نحن اصحاب الحقوق و العلوم القانوينة

[غليزاني 26 سنة]

السلام عليكم
نحن اصحاب الحقوق و العلوم القانونية لا توجد عندنا اي فرصة للتوظيف
المناصب المفتوحة في الادارات عادة لا تفوق 15 منصب و نجد عليه 30000 مترشح ولا توجد عندنا فرصة في التعليم حتى و لو في الابتدائي
انا من مواليد 1982 درست الحقوق من 2006
اليوم عندما قرات نتائج مسابقة التعليم وجدت العديد من البنات و ذكور من مواليد 1993 او 1992
هل نحن اصحاب الحقوق ننتحر
اللهم اني صائم

[رابح فاروق]

راني معاك اخي في كل ماتقول جماعة الحقوق محرومين من كلش حتى منصب قاضي عطاوه لجماعة البكالوريا وللاسف حتى في الادارة ماعدناش الحق اليوم اصبحت هادي الشهادة بلا اهمية ولا قيمة في التوظيف نقلك بمستوى ثانوي عندك الامل تخدم في الادارة بصح بالحقوق ماتحلمش تخدم للاسف هادا هو الواقع

[nounou-19]

وفوق كل هذا نحن اصحاب الحقوق كلاسيك
حتى الماستر محرومين منه وان وجد فالمناصب تعد على اصابع اليدين والرجلين

[منال 22]

حتى انا نجي ننتحر معاك نهار سمعت بلي حرمونا من مسابقة التعليم شبعت بكااااااااااااااء

[أمير دي زاد]

هذه هي الحقيقة المرة زميلي و المشكلة كي تجي تعقب مسابقة يطلبو الخبرة المهنية و اذا جبت الخبرة تلقا أصلا شكون خدم قبلك يعني امل ضعيف
و زيد نفرض انك تهبط المستوى و تشارك في مسابقة عون ادارة او عون ادارة رئيسي او ملحق نفس المشكلة و حتى و لو تشارك لمنصب عامل مهني من المستوى الأول لشغل وظيفة حارس يرفضوك بسبب ان لك ليسانس و بلاصتك متصرف ربي يفرج علينا نحن اصحاب شهادة ليسانس حقوق

[مراد15]

هذي هي بلادكم واش داك تقرا

[aymar00]

هذي هي بلادكم واش داك تقرا !!!!!! ; والله عندك الحق

[mouh82]

حقرونا حقرونا حقورنا

[جميلة13]

راكم تشوفو بعينيكم

[nihal159]

والله يا اخي طليتلي على قلبي ............ حتى انا عندي ليسانس في الحقوق نظام كلاسيك و اعمل بعقد نتاع لاداس شهر هذا يخلاصلي العقد .
الله غالب اخي هذي هي بلادنا

[samar14]

اصحاب الحقوق اول من تضيع حقوقهم هذه هي الجزائر

[abdoulee]

السلام عليكم شباب ربي يفرج عليكم

ورلكن اخوتي حبيت نقلكم بان الكلام لا يكفي اخواني

يجب وضع حد لهذه المهازل كانوا من السنة 6 يقولونا

ما تقراوش على الاقل لو كان راه عندنا مهنة شريفة

انا نشوف بلي نخلطوها و يا علينا يا عليهم (اللهم اني صائم )

[هاجر المدانية]

صح فطوركم با جماعة الخير . با جماعة إذا لقيتو فرصة اخرى باش تقراو اختصاص مليح غير ما تضيعوش الوقت مركو بالباك تاعكم واقراو فالجامعة والله عبر بزاف ناس نعرفهم داروها وانا وحدا منهم . حظ موفق

[amine eco]

تخصص حقوق صراحة مفيهش مستقبل لان عددهم كبير جدا

[akram 13]

بعد باسم الله الرحمن الرحيم

يجب الالحاح علي ان تكون المشاركة لذوي اصحاب الشهادة الادارية اي العلوم القانونية و الادارية حتي تكون مساواة في الشهادات لانهم حرموا من المشاركة في التعليم علي غرار جميع التخصصات شاركوا الا تخصص حقوق رغم اننا نعلم ان كانت لهم مكانت في التدريس سواءا اللغة او التربية المدنية التي اصبحت تدرس من اساتذة التاريخ و الجغرافيا الذين لا علاقة لهم بالقانون اصلا مع احتراماتنا لهم الا ان الدروس المتعلقة بالبلدية-الولاية-الدولة -الدستور -السلطات الادارية للدولة هي من اختصلص اصحاب هذا الاختصاص
ادن انا ادعوا الجميع من التكاثف لرد الاعتبار لانفسنا و ان نفتح صفحة فيسبوك للمشاورة و مواجهة من هم وراء هذا التهميش لان حب من حب و كره من كره نحن هم الاولي و الاهم في هدا الوطن و من له اي اعتراض فليتامل في من يحكم نشاطه و استقراره و حريته و ممتلكاته و حقوقه و واجباته بل حتي من ينضم اسرته ان لم يكن القانون فمن يا تري ههههه الرياضة و لها قانون و بها حكام

[سارة البوسعادية]

العام الجاي رح تفتح للعلوم السياسية والحقوق

[fatima17]

وكذالك الدراسات العليا في البيولوجيا غير مسموحة في الابتدائى لماذا؟

[رابح فاروق]

بعد باسم الله الرحمن الرحيم

يجب الالحاح علي ان تكون المشاركة لذوي اصحاب الشهادة الادارية اي العلوم القانونية و الادارية حتي تكون مساواة في الشهادات لانهم حرموا من المشاركة في التعليم علي غرار جميع التخصصات شاركوا الا تخصص حقوق رغم اننا نعلم ان كانت لهم مكانت في التدريس سواءا اللغة او التربية المدنية التي اصبحت تدرس من اساتذة التاريخ و الجغرافيا الذين لا علاقة لهم بالقانون اصلا مع احتراماتنا لهم الا ان الدروس المتعلقة بالبلدية-الولاية-الدولة -الدستور -السلطات الادارية للدولة هي من اختصلص اصحاب هذا الاختصاص
ادن انا ادعوا الجميع من التكاثف لرد الاعتبار لانفسنا و ان نفتح صفحة فيسبوك للمشاورة و مواجهة من هم وراء هذا التهميش لان حب من حب و كره من كره نحن هم الاولي و الاهم في هدا الوطن و من له اي اعتراض فليتامل في من يحكم نشاطه و استقراره و حريته و ممتلكاته و حقوقه و واجباته بل حتي من ينضم اسرته ان لم يكن القانون فمن يا تري ههههه الرياضة و لها قانون و بها حكام


نعم الراي رايك ....لابد ان نفتح صفحة فيالفايسبوك

[karik_dz]

خونا الحقوق مطلوبة في معظم التوظيفات ماعدا التعليم و التوظيفات التقنية المشكل لاصحاب الحقوق هوا عدد ضخم من الحائزين على شهادة ليسانس حتى لو فتحو التعليم لاصحاب الحقوق ماكش راح تترشح وحدك هاداك العدد الضخم ايضا راح يترشح و تبقى المشكلة من جديد اصحاب الامتياز هوما لي عندهم عقد لانام ولا لاداس قديم وكلشي بالمكتوب ربي ينجحك وينجح كل محتاج