سبب صغير و المشكل كبير

[مشكلتي]

السلام عليكم
أنا متزوجة عندي 6 سنين مشكلتي بدات كيما رزفني ربي و حن عليا بطفلة كنت نحسب انها راح تكمل فرختي و نعيش في االهنا لكن صدقوني ملي خرجت الطفلة لدنيا و المشاكل غير تكبر حتى وصلنا لطريق مسدود انا و راجلي و هو درك راه يهدر معايا غير بالطلاق .
أني عندي كتر من شهر و انا في دار بابا و هو ماجاش يحوس علينا و كي نهدر معاه يقولي بناتنا درا الشرع.
بسبب مشاكلنا هي ام راجلي رغم اني نسكن وحدي و عمري موصلتها ، لكن هي ربي يهديها ملي ولدت بنتي و هي ورانا حتى وصلت لمرادها حتى و أنا نافسة و هي ورا ولدها بالهدرة حتى خربتلي داري .

هو درك كي نهدر معاه يقولي شرطي انب تبطلي الخدمة و منحتاجش والديك يجو لداري ، بسبب انو أمي و امو تقابضوا . و انا ملقيتش حل وحدي .
هو يقولي انا ولديا ميرضاوش عليا كون نرجعك مع العلم أني موصلتهمش و والديا يقلولي هذا لي فرط فيك و في بنتك على جال سبب تافه مفيهش خير و أطلقي منو اليوم قبل غدوا.
و أنا حايرة كيفاه ندير، نقول بلي هذا مشكل تافه و سوء تفاهم بين العايلات و نقدروا نحلوه لكن التطبيق واعر عليا باه نوقف في وجه والديا مقدرتش حتى أني كي نهدر مع راجلي بالسر .
نتمنى تنصحوني مش حابة نطلق و نرضي والديا في وقت واحد .
انصحوني بارك الله فيكم .

[محمد جديدي التبسي]

وعليكم السلام ورحمة الله
بطلي الخدمة وارجعي لدارك وأطيعي زوجك
أكيد هو لن يقطعك عن والديك ويمكنك زيارتهم بين الحين والآخر
والزمن كفيل بأن يعيد الأمور الى نصابها
ومادام تسكني وحدك تقدري تكوني ذكية وتأثري في زوجك
أكثري من الدعاء وربي يفتح عليكم

[مجرّد إنسان]

السلام عليكم
كما قال لك الأخ التبسي بارك الله فيك
أنصحك بالعودة إلى بيت زوجك والقبول بشروطه
ومع الوقت إن شاء الله تعود المياه إلى مجاريها
وبما أنّ والديك يعارضان رجوعك إلى زوجك فحاولي أن تصلحي الأمور معه من دون أن تخبريهما وإذا تفاهمتي معه أخبري والديك بأنّه هو من صالحك وطلب منك العودة إلى البيت وأنك لا تمانعين في ذلك
وإن شاء الله تعود الألفة والمحبّة بينك وبين زوجك

[aminazy]

السلام عليكم
لختي شوفي رانا في وقت صعيب بزاف خمي مليح واتخذي القرار الصحيح لمش راح تندمي عليه
راني عارفة راكي خايفة من كلمة مطلقة في المجتمع تعنا. لكن اختي ديري على راي والديك ما نكذبش عليك رانا شفنا الرجال لي معندهمش شخصية
-صراحة لي ما قالكش نهار الاول تبطلي حتى تكونوا على وفاق
-اذا كان المشكل مش على الخدمة اذا علاش دخلها يعني انها سبة وخلاص
-اذا كان المشكل خلاه كما قالوا والديك يسمح في بنتوا واش معناه ؟؟؟؟؟؟؟؟؟؟؟؟؟؟؟
-انا منيش نقولك طالقوا لكن الابتعاد يحل المشكل اذا كنت انت غالطة في حق والديه اطلبي سماح
وحاولي تحلي المشكل بينك وبينوا واذا توافقتوا اااااارجعوا لبعضاكم .اما بالنسبة للخدمة اذا شفتيها ديرلك المشاكل تقدري تسمحي فيها انت وحدك دون فرض راي الاخر

[darwina.koom]

يا حسرة على اباء آخر الزمان

كي والديك كي والديه و الكثير الكثير من اشباههم هم سبب طلاق ابناءهم ... بدل ما يصلحو هما يزيدو يشعلو النار

[malek firdaouss]

اختي ننصحك ميش تبطلي خدمتك تقدري تحبي عام نسيت واش يقولولها

و ارجعي لدارك و كوني هانية مع راجلك خاصة في هذا اللوقت صعيب كلش

ربي يكون معاك امين

[الاخت الكريمة]

السبب مش امو .....امك وامو
ربي يقدملك لفيها الخير
نورمالمو الاهل ميتدخلو مايوصلوكم للطلاق
ربي يهدي ماخلق

[غير هام]

االسلام عليكم

ربي يفرج

[نورسين.داية]

عزيزتي مسألة العمل هي كانت إتفاق في العقد من البداية ...و هنا الزوج هو الذي غير رأيه إلا إذا كان بينكما إتفاق أنه بعد الإنجاب تتوقفين عن العمل فهنا معه كل الحق في طلب التوقف عن العمل هذا إذا كان هذا هو إتفاقكما .....أما أنها بالنفحة .............آآآآآآآآآآآهنا يسمحلي

مسألة والديك .....أنا أسألكي أنتي يعني في رأيك منطقيا نورمال والديه يجو للدار و أنتي والديك لا لا هاذي جاتك نورمال ؟؟؟؟؟ أين هي صلة الرحم و أين هو إحترام والديك حتى لو كانو غالطين و الذي ينتظر هو منكي أن تقديمه لوالديه بالمقابل أنتي والديك مرفوضين ...........؟؟؟؟؟؟

صدقيني إذا الزوج لا يحترم الزوجة ووالديها ...........أي حياة و أي عشرة و أي علاقة زوجية ....

ممكن الوالدين يخطؤون مع أبناءهم أنا لا انكر هذا لكن مستحيل أننا نقطع الرحم و نقولولهم ماتجوش سبحان الله هاذي بنتهم .............و إذا أراد الإنسان أن يطاع عليه ان يطلب بما يستطاع ......
و انا مطلوب مني أن أحترم والديه و هو لا يحترم والديا ....أي منطق هذا

أختي سمحيلي إذا رجعتي ليه .....إعتبري أنه ليس لديكي كرامة .....لي يرضى الإهانة على والديه في سبيل إرضاء الزوج ......إسألي نفسك أيهما يدوملك و لا يتعوض لك ؟ أما الزوج بكلمة تلقي روحك برا ....و راكي ديجا ..فيها بعد ....
وفقكي الله أختي

[amira1989]

والله يا اختي كلنا عندنا مشاكل و احد ماتهنا لا لمزوجة لا للبايرة ادعي ربي و طيعي زوجك

[انغام المنى]

حتى انا كنت في مشكل كبير قريب طلقت ولكن دخلو ولاد لحلال وهدرو معاه ورجعت لداري صح علاقتي مع دارهم تقطعت وعلاقتو مع دارنا تقطعت المه رجعت لداري حاولي كيفاش تهدري معاه وديريلو السبة بنتو اي حاجة وسطي ناس تعرفيه يسمعلهم وربي يفرج همك راني حاسة بيك اختي

[mrmilano1984]

نصيحة لك لي يقلك طلقي ماهوش حل ساهل لان المجتمع تاعنا لايرحم ابدا ابدا خصوصا المراة هو يعاود حياتو ونتي كفاش ماكاش اسرة مافيهاش مشاكل لازم تتعودي تحلي المشاكل وكاين حلول احسن من طلاق وزد عندك اولاد لو ماعندكش ربما واحد يقلك تنجمي طلقي كاخر حل ولكن الطفلة هي لي راه تسوفري بزاف كي تكبر خمي مليح مليح

[SKYALGERIA]

أنصحك سيدتي أن لا تتوقفي عن العمل و من يضمن لك أنك عندما ترجعين إلى زوجك تعود الأمور إلى مياهها ؟ تخيلي بعد أن تتوقفي عن العمل طلقك فمن يكفل تربية إبنتك و من يصرف عليك خاصة مع الغلاء الفاحش في وقتنا الحالي و صعب جدا أن يجد الإنسان عملا فما بالك أنت عندما تتوقفين ؟؟
أرى أن تلتقي العائلتين مع بعض بحضور الأقارب و ناس أكابر و يتم حل المشكل بالتحاور و حاولي أن تكوني لينة في التعامل مع أهله فكلما أساؤوا إليك قابليهم بالحسنى و أكيد ستنتصري بإذن الله .
كان الله في عونك أختي الكريمة

[SKYALGERIA]

أنصحك سيدتي أن لا تتوقفي عن العمل و من يضمن لك أنك عندما ترجعين إلى زوجك تعود الأمور إلى مياهها ؟ تخيلي بعد أن تتوقفي عن العمل طلقك فمن يكفل تربية إبنتك و من يصرف عليك خاصة مع الغلاء الفاحش في وقتنا الحالي و صعب جدا أن يجد الإنسان عملا فما بالك أنت عندما تتوقفين ؟؟
أرى أن تلتقي العائلتين مع بعض بحضور الأقارب و ناس أكابر و يتم حل المشكل بالتحاور و حاولي أن تكوني لينة في التعامل مع أهله فكلما أساؤوا إليك قابليهم بالحسنى و أكيد ستنتصري بإذن الله .
كان الله في عونك أختي الكريمة

[- بصمة خير -]

ممكن لو حكيتي السبب اللي خلا المشكل يكبر هكذا ممكن نساعدوك
و ننقاو حل باش يرضى زوجك
كما اهلك ماترضايش عليهم حتى الزوج مايرضاش على اهلوا
عليها من بين اهم النصائح للمتزوجين هي المشاكل لازم يبقاو بين الزوجين
لان اذا كبر المشكل ووصل للعائلات يصعب حلوا
و باش ينجح الزواج لازم لازم لازم الزوج و الزوجة يخدموا بزااااااااااااااااااف باش ينجح و يتفاهموا
مش ساهل الزواج الناجح
مش عيشة وردية و احلام و رومنسية فقط
صعيب و لازم التغافل و التنازل
باش بعد مرور 30 سنة زواج تقولي نجحت نحافظ على داري و ندير زواج ناجح
الطلاق مش حل و مستغربة كيفاه داركم قالولك اطلقي؟؟؟ راهم يفسدوا في دارك
دارك و راجلك و بنتك كيفاه تسمحي فيهم؟؟؟
رايحة تهربي من المشاكل؟؟؟ حلي المشكل تاعك و تكون اخر مرة دخلوا اهلكم في النص
تفاهمي مع زوجك العائلات بيناتهم ماندخلوش
و حنا حتى واحد يسمع بمشاكلنا
لما راجلك يقولك بيناتنا دار الشرع قوليلوا حبس خلينا نهدر من الاول
قوليلي انا غلطت كما درت هكذا و هكذا ....
و مستعدة نتعتذر من اللي غلطت معاهم
قوليلو المهم ترضى قوليلو انت راجلي و نحبك و نحوس نعيش معاك
باش يعرف راكي انت تاني تحوسي عليه مش غير على جال بنتوا
في زوج تحتاجوه
كبري بيه و فكريه في بدايات الزواج و الحنين
و اهم شيء الدعاء الله يحفظ لك عائلتك و زوجك
و فهميه داركم راهم زعفانين و غايضهم الحال على بنتهم يعني عليك
قوليلو نتفاهموا باش نراضيوهم
مش عارفة المشكل و الا كنت نمدلك افكار اذا عرفت
و تكون اخر مرة يسمعوا اهلنا بمشاكلنا و اخر مرة نخليو اهلنا يدخلونا في مشاكلهم
و المرة الجاية مشاكل النسا تبقى غير مع النسا
و على الخدمة
اختي قوليلو ندير عام sans solde و نشوف يكفاه تفوت الحالة
باش نوالف من بعد ان شاء الله يفرج ربي
و الله يفرج همك و يرجعك لزوجك في القريبببببببببببببب يييييييييييييييييييييييييييييييييييييييييييارب
و ان شاء الله تكتبي موضوع و تقولينا تصالحنا انا و زوجي

[خالد عنابي2]

بطلي الخدمة احسن من الطلاق

اما اذا كان مصر على عدم زيارة والديك لالالالالالالالا

[[REC]]

شكرا على الموضوع القيم

[كلنا راحلون]

حسب مانعرف شروط زواج وقتنا حالي فيه املاءات من كلا طرفين

ومن بين املاءات في عقد وضع عمل زوجة

ادا كان في العقد بعد انجاب توقف عن عمل فلزوجة عليها توقف عن عمل

ادا كان في العقد بعد انجاب تبقى في عمل فلزوجة عليها تبقى



بمعن شروط عقد تحكم في وقتنا الحالي وطلاق يضر اولاد

[كلنا راحلون]

;3993823388']شكرا على الموضوع القيم

هاد وقت لي يخمم فزواج غير الغبي ولا واش خونا rec

[KARIO]

حرام عليه يقطع صلة الرحم بينك و بين والديك مهما كان بيناتهم مشاكل، لا انصحك بالتخلي عن العمل لاني شبه متيقنة انك رح تندمي على المدى الطويل، و الابتعاد مفيد احيانا لتعيدوا حساباتكم، ياريت الاهل ماتدخلوش بيناتكم، ننصحك بعثيلو بنتو مرة على مرة يمكن يحن و يراجع نفسه،لانو اذا تطلقتوا هو يعاود حياته و نتي تنسي مع الوقت و يمكن تعاودي تتزوجي، و لكن الطفلة راح تعيش تعيسة طول عمرها، سقسي مجرب، وراهي جاية ليلة القدر حيث تبدل الاقدار، ادعي ربي يفرج عليك

[البحث هن العلم]

عليك يالدعاء وصلاة الاستخارة

[aya2007]

ربي معاك اختي

[أم شروفة]

رايي من راي الاخت البنفسجية