مشكلة ساعدوني

[مشكلتي]

السلام عليكم.....
انا متزوجة و لي سكني الخاص ......ولكن زوجي لا يحب البقاء بحكم اننا نسكن بعيدا عن العائلة يعني في منطقة أخرى اين يعمل زوجي.....هو دائما يود قضاء عطلة نهاية الأسبوع عند اهله.....هذا ما جعلني اتعب نفسيا حيث اني احس نفسي اني غير مستقرة ....و لحد الان لم اجد طريقة اقنعه فيها بالبقاء في منزلنا....انا لا احس بالراحة في بيت العائلة اطلاقا ....سئمت هذه المعيشة ....و في نفس الوقت لم استطع اقناع زوجي لانه يتهرب من هذا الموضوع ....احس انه خدعني في الأول وعدني بسكن خاص و الان لا احس نفسي مستقرة أصلا و يحاول ان يتركني في بيت العائلة مع العل انهم كثيرون في البيت .....و انا لحد الان لم استطع التاقلم معهم ......ولا اود افتعل المشاكل معهم رغم اني احس نفسي حين (كي نخدم و نجري يشتيوني و كي نكون مريضة يتشنفو عليا و نسمعهم يهدرو عليا ) ولكن لم اخبر زوجي ابدا او نقولو اهلك ما همش ملاح ابدا ....انا لست مرتاحة اود ان تعطوني كيف اقنع زوجي بالاستقرار دون ان امس اهله بسوء ......ولا ادعيولي يحل الله العقدة من لساني و اقنعه و خاصة في هذا الشهر الفضيل ما نيش قادرة نصوم معهم ....و شكرا

[كاميلا]

والله يا اختي انا ايضا في بادىء الامر تقدري تقولي سكنت عندهم وزوجي خارج بداره عندنا الدار لكن الوالدة تاعه في اول الزواج مكانش كلمة على لسانها غير جيبها طيشها عندي وكيما نقولك تقوله طيشها عندي وروح تخدم في بادئء الامر دخلت بنيتي وقلت للوسواس بلع فمك بصح مع مرور الوقت تعرضت لاشياء يا اختي لا توصف من ذل وسب وفتن ولازلت اتعرض وساكتة
هي امه مقلناش مش امه لكن علاش تحب تحط العروسة تحت رجلها علاش متفهمش باللي الغروسة هاذي ايضا استقرت بمنزل وتحب تكون ربة منزل وملكة في دارها
واش نقولك يا اختي كنت كي الاسيرة في دارهم قدامه تحضني وغير كي يخرج تمسح بكارمتي الارض
تخيلي حتى الحاسوب منقدرش نستعمله في دارهم في مرة من المرات لقاتني نخدم بيه داتهولي نسمع في شيخي يقولها جيبيه مع انه حاسوب راجلي معليش واش نقول نسكت وخلاص
مرة اخرى حبيت نشارجي بورتابل طلبت الاذن من زوجي حطهولي يتشارجا جات اخته بهدلتني بالعياط وشكون اللي حط هذا واش نقولك جامي ذليت كيما عندهم وفوق هذا كامل تقولك راهي الدار دارك قدام زوجي
يعني بالمختصر المفيد تقوله جيبها باش تتفنن عليا في الاذى هذا راهو عينة بلا منحيلك كي تضغط عليا وتقولي انت عالة عليه قاعدة في الدار متخدميش لازم تخدمي
يعني عادت تحسبلي في مصروفي عند راجلي من اكل وشرب
شوفي اختي عجبتيني كي قلتي منقولوش استمري هادي ديما تحدث في اول الزواج انت ان شاء الله كي ينوب عليك ربي بالاولاد رح تلقائيا يولي يبقى في الدار
رح تمر المرحلة اصبري برك

[rose de sable s]

هو يحاول يوفق بينك و بينو
لانك في بيتك ايام عمل وفي نهاية اسبوع في دار شيخك حاولي تتاقلمي
او جيبي سبب مكش قادر تروحي ول جيين ضياف....

[مجرّد إنسان]

حاولي أن تتأقلمي مع أهل زوجك واحمدي الله فأنت في نعمة تتمناها الكثير من النساء

[NIGHTINGALE]

أعتقد أن مشكلتك ومشكلة الكثيرات من بنات اليوم هي صعوبة التأقلم والاندماج في وسط عائلي جديد
ومثل هذا الأمر راجع في الغالب إلى محدودية الذكاء العاطفي
الذي به يتمكن المرء من كسب الآخرين والتوفيق بين مصالحه ومصالحهم
والذي به يستطيع الواحد تسيير عواطفه والتحكم بها بحيث يتجنب الانفعال الشديد عندما تكثر الضغوطات
فالذكاء العاطفي حسب الدراسات الحديثة له دور كبير في استقرار حياة الفرد الاجتماعية والمهنية
هذا ويُعتمد للرفع من مستوى الذكاء العاطفي على الاستبطان والاحتكاك الواعي بالآخرين
أما الإستبطان فيقوم على مراقبة أحوال النفس وتأثرها بمختلف العوامل الداخلية والخارجية
والعمل على كبح شهواتها وميولاتها غير السليمة كالغيرة وحب التفوق والمقارنة ...
أما الاحتكاك الواعي فيقوم على تتبع أحوال النفس في علاقتها بأحوال أنفس الآخرين
يعني الواحد من خلال الاستبطان يكتسب معارف عن نفسه وطبائعها فعندما يحتك مع الآخرين يصبح قادرا على تفهم الأحوال الطارئة على نفسياتهم فيتمكن بذلك من اتخاذ القرار الصائب في تعامله معهم

فمثلا تصادفين في نفسك عاطفة الغيرة فتحاولين التحكم فيها فتتنبهين إلى أن السبيل إلى ذلك يعتمد على مبدأ بسيط وهو محبة الخير للجميع
فمتى أحب أحدنا الخير للآخرين وسعى إلى الفرح لفرحهم تلاشى شعور الغيرة في نفسه وفسح المجال لكل المشاعر النبيلة الطيبة بداخله
ثم إذا ما صادف تلك العاطفة عند شخص معين عرف الأحوال الملازمة لها وأدرك طريقة الخروج منها بحكم تجربته الخاصة فنجده يتصرف بالشكل الذي يناقض توقعات ذلك الشخص بحيث يثير شيئا من الالتباس لديه يجعله يراجع نفسه في ميولها نحو الغيرة

هذا نموذج مبسط جدا للذكاء العاطفي الذي به يتمكن المرء من التأقلم مع ظروف استثنائية وصعبة

إلم يكن ما قلته واضحا بما يكفي فأعتذر ذلك أن الموضوع واسع واستيعابي له محدود

ولكن أنصحك بالعمل على نفسك حتى تتمكني من التأقلم مع مثل تلك الأوساط التي ذكرت ففي ذلك راحتك وراحة عائلتك
فحتى وإن استقللت ببيتك الخاص ستحتاجين في المستقبل إلى التأقلم مع أشخاص يختلفون عنك في التفكير والتوجهات ...

بالتوفيق إن شاء الله

[خالد عنابي2]

مرة اخرى حبيت نشارجي بورتابل طلبت الاذن من زوجي حطهولي يتشارجا جات اخته بهدلتني بالعياط وشكون اللي حط هذا

هههههههه حتى البورطابل باه يتشارجا وتطلبي الاذن وزيد اختو دارت حالة ههههههه

راكي مستعبدة عندم يامادام فيقي على عمرك

[خالد عنابي2]

قبل ما تخطفو الراجل تبداو امانة والشعارات الرنانة امك هي امي واهلك هم اهلي ...الخ لكن بمجرد قضاء مرادك بالزواج تعملن جاهدين لابعاده عن اهله تدريجيا وبشتى الطرق وكانك تزوجت بهذا الرجل من الطريق ولم يكن له اهل ربوه وكبروه وتعبو عليه ....كلهن على شاكلتك يا صاحبة المشكلة فلست وحدك بهذا التفكير الخبيث ....لا وفقك الله في مسعاك الدنيئ هذا.

على مهلك الموضوع في واحد وكلامك في واحد اخر لا علاقة له

انت جاي تفرغ قلبك ليس هذا القسم المناسب روح لقسم النقاش الجاد او قسم المواضيع العامة اطرح الظاهرة التي تود معالجتها

وزيد راك غالط اغلبية ( وليس كل) المشاكل تتسبب بها ام الزوج في اغلبية العائلات وهذا لانها ترى ان الزوجة تسرق منها ابنها

ثم ان صاحبة الموضوع قالت ان زوجها وعدها في البداية بسكن خاص وهي لم ترفع الشعارات التي تقول انها رفعتها

وباي حق وهل هناك دراسة تقول ان كل النساء يفكرن كما تقول وكلهن على نفس الشاكلة ؟

لا تنسى ان امك كانت عروسا جديدة في يوم ما واذن ينطبق عليها ما تقول في حق غيرها بذريعة التعميم ؟

[mrmilano1984]

والله يا اختي انا ايضا في بادىء الامر تقدري تقولي سكنت عندهم وزوجي خارج بداره عندنا الدار لكن الوالدة تاعه في اول الزواج مكانش كلمة على لسانها غير جيبها طيشها عندي وكيما نقولك تقوله طيشها عندي وروح تخدم في بادئء الامر دخلت بنيتي وقلت للوسواس بلع فمك بصح مع مرور الوقت تعرضت لاشياء يا اختي لا توصف من ذل وسب وفتن ولازلت اتعرض وساكتة
هي امه مقلناش مش امه لكن علاش تحب تحط العروسة تحت رجلها علاش متفهمش باللي الغروسة هاذي ايضا استقرت بمنزل وتحب تكون ربة منزل وملكة في دارها
واش نقولك يا اختي كنت كي الاسيرة في دارهم قدامه تحضني وغير كي يخرج تمسح بكارمتي الارض
تخيلي حتى الحاسوب منقدرش نستعمله في دارهم في مرة من المرات لقاتني نخدم بيه داتهولي نسمع في شيخي يقولها جيبيه مع انه حاسوب راجلي معليش واش نقول نسكت وخلاص
مرة اخرى حبيت نشارجي بورتابل طلبت الاذن من زوجي حطهولي يتشارجا جات اخته بهدلتني بالعياط وشكون اللي حط هذا واش نقولك جامي ذليت كيما عندهم وفوق هذا كامل تقولك راهي الدار دارك قدام زوجي
يعني بالمختصر المفيد تقوله جيبها باش تتفنن عليا في الاذى هذا راهو عينة بلا منحيلك كي تضغط عليا وتقولي انت عالة عليه قاعدة في الدار متخدميش لازم تخدمي
يعني عادت تحسبلي في مصروفي عند راجلي من اكل وشرب
شوفي اختي عجبتيني كي قلتي منقولوش استمري هادي ديما تحدث في اول الزواج انت ان شاء الله كي ينوب عليك ربي بالاولاد رح تلقائيا يولي يبقى في الدار
رح تمر المرحلة اصبري برك
رب يكون معاك للاسف فعلا تعانين كثيرا كثيرا ربي يكون معاك فعلا انا كرهت الزواج من الاشياء هادو راجل وكرهت انا عقليتي صعيبة بزاف بزاف نحب نعيش مرتاح صدقني عندي دار مع والديا وحمد لله وعندي سيارة وخدام نورمال نخلص مليح بصح نكره نتزوج للمشاكل تاع الشعب هدا هدا يدخل روحو في الاخر وتداخل الاهل فيما بين الزوجين وتولي خالوطة جالوطة وتشكشوكة الور نحب نعيش وحدي واحد مايتحكم فيا الله غالب تقوليلي كفاه نقلك ان هاك عامل

[غير هام]

السلام عليكم

ربي يفرج

[houssem zizou]

أيها الأخت ذكرتي أنكم تذهبون عند العائلة في نهاية الأسبوع (يعني في باقي الأيام تكونين في المنزل)

الحمد لله الإنسان ينظر دائماً إلى من هو دونه في أمور الدنيا كائنين لي ساكنين في دار العائلة طول العام

و النصيحة الصبر و الدعاء ربي يفرج

[كاميلا]

هههههههه حتى البورطابل باه يتشارجا وتطلبي الاذن وزيد اختو دارت حالة ههههههه

راكي مستعبدة عندم يامادام فيقي على عمرك


شكرا جزيلا :19:

[كاميلا]

رب يكون معاك للاسف فعلا تعانين كثيرا كثيرا ربي يكون معاك فعلا انا كرهت الزواج من الاشياء هادو راجل وكرهت انا عقليتي صعيبة بزاف بزاف نحب نعيش مرتاح صدقني عندي دار مع والديا وحمد لله وعندي سيارة وخدام نورمال نخلص مليح بصح نكره نتزوج للمشاكل تاع الشعب هدا هدا يدخل روحو في الاخر وتداخل الاهل فيما بين الزوجين وتولي خالوطة جالوطة وتشكشوكة الور نحب نعيش وحدي واحد مايتحكم فيا الله غالب تقوليلي كفاه نقلك ان هاك عامل

يا ودي اني مانيش عايشة معاهم هادي صراتلي في اول الزواج كون جيت عايشة معاهم اقسم بالله يدخلوني للسبيطار
الحمد لله مبقيتش نروح عندها دركا غير هو يفوت عليها من خدمته وانا رح نروح غير في المناسبات

[كاميلا]

هههههههه حتى البورطابل باه يتشارجا وتطلبي الاذن وزيد اختو دارت حالة ههههههه

راكي مستعبدة عندم يامادام فيقي على عمرك



الراجل كي يكون ناس ملاح تاع الصح وحنين والله المرا تحمل كل شيء على جالته وزوجي والحمد لله من هذا النوع سكوتي ماهو الا احترام ليه
والا كل واحد منا عنده هباله نقدر نديرلهم فيلمات وحكايات اكثر من اللي داروهم لانه كيما قالوا ناس بكري العيب راهو ساهل

[imenemalak]

اختي احمدي ربك انتي في نعمة الناس شومبرا ومالقاتهاش وزيدي ادا حابة تكسبي راجلك لازم تحبي عيلتو حتى لوكان ماهومش ملاح معاك

[السي محمد]

على حسب رأيي المشكل مش في زوجك او عايلته


المشكل انك تربيتي في بيت صغير..امك ابوك اخ او اخت فقط ... . و ممكنكبرتي في بيئة انعزالية و غير اجتماعية .....ولهذا تجدين مشكل في التعامل مع عائلة كبيرة....حتى مع زوجك و ابنائك لن تتأقلمي

[عين الصقر]

يا أختي انت ساكنة بوحدك وتروحي غير في الويكاند لدار اهل الزوج
اين المشكل؟ أعتقد عندك حساسية زائدة وكبرياء زائد
احمدي ربي وكيما قالولك قبلي كاين اللي ساكنين في زوج غرف وحامدين الله
من الأفضل تحاولي التأقلم وعدي روحك في دارك , اذا عمال منزلية او شغل راكي تقومي بيهم في دارك كيف كيف
كي يموتو والديكم راكم تندمو ندم شديد ان شاء الله
زينو النية تعيشو مرتاحين

ولا ادخلي تخدمي وخلاص

[sali84]

انا نقولك اكري دارك ولقاي دار قريب ليهم لاه؟على جال كي يكون في خدمة تخطفي رجلك وهما يخطفو رجلهم يعني تبادل الزيارات وبشكل كثير هكذا يشوف بلي راكم قراب من بعضاكم وترتاح عجوزكم بلي راه بنها رجع ليها وربي يسسسسستررررر

[karimo.karimo]

أعتقد أن مشكلتك ومشكلة الكثيرات من بنات اليوم هي صعوبة التأقلم والاندماج في وسط عائلي جديد
ومثل هذا الأمر راجع في الغالب إلى محدودية الذكاء العاطفي
الذي به يتمكن المرء من كسب الآخرين والتوفيق بين مصالحه ومصالحهم
والذي به يستطيع الواحد تسيير عواطفه والتحكم بها بحيث يتجنب الانفعال الشديد عندما تكثر الضغوطات
فالذكاء العاطفي حسب الدراسات الحديثة له دور كبير في استقرار حياة الفرد الاجتماعية والمهنية
هذا ويُعتمد للرفع من مستوى الذكاء العاطفي على الاستبطان والاحتكاك الواعي بالآخرين
أما الإستبطان فيقوم على مراقبة أحوال النفس وتأثرها بمختلف العوامل الداخلية والخارجية
والعمل على كبح شهواتها وميولاتها غير السليمة كالغيرة وحب التفوق والمقارنة ...
أما الاحتكاك الواعي فيقوم على تتبع أحوال النفس في علاقتها بأحوال أنفس الآخرين
يعني الواحد من خلال الاستبطان يكتسب معارف عن نفسه وطبائعها فعندما يحتك مع الآخرين يصبح قادرا على تفهم الأحوال الطارئة على نفسياتهم فيتمكن بذلك من اتخاذ القرار الصائب في تعامله معهم

فمثلا تصادفين في نفسك عاطفة الغيرة فتحاولين التحكم فيها فتتنبهين إلى أن السبيل إلى ذلك يعتمد على مبدأ بسيط وهو محبة الخير للجميع
فمتى أحب أحدنا الخير للآخرين وسعى إلى الفرح لفرحهم تلاشى شعور الغيرة في نفسه وفسح المجال لكل المشاعر النبيلة الطيبة بداخله
ثم إذا ما صادف تلك العاطفة عند شخص معين عرف الأحوال الملازمة لها وأدرك طريقة الخروج منها بحكم تجربته الخاصة فنجده يتصرف بالشكل الذي يناقض توقعات ذلك الشخص بحيث يثير شيئا من الالتباس لديه يجعله يراجع نفسه في ميولها نحو الغيرة

هذا نموذج مبسط جدا للذكاء العاطفي الذي به يتمكن المرء من التأقلم مع ظروف استثنائية وصعبة

إلم يكن ما قلته واضحا بما يكفي فأعتذر ذلك أن الموضوع واسع واستيعابي له محدود

ولكن أنصحك بالعمل على نفسك حتى تتمكني من التأقلم مع مثل تلك الأوساط التي ذكرت ففي ذلك راحتك وراحة عائلتك
فحتى وإن استقللت ببيتك الخاص ستحتاجين في المستقبل إلى التأقلم مع أشخاص يختلفون عنك في التفكير والتوجهات ...

بالتوفيق إن شاء الله

باركة الله فيك

[احلام منال]

انا سكنت سبع سنين عند اهلى زوجى دارو فيا لما يندار والحمد الله فرج ربى على درك العقوبة ليك ولكل وحدة مغبونة نرفعو شعار لاياس مع الحياة والمظلوم دائما ربى معه

[samira135]

قبل ما تخطفو الراجل تبداو امانة والشعارات الرنانة امك هي امي واهلك هم اهلي ...الخ لكن بمجرد قضاء مرادك بالزواج تعملن جاهدين لابعاده عن اهله تدريجيا وبشتى الطرق وكانك تزوجت بهذا الرجل من الطريق ولم يكن له اهل ربوه وكبروه وتعبو عليه ....كلهن على شاكلتك يا صاحبة المشكلة فلست وحدك بهذا التفكير الخبيث ....لا وفقك الله في مسعاك الدنيئ هذا.

يا سي "المقتصد" راك تهدر من نيتك ؟؟؟؟؟ شكون لي خطف شكون ؟؟

الرجل اقوى وبقدر يصبر ولا المرأة ؟؟؟ المراة تبعد اهلها و حياتها كامل غير باش تفتح دار وتكون اسرة يجي مدلل امو بقولها راكي خطفتيني من اهلي

مدام مش قادر يصبر على حضن الماما و البابا علاش يتزوج ؟؟؟

لا في القانون ولا في الشرع المراة مش ملزومة تعيش عند اهل زوجها و الاستقرار راه من ابسط حقوقها

[رَكان]

السلام عليكم ...
صاحبة المشكلة لاتسميها مشكلة بالله عليك ..
هاذي حكاية الويكاند مع أهل الزوج ليس فيها ضرر كبير ...أنت في البدايات فقط وعليك التضحية ..من أجل وضع قدميك جيدا وبثبات على أرض الحياة الزوجية ...فصبرا ..فسيأتي الأولاد بإذن الله وسيشعر الزوج مع الوقت بالإستقرار في بيته ..ما يصدر عن أهل زوجك هو رده فعل طبيعية سيئة يعرفنها مجتمعنا المتخلف ..فعلى الدوام بالنسبة لتلك العقليات المتحجرة ..زوجة الإبن هي العدو ..التي تعمل اختطاف الإبن ...تفهمي هذا جيدا واصبري ..فدوام الحال من المحال ..والله اعجب من بعض التدخلات خاصة الرجالية ..
أين أنتم من شرعنا الإسلامي الحنيف ..هل يفرض على الزوجة خدمة والدي زوجها وأهله ؟؟؟
أبدا إنما ذلك من الموروثات البالية التي لا أساس لها عقلا ولا منطقا ولا شرعا ولا إنسانية ...
وكأنما البعض يريد أن يقتني خادمة لأمه وأخته وليس بناء علاقة زوجية على المودة والرحمة ...ياسبحان الله العظيم ...
فلو كنا في زمن النخاسة لرأينا الكثيرين من أفراد مجتمعنا يتهافتون على الأسواق الإقتناء الجواري ..بدل الزوجة التي يأنس لها ويكون لها وتكون له سكنا
وأنبه كما نبهنا مرارا هذا قسم لطرح المشاكل فمن لديه توجيه أو نصح ..أو إفادة فليتفضل مشكورا ..أما وأ نيسقط أو يفرغ مكبوته بسقط اللفظ فلامرحبا بذلك ..
...