة إنجليزية + لغة فرنسية + علوم دقيقة أستاذ التعليم المتوسط : هذو راح نخير منهم اللغة الانجليزية فقط

لانو كاين خيارات أخرين راح نديرهم ..

+ المدرسة التحضيرية للإقتصاد ..

______________________________

شفي أختي الخيرات يلي زعما درتهم

حاولت نخير المدارس العليا لانو عندهم علامة زايدة في مسابقات التوظيف

وكاين تخصصات خيرتهم لكن علابالي المعدل راح يطلع مثل البيوتكنولوجيا والطيران

الطيران علابلي مايسوقوش الطيراة وانما تتخرج ميكانيك الطائرا ولكن قالك مرة على مرة

يديرو مسابقات توظيف طيار مدني ... يعني عندي أمل نسوق الطيارة :rolleyes::rolleyes:

++ خيرت بعض التخصصات العلمية كوني في شعبة العلوم وكذلك ميلي لهذا الجانب

اليك :

طيران ( جامعة البليدة )

المدرسة العليا للتجارة - القليعة ( العاصمة )

المدرسة التحضيرية في العلوم الإقتصادية ( قسنطينة )

المدرسة التحضيرية في العلوم الإقتصادية - درارية ( الجزائر )

المدرسة التحضيرية في العلوم الإقتصادية ( عنابة )

المدرسة الوطنية العليا للفلاحة ( الجزائر )

المدرسة الوطنية العليا للبيطرة - الحراش ( الجزائر )

المدرسة الوطنية العليا للبيوتكنولوجيا

ري

+++

رياضيات واعلام آلي

اعلام آلي

أستاذ التعليم المتوسط لغة إنجليزية

____________

هذو راهم 12 اختيار ... واش رايك فيهم بصراحة لانو مازلت حاير ؟

ممكن تحذفي كاش وحدة وتبدليها بتخصص آخر ...

++ ممكن الترتيب نتاعهم ؟

وسامحيني تعبتك والله ... :o:o:o

{ حديث الوجدان }

2015-07-14, 15:29

+++

قالولي اخطيك من المدارس التحضيرية مافيهاش مستقبل

والله حرت واش ندير !!

{ حديث الوجدان }

2015-07-14, 15:56

++

واش رايك في المدرسة العليا للفلاحة ؟

نهدر ياااسر ...

نعمة القدوس

2015-07-15, 03:14

السلام عليكم ورحمة الله سعيد

عذرا .. شفت كيما حطيتو بعد وكوم كنت هداك وين نضت
(طبعا نضت أبكر ولكن بقيت نتكسل ههههه)
قلت خلي مبعد
وراك تشوف واش وصلت مبعد هادي هههههههه

المهم شوف كتبت الاختيارات تاعك ورحت للموقع الأول للدراسة وبحثت على معدلات القبول
تاع السنة الفارطة .. وكتبتهم

ودرك ننقلهملك

هادي أول خطوة نديروها باه نختارو أولوية الرغبات

طيران (البليدة) 14.83
ومع زيادة عدد الناجحين نتوقع يرتفع المعدل والله أعلم (معناتها الطيران حطها في الوسط إذا حابها

المدارس التحضيرية في العلوم الاقتصادية في جميع المناطق لقيت معدلها 13.19
معناتها تقدر تديرها، والبارح سألت الفتاة اللي قلتلك عليها تقرا في تاع قسنطينة
وقالتلي قوليلو راك ماتندمش عليها، وفرص العمل سواء بالنسبة للماجور دو برومو ولا للطالب العادي
فيها فيها .. هذه كلماتها بالضبط
لذا نقترح أنك تحطها في المرتبة الثانية أو الثالثة على أقل تقدير (هذا إذا ماحطيتهاش الأولى)

المدرسة الوطنية العليا للبيطرة (الحراش-الجزائر) 13.92
سما هادي فالريسك كون تحطها مع الأول .. لذا هادي تتحط في الوسط تاني

المدرسة الوطنية العليا للبيوتكنولوجيا 14.22
هادي تاني معدلها عال .. حطها بحدا الطيران .. ولكن ماتدريش ممكن ينقص المعدل العام هادا
لأنو العام اللي فات راحلها أغلبهم لأنها تخصص جديد (بالاك .. هادا تخمامي أنا برك، ماتاخدش بيه)

الري (بسكرة) 10.08
هادي أنا نقول حطها مع الأخير، واش تدير بالري ؟
تخاف تحطها فالوسط يمدوهالك .. مالا بعدها على قد ماتقدر

رياضيات وإعلام آلي (ustbh)
هادي مالقيتش معدل قبولها ولكن أصبر اصبر نعرف وحدة تقرا لتم درك نسقسيها
ونعلق مبعدا

إعلام آلي (قسنطينة) 12.67
معناتها هادي تاني تقدر تديرها
وبالنسبة لخوفك من الرياضيات .. والله مالقيت واش ننصحك
نسقسيلك الطفلة هادي ونسقسيلك اللي نعرفهم
ونشوف

أستاذ تعليم متوسط لغة انجليزية (ورقلة)
بما أنو تم فتح جامعات جديدة تاع ens سما تقدر تتأمل
أنو تديرها .. تطيرلك يعني
سما هادي حطها رقم واحد

دركا جا وقت الترتيب
أنا نقول الترتيب كيما هكا وأنت زيد شوف مع روحك
وأرواح ناقشني .. والله ماش مشكل
قوللي أولا وكتاه آخر أجل باه مانتكسلش عليك كيما اليوم ههههههههه

هيه نسيت المدرسة العليا للتجارة وتاع الفلاحة
مالقيتهمش ولا ماشفتهمش .. والله نسيت
زرولو عينيا ماشفت والو
وزيد ماعندي حتى معلومات عليهم ... تاع التجارة أنا شخصيا كون جيت في بلاصتك نحطها مع الأوائل
ولكن الفلاحة .. والله مانعرف .. مازال في مخي كي نقول فلاحة نشوف راجل في ميزيرية
علابالي دركا تطورت الحالة .. بالصح أنت شوف

1 - أستاذ تعليم متوسط انجليزية (ورقلة)
2- 3-4- المدارس التحضيرية في العلوم الاقتصادية (حطهم بالتريت على حساب القرب تاع كل ولاية بالنسبة ليك وعوامل أخرى)
5- رياضيات وإعلام آلي (ustbh)
6- إعلام آلي
7- المدرسة العليا للبيطرة
8- المدرسة العليا للتجارة
9- المدرسة العليا للفلاحة
10- ري

الطيران والبيوتكنولوجيا مادخلتهمش فالحساب لأنو المعدل شويا بعيد
ولكن لكان تقدر تستغني على الري والفلاحة ولا تجارة ولا البيطرة
بدلهم ب
9- المدرسة العليا للبيتكنولوجيا
10- طيران

شوف سعيد خويا راني حاولت درت على حساب واش نشوف
وأنا علابالك بيا مانيش طفل
سما تخمامي شويا مختلف
من الأفضل كي تجي تناقش رأيي يكون معاك خوك ولا واحد تثق في الحكم تاعو
ناقش رأيك ورأيو ورأيي
وأطلعني على النتيجة

وماتنسااش أهم حاجة سعيد : الإستخارة
استخر مرة واتنين وتلاتة حتى ترتااح بينك وبين روحك

نتمنى نكون كاشما أفدتك

وكاشما تحب تطرح أسئلة حول المدرسة التحضيرية للعلوم الاقتصادية
قوللي باه ننقل أسئلتك للزميلة

وفقط

(قلتلي باللي تهدر بزاف، ولكن ماش قدي هههههههههه)

بالتوفيق

نعمة القدوس

2015-07-15, 03:20

راني جبتلك معدل الرياضيات والإعلام الآلي
قاللك 14.13 للعلوم التجريبية
سما أرى أنك تخليها في بلاصتها ممكن تطيرلك
هذا إذا ماطارولك اللي قبلها أصلا

المهم على حساب الترتيب اللي تختارو طبعا

{ حديث الوجدان }

2015-07-16, 07:30

السلام عليكم ورحمة الله

والله روشآآآرش كبيرة درتيها ههههه :19:

جزاك الله كل الخير وجعل الله تعبك في ميزان حسناتك

وأسال الله أن يتضاعف أجرك في هذا الشهر الفضيل

صراحة أفادني ترتيبك بحيث جعلني احصر أكثر عدد الرغبات

وبالإضافة الى مساعدة الأسرة تمكنت من وضع قائمة خياراتي

http://store2.up-00.com/2015-07/1437027916591.jpg (http://www.up-00.com/)

ملاحظة : تمت إضافة تخصص نظافة وأمن صناعة لأنو خويا استفسر

من صحابو قالولو تخصص مطلوب في أي مكان ( فيه خدمة )

والفلاحة ثاني استفسر عليها قالك تقدر تخدم في المخابر ثاني والمديرية وقداش من بلاصة

والطيران خليتها علابالي مايعطوهاليش ولكن باش نرضي بعض افراد الاسرة

والتعليم نحيتو لانو علابالي مانيش راح نتقن العمل هذا ( مشقة كبيرة )

____________

مازلت مانيش راضي عليها 100 % ولكن الله غالب راني حاولت نشوف

امكانياتي في بعض المواد وميولاتي والاهم فرص العمل ..

++

هذي الخيارات راح تبقى مخزنة اى غاية 2016

بعد إاعدة البكالوريا بإذن الله ففي حالة عدم التوفيق مجددا

سألجا اليها ..

شكرا جزيلا أختي نعمة مانناش خيرك

بارك الله فيك وفي اهلك ..

:)

❀•بَـهَـآءُ الْـرُوًحْ•❀

2015-08-25, 14:02

أهلآآ نععمةةة أحووآلككك ككيف ؟؟ إششتقنآآلكككك يآآ حبيبــة ♥

تسسلمي على الإلتفآآتـة الططيبة و عفوآآ أعلــم أنني متأخررة ككثيرآآآآآ { ههه } ~

المههم و الأهههم { نجححت و الحمد لله } ~

نححححو تخصصص الططططب ~ إن شآآء الله ~

سسسلآآم و بــإنتظظآرككك ~

طفرة ㋡

2015-08-28, 12:55

السلام عليكم ورحمة الله تعالى وبركاته
اسفة على التطفل فانا لست معنية بطلبك
ولكني اريد ان ابارك لك ولكل متحصل على شهادة الباكالوريا
العاقبة لجيلنا 2016 ان شاء الله
اعتذر مجددا
تقبلي مروري

amira 36

2015-09-03, 11:53

العاقبة لينا ومبرووك ليكم