المساعد الشخصي الرقمي

مشاهدة النسخة كاملة : المدرسة العليا للبيطرة

{ حديث الوجدان }
2015-06-30, 01:58
السلام عليكم ورحمة الله

جماعة الخير رمضان كريم وربي يتقبل منا ومنكم

أردت أن أستفسر عن المدرسة العليا للبيطرة

هل فيها مستقبل ولا لا ؟

قاللولي تخدم غير في مصانع نتاع الدجاج :1:

وأنو المجتمع الجزائري ماعندوش ثقافة نتاع الاهتمام بالحيوانات

يعني كلبو - اكرمكم الله _ ولا القط ديالو يمرض يرميه البرا

وما يديهش للبيطري

باختصار تفتح عيادة في المدينة تبقى فارغة :o

_______

يعني كاين مستقبل فيها غير أنك تفتح عيادة ؟
{ حديث الوجدان }
2015-06-30, 02:19
أرجو أن تكون المعلومات أكيدة وليست إشاعات من هنا وهناك ...

بارك الله فيكم
asma-forever
2015-06-30, 02:42
لا املك معلومات اتمنى من الاعضاء ان يفيدوك بصح حبيت نعلق على ان الناس تقول و تتحدث عن اختصاصات شوف يا اخي حاول تسال المختصين في المجال لان راي الانسان العامي ماراحش يفيد قيس مارح يغلطك وبالتوفيق
سامي 123
2015-06-30, 05:00
إذا كنت راح تفتح عيادة في وسط المدينة .. غير شوف شكون يوكلك الخبز

خاطرش في الجزائر ماعندهمش ثقافة تربية الحيوانات

لكان راح تحل في الأرياف .. لازم تعرف شويا فلاحين تخدم معاهم و فيها الخبز

و كذالك العمل في مصانع الدواجن
le docteur
2015-06-30, 10:12
هنا في المدينة يخدمو عادي
مثلا اللقاح تع الكلاب
+
يجيبو الابقار تعهم لمريضة والسليمة ثاني
نشفا واحد جاب بقرة للبيطري لي قربنا عطالها إبرة ب 500 ألف
والمعيز والدوبان...
سامي 123
2015-06-30, 11:53
هنا في المدينة يخدمو عادي
مثلا اللقاح تع الكلاب
+
يجيبو الابقار تعهم لمريضة والسليمة ثاني
نشفا واحد جاب بقرة للبيطري لي قربنا عطالها إبرة ب 500 ألف
والمعيز والدوبان...

لم أفهم أخي .. يأتي الفلاح بقطيعه من المعيز إلى البيطري في وسط المدينة !!

بالعكس أخي يذهب الفلاح إلى أقرب طبيب بيطري في الريف

و يتنقل الطبيب إلى مزرعة الفلاح من أجل تلقيح القطيع

و الله اعلم
le docteur
2015-06-30, 12:03
لم أفهم أخي .. يأتي الفلاح بقطيعه من المعيز إلى البيطري في وسط المدينة !!

بالعكس أخي يذهب الفلاح إلى أقرب طبيب بيطري في الريف

و يتنقل الطبيب إلى مزرعة الفلاح من أجل تلقيح القطيع

و الله اعلم


نعم اخي هذا ما اراه راه فاتح في وسط المدينة قد قد
يجيبو خمس ولا 6 بقر وهو يطيهم الإبر
ساعات يجيبو 4 ولا5 كباش كذلك
الكلاب ثاني والقطط
هذا وش رانا نشوفو
بصح هو يروح للمزارع ما علاباليش انا ما شفتش
❀عنْفُوَاפּ طُمُوحْ❀
2015-06-30, 14:59
انا نشوف الفلاح يعيط للبيطري كي بقرة تحب تولد ، هذه هي الحالة الوحيدة
rouger-dz
2015-06-30, 15:32
اخي انت و شطارتك

متسمعش لناس برك خاطر كامل يعرفو

البيطرة تتطلب الاجتهاد و الخبرة و .........

بالتوفيق