العيد بدون الكوشة

[*ام بثينة*]

السلام عليكم يا طباخات منتدى الجلفة و صح رمضانكم

حبيت نحط هذا الموضوع باش كل وحدة عندها نفس الوضع تستفاد منو

علابالكم بلي العيد قرب و كل السيدات راهم يخممو وش يطيبو حلوة العيد و انا هذا العام معنديش وين نطيب لانو الفور ديالي فسد و السي السيد مزال متكرمش باه يخدمو او يشري وحد جديد :rolleyes: بالطبع انا افضل يشريلي الجديد :rolleyes:

خممت :confused: خممت :confused: خممت :confused: و قلت ان هذي السنة نقدر ندير غير زوج انواع من الحلويات (اذا استمر الحال على وضعه منا للعيد ان شاء الله)

الحلويات المقلية مثل القريوش و المقروط

http://www.gulfup.com/thumbs/rddM9s.jpg

الحلويلت لي مطيبش مثل لبنيون

http://www.gulfup.com/thumbs/665IBA.jpg

امالا حطيت هذا الموضوع اليوم باه تعطوني افكار اخرى نقدر نديرهم

يرحم والديكم متمدوناش تع اللوز راهو ب 2300 للكغ مع انا مشحاحة :D شوفونا حاجة تع كاوكاو او خلوة الترك او الغرس
فهمتو

شكرا جزييييييييييييييييييييييييييلا :mh92:

[RCR_48]

ما شاء الله

[om kamilia]

ربي يعاونك منينة , تقدري تديري ,الانواع لي ذكرتي المقلية و لآ لي تطوبش , و لآ عندك جيران ملاح خدمي وتطيبي عندهم , و الاهم من ذلك الفال , زيدي ديري مسمن , ربي يعاونك و يرزقك بواش تتمناي ونشوفو قاطواتك و لآ تفكرت ندخل

[om kamilia]

تقدري تاني تشري راهم انواع بزاف خيري على حساب مقدورك و كاين بزاف صانعات الحلوى محترفات وبسومة معقولة

[الجزائر الغالية]

ربي يسهلك و تشري فور جديد:19:

[sofianfilali]

ههههههههههههه

[*ام بثينة*]

شكرا حبيباتي

نقولكم سر و لكل وحدة تدخل للموضوع

منيش حابة نطيب عند الجيران والا في دارنا باه نزير السي السيد لوكان نحلو العين ميشريش كوشة خلوه يسخف عل الحلاوي و يبدل رايو

[*ام بثينة*]

تقدري تاني تشري راهم انواع بزاف خيري على حساب مقدورك و كاين بزاف صانعات الحلوى محترفات وبسومة معقولة

خممت نشري شوية بالاك طبسي نديه لدار عجوزتي بصح نحب نخلق اجواء العيد في داري باه بناتي تاني يترباو كيما تربينا على حب المطبج

شكرااااااااااااااااااااااااااااااااا

[bibadz12]

السلام هليكم اختي
الله يرزقك و تشري كوشة
انا البارح عملت هذي
http://www.djelfa.info/vb/showthread.php?t=1637597
جات روووووعة الف شكر لصاحبة الموضوع اولا
الله يعاونك:19:

[*ام بثينة*]

السلام هليكم اختي
الله يرزقك و تشري كوشة
انا البارح عملت هذي
http://www.djelfa.info/vb/showthread.php?t=1637597
جات روووووعة الف شكر لصاحبة الموضوع اولا
الله يعاونك:19:
بارك الله فيك

[*ام بثينة*]

جاتني فكرة نحوس في المنتدى و لقيت هاذي الوصفة للعضوة ميري27

http://www.djelfa.info/vb/showthread.php?t=830321

بسيطو و بكونات اقتصادية

كنت نشوف هذاك الطابع يتباع بصح اليوم فقط لي فهمت و ش يديرو بيه


:D :D :D :D :D

[bibadz12]

بارك الله فيك

وفيك بركة اختي

[bibadz12]

جاتني فكرة نحوس في المنتدى و لقيت هاذي الوصفة للعضوة ميري27

http://www.djelfa.info/vb/showthread.php?t=830321

بسيطو و بكونات اقتصادية

كنت نشوف هذاك الطابع يتباع بصح اليوم فقط لي فهمت و ش يديرو بيه


:d :d :d :d :d

هدي صح بنينة كانت ماما تعملها من بكري
لكن تحب تنقلى نهار العيد
تنتكل جديدة

[*ام بثينة*]

هدي صح بنينة كانت ماما تعملها من بكري
لكن تحب تنقلى نهار العيد
تنتكل جديدة

امالا نحيها من القائمة نهار العيد نصبح نقلي و لا نصبح نلبس و نمشط للبنات :sdf:

كاين موضوع بالصور للاخت محبة الدعاء بصح بدون الوصفة http://www.djelfa.info/vb/showthread.php?t=1580289

شكون تمدنا الوصفة :mad: :mad: :mad:

[bibadz12]

راح نعمل قريوش ايضا
http://www.djelfa.info/vb/showthread.php?t=1799410
الف شكر لصاحبة الموضوع

[bibadz12]

امالا نحيها من القائمة نهار العيد نصبح نقلي و لا نصبح نلبس و نمشط للبنات :sdf:

كاين موضوع بالصور للاخت محبة الدعاء بصح بدون الوصفة http://www.djelfa.info/vb/showthread.php?t=1580289

شكون تمدنا الوصفة :mad: :mad: :mad:
الله يعاونك ويخليلك بناتك
منعرفش الوصفة لكن تبان شكلاطة مذابة ونسلي للتزيين

[bibadz12]

نعرف وصفة مطيبش لكن معنديش صورة
ومراحش نعملها لكن سااهلة
الى تحبي نمدلك المقادير

[minina2601]

السلام عليكم ورحمة الله وبركاته
تقدري ديري شكولا محشية /بغرير

[*ام بثينة*]

نعرف وصفة مطيبش لكن معنديش صورة
ومراحش نعملها لكن سااهلة
الى تحبي نمدلك المقادير

معليش اختي حطي الوصفة اذا درتها نصورها و نحطها ونزيد ندعيلك
و اذا مدرتهاش بالاك وحدة من الاخوات تجربها و تعم الفائدة

شكرا

[*ام بثينة*]

راني لقيت موضوع اخر لحلوى مطيبش بشكل جميل للاخت ام ثازيري

http://www.djelfa.info/vb/showthread.php?t=845166

[*ام بثينة*]

مزالني ندور في المنتدى و نحوس
زدت لقيت هاذي الوصفة ل قاطو ميطيبش باللحظة

http://www.djelfa.info/vb/showthread.php?t=1373804

[أم عبد الله السلفية]

السلام عليكم

راني حاسا بيك لقد مررت بظروف مشابهة

نعطيك قاطو ساهل و بنييييييييين و ما يطيبش

المقادير : كوكاو محمص و مكسر يعني ما ترحيشو كسريه غير بالحلال تاع القاطو

حليب مركز محلى تكرمليه في الكوكوت لمدة ساعة تقدري تجربي وصفات الأخوات هنا في المنتدى و ما تشريشو

شكلاطة ذائبة

الكيفية: حطي كل المكونات بحذاك و تجيبي مغرف صغيرة و تهزي شوية كاراميل و تحطيه في الشكلاطة الذائبة ثم حطيه في الكوكاو المشدش و درمديه فية و ريقلي شوية الحبة بيدك و حطيها ف لي كيسات

الحلوى هاذي لذيذة جدا و مليحة للي ما عندهاش كوشة

ان شاء الله تعجبك و تجربيها

[oum souhaib]

[SIZE="6"]هاكى هادى هاايلة [/SIZEhttp://www.djelfa.info/vb/showthread.php?t=1801100

[oum souhaib]

http://www.djelfa.info/vb/showthread.php?t=1801100

[*ام بثينة*]

السلام عليكم

راني حاسا بيك لقد مررت بظروف مشابهة

نعطيك قاطو ساهل و بنييييييييين و ما يطيبش

المقادير : كوكاو محمص و مكسر يعني ما ترحيشو كسريه غير بالحلال تاع القاطو

حليب مركز محلى تكرمليه في الكوكوت لمدة ساعة تقدري تجربي وصفات الأخوات هنا في المنتدى و ما تشريشو

شكلاطة ذائبة

الكيفية: حطي كل المكونات بحذاك و تجيبي مغرف صغيرة و تهزي شوية كاراميل و تحطيه في الشكلاطة الذائبة ثم حطيه في الكوكاو المشدش و درمديه فية و ريقلي شوية الحبة بيدك و حطيها ف لي كيسات

الحلوى هاذي لذيذة جدا و مليحة للي ما عندهاش كوشة

ان شاء الله تعجبك و تجربيها
يعطيك الصحة نجربها باذن الله

[ساجدة12]

نسلي بلشكلاط
نسلي بالسمسيم او الزنجلان
نسلي بكاوكاواو الفول السوداني
الخ........... من الفواكه الجافة الممكن استعمالها مع نسلي
اوالشكلاط

[bibadz12]

امالا نحيها من القائمة نهار العيد نصبح نقلي و لا نصبح نلبس و نمشط للبنات :sdf:

كاين موضوع بالصور للاخت محبة الدعاء بصح بدون الوصفة http://www.djelfa.info/vb/showthread.php?t=1580289

شكون تمدنا الوصفة :mad: :mad: :mad:

قاتلك ماما الى حبيتي ديريها ليلة العيد
وعسليها غدوةمن داك تقدري

[bibadz12]

معليش اختي حطي الوصفة اذا درتها نصورها و نحطها ونزيد ندعيلك
و اذا مدرتهاش بالاك وحدة من الاخوات تجربها و تعم الفائدة

شكرا
كحلوشة او بنيونات ا
2 باكي بيمو مرحي مليح+2مغارف كاكاو+100غ حلوة الترك مفتت+250غ زبدة مذابة
يخلط ويلم بمربى المشمش نعمل كويرات او في مول معمول ونرمدها في نواة كوكو
وبصحتكم

[زهراء48]

يا اختي ماديريش هدا القاطو رولي راه ما يقطعش خلاص..بلا كوشو ودير اختي عيد كيما يلزم..ديري قريوش و مقروط وديري بنيون .وزيد راها انترنات معمرة بالحلويات بدون طهي ما تصيبي ماتخيري..ديري الفال في دارك ولبناتك ربي يحفدهم ليك و يخليك ليهم انشاء الله

[*ام بثينة*]

شكرا لكن جميعا
انتظرنني في موضوع منفصل نحط حلوياتي بعدما ندير حسابي على حساب الميزانية
ياك انا مشحاحة ههههههه

[ام عبد الله01]

ربي يقدرك و تشري كوشة و الاخوات ماقصروش في وضع الوصفات

[أم الحبايب 26]

عندك الحق كقولتي نطيب فجها واحدوخرا ميشريش كوشا ماكيش مشحاحا لوز راهو غالي بزاف
در ي حالوة ملفوف لداليلا تونسي ر اهي حاطوهالك لبنات لام ا ثا زيري ثاني شبا ب انا كل عيد ندير و
صحا عيدك مسبقا را بي يحفا ظلك بنياتك

[Bennatv]

ههههههههههههههههههههههه الصراحة رائعة

[أم الحبايب 26]

ام بتينة راني صاتلك نتع شر وق الامل في وصفا ت منقولى حاطت حلاويا ت بزاف مايطبوش رابي يقادرك مناعرافش نحط روابط

[ناني29]

الصراحة عندك الحق القاطو تاع اللوز غالي حتى البنة يجيني الكاكاو اطيب منو
و لهذا هذا موقع هذا وين شفتو او عجبني او رايحة نجربو و ان شاء الله يكون بنين "قاطو مايطبش"
http://www.djelfa.info/vb/showthread.php?t=1633329

[bibadz12]

شكرا لكن جميعا
انتظرنني في موضوع منفصل نحط حلوياتي بعدما ندير حسابي على حساب الميزانية
ياك انا مشحاحة ههههههه

حتى انا ان شاء الله نعمل موضوع بحلوياتي
مشي مشحاحة تعرفي تتصرفي انا نسميها:19:

[فلةفلة]

قاطو فالكسكاس

المقادير
بيضة واحدة
فنجان سكر +مغرفة كبيرة اي فنجان و نصف على خاطر لاحظت الاخوات اللي جربوه قالو جانا شوي مر واللي متحبوش حلو تحط فنجان برك
فنجان حليب سائل
2 فنجان فرينة
2مغارف كبار كاكاو
4 مغارف زيت
1 خميرة
فاني

خلطي كلشي مع بعض بالفوي او بالباتور و حطيهم في قوالب مدهونة بالزيت و حطي في الكسكاس غطيهم بمنديل ثم حطي غطاء الكسكاس و احسبي 15 د بالضبط و افتحي
ممكن تحطو في اي نوع من الاقوالب عندكم في البيت

قوالب سيليكون

او كيسان زجاج العاديين
او كيسان جوتابل

و يخرجلك هايل

[*ام بثينة*]

قاطو فالكسكاس

المقادير
بيضة واحدة
فنجان سكر +مغرفة كبيرة اي فنجان و نصف على خاطر لاحظت الاخوات اللي جربوه قالو جانا شوي مر واللي متحبوش حلو تحط فنجان برك
فنجان حليب سائل
2 فنجان فرينة
2مغارف كبار كاكاو
4 مغارف زيت
1 خميرة
فاني

خلطي كلشي مع بعض بالفوي او بالباتور و حطيهم في قوالب مدهونة بالزيت و حطي في الكسكاس غطيهم بمنديل ثم حطي غطاء الكسكاس و احسبي 15 د بالضبط و افتحي
ممكن تحطو في اي نوع من الاقوالب عندكم في البيت

قوالب سيليكون

او كيسان زجاج العاديين
او كيسان جوتابل

و يخرجلك هايل


اول مرة نسمع بقاطو بطيب على البخار تمنيت لو عندك صور حبيت نشوف شكلو

نسقسيك اختي تقدري تزينيه راني نتخيل فيه شكل مادلان

[*ام بثينة*]

عندك الحق كقولتي نطيب فجها واحدوخرا ميشريش كوشا ماكيش مشحاحا لوز راهو غالي بزاف
در ي حالوة ملفوف لداليلا تونسي ر اهي حاطوهالك لبنات لام ا ثا زيري ثاني شبا ب انا كل عيد ندير و
صحا عيدك مسبقا را بي يحفا ظلك بنياتك
يعتيك الصحة اختي بصح قالولي هذاك القاطو تع ام ثازيري ميقطعش بزاف يعني مشي زاكي

[*توبــــة*]

اختي قاطو المكسكاس راه ناجح باذن الله

كامل جربوه

ضرك ويلا لقيت الموضوع نحطهولك ان شاء الله

لوكان جيتي جارتي والله منبخلك نخدملك ولا ارواحي واخدمي معايا

[*توبــــة*]

هاو ليك الرابط حبيبتي ومعه الصور
http://www.djelfa.info/vb/showthread.php?t=1518889
اقراي المواضيع هذو مليح ان شاء الله تنجحي في تحضيرو
انا مجربتوش مي كان في بالي
نتي ديريه وزينيه نظن يخرجلك كيما المادلان
http://www.djelfa.info/vb/showthread.php?t=1769646
http://www.djelfa.info/vb/showthread.php?t=1615378

[*توبــــة*]

حبيبتي نسيت نقولك تقدري اديري المبرجة في بلاصة المقروط
قطعيها حبات صغار

هاي ليك المبرجة تاعي انا
http://www.up.djelfa.info/uploads/143654647961741.jpg

ان شاء الله افدتك حبيبتي ولو بالقليل
وصح عيدكم وربي يغفرلنا ويثبتنا على دينو

[*توبــــة*]

ويييييييييييينك اختي

قوليلي وش درتي قاطو؟؟؟

[FATIMANOOR]

كاين هاداك القاطو لي شكلو قرقاعة و لوزة يطيب فوق الكانون و تعمريه و تلصقي بصح ما عنديش الوصفة ولا نقول سي سيد خليه بلا قاطو باه يحس و يشريلك فور هههههههههههههه

[sandie belle]

ربي يكون في عونك اختي ديري كيما قلتي برك قريوش و مقروط الزيت و نوع فاطو بلا طياب بزايد
واذا حبيتي كاين هاذ القاطو بلا طياب ممكن يعجبك: http://www.djelfa.info/vb/showthread.php?t=1834630 او هذا: http://www.djelfa.info/vb/showthread.php?t=1633329
و لعقوبة تشري فور جديد ان شاء الله ههههههه

[أم عمار السطايفية]

ديري حلوة البنيون محشية بجوز الهند و النيسلي راهي ساهلة وما طيبش

[عطور المعاني]

سلااااااااااااااام اختي ههههههههههه مالا رانا نفس لحالة حنا تاني فسدتلنا لكوشة ومنجمناش نخدموها مع الوضع اللي رانا فيه فل لبلاد مادرنا والوا واش نقلكم بصحتكم وصح عيدكم مسبقا لعقوبة للعام االاي ان شالله يكون خرير من هدا ياااااااااااااارب

[*توبــــة*]

سلام اختي
صح عيدكم ينعاد عليكم بخير وعافية ان شاء الله

منقدرش نراسلك حنونة

طمنيني على الطفل ان شاء الله راه بخير

[alg bladi]

صح عيدك وكل عام وانت بخير