كيكة بالكاكاو والشكولاطة والسبيكولوس امممممممم الذوق يقتل هههههه

[ام ريتاج الجزائرية]

سلام عليكم اخياتي حبيتي يقتلك على هدي اللي دخلتي هههههه اليوم درت هدي الكيكة ان شاء الله تعجبكم
http://im50.gulfup.com/gAaRql.jpg
نبدى بالمقادير:
*الكيكة
6بيض
كاس سكر
مغرف كاكاو
ذرة ملح
فانيلا
نصف ملعقة خمارة
2كاس فرينة
عطر اللوز
*خليط( حبات من قاطو السبيكولوس. سكر بني .قطع زبدة)
*التزيين شكولاطة مذوبة مع حليب ورقائق اللوز وكريم شانتيي
الطريقة:
1:نسخن الفرن على درجة حرارة 180
2:نحضر خليط السبيكولوس بتكسيره واضافةملعقة سكر بني و قطع زبدة ونحاول نخلط ببطئ باصابعي حتى تتداخل المكونات نشد مول ونحط ورق الطبخ ونحاول نستف الخليط لداخل المول ونضغط عليه شويا
3:ننخل الدقيق مع الخمارة وذرة الملح مرتين
4:نضرب صفار البيض مع السكر والفانليا وعطر اللوز حتى يطلعو ونضيف مغرف الكاكاو ونخلط ونكون ضربت البياض حتى طلع مثل الثلج نضيف نصف الكمية الان ونبدا نحط الدقيق شوية شوية ثم نضيف باقي البياض ونقلبه من تحت للفوق بلعقل باه الهواء ما يطلعش
5:نحطها فوق خليط السبيكولوس وندخلها الفرن لمدة 40 د ندخل موس فالكيكة ادا خرج ناشف يعني خلاص طابت نخرجها ونقلبها على المشبك ونخليها تبرد 6:ونكون ذوبت الشكولاطة مع الحليب ونفرغها ملفوق نغطي كامل الكيكة ونرشها برقائق اللوز ونزينها بالكريم شانتيي
حبيباتي ان شاء الله شرحي كان لاباس بيه وجربوها امممممم خاصة مع السبيكولوس اللي يمد وحد القرمشة
سلام عليكم وصح فطوركم

[ام عبدو و ملاك]

تهبل تهبل تهبل وباينةالطعم يهبل يعطيك الصحة و ازربي حطي الوصفة

[طالبة النجاحْ~]

انت مجرمة هههههههههههه حابة تفتنينا بالكيكة ناكلو نموتو وانت تقعدي تزيدي تخترعي وحدة اخري
يعطيك الصحة يا الفنانة راكي كل صبع بصنعة راني جاية للدار ندي حقي

نص القلب جهة اليمين ههههههههههه

[ام ريتاج الجزائرية]

انت مجرمة هههههههههههه حابة تفتنينا بالكيكة ناكلو نموتو وانت تقعدي تزيدي تخترعي وحدة اخري
يعطيك الصحة يا الفنانة راكي كل صبع بصنعة راني جاية للدار ندي حقي

نص القلب جهة اليمين ههههههههههه

ههههههههههه يعطيك الربح والله ضحكتيني حبيبة ياك لاباس مابنتيش ارواحي والله نديرلك وحدة في خاطرك

[ام ريتاج الجزائرية]

تهبل تهبل تهبل وباينةالطعم يهبل يعطيك الصحة و ازربي حطي الوصفة

شكرا اختي انت اللي تهبلي اممممح
المقادير اومبعد لاني نحاول نطلع الكيفية بالصور

[النرجوسة]

الوصفة ان امكن

[amel miral]

يعطيك الصحة هااااااااااااااااااايل

[ام ريتاج الجزائرية]

الوصفة ان امكن

راني حطيت الوصفة اختي

[ام ريتاج الجزائرية]

يعطيك الصحة هااااااااااااااااااايل

يسلمك حبيبة

[ام ريتاج الجزائرية]

تهبل تهبل تهبل وباينةالطعم يهبل يعطيك الصحة و ازربي حطي الوصفة

اختي راني حطيت الوصفة واسمحيلي عالتاخير كنت نحاول نطلع الصور وماقدرتش :1::1::1:

[idron0]

جزااك الله خيرا