قوارب السلق والجبن

[إلهام07]

البسملة1


قوارب السلق بالجبن

http://st.depositphotos.com/1001911/1380/v/950/depositphotos_13808226-Emoticon-eating-pizza.jpg
حبيباتي هذي الوصفة خفيفة ولذيذة ومناسبة جدا لشهر رمضان كمرافق للشوربة او الحساء على سبيل التنويع .
بصراحة حطيت الوصفة من قبل في الفاااايس بوك وماتصورتش تلقى هذا الشعبية والإعجاب لذا حبيت نشارككم بيها لأنو دائما نحب نشارككم الوصفات اللذيذة والمضمونة .
http://frimousse67.f.r.pic.centerblog.net/a5191a34.png



1- نبدى بتحضير العجينة : نضع في صحن عميق كاس واحد فرينة ( الفرينة غربلوها قبل الاستعمال دائما) + علبة ياوورت طبيعي ( خرجو العلبة من الثلاجة مسبقا باش الياوورت يدفى ) + بنفس العلبة نتاع الياوورت نكيل بيها 1 علبة حليب دافيئ واللي ماعندهاش تضيف ماء دافيء لكن يفضل حليب + 1 م ك سكر + قرصة خميرة كيميائية + 1 ملعقة كبيرة خميرة الخبز فقط لاغير ونحرك بالمضرب اليدوي لنحصل على عجينة سائلة مثل الصورة….. نغطي الصحن ونخليه في مكان دافيء حتى تشوفو العجينة تخمرت وتضاعف حجمها مليح لازم تخليوها تخمر مليح حتان يتعمر الصحن لهذا قلتلكم استعملو صحن عميق هذي هي الخمرة نتاع العجينة وسر النجاح لازم العجينة تخمر مليح

2- في هذا الوقت نروح نحضر الحشو :في مقلاة وعلى نار متوسطة نحط 2 ملاعق كبار معمرين مليح زبدة ونضيف السلق المقطع أخضر ( مانفوروش كي نقليه يجي ألذ ) ونبقى نحرك فيه كل شوية رايح يطلق الماء نتاعو ويذبل وينقص في الحجم نضيفلو شوية ملح وثوم ونبقى نقلي حتى ينشف

في نفس الوقت وفي مقلاة أخرى نقلي البصلة المقطعة في 2 مغارف زيت ونذبلوها مليح بدون ملح..كي تذبل مليح وتلقاوها بدات تتحمر نضيف اللحم المفروم والثوم ونحرك حتان يتحول لون اللحم المفروم من الأحمر إلى البني نضيف الملح والتوابل ( فلفل اسود وكمون وفلفل احمر وثوم بودرة نكثر شوية توابل لانها توابل للحم ولخليط السلق معا ) نقلي شوية ونطفي .

لما ينشف السلق من الماء نضيفلو خليط اللحم والبصل ونخلط ونذوق الملح إذا ناقص نزيد شوية ومانكثرش الملح لأنو رايحين نزيدو من بعد الجبن.

3- الآن نرجع للعجينة نلقاها خمرت نضيف الكاس نتاع الفرينة الثاني والملح والاعشاب العطرية مرحية ونلم العجينة بالملعقة ثم نكمل بيدي نعجنها مليح في الصحن لأنها تلصق في اليدين .

الآن نضيف ملعقتي زيت الزيتون كل مرة نضيف بالوحدة نعجن ونضيف الثانية ونعجن ونخليها في الصحن تريح شوية ( 10د ) باش كي نجي نشكلها ماتعبنيش .

4- الآن نرجع للعجينة نلقاها تنفخت ..…نرش سطح العمل بشوية فرينة نحط العجينة وباستعمال قطاعة العجين نقسمها إلى 10 كريات متساوية.

5- نأتي الآن لتشكيل القوارب : نرش فرينة لأنو العجينة تلصق و نأخذ قطعة عجين ونطرحها على شكل بيضوي ونحط الجبن على الحواف ونلف عليه العجين ونغلق مليح ونزيد نصف لفة باش مايخرجش الجبن ونغلق الحافتين مليح باش تاخذ شكل القارب ونحطها في صينية مدهونة بالزبدة والاحسن نستعمل صينية البيتزا للطهي.

6- نوزع كمية من الحشو في وسط كل قارب ونزيد نوزع قطع جبن صغار ( أنا استعملت كامومبار + جبن طري للطلي ).

7- نسخن الفرن على 180° وندخل القوارب للفرن في الرف الوسطاني حتى تتحمر من تحت ( تحتاج فقط حوالي 10د )

8- كي تتحمر من تحت نزل الصينية للرف السفلي ونشعل من فوق باش تتحمر ايضا ماطولش ونخرجها مباشرة نحيها من الصينية .

9- نحطها في صحن التقديم ونزينها بالجبن المبشور ونرش القليل من البقدونس لإعطاءها لونا جميلا.


أترككم مع الصور ..... صدقوني مش رايحين تندمو كي جربوها :https://encrypted-tbn2.gstatic.com/images?q=tbn:ANd9GcQ3v3tG3_bMfWzF6amXO3GzgJfVkW-ujUFkHL7o0fLznW5pnQHI :

http://im74.gulfup.com/8je3HV.jpg
http://im74.gulfup.com/3RZtJl.jpg
http://im74.gulfup.com/tA34We.jpg
http://im74.gulfup.com/OuvTZd.jpg
http://im43.gulfup.com/zXv2uw.jpg
http://im74.gulfup.com/6mdutk.jpg
http://im74.gulfup.com/3pXpK6.jpg
http://im74.gulfup.com/F5cjEY.jpg
http://im74.gulfup.com/DfJDij.jpg
http://im74.gulfup.com/WCiF9n.jpg
http://im74.gulfup.com/CRlCJJ.jpg
http://im45.gulfup.com/tDPD3p.jpg
http://im45.gulfup.com/wVRmrA.jpg
http://im45.gulfup.com/q8EEte.jpg
http://im45.gulfup.com/cPnVi9.jpg
http://im45.gulfup.com/pVYLUd.jpg
http://im45.gulfup.com/B5gub8.jpg


* ملاحظة : ممكن طبعا تدهنو الحواف بالبيض وترشوه جلجلان لكن انا حبيت نحافظ على ريحة زيت الزيتون والاعشاب في الوصفة
* زيت الزيتون ضروري جدا جدا هنا في الوصفة وريحتو غير مزعجة تماما .
* فكرة الثوم بودرة في العجينة شفتها عند ام سهام وعجبتني سرقتهالها هههههههههههههههه
* الخليط ممكن ضيفولو ايضا شوية كرام فراش لكن عموما كيما راهو يبان ماهوش ناشف .



تحياتي .............. لهومة اللهلوبة http://frimousse67.f.r.pic.centerblog.net/f5a73e89.png

["أم بلقيس"]

لى الشرف نكون من اول القرعجين
يعطيك الصحة
كي العادة متالقة و مميزة
كور و ديكور
انشاء الله نجربهم و نردلك بالخبر
صحى فطورك

[أم فاطيمة]

امممممممممممممممم لهلوبة يعطيك الصحة يا ام المعجنات هههه

[*رفيقة الدرب*]

يا سلام تبان هايلة
شهيتيني يعطيك ألف صحة و صح فطورك
ما تحرميناش من السرقة تاعك

[saja hamed]

اممممممممممممممممممم وامممممممم يعطيك الصحة وهذي ماهيش حاجة جديدة عليك لانك فنانة بمعني الكلمة

[روضة 88]

تسلم ايدك يا الهام

[fadila34]

ربي سحفظك ويخليك ويخليك دائما متالقة كل حاجة من يديك ررررررررررررروعة طبقت عجينت بريزى تاع الزيت وبطاطا شورما وشحال من حاجة وخرجو 44444444444 والله غير توحشناك ما دزدياش طولي علينا لاشتا ادخلي واخرجي ممممممموح عليك

[وردة سطيف]

هايلة هايلة هاية
غدوة ان شاء الله نجربها ونحطلك تطبيقي
يعطيك الصحة

[فرح العمر]

دائما متميزة سواء في الوصفات او في طريقة الطرح ربي يبارك فيك

[ارزاق]

يعطيك الصحة الهام الوصفة راح تعجب اولادي لانهم يموتو علي السلق والعجينة تبان رووووعة نقدر ندير بيها خبز الهمبرغر ؟

[ام سهام 02]

ماشاء الله عليك الهام وصفاتك راقية وبريزونتابل تحمر الوجه ربي يفرحك و يعطيك على حساب نيتك الطيبة حبيبتي

[أم ماجد]

الله الله عليك يا لهلوبة
ربي يفرحك ويبعد عليك عيون الحساد

[أم أيوب 11]

الله يعطيك الصحة العجينة راهي تبان خفيفة دمت متألقة

[إلهام07]

مشكورات حبيباتي على المرور أكيد مانغيبش راني ديما نطل عليكم نقرعج هههههههههههههه



يعطيك الصحة الهام الوصفة راح تعجب اولادي لانهم يموتو علي السلق والعجينة تبان رووووعة نقدر ندير بيها خبز الهمبرغر ؟
أختي ارزاق هذي العجينة تصلح كلش بيتزا معجنات بانواعها وندير بيها ثاني الافخاذ الكاذبة جي هايلة
فقط الهامبرغر كيما على بالك صغري الكريات قد ماقدرتي وكي تحطيهم في الصينية ماتخليهمش شكل كرة هبطيهم كلي تقرصي فيهم من بعد كي يخمرو يبومبيو مايجيوش معجنين وزيد خمريهم مليح قبل مادخليهم للفرن

[ام هاديل وياسين]

يعطيك الصحة اختي هايييلة

[دائمة الشكر]

يعطيك الصحة اختي الهام مبدعة فعلا لكي جزيل الشكر
انّا عن نفسي وبدون مجاملة جربتلك عدة وصفات وكلها خرجت روعة ناجحة بكل المقاييس
للعلم المتوحمة عجبها الطبق وقاتلي بارك الله فيها على الوصفة والله على مااقول شهيد

[دائمة الشكر]

الهام نقدر نعرف الأعشاب العطرية اللي تستعمليهم واشنوهم ولكي جزيل الشكر

[أم توبة]

شكرا على الوصفة اختي.ربي يعطيك ما تتمناي.حبيت نسقسيك اذا نقدر نعوض الياوورت بالحليب العادي او اللبن. ولا لازم لحليب الرايب.وصح فطورك

[بحيرة اللؤلؤ]

** بـــــــــــارك الله فيك **

[زهرة الريف*]

بارك الله فيك الهام الحقيقة وصفاتك نديرهم وعينيا مغمضين جربت وشحال من وصفة وأكل جاوني هايلين
تستاهلي كل الخير وربي يعطيك ويرضيك وراني كل مانجرب وصفة من تاوعك ندعيلك بالخير دنيا وآخر ة

[حياتي نبع امل]

يعطيك الصحة جارى التجريب ،

[*سماح 94*]

رااااااااااااااااااائع راااااااائع الهام انت مبدعة

[oum souhaib]

يعطيكك الصحة اختى ربي يفرحك

[امال الاسلام]

رااااائعة يمي تسلم يدك اختي الهام
عجبتني ياسر ...حابة نسقسيك اختي حنا مانكلوش السلق تقدري تقوليلي بواش قادرة نعوضو من فضلك ومشكوووووورة

[faryal zahira]

يعطيك الصحة
متالقة و مميزة

[ام سمسومة 89]

الله الله عليك يا الفحلة ربي يحفظك ويخليلك صحتك وماتزيديش تغيبي علينا رانا نتوحشوك بزااااااف وماتحرميناش من أطباقك الرائعة .....والله فنانة بمعنى الكلمة .. ...ان شاء الله يحققلك وش في بالك يا أحلى لهلوبة..... جاري التطبيق بحول الله

[idron0]

جزاك الله خيرا

[بنت ابوها~]

شكرا لكي ان شاء الله تشوفي تطبيقي قريبا:19::19::19:

[sandibal]

44444444444444444444444444444444444444444444444444 444444

[بنت لبحر]

مممممممممممممممممممممممم يا مامي باينة تهبل
يعطيك الصحة يالحرة

[*فاتن*]

مشاء الله عليك .وصفافتك نقريبا كلها جربتها و نجحتلي من اول تجربة نحيتي علينا الغمة ربي يفرحك و يعطيك ما تتمناي و اختي تاني تعجبها وصفاتك و كل ما طيب حاجة و تجرج بنينة ولادها يقوللها هادي سور تاع الهام مممممم

[أم ياسين الزهراء]

هايلة يعطيك الصحة نموت على السلق والوصفة جات في وقتها ربي يهنيك ويخليك

[~أمة الله~]

السلام عليكم ورحمة الله وبركاته
ماشاء الله اللهم بارك، رااائعة جدا جدا أختي إلهام والله اشتقنا لوصفاتك الرائعة وشرحك الدقيق
ربي يعطيك ما تتمناي ويرزقك من حيث لا تحتسبين
وإن شاء الله جاري التجريب هذه الأيام

[إلهام07]

ربي يحفظكم اخواتي ان شاءالله نكون عندحسن ظنكن بي وصحة فطوركم




شكرا على الوصفة اختي.ربي يعطيك ما تتمناي.حبيت نسقسيك اذا نقدر نعوض الياوورت بالحليب العادي او اللبن. ولا لازم لحليب الرايب.وصح فطورك
من الاحسن ياووؤت طبيعي او لبن او حلب رايب لانو هدو فيهم خمائر تساعد على تخمار وطراوة العجينة



الهام نقدر نعرف الأعشاب العطرية اللي تستعمليهم واشنوهم ولكي جزيل الشكر
الاعشاب العطرية هي نعناع مجفف زعتر مجفف زعيترة مجففة وثوم بودرة



رااااائعة يمي تسلم يدك اختي الهام
عجبتني ياسر ...حابة نسقسيك اختي حنا مانكلوش السلق تقدري تقوليلي بواش قادرة نعوضو من فضلك ومشكوووووورة
تقدري تغيري بواش حبيتي لحم مفروم او دجاجاو واش حبيتي لكن انا نقولك السلق في هدي الوصفة بنين ماشي صامط كي عوايدو

[ام نوردين]

روووووووعة لهومة ربي يجازيك كل خير يعنى كل وصفاتك ماشاء الله رانى ندير فيهم بعينيا مغمظين شكرااااااااااااااااااااااااااا

[أم محمد تاج]

جيييت وجايبة البشماااق لحمر اخخخخخخصصصصص اخخخخخصصصص رحتي لجماعة السيبوووووووووك وخليتينا اخخخخخخصصصصصصصص بصح اذا فيها سرقات روحي راكي مسامحة ههههههه
والقوارب ممممم الله يعطيك الصحة

[oum islem]

جزاك الله خيرا الهام
ربي يسعدك ويهنيك اختي:mh92:

[nora cha]

هايلة يعطيك الصحة .راني من المعجبات بوصفاتك وطبقت الكثير منهم شكراااااا

[آسيا 27]

مممممممممممممممممممممممممممممممممممممممممممممممممم ممممممممممممممممممممممممممم :19: :19: :19: :19:

[ام خالد اسلام]

شكرا حنونة في ميزان حسناتك كل شئ من يديك فن ربي يرزقك الزوج الصالح امين يارب العالمين

[fleur de lili]

saha ramdanek ilhem lik wihcha madzidiche tribi rana nhabouk
ya3tik saha rabi yassarlek oumourk amine

[hidayasoun]

امممممممممممممم تهبل يا لهومة ربي يخليك

[oum anouar]

روعة ماشاء الله ربي يجزيك قد قلبك الطيب ومطوليش علينا الغيبة ربي يحفظك

["زائرة"]

يعطيك الصحة

[ام فريال]

فعلا روعة ربي يحفضك

[minaflower]

ماشاء الله عليك حبيبتي الهام ربي يحفظك
وصفاتك كلها تووب:19::19:
باذن الله نجربها ميرسي:mh31::mh31:

[arab44.com]

خلية النحل-كرات الشوكولاته-النوقه-معمول العجوه التمر-****ز ابيض واسود-بريوات باللوز-كيكة الشوكولاتة

[arab44.com]

موضوع جميل

[arab44.com]

موضوع جميل

[tong2]

روعة الله يعطيك الصحة حبيبة

[حياتي نبع امل]

يعطيك الصحة الهام جاونى خفاف وبنان

http://www.djelfa.info/vb/attachment.php?attachmentid=106055&stc=1&d=1436196502

[دمعة جراح]

الهام اديني قد عقلي وقليلي واش هي الاعشاي العطرية اختك مزلها جديدة في تلباز
الهام حقا تعيشي قللي لاغوسات تاع صابلي تاع قارص الله يسترك نويا نديروا في العيد اذا كتب ربي

[حياتي نبع امل]

الهام اديني قد عقلي وقليلي واش هي الاعشاي العطرية اختك مزلها جديدة في تلباز
الهام حقا تعيشي قللي لاغوسات تاع صابلي تاع قارص الله يسترك نويا نديروا في العيد اذا كتب ربي

اسمحيلي نجاوبك ف بلاصتها ،زعيترة ،زعتر ،نعناع مجفف ومرحى ،وانت وااش تحبي كاين بزاف اعشاب كاين اكليل الجبل الخ

[أم هنيدة]

الله يجزيك خير ويفتح عليك

الهام من فضلك اذا ممكن تبعثيلي على الخاص اسم الجروب في الفايسبوك لي حطيتي فيه الوصفة على الاقل اذا ما لقيناكش هنا نلقاوك هناك

[hiba103]

والله يا الهام كل ما ندخل المنتدى ادخل الى ملفك وابحث عن الجديد .وصفاتك كلها روعة .جربت غراتان البطاطا ..بطاطا كوشة ...بطاطا بلكرام فراش ...واليوم جربت بطاطا شوارما وكلهاناجحة . للاسف لااعرف ادراج الصور .بارك الله فيك وجعل تعبك هدا في ميزان حسناتك .من فضلك الهام كل ما تطبقي وصفة ادرجيها في دفترك حتى يسهل علينا تحميلها .

[rahma23]

سلام .......امممممممممممممم:19:

[om kamilia]

يعطييييييك ماتتمناي الهام وصفاتك رائعة
هامليك القوارب عجبو زوجي و كذلك الافخاذ جو خفاف قرمشين قالي هايلين قلت لو الفضل للحرة و لحراير ودرت عهم مني بيتزا


http://cdn.top4top.net/i_3a2e3409e81.jpg

http://cdn.top4top.net/i_3a2e3409e82.jpg


http://cdn.top4top.net/i_3a2e3409e83.jpg

برك حبيبتي نمدلك astuce اكيد تعرفيها , غير تخرجي القوارب ولآ بيتزا محشوة في الاطرااف و لآ ايضا خبز , ندهنوه بزيت الزيتون باه يطرى وتلمع بصح ولآ حبييتيها تتقرمش خليها

[Amani Madridista]

يعطيك الصحة اختي الهام
مع اني ما نشتيش السلق لكن يبانو هااااايلين
ان شاء الله نجربهم و ينجحوليييي

[ام ساجد]

امممممم تشهي يعطيك الصحة

[~تَسْنيمْ~]

اممممممممممممممممممممممممممم هايليين

[ام اليمان]

فكرة هايلة باذن الله نجربها

[غزة غزة]

الله يبارك كي العادة فالقمة

[نهلة25]

يعطيك الصحة اختي

[هند11]

امممممم تهبل اختي الهام لوسمحتي اعطيني صور تاع الاعشاب العطرية وين نلقاهم زيدي اعطيني اطباقك الجديدة راهم روعة خاصة روطي تاع امك و طاجين الشواءكل مرة اعطينا وحدة

[#نُورْ أَمِيرَةَ الأَخْلاَقْ#]

44444444444
ديما تخرجي خرجات فووور
هههه بصحتها عجوزتك

[oumfares]

شكرا على الوصفة وانشاء الله نجربها

[أم محمد وسيم]

متميزة ورائعة

[messaoudiKanza]

ya3tik saha khti ilhem hayline

[zineb hadjira]

ychahiiiiii ya3tik sa7a

[ام سوهيل]

انشاء الله نجربهم و نردلك بالخبر

[عبورة عبورة]

جميييل يشبه البرك التركي يعطيك الصحة

[nadiatlemcenia]

ممممممممم يشهيو الله يبارك فيك وفي عمرك على عطاءك الدائم
دمت متالقة

[أثيلة]

واو ووووعة و شهية

[ام يوسف وسيم]

اممممممممممممممم يعطيك. الصحة

[ندى09]

يعطيك الصحة لهلوبة ان شاء الله في ميزان حسناتك ربي يعطيك واش تتمناي ويجعل مجهودك في ميزان حسناتك وجزاك الله خيرا على هذا الموضوع

[آسيا 25]

:19: ديما تخلعينا بوصفات أكثر من رائعة يا إلهام أنا بدوري درك نسرقلك من الوصفات تاوعك لأنو عارضة مرت سلفي:cool: و عجوزتي :oييجيو يتعشاو عندي أو راكي تعرفي لاااازم نتفنن أو نعاود و يا ربي نسلك معا تشراك فمهم:mh5858:ربي يخليك يا لهومة

[ملاك ملاكي]

يعطيك الصحة اختي الهام.......دائنا نتميزة باطباقك ماشاء الله
بارك الله فيك.

[lamia zina]

اين ابصور يا ريت تعاودي تحملي الصور

[إلهام07]

مشكورات غالياتي على المرور :mh31::mh31::mh31::mh31::mh31: مشاركاتكن أسعدتني :)
الاخوات اللي جربو الوصفة بالصحة والهناء على قلوبكم ومشكورات على الثقة في وصفاتي :mh31:

الاخت اللي سألتني على الاعشاب العطرية اللي استعملتها هنا في الوصفة هي : زعيترة و شوية فقط زعتر و ثوم بودرة وممكن كي تحبي شوية نعناع مجفف طبعا كلشي مرحي

الاطباق الجديدة موجودة اختي هند كنت ماعنديش ميكرو وتحلت الازمة غير البارح وإن شاء الله نحطلكم الجديد فقط عندي مشاغل مع التدريس وإن شاء الله نتفرغ ونرجعلكم بقوة :mh31:

تحياتي للجميع :)

امممممم تهبل اختي الهام لوسمحتي اعطيني صور تاع الاعشاب العطرية وين نلقاهم زيدي اعطيني اطباقك الجديدة راهم روعة خاصة روطي تاع امك و طاجين الشواءكل مرة اعطينا وحدة

يعطيك الصحة الهام جاونى خفاف وبنان

http://www.djelfa.info/vb/attachment.php?attachmentid=106055&stc=1&d=1436196502

الهام اديني قد عقلي وقليلي واش هي الاعشاي العطرية اختك مزلها جديدة في تلباز
الهام حقا تعيشي قللي لاغوسات تاع صابلي تاع قارص الله يسترك نويا نديروا في العيد اذا كتب ربي

والله يا الهام كل ما ندخل المنتدى ادخل الى ملفك وابحث عن الجديد .وصفاتك كلها روعة .جربت غراتان البطاطا ..بطاطا كوشة ...بطاطا بلكرام فراش ...واليوم جربت بطاطا شوارما وكلهاناجحة . للاسف لااعرف ادراج الصور .بارك الله فيك وجعل تعبك هدا في ميزان حسناتك .من فضلك الهام كل ما تطبقي وصفة ادرجيها في دفترك حتى يسهل علينا تحميلها .

يعطييييييك ماتتمناي الهام وصفاتك رائعة
هامليك القوارب عجبو زوجي و كذلك الافخاذ جو خفاف قرمشين قالي هايلين قلت لو الفضل للحرة و لحراير ودرت عهم مني بيتزا


http://cdn.top4top.net/i_3a2e3409e81.jpg

http://cdn.top4top.net/i_3a2e3409e82.jpg


http://cdn.top4top.net/i_3a2e3409e83.jpg

برك حبيبتي نمدلك astuce اكيد تعرفيها , غير تخرجي القوارب ولآ بيتزا محشوة في الاطرااف و لآ ايضا خبز , ندهنوه بزيت الزيتون باه يطرى وتلمع بصح ولآ حبييتيها تتقرمش خليها

يعطيك الصحة اختي الهام
مع اني ما نشتيش السلق لكن يبانو هااااايلين
ان شاء الله نجربهم و ينجحوليييي
السلق هنا راهو طعمو مختلف ويعجب الجميع بحول الله :19:

[khelil amina]

frahte ki lkite ismak unchallah t3oudi ya chef wn t3almou manak

[فاتي 05]

تسلم الأيادي حبيبتي يعطيك الف صحة و عافية 444444444444444444444444

[imene180]

يعطيك الصحة

[fatisousou]

شكرا لك ربي جازيك انشاء الله

[إلهام07]

مشكورات اخواتي على المرور
تحياتي وصحة فطوركم

[شمس الملوك]

يعطيك الصحة وكل مااستطيع قوله جزاك الله كل خيرا وابعد عنك كل شر.

[المهاجرة 50]

يعطيك الصحة جزاك الله خيرا

[جنون فوشي]

روعه بس بنكسب وزن موو

[hanamohamed]

دائما متالقة بالتوفيق ان شاء الله

[ام مريم 2015]

44444444444444

[zohori]

مبدعة كي عوايدك

[maloo]

الف شكر على مشاركتنا لهذه الوصفة الرائعة الله يبارك فحلة
ممكن تقوليلي اسمك في الفيس بوك حتى نتابعك فيه ودمت

[mamande3s]

يا ريت تعاودي تحملي الصور

[manoulamarina]

يعطيك الصصحة

[Mouna Amrani]

mmmmmmmmmmmmmmmmmm ;)

[*رحيق الجوري*]

بارك الله فيك ربي يرزقك كل خير

[فاطمة 2018]

شكرا جاري التطبيق

[hassi1997]

كالعاااادة متألقة