مادا أفعل

[مشكلتي]

:confused:انا شاب بمقتبل العمر عمري 22 سنة تخرجت وتحصلت على وضيفة مند شهر في أول حياتي المشكلة خطبت فتاة مند عامين كيما يقولو حبيتها خطبتها البارح قاتلي نفسخو كلش بيناتنا قلتلها علاه قاتلي ماكش من النوع اللي نحبو وماتعجبنيش ومانشتيكش رغم اني شكلي عادي معنديش عيوب خلقية ومصلي وعلى اخلاق الحمد لله بصح كي قالتلي هكدا فقدت الثقة في نفسي ماغاضتنيش هية كي راحت بصح غاضتني كي قاتلي هكد وغاضتنيكي خلاتني على جال المال
وديت فكرة ماشي مليحة على البنات ودارتلي عقدة فقدت الشهية وسماطتلي عمري ونحيت فكرة الزواج من راسي
مافرحتش حتى بالوضيفة اللي دخلتلها وكأنها انتهت الحياة هنا

[لحن الحياة.]

هاذي خليها تروح في ستين داهية
تهنيت منها
ما تغيظك ما والو اكييييييييييد ربي يعوضك خير منها
ما تفرطش في صحتك على جالها مزلت صغير و قدامك حياة جميلة
نتمنى لك التوفيق

[salsila]

sur rabi hanak manha
wa anta jami tafkad tika fi rouhak 3la jal wahda dima hat rouhak foug wa hiya jay nhar wa tabki 3la jalak wa matsibakch
bitawfik aki

[loubna87]

هي اللي ماشي مليحة ماشي انت . ما تفقدش الثقة لا في روحك لا في البنات . كل واحدة و عقليتها . كيما راك مليح كاين بنات ملاح و زيد هي صارحاتك و قاتلك ماشي من النوع اللي تبغيه , هكذا أحسن . و غن شاء الله تلقى وحدة تنسيك همها .

[sifnordine]

هي اللي ماشي مليحة ماشي انت

[رَكان]

السلام عليكم ..
أنت تقول أنك تعقدت من كلامها ....عادي .
لكن دعني اسألك ..
هل ستحكم على قدرك ومكانتك انطلاقا من نظرتها لك ؟؟؟؟ ...فتملّ الوظيفة وتصل الى الشعور بأن الحياة انتهت ؟
أشتم هنا رائحة حب زكمت أنفي ..
لاألومك على مشاعرك ..فما انت فيه ليس لأي كان معايشته ..وم نيلومك عليه فحاله مثل حال من يُقال عنهم ...ما يحس بالجمر الا من وطئته قدمه .....لكن تأكد أن ما تكابده لن يدوم وسيأتي عليك يوم ..تترحم فيه على تلك المتمرده وستقول ..لها في نفسك ...شكرا لك لأنك أرحتني منك ...وسترى بعدها أن الحياة جميلة وفيها الكثير من بنات الفاميليا الطيبات الغير المتكبرات اللواتي لايغريهن المال بتلك الصفاقة من ذاك الميل له ..
هي فعلت معك جميلا حين أفصحت لك عن وجهها الذي كان خفيا عنك .ماذا لو فعلت ذلك بعدما تورط بالزواج وأولاد ..؟
نجوت أيها الرجل الطيب فاحمد الله على ذلك ..

[samy algerien]

يا اخي راك مازالك شاب 22سنة وتخدم ربي يبارك مازالك تزيد تنجح. وممكن تهنيت من هذه الفتاة لانها لا تريد ان تستر نفسها بل انها تريد ان تلعب في صغرها.

[عبد الله 22]

السلام عليكم لا تزال في مرحلة الصدمة من تصرفها وكلامها وخيبة الامل من الشخص الذي كنت تظن فيه الخير الكثير لكن تأكد بان الله نجاك من شريك حياة تافه التفكير، قد تجد صعوبة في البداية لكن مع الوقت ستكتشف كما من البنات الرائعات اخلاقا ودينا في كل مكان وستتعجب من إختيار الاول

[سهيلة2013]

مازلت صغير ومازال تشوف في الدنيا ماتتقلقش على الزواج

[visa uk]

نورمال اخي انساها انا مانعمر راسي بحتي مرا باسكو عمري ماندرهم في راسي ولو تقلي نحبك حب جنوني قلبي لايتزعزع ابدا تحبني من قلبها او من غير قلبها او تتضاهر وتمثل صدقني ماتخممش شعال من وحدة قاتلي نحبك ونموت عليك وجامي امنت في حياتي ووصل صح واش خممت انو كل وحدة لي عرفتها او نوتها كانت تريدني ليس لشخصي بالضبط وعقليتي بل لاشياء كثيرة
انت مازال ماجربتش النساء مليح كي تجربهم وحدة وحدة تفهم تخمامهم مليح
هدا لايعني انهم كل مش بنات فاميليا قصدي طريقة تفكيرهم ممكن تقلك نحبك وانت تامن علي حساب قلبك فقط ودرجة تاثرو كاين لي تعملو كل شيء بصح فاطن مليح مليح مايتاثرش بمراة ابدا حتي لو قاتلو في اخر اليوم اخطني مايتاثرش لانو اصلا مش عقلو وقلبو معاها تروح هي تجي اخري وهي رايحة

[hazaamy]

انقلك حاجة الطفلة هدي مشافش ربي فيها الخير معك وعلاقتكم كون طولت وتزوجتو كانت راح تبار المشاكل احمد ربي وزيد مزاالك صغير خلاه وعندك الوقت تبني حياتك راهي مسألة وقت برك وتنساها خلاه***ولازمك توثق فروحك كي عا معجبتيهاش اين زااف تعجبهم***ولكان راهي تحكي على الزي الراجل عمرو ما يتقاس بالزي***وربي يكون معاك انشاء الله

[عين الصقر]

لوكان بك عيوب لما قبلت بك قبل عامين عندما تقدمت لخطبتها ولما اطالت فترة الخطبة حتى تفسخها
عوضك الله خيرا منها دينا وجمالا وأخلاقا

[visa uk]

نرومال خويا نحيها من راسك وشوف اخري تزوج بها وخلاص مايهمكش تحبك او لا المهم جبها باه تتزوج بها وتقضي صلاحك برك

[نورسين.داية]

عـــــــــــــــــــــــــــــــــــــــــــــــــ ــــــــــــــــادي جدا قلها طريق السد الله لا يردك

[سفير الأيام]

شوف خويا لحبيب تهلى في يماك واللي يبدلك ولا ما تعجبهش على جال انت حقاني دير في المدفع ويدفع

الدنيا تعلمك ............ انت واش الهدف ديالك الزواج وامراة حلالية كاين خير منها مليار مرة وهي خليها كاين اللي يعجبها وكاين اللي ............................... بفعايله يفكرها ويرجعها تتمنى النهار وين غير تطلب السماح

[كاميلا]

مازلت ضغير وتتاثر الناس راهي تطلقت وعايشة لاباس وعاودوا الزواج عادي وانت تهبل في روحك اي مرحلة وتفوت ربي بعدها لانه رح يعطيك ما احسن دير ثقة في ربي مش في العبد

[visa uk]

نعم انساها اخي باين انت من النوع لي يستعمل قلبو وعاطفتو بزاف علي حساب واش فهمت نتا هاك تستعمل عاطفتك وهي طبعا حساب واش فهمت كاين راجل اخر في مخها علي كل حال من حقها اخي اي مراة كما الراجل يخير لي تعجبو هادي هي الدنيا خليها تروح وماتكسرش راسك اني فهمتك نتا كنت نية انك تعلقت بها وهي كانت تضحك عليك وتستي في روحها قدام الرجال كاين لي هاك بزاف يحبو يتقعدو بالرجال باسكو ماتدرش ثقة تماما مي صدقني لو طاحت في واحد مرحي صدقني غر يرحيها مليح ويتلاعب بها قبل ماتتلاعب بيه
الناس مش كف كف

[بنت لبحر]

الطيبون لطيبات

[hakim2207]

normal awe kayenne rabiii hkda khir ki jat derk khir men ba3d banat el hakika men derk

[لؤلؤة السّلام]

من اعطاك عذرا زائفا للرحيل اعطيه الف شكر لعدم البقاء وعسى ان تكرهوا شيئا وهو خير لكم وبتفكيرك هذا قد ضيعت الدارين الدنيا (عدم البحث عن زوجة صالحة) والاخرة (القنوط من رحمة الله وعدم الرضى بقضائه وقدره اعد ترتيب نفسك وجدد الثقة في نفسك وفي الله عز وجل وادعي الله ان يرزقك الزوجة الصالحة وخصوصا في الثلث الاخير من الليل واسال الله العلي القدير ان يرزقك الزوجة الصالحة التي تعينك على طاعته ورضاه وتعوضك في الذي فات

[Abo Al-EoS~]

يجيك نهار يا نكار خيري .. يوريلك زماني من زمان غيري

راك راجل يا خويا والراجل ما يتعايبش

تلقى بنت الحلال ان شاء الله

خيرها في غيرها يا حبيبي

وتصيب لي تديرلك البوراك في رمضان الجاي ان شاء الله

وانت فرحان ومهني