السلام عليكم

[mimihdellys]

السلام عليكم إخواني عندي استفسار
ما هو الفرق بين الاستدعاء لأداء الخدمة الوطنية و الأمر بالالتحاق لأداء الخدمة الوطنية
و الناس لي وصلها استدعاء هل يمسها قانون الإعفاء
مع العلم أني من مواليد 85 و أتممت دراستي في 2010 و قد درست علم النفس

[adel90]

الاستدعاء هو : لوردبال الاولى والثانية
اما امر بالالتحاق هو الاستدعاء الثالث يصلك مرفوق بامر الالتحاق ورقة لونها احمر
وان لم تحضر بعدها لمركز التدريب ستكون عاصي
تحياتي

[mimihdellys]

شكرًا حبيبي
يعني لي وصلو أمر بالالتحاق لن يستفيد من الاعفاء

[adel90]

نعم هكذا راهم يقولو لانه كي يخرجلك امر بالالتحاق راح تولي روشارشي

[mimihdellys]

لما تكون روشاشي راح يحطو اسمك حتى فالفنادق و في كل مكان صحيح ؟؟

[aminerag]

ولمفوتش الفحص الطبي !!!!!!!!!!

[adel90]

لازم تكون مفوت الفحص الطبي باش تستفاد من الاعفاء
نعم من تكون روشاارشي يحطو اسمك فالفنادق وفي كل الاماكن

[سجّل أنا جزائري]

والله غير تمسخير واش هذا القانون الفاشل

[adel90]

غير سمحلي يا خويا هبطتلك المورال ، مخليتلكش الامل هههه
مي الله غالب هذي هي شروطهم وصح فطورك خويا

[mimihdellys]

الاستدعاء كي ما ترفدوش يحتسب و لالا
واش خير كي ترفدو و لا كي تخليه

[سجّل أنا جزائري]

لا حول ولا قوة الا بالله
انا ما درتش الفحص الاول لكن سجلت فيما بعد متطوع وبعثولي امر استدعاء دخلت للثكنة ورجعوني سورسي

[adel90]

الله اعلم اخي

[3Issamo]

اخي الكريم وصلني استدعاء تاني مرفوق بأمر التحاق (ورقة بيضاء) هل من بعد نولي روشارشي و لا يزيد يوصلني استدعاء اخر شكراا وصح رمضانكم.