حلويات العيد بميزانيه 1500دج

[maloo]

مادا يمكن ان تصنعي حلويا ت العيد بميزانيه محدوده ب1500دج مع العلم ان الفرينه متوفرة وما تدخلش في الحساب
ارجو من كل واحدة عندها افكار جميله ان تشاركنا بها لوضع قائمة من عدة انواع ......وتعم الفائدة للجميع

وبارك الله فيكم .

[nina.anes]

اظن انك تقدري الديري صابلي كاين على عدة انواع مع مع شوية قريوش

[nesrinwarda]

السلام عليكم ورحمة الله وبركاته نظن أن ممكن تعملي gateaux secs فقط المبلغ مايكفيش.
ممكن تعملي طابع،صابلي،المعمول، مقروط

[سيرين 5]

ممكن تعملي كيما قاتلك الأخت nina.anes صابلي و قريوش و ممكن تزيدي غريبية تان ما تكلفش بزاف

[سيرين 5]

لازم تشري بلاطو بيض - علبة سمن - مارغرين و سكر قلاص - و لاليفور - و لافاني - علبة معجون - زيت (ممكن عندك) - عسل
بهاذ المكونات ممكن تعملي صابلي + غريبية + قريوش + طابع يعني حلويات تاع فرينة

ساومي المكونات شحال راهي دير و شوفي شحال من نوع تقدري ديري هكذا تعرفي الكمية لي لازم تشريها ؟؟؟

[salam6]

اختي انا في بلاصتك ندير شوية مقروط و بسبوسة و غريبية هاذو الزوج ما ياخذوش بزاف حوال و بالنسبة للعسل ديريه نتي في الدار غير 10 مغارف كبيرة سكر وشوية ماء باش ما تشريش من برى تاني شوية صابلي باشكال مختلفة و حاولي تزينيهم بطريقة مختلفة مثلا واحد زينيه بشوية كاوكاو ولاخر سكر قلاص و كي تشري شري كميات برك قليلة مثل الكاوكاو
المهم بعدي على القاطوات اللي لازمهم اللوز و البيستاش ووو
ولا حبيتي نكتب لك مقادير تاع الوصفات تاعي اللي ما يجوش غاليين المهم الواحد يدير الفال ماشي حتى يولي في أزمة القاطو راح يخلاص سواء درتي بزاف ولا شوية اختي
صح فطوركم

[31sirine]

حلوى سهلة جدا لشرب الشاي تاع الاخت fatiha 07 في قسم الحلويات
السلام عليكم هذه حلوى سهلة واقتصادية جدا لشرب الشاي او القهوة مجربة ولذيذة جربوها وردوا علي
\العبر بكاس الشاي\==كاس ماء+كاس زيت+ قرصة ملح توضع المقادير في قارورة وترج\تخلطين\ جيدا حتى يصير الخليط مثل الزبدة ابيضا تفرغين الخليط في اناء ثم تضيفين اليه الفرينة قليلا قليلا\\شوية شوية\\ حتى تتحصلين على عجينة طرية ولا تلتصق ثم تقومين بحلها بالوراق وبواسطة جرارة قريوش تقطعين الاشكال التي تفضلين ثم تقلينها في زيت ساحن على نار متوسطة ثم تعسلينها وترشين فوقها الجلجلان المحمص قليلا او اي مكسرات اخرى مدششة
بالصحة والعافية

[bellissimo18]

drahemmsalem okhti tekadri diri plat baklawa bel kawkaw w griwesh w gateaux tabe3 yakfik

[malek firdaouss]

شوفي اختي الصابلي تاعي زوج كيلات يخرجولك 75 حبة غير السبت لي فات درتو لعرس هنا

المقادير لكيلة وحدة

250 غرام زبدة
بيضة
100غرام سكر
باكي سكر فاني ميش لازم زدتو كي عاد عندي برك
شوي خميرة كيماوية نص مغرف صغيرة ولا قرصة برك

التحضير
تخلي زبدة تكون طرية مع سكر مليح وبعد تزيدي البيضة و بعد الخميرة والفرينة وتجملي متكونش يابسة بزاف و خليها تريح عشر دقايق و لا 15اذا عندك الوقت برا مش فلفريجيدار

و بعد حلي بالحلال و اطبعي و كي يطيب لصقيه

طيبيه في فور مشعول غير من التحت و سنية ديريها فالوسط تع لفور لمدة 15 علي حساب لفور تاعك

والله غير حلو فامهم فيه هايل هايل هايل و اقتصادي و بنين

ان شا الله نكون افدتك اختي

[ahen]

je pense diri baklawa kawkaw w la pata a filou wejdiha fe dar zidi sablé w griwech

[maloo]

شكرا جزيلا للاخواات على افكارهن الممتازه
اريد فقط ان اوضح انني ارفع تحدي حلويات العيد بمبلغ محدود ليس لانني لا اقدر على اكثر و الحقيقة انا اقدر لكن العكس هو التحدي
هل استطيع بهذا المبلغ ان اصنع حلويات تعجب عائلتي واولادي كما يمكن ان تكون مصدر الهام للكثيرين?

[سيرين 5]

شكرا جزيلا للاخواات على افكارهن الممتازه
اريد فقط ان اوضح انني ارفع تحدي حلويات العيد بمبلغ محدود ليس لانني لا اقدر على اكثر و الحقيقة انا اقدر لكن العكس هو التحدي
هل استطيع بهذا المبلغ ان اصنع حلويات تعجب عائلتي واولادي كما يمكن ان تكون مصدر الهام للكثيرين?



يا ريت تخبرينا إذا ربحتي في التحدي ؟؟؟ و قولينا واش درتي ؟؟؟

[سماح 88]

علاش 75 حبة قاطو للعيد مش كونتتي لعرس؟؟؟
اختي انا شريت بهدا المبلغ يعني 150 الف وطيبت 6 انواع من القاظو الي يحبو زوجي واولادي وبمقادير صفيرة مع حرارة الجو هده الايام
وهي سنيوه صغيرة بقلاوه والمشوك والصابلي والمقروظ و12 حبة بالظبط انتاع تشاراك وقاطو اخر فية حلوى الترك وملبس بالشوكولاطة
والحمد لله عجب عائلتي وايدت منو لاهلي واهل زوجى اتا منحبش انطيب بزاف في العبد بعتي يخلص القاطو قبل اسبوع من فوات العيد علاه انطيب كمية كبيرة ومن بعد نرميها وانا عائلتي صغيرة ولما يخلص نعاود انطيب بعض المقادير موجوده في البيت حسن التدبير يسلكك
وكل عام وانتم بالف خير

[أم عمار السطايفية]

استعملي العجينة السحرية وغيري بها لي مو دال انا درت بها شاراك مسك و حلوة التاج و لي كورني و مقروط الفرينة و النخيلات وحلوة النقاش غيري في الذوق فقط

[omsadja]

ماشاء الله كل عام وانتم بخير

[soûl Nina]

ديري صابلي بالقلاصاج و مقروظ و بقلاوة و غريبية

[soûl Nina]

صابلي زبدة ب65 نص كاس سكر زوج صفار بيض خميرة و فرينة مقروظ 2 كيلو غرس240 وسمن 320 ماءزهر 25 كيلو كاوكاو 320 زبدة 65 سكر قلاصي 200 هذا كامل ويبقالك باهتشري ليمول

[hadjer45]

عيد سعيد و كل عام و انتم بالف خير

[choroukguid]

تخدمي المقروظ وقاطو الصابلي والتشاراك وقريوش وممكن تنوعي ف الصابلي بزاف كاين تاع الشوكولا وكاين تاع المعجون