ماهي المدة المستهلكة للبقلاوة ؟؟ واش نعمل باه ما تفسدليش ؟؟

[فقه معاملات مالية]

:dj_17:


السلام عليكم

ماهي المدة المستهلكة للبقلاوة لاخاطر رايحة نعمل ياسر وخايفة تفسدلي ؟؟؟؟؟؟؟؟؟؟؟


واش نعمل باه ما تفسدليش البقلاوة وتبقى مدة طويلة ؟؟؟؟؟؟؟؟؟؟؟


:1::1::1::1::1::1::1::1::1::1::1::1:

[ام سوار]

اختي حطيها في بلاصة باردة والعسل يكون مليح باه ما توليش سكر

[ام احمدي]

حنونة انا موالفة نديرها وتشدلي اكثر من اسبوعين وتبقى مليحة
المهم خبيها في بلاصة باردة بعيدة على الحرارة باش متنشفش

[نور البسملة]

mais le en congélateur c mieux tbka djedida

[فقه معاملات مالية]

بارك الله فيكن

[فقه معاملات مالية]

يعني نقدر نعملها في الثلاجة ؟؟؟؟؟؟؟؟؟

[mina0718]

حبيبتي ضعيها في كيسات اغجونتي ثم في علبة مغلوقة باحكام ( غاغد مونجي ) ثم في الكونجﻻتور انا تشدي اكثر من شهرين و ربما اكثر
و عند التقديم اخرجيها قبل بساعات و ﻻ تنسي فتح العلبة و الاحسن اخراجها حتى ﻻ تفسد من ماء المتكون من اثر الجليد اتمنى ان اكون قد وفقت في الشرح لاني تعبانة و اللغة رايحة مني ههههههههههه
حتى ﻻ انسى قسميها في عدة حاويات او علب لانك اذا جبتيها من الفريزر ما ﻻزمش ترجعيها تخاف تفسدلك انا عادة اضع كل عشرة وحدهم في علبة قيس صحن التقديم

[bibadz12]

سلام عليكم
اختي انا موالفة نديرها بعسل مرجان باش متتسكرش
نخبيها في الفريقو قد محبيت تبقى هايلة
من الاحسن الى عند فريقو هدوك لبيوضة الكبار
واعمليها في الكيسات ثم في علبة هدوك ترونسبارون لي ينغلقو مليح

[Algam]

ما تزيديش برك ماء الزهر في العسل والا كي تبقى تبانلك شغل مندية