ارجوكم ساعدوني

[yacin2015]

ياخواتي ساعدوني عجوزتي تحب الغريبية لعندها وصفة نتاعها تعطيهاني:confused:

[طالبة مساعدة]

السلام عليكم اخواتي
المقادير:
كيلة سمن ذايبة ونعاود نحطها في الثلاجة حتى تجمد وممكن نعوضها بالزبدة او المرقرين في هذا الحالة كي تجمد الزبدة او المرقرين ننزع الحليب لي نلقاه في اسفل الاناء لي كيلت به
كيلة ناقصة اصبع سكر رطب
كمية من الكاوكاو محمص ومرحي رقيق وممكن نعوض بالجلجلانية محمصة
فرينة
ملون اخضر و وردي
الطريقة:
بواسطة الخلاط الكهربائي نخلط السكر مع السمن مليييييييح حتى يبياض الخليط بعدها نضيف الكاوكاو ونحرك ثم الفرينة نضيف بشوية ونحرك بيدي حتى نتحصل على عجينة ماتكون يابسة ما تكون طرية بزاف
ناخذ كمية صغيرة من العجينة ونضيفلو ملون اخضر وكمية اخرى نضيفلها ملون وردي
نشكل حربوش من العجينة البيضاء و بواسطة الشوكة نعمل خطوط ثم نقطعها مقروضات
شوفي يا اختي هذي وصفة تاع ام اماني انا راح نجربها في هذا العيد ان شاء الله توجديها في صفحة 3 معرفتش كفاش نعمل ك الرابط

[Naziha Ziha]

هادي وصفة ماما مضمونة و كامل الناس تحب غريبية تاعها ..ان شاء الله تنجحي فيها ....
لتر زيت و رطل سكر قلاصي* لازم قلاصي * و خمارة القاطو و الفرينة على حسب ما تللتملك العجينة و تقدري تشكليها في يدك العجينة و شكليها شكل هرمي تاع الغريبية و اعصري عليها بصبعك من الفوق شووية و بصبعك حطي شوية قرفة و حطيهم في صينية فيها فرينة اشعلي الفرن من التحت برك لخاطر هي متتحمرش راكي شايفة و خليه يحمى دخلي الصينية تاعك حطيها الفوق و خليها قدر ما تحكم روحها و تحسيها طابت خرجيها و هي تزيد تحكم روحها كي تبرد ....... و بالصحة ....بالتوفيق اختي

[yacin2015]

الله يعطيكم الصحة ياخوات لان عجوزتي تحبها بزاف وهد العام دلتي انا في رمضان والعيد

[ام عبد الله01]

بارك الله فيكم اخياتي