شكون غلطولو في مل الشهادة

[halary]

السلام عليكم اعضاء شكون الي غلطولو في حساب المعدل
انا غلطولي عوض 17.02 حطولي 16.60 وزيد دولي حقي في التربية المدنية والعلوم
حرام عليهم والله يحطمو معنويات التلاميذ هكدا رايحه نقول ما نزدش نتعب روحي في الدراسة بلاد ميكي هاذي حقرونا والله ماشي كامل خدمتي وهذا يقين وليس شك منهم لله ونتمنى من المشرفين ما يحذفوش الموضوع لخاطر مواضيع مشابهة رفعوها انا ضن انه ركن لمختلف المواضيع خلونا نفرغو قلوبنا وما تقولوليش المهم النجاح وقت العتاب راح والي صار فات لا السكوت على الظلم حرام وكثيرين مثلي 4سنوات من الجد والمثابرة تروح مجهواتي كلها والله والله والله ظلم أهكذا يكون التشجيع لمواصلة الدراسة انا اصبحت خائفة لتكون نفس المعاملة في البكالوريا واش نقول قلبي معمر نخليلكم تكملو ونزيد نعاود اتمنى عدم رفع الموضوع خلوه فضاء للفضفضة على بالي لي راح خلاص مقولة بلاد ميكي لو كنا نحاسب ونصحح أخطائنا لما حدث ومازال يحدث ..............................*

[Anouàre Bechir]

اختي ديري الطعن وراح تسترجعي حقك

[sweet mimi]

اختي كيفاش عرفتي بلي غلطولك ايدا كنت جمعتي المجموع زائد نقطة الموسيقى او الرسم كما هي يعني ب 20او 19 او 18 راح يخرجلك معدلك بالزيادة
علا هادي احسبي نقطة الرسم او الموسيقة ب 10 او 09 او 08 يعني على 10 ماشي على 20
ان شاء الله تكوني فهمتيني و ايدا مافهمتيش نعاود نشؤحلك

[حلم يعانق السماء]

آختي فــآه غلطولك ؟
واش محسبولكش ؟

[fifififo]

تحصلت على 17.92
حرموني من 18 ف العلوم الطبيعية
15 فقط في العلوم لماذا 15 فقط ؟ متأكد أنني أستحق أكثر منها

للعلم لو تحصلت على 16 في العلوم لكان معدلي 18.00

[sweet mimi]

خلااااااااااااص يا اخي حنا نسينا كامل هادو وانت تاني انسا كلش و خمم للقدام اقصد للتانوية

[شهد الشموع]

انا تحصلت على 15.5 في التاريخ و الجغرافيا مع العلم ان اجاباتي كانت صحيحة و حسب التصحيح النموذجي
اضافة الى 16 في اللغة العربية
حيث انني كنت انتظر 18
حسبي الله و نعم الوكيل
كنت قادرة نجيب 18.40 او اكثر بدلا من 18.18

[halary]

اختي كيفاش عرفتي بلي غلطولك ايدا كنت جمعتي المجموع زائد نقطة الموسيقى او الرسم كما هي يعني ب 20او 19 او 18 راح يخرجلك معدلك بالزيادة
علا هادي احسبي نقطة الرسم او الموسيقة ب 10 او 09 او 08 يعني على 10 ماشي على 20
ان شاء الله تكوني فهمتيني و ايدا مافهمتيش نعاود نشؤحلك
شكرا للرد والشرح الوافي لكن انا اعلم كل هذا حسبت بطريقة صحيحية دون اضافة الرسم والرياضة معليش ربي سبحانه كاين

[halary]

خلااااااااااااص يا اخي حنا نسينا كامل هادو وانت تاني انسا كلش و خمم للقدام اقصد للتانوية

وكانش ما خلونا نخممو لقدام بهذه الطريقة انا صرت خايفه منالبكالوربا لوكان جاء معل فصلي ما بهمش راهو تاع شهادة وبالتالي نخاف يتكررلي هاذ السيناربو في الباك جهدي واجتهادي وتعبي وبعد نلقا ظلم وين رايحين في المانيا بنت مغربية جابت اعلى معدل وكانت اخبارها في كل الجرايد الالمانية واحنا مازالت المحسوبية تمشي في عروقنا لوكان جات المانبة هنا ينحيولها بلاستها دول القانون تاعالصح

[tinna 19]

oui hagruna bzaaaaaaaaaaaf mn9bluch blad miki 3ayb 3lihom -_-

[*أنفآل*]

أختي لازم تحسبي نقطة الرسم أو الموسيقى على 10 ليس على 20

[youpaayoub]

هاذي هيا بلاد الحقرة قايما والعدالة نايمة ربي يقدر الخير رانا كامل هكا انا حارموني من بزاف حوايج بصاح وكيلهوم ربي اذا كلاونا عروقنا وكيلهوم ربي وكيلهوم ربي ماكانش حاجا كثر من هكا حسبي الله ونعم الوكيل

[moussa15]

ممكن رقم التسجيل لحساب المعدل