لبنات ارجوكم ارواحو

[دورصاف جوجو]

السلام عليكم ورحمة الله وبركاته. ..
لبنات اعطولي طريقة مليحة تاع البوراك نحب نبدل شويا كل وحدا تقول كيفاه ديرو بادق التفاصيل باش نتبعكم وشكراااا

[أثيلة]

السلام عليكم
انا ندير بالبطاطا و الزيتون الاخضر و البيض مسلوق و صدر الدجاج مكعبات مقلية و الفرماج


نخلط الباطاطا و الزيتون يكون مقطع و البيض تاني يكون قطع صغيرة و صدر الدجاج نكون قليتو و نخلطهم و طبعا نضيفلهم الملح و التوابل و لو حبيتي الدبشة و المعدنوس و بعدها نحد نص حبة فرماج فالديول و نحط ملعة كبيرة من الخلطة و نشطلها مربعات و نكون العدد لي نحبو و بعدها نحطو في سنيوة و ندخلو للفرن و لما يطيب نقلبو و نطيب الجهة التانية

[دورصاف جوجو]

طريقة مليحة الليلة نجربها مشكورة اختي

[أثيلة]

العفو حنونتي ان شاء الله يعجبك الذوق تاعها وهي تقدري تقليها لكن نديرو فالفرن حتى نتجنب الزيت و السعرات الحرارية و طبعا لوالديا حتى نديرلهم حمية

[imanaz]

http://www.djelfa.info/vb/showthread.php?t=1751856

[hayat22]

انا ندير بطاطا مكعبات صغيرة مقلية من باعد نزيدلها اللحم المفروم مع البصل والمعدنوس ونقليهم شوي ونخلط بطاطا مع اللحم ونعمر البوراك وشوي مايونيز

[دورصاف جوجو]

انا ندير بطاطا مهروسة مليح نداويها ونملحا ونزيدلها لهريسة ومبعد في المقلة نرابي طماطم ونزيدلها شويا فلفل نديرهم شكشوكة عادي كي يطيبو نزيدهم للبطاطا ونخلط مليح ونزيدلهم 2 بيضات ونخلط ومنبعد نطبق الخطفة على 2 نحط شويا برك تاع الخليط ونزيد فوقو شويا فرماج والتونة وشويا لحم مرحي طايب من قبل وندورها ونقليها تجي بنينة تهبل

[hayat22]

وساعات ندير بصل والطماطم والكسبر مثل الشكشوكة المحاجب بصح يجو هاااااايلليين

[دورصاف جوجو]

طريقتك ساهلة وبنينة حنونتي

[lahna moka]

للبوراك أنا نفوّر حبات بطاطا مقطعين و بعدها نهرسهم
في مقلاة نقلي بصح مقطع صغير و ثوم مرحي و قصبر مقطع و ملح و فلفل أسود و نضيف لحم مرحي و نخلي الكل حتى يطيبو (خطرات ندير زيتون أخضر مقطع)
نصفي الحشوة من الزيت و نضيفها للبطاطا المهروسة و نخلط
على أوراق الديول نحط سيجار تاع الحشوة و عليها فرماج طري مقطع و نلف و نقلي.

[tong2]

http://www.djelfa.info/vb/showthread.php?t=1802102

[دورصاف جوجو]

اممم تشهي كل خطرا نجرب طريقة وحدا

[raihana rihene]

هذه حشوة أعجبتني في قناة سميرة لم أجربها بعد :
زيت+بصل+فطر+ملح+فلفل أسود+معدنوس = نقلي ثم + أضيف دجاج مفتت طيبتو في مرقة بيضاء عادي + بيشاميل

[دورصاف جوجو]

ويعني تصلح للبوراك ؟؟