مساعدة في انواع الجبن

[BJR]

مرحباااااااااااااااا بنات كيف حالكم

تعيشو بنات انا مانعرفش نفرق بين انواع الجبن وكل واحدة لواش تصلح
لقيت هنا في المنتدى كل واحدة تستعمل جبن معين شيدار موزاريلا قرويار تعيشو قولولي لواش تصلح كل نوع واذا ممكن صور لكل نوع وشكون النوع اللي يجي صلب ولا لين وهكذا شرح شامل اذا ممكن ربي يجازيكم خير

وصح فطوركم حبيباتي

[BJR]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[kifok]

حتى اناكيفك مانعرفش ونحتاجهم بزاف

[إلهام07]

شوفي حبيبتي :

الاجبان هذو كامل يذوبو في السخانة لهذا نستعملوهم في المعجنات ومن فوق البيتزا وفوق القراتان لانهم يذوبو :
شيدار ، قرييار ، جبن احمر ، موزاريلا
الشيدار والقرييار هوما الاكثر استعمالا والقرييار في الطعم خير من الشيدار
الجبن الاحمر يذوب وطعمو شوية بحماضة وريحتو باينة بصح يبانلي مايذوبش مليح كيما الزوج الاولين لكن طعمو مميز
الموزاريلا تستعمل الكثرة في المعجنات وبالخصوص البيتزا انا يجيني طعمها عادي جدا بصح كي تذوب تعمل خيوط يجي شكلها باهي فوق البيتزا

نجيو للجبن الابيض العادي أعتقد راكي تعرفي لواش يستعمل

الجبن الطري نستعملوه اكثر حاجة في التحليات والتشيزكايك لكن ممكن ايضا نستعملوه في المعجنات والقراتان والحساء.

الكامومبار انا نحبو بزاف ونضيفو دائما في القراتان والبيشاميل والمعجنات والبيتزا لانه يذوب بسرعة ويعطي نكهة مميزة طبعا نضيف قطع صغار فقط لانه مالح ونفضل دائما ماركة tifralait لانه طعمه غير لاذع على عكس الماركات الاخرين


اتمنى تكون الاجابة وافية


صحة فطوركم

[*سماح 94*]

اختي الاجبان بحررر واااسع انا الصراحة كل مرة نكتشف نوع جديد
الاجبان الاكثر استعمالا عندنا هي الشيدار و القرويار الكومومبار و الجبن الطري العادي و مودزاريلا و الجبن الاحمر (fromage rouge)
الجبن الاحمر هو لي تلقاي فيه من تحت طبقة قشرة حمراء يستعمل في البيتزا او حشو المعجنات و طعمو مميز و بنييين
جبن مودزاريلا هو جبن لونو ابييييض يجي على شكل دائرة او كرة هههه هذا يتعمل في البيتزا باه تجي تتعالك و فيها خطوط تاع الجبن السايح
جبن قرويار طعمو بنيييين و يستعمل في البيتزا بصح كي يذوب يبقى حاكم روحو شوي
الكومومبار طعمو خاااص يجي فيه ريحة قاااوية كاين ناس بزاف ما يحبوهاش تشبه نوعا ما العفن لكن عفن طبيعي و رااائع انا نموت عليه ههههههه
الشيدار المتوفر في الاسواق سعرو رخيص لكم ماكان ما كان مافيه حتى بنة الشيدار الاصلي رااائع لكن غالي
الجبن الابيض العا
دي هو لي كيا لافاش كيري او الاجبان العدية تاع الطلاء
الاجبان الطازجة تستعمل في تشيز كيك و لي موس
ان شاء الله نكون افدتك و ننصحك ادخلي قوقل و اكتبي كل واحد وحدو باه تشوفيه في الصورة احسن و تدي فكرة عليهم كي تلقايهم يتباعو ما تحيرلكش فيهم

[BJR]

شكرااااااااااااا الهام وسماح بارك الله فيكن