تحضير حليب نيسلي

[أميرة الفرح]

حبيت نسقسي لما نحضرو حليب نيسلي كراميلي في الكوكوت نقفل الكوكوت و ندير ااصفاة و لا لالا و شكرا

[أميرة الفرح]

اخوتي مكانش اللي تعرف ممكن تجاوبوني ؟

[الوهرانية الجديدة]

طريقة التحضير كاملة لام انس الله يطول في عمرها
.
طريقة صنع الحليب المركز
-كأس حليب بودرة
-1/2 كأس سكر عادي
-3/4 كأس ماء مغلي يعني سخون بزاف

خلطي الماء الساخن +السكر بالمضرب اليدوي حتى يختفي تماما ثم زيدي الحليب و خلطي جيدا . ضعيها في الثلاجة ترتاح ليلة كاملة وفي الغد توجديه قد أصبح الحليب المركز كأنه مشري ، استعمليه مباشرة فواش حبيتي( ملاحظة: انا حطيتو في المجمد لاختصار الوقت في ساعتين رجع ثقييييييل ) .
هنا هذا الحليب من بعد مابات ليلة في الثلاجة .... فرغتو في بلارة زجاجية تاع مايونيز مغطاها حديد .

هنا حطيتها في الكوكوطة شوفو الماء من الحنفية واصل وين راه صبعي و إذاخفتو تنشف زيدو شوية
سكرو على الكوكوطة مليح و ديرو الصفارة و شعلو النار و غير تبدأ تصفر نقصولها النار أو ديرو كيما أنا بدلتها للنار متوسطة و خلوها حوالي 35 دقيقة إلى ساعة
من بعد خرجت الكوكوطة تتنفس برا باش ماتصفارليش الكوزينة من البخار .
ثم كي خرج البخار نهائيا حليتها و لبست قفاز المطبخ و نحيت البلارة و حطيتها فوق صحن ولي تخاف على روحها تخليها تبرد في الكوكوطة براحتها حذاري حذاري حذاري راهي سخونة بزاف
خليها تبرد في غرضها و هي مسكرة .. أنا رحت قيلت و كي نضت لقيتها بردت .....أكرر حذاري تفتحيها وهي سخونة راهي إلهام مسكينة تحرقت كي فتحتها .
كي تبرد تماما أفتحيها رايحة تلقايها على شكل فلون متكتل .... فرغيه في صحن و خلطيه بالمضرب اليدوي حتى يولي ناعم و إستعمليه عادي كيما المشري .... فقط كي تحطيه في الثلاجة راح يتماسك أكثر

في الصورة الاألى على اليسار كي برد وفي الثانية كي دخلتو الثلاجة و برد ملييييييييح مممممم


شهية طيبة

[الوهرانية الجديدة]

سييتيهاأختي

[أميرة الفرح]

شكرااااااااااااااااااااااااا

[أم ياسين الزهراء]

اختي تعمري الكوكوط ماء وتقفلي عليها وديري الصفارة وتهليها طيب حوالي 45د ومنبعد طفي عليها وخليها تبرد وماتحليش البواطة حتى تبرد مليح ردي بالك قادر تتطرطق عليك لازم تبرد

[أميرة الفرح]

شكرا عمتي ام ياسين

[brahimi salah]

شكرا لكم على هذا المجهود

[الرجاء الاماني المجد]

صباح الخير اختي مامعنى 3على4 اعطني المقياس اي هل ربع كاس اومادا

[houda04]

شكرااااااا

[الوهرانية الجديدة]

صباح الخير اختي مامعنى 3على4 اعطني المقياس اي هل ربع كاس اومادا




file:///C:/Users/Wissam/Desktop/tgtgtgt.png

كوبي الرابط وشوفي الفوطو

[salamon kalou]

شكراااااااااااmerciiiiiiiiiiiiiiiiiiiiiiiiiiiiiiii iiiiiiiiiiiiii