ساعدوني في مشكلتي

[مشكلتي]

السلام عليكم و صح فطوركم

مشكلتي مارانيش باغيتها تزيد على خاطر ماعنديش لوقت و راني رايحة نكبر راني في 20 و عندي قرايتي و احلامي لي راني سامحة فيهم ، انا انسانة نهدر مع

روحي بزااااااف و صانعة شخصيات و متاثرة بيهم و مهتمة بيهم كتر من روحي و ياثرو في نفسيتي ، و تجيني هده الحالة قبل مانرقد لازم نعيش في العالم لي

راني صانعاتو المهم الوقت لي نكون فيه وحدي نهدر مع روحي و نتقمص كل الشخصيات الاب و لابن البنت و الام دور الخير و الشر زعما واس راه يدور في

راسي يخرجوه فيلم ينجح نورمال ، بصح هدي لهدرة تكون غير بشوي انا و مانسمعش روحي و كيما قلت قبل مارقند لازم نكون مغمضة عينيا و نقعد نحكي مع

روحي ، و مرة صنعت حساب في الفيسبوك و لضفت فيه وحدة صحبتي عزيزة عليا بزاااف و الحمدلله ما زعفتش مني قعدت معاها تقريبا عامين و انا من ورا

هديك الشخصية و كي خبرتها قاتلي لوكان غير ماخبرتينيش على خاطر بغات هديك الانسانة لي صنعتها ... هدا متال و عاودت تاني درت شخصية وحدوخرا و

هدرت معاها والله غي حشمت على روحي بصح مشي غرضي الناس يشوفوني نضحك و ماعلاباليش يقولو راهي لاباس بيها بصح انا راني مدمرة وصلت بيا

وين مانعرفش نهدر في وسط الجماعة راحت الثقة و قاع شيرات يتهلو في رواحهم الا انا ساااامحة في روحي و دايرة في بالي مانيش شابة و هوما يكرهوني

على هدا نهرب للعالم الخيالي لي صانعاتو ... سمحولي طولت عليكم بصح اعطوني حل لمشكلتي و خبروني شا نوع هدا لمرض لي عندي ، راني باغية

نتبدل و ماعرفتش كيفاش زعما كون تعطوني طريقة فعالة تخرجني من هدا المشكل و ربي يجازيكم ان شاء الله

[NIGHTINGALE]

أن تتقمصي أدوار شخصيات مختلفة عن شخصيتك أمر
وأن تتركي نفسك تسرحين في عالم الخيال عند حلول الظلام... أمر آخر
وكلاهما فيه ضرر على دينك ودنياك

فأما تقمص الأدوار فهو ضرب من ضروب النفاق وفيه كذب واحتيال
واعلمي أن ما تفعلينه اليوم ستحصدين ثماره غدا فارحمي نفسك قبل فوات الأوان

وأما التخييلات التي تأتيك بحلول الظلام فهي من الجن والشياطين
لذلك لا تدخلي الفراش حتى تشعري بالنعاس يثقل جفنيك وقد نال الإعياء منك

[مجرّد إنسان]

أنت تعيشين في أحلام اليقظة هروبا من الواقع أو العكس
قد يكون إدمانك على أحلام اليقظة هو الذي أثر على حالتك النفسية ومعاملاتك مع الناس أو قد تكون حالتك النفسية هي التي دفعت بك إلى الهروب نحو أحلام اليقظة
أحلام اليقظة توجد عند كل الناس وهي شيء طبيعي ولكنّها إذا زادت عن حدّها وأصبح الشخص مدمنا عليها فقد تدمر حياته
وهذا تعريف مختصر لأحلام اليقضة



أحلام اليقظة كغيرها من الأمور النفسيّة؛ لها جوانب إيجابية وجوانب سلبية، جوانبها الإيجابية تكون في تنمية التفكير والتخيُّل لدى الشخص، فاختلاق عالم افتراضي قد يُساعد على حل مشكلات يتعرض لها الشخص وتقوِّي من شخصيته، الابتعاد عن الواقع المرير للشخص يؤدي إلى تحسين نفسيته ويُحقِّق له التوازن النفسي. أما عن السلبيات؛ فهي تؤدي في كل الأوقات إلى فقدان التركيز وضعف الانتباه، حيث يكون الشخص في مكانٍ آخر ولا ينتبه لما يحدث حوله، هي من مظاهر ضعف الشخصية وقلة الثقة بالنفس وتجعل الإنسان انهزامياً؛ لا يواجه مشاكله أو واقعه، إنما يستخدم أسرع طريقة وهي الهروب.



وللوقاية من أحلام اليقظة أكتبي في جوجل : أحلام اليقظة المرضية
وربي يشفيسك

[naamane3]

طبقي احلامك على ارض الواقع
يعني ثقفي نفسك واتعلمي امور الدين والدنيا
وافيدي نفسك ومن حولك

[نورسين.داية]

الذي اعلمه أن إنسان كثير الخيال معناه إنسان لم يستطع تحقيق رغباته في الحقيقة فيتخيلها في عالم الخيال ...يعني يحاول الهروب من الواقع بالتالي :
أول صيحة عيشي الواقع و إفرضي شخصيتك بأفكار منطقية و موضوعية فقط

[dark star]

المشكلة ماراهيش في صناعة شخصيات وتصور عالم تكون جزء منه ،المشكل كي يطغى على واقعك ويصبح كل شيء في حياتك .....و.كل هذا من وساوس الشيطان باش يشغلك عن ذكر الله ........والحل ساهل توقفي عن ابتداع هذه القصص واستعيضي عنها بذكر الله وامورك رايحة تتحسن باذن الله

[خالد عنابي2]

هذه المشكلة بحاجة الى تدخل وتحليل مختص نفسي

اعتقد ان اي طبيب نفسي عام يمكن ان يساعد في فهم وتحليل حالتك ووصف الحلول لها

لكن عليكي بتجنب طرح مشلتك لكل من هب ودب فتكثر الفتاوي والتكهنات الباطلة وغير يزيدو عليك برك

هناك مواقع مختصة تقدم تحاليل نفسية مجانية من طرف مختصين عبر النت حاولي ان تتواصلي معهم

[البحث هن العلم]

هدا يسموه انفصام في الشخصية و هذي بداية المرض اذا ماعالجتيش روحك المهم خصك تخلي الشخصيات متكاملة و تبغي بعضاها و تعرفي روحك بروحك يعني لازم الاب يعرف الابن و الى اخره وتانيك لازم نتي تحوسي على شخصيتك الحقيقية و تخبريهم بيها و منبعد يحدث الدمج بيناتهم وادا احتجتي اي مساعدة اني هنا اختي الغالية ايه وتانيك حاولي تكسب الاصدقاء و تقوي شخصيتك وادا ماعندكش انا رايحة نكون اول صديقة ليك يا اختي العزيزة و كوني متؤكدة بلي رايحين يحبوا شخصيتك الحقيقية خير من تبداي تتحول مثل الحرباء

[طُمآح الذُؤابة]

السلامُ عليكم و الرحمة ..



أختِ مُشكلتُكِ ليس حلُها هنا .. حلْ مُشكلتك يكمُن في ذهابك إلى

( أقرَبْ ) مُختص نفساني ..



و لا حرجَ في ذلك ..







و إن كان هذا بالنِسبة لكِ صعبًا ..

فاطرحِي مشكلتك في منتدى ( الحِصن النفسي )

فهُناك مجمُوعة من المُختصِين يجيبون على هكذا تساؤلاتْ .


إنتبهي - يُجيبون و لا يفتُون -





وفقك الله ..

(http://www.hekams.com/?id=12140)

[houssem zizou]

يا أختي اشغلي نفسك بما ينفعها و دعك من هذه الأمور التي لا فائدة منها

و أظن أن السبب في هذا فراغ الوقت

فالحل أن تغتنمي و قتك بالأمور النافعة (فالوقت بحق اغلى من الذهب) كذكر الله و أشياء أخرى مفيدة تنفعك في دينك و دنياك

و حبذا ايضا لو تجدين هواية تشغلك عن التكلم بأفواه الناس بلا فائدة، كقراءة الكتب المفيدة (و على رأسها كتاب الله) مثلا أو الخياطة و غير ذلك

ثم عليك بالدعاء و التضرع إلى الله أن يكشف عنك هذا الضر قال تعالى: (و قال ربكم ادعوني أستجب لكم)

أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك
أسأل اللع العظيم رب العرش العظيم أن يشفيك

[amira1989]

الرقية الشرعية ارقي نفسك في الماء كل يوم و روحي عند الراقي

[optimism]

السلام عليكم
لااعتقد من لديه الخيال الواسع ,,,,,,,,,,,بمشكل
انما توظيفك له,,,,,,,,, ليس بشيء ايجابي ,,,,,,,,,لذلك يمكنك توظيفه في الكتابة والقصص ,,,,,,,,وربما اشياء اخرى انت تكتشفنها مع الوقت
الثقة بالنفس صفة مكتسبة تاتي بالمواجهة والممارسة والتعود
سلام

[اخت الرجل]

اختي تبانلي التخيل حاجة مليحة باه تعيشي اشياء ممكن عندما تواجهك تعرفي تخرجي منها بسهولة ولاكن المشكل في انك تتقمصي شخصيات لناس اخرين
وهذا ليس بمرض بل حتىةانا كي نجي نرقد نصنع فيلم فيه مشكلة واجهتها انا مثلا اومصيبة بعيد الشر وكيفاه درت خرجت منها هكا باه نضمن اني ةنكونةومجربةةخياليا عندما تواجهني اي مشكلة

[doba]

ربي معاك اختي

[Apastrix]

ماكان حتى داعي للحشمة، هذه أمور نفسانية عليك عرضها على الطبيب النفساني، وتبعي التخاتمو نتاعو، علم النفس ماهوش موجود في باطل، راهو موجود باش يعاون ناس كيما نت

[funkypunky]

لازمك تتزوجي لاباس تتخيلي بالعكس تتخيلي حاجه مليحه بصح هكذا ولات مرض يا أختاه لازمك بشر يشغلك على تخيلاتك و ديري في بالك بلي رايحه تحبسي هاذي "المشكلة" ما تقعديش مع روحك بزاف كوني مع أمك احكي مع أمك مع أختك مع صديقتك و إذا شفتي الزواج مناسب تزوجي و طاعة الرحمان

[hano.jimi]

اهتمي بنفسكي بشكلكي البسي اخرجي حبي روحك لكل منا عيوب لكن حذاري ان تنقدي روحك دائما رددي انا جميلة انا مميزة انا طموحة
ابحثي عن نقاط القوة عندكي انا الحمد لله في صحة جيدة وعنصر فعال في البيت ومع اصدقائكي
اعملي مخطط لطموحكي وجاهدي لتحقيقه ابرزي نفسكي ورددي انا هنا وابعدي عن الافكار السلبية وحسني علاقتكي بالله ربي يفرج

[dounia el amani]

حاولي تبدلي من روحك هدا مكان.و ربي معاك