رحلة إلى تركيا [الأرشيف] - منتديات الجلفة لكل الجزائريين و العرب

mrmilano1984

2015-07-02, 18:03

اختي تحبي نعطك نصيحة غالية وباش تتهناو خصوصا انكم اول مرة تسافرو تحبي نبعثكم لوكالة سياحية معتمدة اقريي 100/100 وثقة كليا اختي والله حاب فقط نوجهك لناس ملاح وثقة صدقني كاينين وكالات سياحية نعم سياحية وعندهم حتي مكاتب تاعهم تقولي خلاص مضمون مايسرقوكمش مي نعرف وحدة نصبت مؤخرا علي 10 زبائن في ضواحي غرب العاصمة تصوري لمو دراهم تاع الزبائن و بعدما خلصوهم حق الفندق + تداكر الطيران دهاب وعودة وايضا تكاليف التاشيرة خلصوهم وطبعا دارو زعما نسخ علي جوازاتهم يعني كي تشوفيهم كما حكالي واحد نعرفو علي هادي الضربة تقولي موحال وكالة تنصب وتدي اموال الناس وعائلات هيا السيد كان عندو محل وحاط بلاكة وكل شيء بصح بان كان يخدم اونوار وكان كاري اونوار بدون عقد ولاشيء كان متفاهم مع لي كرالو اخر الشهر يروح وطبعا لي يكري خاطيه ماعلابلوش بالضربة ايا طم الدراهم وحسب ثمن الرحلة الواحدة 110000دج بالتقريب احسلبي نصب علي 10واحد 110مليون سنتيم داهم نهار كي جاو باش يستعدو للرحلة لول لقاوه راح قالولهم راح للخارج لاسبانيا وهو موالف يدرها في جهات اخري