جديد الخدمة الوطنية 2015

[seddik_sba]

السلام عليكم خاوتي
انا عندي تاجيل الى غاية ديسمبر 2015 و سانهي دراستي ماي 2016
متي سياتيني الاستدعاء القادم
و هل ادا درت التجيل متى سينتهي ؟
و شكرا على المستعدة
صحا فطوركم

[seddik_sba]

؟؟؟؟؟؟دددددددظددظ

[seddik_sba]

بليز مساعدة

[seddik_sba]

pleaseplease pleasr

[أحمد زابانة]

تقدر تزيد دير سورسي في العام القادم بشهادة مدرسية إذا كنت تدرس ... بعدها انتظر الاستدعاء بالتوفيق

[seddik_sba]

تقدر تقولي وينتا يخلاص السوريي كي نديرو
و من الافضل ندير سورسي و بعدها ننتظر الاستدعاء او ننتظر الاستدعاء مباشرة بعد انتعاء السورسي الحالي ؟؟؟؟

[عبدو 90]

انا عندي سورسي يكملي في اكتوبر 2015 نقدر نديرلو تجديد مع العلم انا فائز في مسابقة ولحد الساعة مازلت متوظفتش ...نقدر نجدو بورقة نجاح الي عندي بصح هي مكتوب فيها ورقة نجاح نتاع ديسمبر 2014.......................... وهل صحيح انو كل واحد يربح في مسابقة توظيف يقدر يدير سورسي حتى يترسم كاين منها؟؟؟؟؟؟؟؟

[just do it]

ساجيبك عن خبرة
انت قادر مديرش السورسي هاذ العام ولكن اغلب الجامعت هم على اتصال مع لا ريجيون
يعني انك لما تسجل الجامعة مباشرة تافيشا عندهم والدليل على ذلك شحال من واحد قع مدرش السورسي فالجامعة ومرسلولوش حتى كمل وبرتبة مرشح
افعل كما فعلت انا ومتزيدش تسقسي
دير سورسي تعك عادي باه تكون وضعية قانونية وواحد ميحكي معاك من بعد مباشرة لما تكمل قرايتك في جوان تمشي عندهم وتدي سورسي اللي يكملك ف ديسمبر ايا ينحوهلك ويعطوك سورسي لسبتمبر ولا مارس هذا اذا راك باغي تفوتها ولا راك بغي تهرب حاجة اخرى
انا درت هاك ورسلولي وفوتها واليوم عندي عامين ملي كمات وصحابي تع الجامعة اغلبهم راهم عصاة
وكي تخطاك مور الجامعة مباشرة قعدت
معلومة كي تمشي متطوع لعندهوم يساعدوك فالسطاج انا من تلمسان بعثولي السطاج فتلمسان الكيفان بصح ميتاسيون تندوف ههه خير من المكافحة

[seddik_sba]

شكرا خويا ...
و بعد السورسي ندير متطوع او بجيني الاستدعاء ؟؟؟ و شكرا

[أحمد زابانة]

بعد السورسي بأتيك الاستدعاء الأول و إذا لم يأتيك الاستدعاء يمكنك الذهاب كمتطوع .

[seddik_sba]

شكرا خويا
كاين فرق ما بين متطوع او جاك الاستدعاء
؟؟؟

[yacine-08]

متطوع لا يستفيد من اجراءات العفو

كيما فائض .

[just do it]

كي دير السورسي خلاص قبل ميكمل السورسي يبعثولك الاستدعاء والله يوفقك
ان نصيحة غمض عينيك وعفس علا جدها ماحدك موالف الميزيرية تع الجامعة واليوم راها خلصة مليحة خير من لانام وش بغي وتقلع جبل من ظهرك وتتمشى مرفوع الراس مش تبقى كل يوم هارب من جدارمية وتقول هنا يحكموني وكل يوم هابل تسقسي على الاعفاء و الريفورم
ونزيدلك حاجا حنا الجامعيين قليل الي يعفيو عليه
ربي يوفقك

[seddik_sba]

شكرا خويا just do it
معليش نزيدك سؤال
معليش تقولنا على الامور تما كيفاش تكون
يعني من ناحية التدريب .... الخ
و شكرا
هبلتك بالاسءلة هههه

[moh ag]

السلام عليكم خاوتي عندي استفسار ليكم و خصوصا للأخ just do it بما أنه ادى الخدمة الوطنية بخصوص استدعاءات دفعة سبتمبر وقتاش نقدر نعرف اذا بعثولي او لا و اذا ما بعثوليش و رحت متطوع هل نقدر نخير أي ثكنة اريدها؟ و ماهي الثكنات لي تنصحوني بيها من ناحية التدريب و ظروف الاقامة و فرصة الخروج فائض

[just do it]

انا في خدمتك لكن ربما ستنقطع الانترنت عني
المهم المتطوع لا ادري لاني لما حطيت الدبلوم تعي وجاتني لوردابال لولايتي مكنتش عارف بهذي متطوع اصلا لاني كنت دابر فبي راسي نكمل لقراية نفوتها قبل من نحوس خدمة باه كي نقلع ميكونش المشاكل المهم حتى من بعد كي استغربت اللي جاني سطاج فولايتي عاد عرفت بهذي متطوع وزدت عرفت بلي من المفروض يعطوك خيارات اما انا فلم يعطوني خيارات صراحة ولكن لما تجيك لوردابال صايي يكونو حطولك وين تروح مبقاش الاختيار اذا يخيروك سقسي عليها كي تمشي تحطلوهم الدبلوم
الامر الثاني اكبر خدعة ستندم عليها انك تمشي ونت ناوي يردوك فائض بغيت تكون قصير طويل مريض كبير نوصيكم كي ترفد كابتك وتخرج من الدار دير بلي رايح تفوت عام ونص اقصد عام راه نحاولكم النص لانك اذا نويت يرجوعك ومن بعد يحكموك غادي تكره حياتك وطول عليك
واليوم راه عام والشهرية مليحة خير ملي كانت وهذي حاجة جايتك جاية انا لما قررت نمشي ولا واحد دارلي الكورا ج تعرفو المجتمع وحد يقولك حشوة وواحد يقولك تبردية ووحد يقولكك ستنا الاعفاء ولكني نصيحتي الدائمة لكل واحد حتى اصحابي هي كالتالي اذا عندك عرف روح هرب اذا تاكل على ملاذي روح هرب اذا تاكل على سوتيان فاميلي روح هرب اذا معندكش وحد من هذو والله منسوى طراسي
بخصوص التدريب كل كازرنة وكيفاش كين اللي شاقة وكاين كيما الجيني تع بجاية الماكلة والرقاد يعني حتى يرسلولك عاد تقدر تعرف
وباه تعرف بلي جاتك لوردابال كاين دفعات محدة كانت 15و 22 مارس 15و22 سبتمبر اليوم منعرف اذا بدلوهم عادة ترسل لوردابال شهر قبل نتا قادر اذا مجبوهالكش جدارمية كي تبقى 15 يوم لهذ التاريخ تمشي تفقدهوم اذا كنت متاكد بلي تجيك لانو احيانا يجيبوهالك روتار وتنحسب عليك احيانا ليس غالبا
تعرف صحاب وتزيد حوايج بزاف في راسك
انا لست اشجع على الذهاب ولكن الواقع يفرض عليك ولما تدخل للكازرنة تتعلم مقولة هي اللي فوت العسكر راجل واللي جابها اعفاء راجل ونص ولكن اين الاعفاء
عموما نحن الجامعيين بعد السطاج تريح عندك مسؤوليات فقط تحظي روحك ومكنش تما لكلام كاينا ورقة وستيلو يعني كثر التقارير تعك لما تخسر حاجة ولا كش ميصرا مشي غي تخبر القيادة وصايي لالا كتب تقرير يكاشيلك فيه وتخلي نسخ عندك لانو كي تزير الحالة قع يبغو يسلكو روحهم باه تكون محمي
ظروف الاقامة فالسطاج نتا والكازرنة انا الي كنت فيها كاين شاليهات تع 24 وحد لكن كيما بجاية كاين غرف تع 4 6 لكن بعد الميتاسيون عندك غرفة انفرادية وعلى الاكثر غرفة ل 3 اشخاص نفس الرتبة يعني غي صحابك
ارجو ان اكون قد افدتكم
انا دخلت 2012 وخرجت سبتمبر 2014 منقولش بلي ضيعت عام ونص نتا اصلا ضيعت 16 عام قراية ومركش تخدم اولا هي مكتوب وثانيا شيء لابد منه وانا عقليتي الحاجة الي لاحقة نتهنا منها اليوم قبل غدوة والحمدلله راه عندي عامين ملي خرجت دبرت لوطو وراني نخدم كلوندستان ودرك راه عندي اكسنت 2012 باسمي وكي ندخل فالبراج مشي نتكمش نقول هنا نهاري
وتبقى كل وحد ورايو فهد الحشوة الوطنية

ربي يوفقكم والسلام عليكم

[seddik_sba]

شكرا خوياا
انا عولت نروح نفوت رغم اني ضعيف البصر و اضع نضارات طبية
لكن الله غالب البيبان مغلوقة و افضل من ان تبقى هارب
ربما السنة القادمة نركب اي في سبتمبر 2016
راني خايف من التدريبات الى تكون قاسية
ادا عندك كاش معلومات او نصاىح فنحن في الاستماع
و مشكوور بزاف مرة اخرى خويا

[moh ag]

شكرا أخي بارك الله فيك و ربي يجازيك على هذه النصائح و المعلومات أنا تخرجت العام لي فات و صحابي لي كانو معايا معظمهم راحوا فيهم لي حكموه و فيهم لي طلقوه و لهذا قررت أني نروح في دفعة سبتمبر و نحي هذا العبء خصوصا و أن دفعة سبتمبر تعتبر الأفضل مقارنة بدفعة جانفي لي تكون فيها التدريبات في البرد القارس و دفعة ماي التي تتزامن مع شهر رمضان

[just do it]

اذا كان عندك دوسي تع ضعف البصر اديه معاك دير الاسباب وتوكل على الله لان كل كازيرنة وكيفاش تتعامل مع الدوسيات مثلا حنا في تلمسان كاين الي جاب دوسي لوكان كان فكزرنة وحدوخرا يطلقوه مي هنا عقبها

[just do it]

شوف كاينا حاجا يسموها المكتوب والله وطير وتنزل متدي غير الي كتبلك ربي كاين الي دخلت ولبس وضرب شهر ووواحد كان معانا ضرب 8 اشهر وطلقوه معفى حتى الطفرت وكاين اللي جرا بالعرف والدراهم والله راه يعقب فيها نعرف واحد خلص 13 مليون جابول اعفاء مزور عامين مجاه والو بعدها بداو يجيوه لوردابال

[محمد أمين فوزي]

المتطوع الله يعلم مايقدرش يخير الثكنة .ممكن اذا كان من الاوائل من المتطوعين .. يخيرولو ...والله اعلم ...
اما أصعب الثكنات في التدريب هي ثكنة البليدة cft سيافتي والله اعلم راها جاية قريب للمحكمة العسكرية
بالتوفيق للجميع .....المهم تهناو منها اليوم خير من غدوة ..ماتستناوش الوعود والزمن يمضي ...شكرا