شربة فريك بالشرح و الصورللمبتدئات وحتى المحترفات

[om kamilia]

الشربة العاصمية لي ذقتها انا و للي مووالفة ننديرها , فيها بصلة شوية زيادة , لحم غنمي , قرعة , طماطم حب, كسبر حشيشة , و التوابل لي هم الفلفل الاسود , راس الحانوت , و طماطم مصبرة و بالطبع لحميصة و نعناع كاين لي يديرو يابس و لآ اخضر و طبعا في الاخير الفريك


انا طريقتي نحط ملعقة صغيرة سمن , وشوية زيت ونحط اللحم مقطع مكعبات يتقلى شوية نزيد عليه الدبشة و النعناع الا كان خضر غير وورقة و لا 2 يتجمر شوية ونضيف حبة طماطم مرحية و لآ زوج على حسب درجة النضوج تاعها وزيد يتقلى شوية نرمي حبة قرعة مقطع رقيق جدا يمكن الاستغناء عليها ونضيف التوابل ( ملح فلفل اسود راس الحانوت,, و شوية كسبر يابس و شوية حبة حلاوة تمد بنة للشربة ) ونخليها تتجمر شوية و نراقب دائما وبعد ذلك نضيف الماء الساخن على مرة يعني تتعمرالقدرة غير تغلي نرمي الحمص طبعا مرنخ و لآ بايت في الماء و طاايب نص طياب و ملعقة كبيرة طماطم مصبرة نخلي القدرة تغلي على مهلها في نار متوسطة كي نلقاو اللحم تاعنا و الحمص دخلو الطياب نضيفو الفريك لي شللناه ونرمي ربطة صغيرة تاع الكسبر نحي الاوراق نخليهم للتزيين و بالطبع هنا لي نضيف الملح
وتطيب و نعس على حساب نوعية الفريك و في الاخير قبل ما نطفولها , نزيد عليها اوراق الكسبر لي خليناها ونعناع يابس غير رشة خفيفة تغلي غلية و نطفي وفي صحن التقديم نزينو بالكسبر ( حشيش الشربة , المقطفة, الدبشة) و بصحتكم

دارت محاضرة هههه فقط حبيت نعطي لك طريقتي بالتفصيل ملاحظة بالنسبة للتوابل مين داك نلقى واجد خاص بالشربة والاهم تتجمر

هذا رد درتو للاخت ريمة بدر وان شاء الكل يستفاد , علبالي كل واحد و الوصفة ديالو بصح حبيت نشارككم طريقتي لتعم الفائدة
نزيد نوافيكم بالصور في اقرب الاجال باذن الله

ملاحظة فقط بالنسبة للحم ممكن ديري طرف غنمي و القطع تاع البقري و تقدري , تديريها بالجاج او بكويرات اللحم

المرحي و والاهم عندي نحب ريحة الغنمي في الشربة والكسبر حشيشة لازم , وكل واحد و ذوقو



http://www.m5zn.com/newuploads/2015/06/18/jpg//911d6c26965e1e4.jpg

http://www.m5zn.com/newuploads/2015/06/18/jpg//57a53714be32d7d.jpg

http://www.m5zn.com/newuploads/2015/06/18/jpg//33e948be18c5897.jpg

http://www.m5zn.com/newuploads/2015/06/18/jpg//c232914a80f0f63.jpg

http://www.m5zn.com/newuploads/2015/06/18/jpg//1bf58d6a34e4e28.jpg

http://www.m5zn.com/newuploads/2015/06/20/jpg//9cde30f412ec02e.jpg

http://www.m5zn.com/newuploads/2015/06/20/jpg//2955d3036582b50.jpg

فقط دعولي بالشفاء لاخي و دعوة لي

[~~يسرى~~]

رمضانك كريم

جزاك الله الف خير على الموضوع

[منال9]

بارك الله فيكي

[ام عبدو و ملاك]

بارك الله فيك و رمضان كريم و ربي يشفي اخوك يا رب

[sunshine2013]

شكرا اختي
ربي يحفظك و يشفي خوك
صح رمضانكم

[طبيبة سمية]

شكراااااااااااااااااا جزاك الله الجنة

[lahna moka]

تبان مممممممممم
بارك الله فيك حبيبتي
و ربي يجعلها في ميزان حسناتك و يشفي خوك يا رب

[om kamilia]

شكرا اخواتي لمروركن الطيب العطر

[TITA TITA]

شكرا اختي.....ربي يتقبل منك الصيام والقيام.

[ام جوتي وفراس]

يعطيك الصحه ام كامليا وربي يشفيلك اخوكي وجميع مرضى المؤمنين يا أرحم الراحمين

[~اسيل ريحانتي~]

الله يعطيك الصحة تقريبا نفس طريقتي فقط انا ندير الجزر في بلاصة الجيروات

[idron0]

جزاك الله خيرا

[nadiatlemcenia]

تشهي يسلمو الايادي
جزاك الله خيرا اختي على الوصفة

[om kamilia]

شكرااخواتي الكريمات لمروركن

[Om axil]

merci pour le partage yatik esseha tchehii

[fofa08.ss]

يعطيك الصحة

[fatisousou]

بارك الله فيك اختي

[lololala]

ربي يجازيك ويشفي كل مريض

[Om axil]

rani jerebtha we bninaaaaaaaa

[اميرة باخلاقي 00]

جزاك الله الف خير على الموضوع

[اريج 07]

روووعة حبيبتي ام كامي كروعتك لكن اول مرة نشوفها بالقرعة نجربها و نقولك
دمتي متألقة حبيبتي
ربي يشفي خوك و يعطيك واش متمنيه يااحلى قبايلية بلاكي تقولي لزيكا راني قتلك احلى قبايلية خخخخخ ههههههه

[om kamilia]

روووعة حبيبتي ام كامي كروعتك لكن اول مرة نشوفها بالقرعة نجربها و نقولك
دمتي متألقة حبيبتي
ربي يشفي خوك و يعطيك واش متمنيه يااحلى قبايلية بلاكي تقولي لزيكا راني قتلك احلى قبايلية خخخخخ ههههههه

ايييه مريومة ما نقولهاش , اصلا زقزوقة لوكان تشوفيها حلوة احلى احلى قبايلية
وعلى الوصفة مرة نضيف الجريوات مرة لا لا تزيد بنة

[ياسمين قدسي]

جزاكي الله كل خير ...