menu اليوم الأوّل من رمضان

[أم تغاريد]

السّلام عليكم ورحمة الله وبركاته
صباح الخييييير عليكم اخواتي راهو لحق رمضان ربي يعينينا فيه على الطاعة
أخواتي واش رايحين اطيبو للنهار الاول من رمضان ؟ اعطولنا قائمة متكاملة من المقبلات الى التحليات باش ندو افكار

[ذكرى أبي]

أنا أديت المنيو من عند أمي الله يحفظها ملي كنت صغيرة النهار الأول كيف كيف أمالا حتى أنا اعتمدته في بيتي و هو
شربة فريك
بوراك لحم
مثوم
لحم الحلو
سلاطة مشوية
و خبز مطلوع

[أثيلة]

أنا قررت اول يوم نطيب

شربة فريك
طاجين زيتون
بوراك بالفيونداشي فالفرن مش مقلي بالزيت
سلطة
سلطة فواكه
و خبز مطلوع فالطاجين وليس الفرن

[لجين الحبيبة]

السلام عليكم
رمضان كريم ومبارك للجميع
شربة فريك + سلطة + ديول معمرين بطاطا وفرماج + شكشوكة + قراتان خفيف + طاجين حلو + فواكه ومشروبات عادية والى غسيل المواعين ثم قهيوة ثم الصلاة والى النووووووووووووم ومن بعد السحور خبز وحليب وفنجان قهوة
انشاء الله اية عاندوني وديرو كيما انا:mh92:

[أم تغاريد]

يعطيكم الصحة اخواتي هادا واش يطيبو اغلب الناس اليوم الاول
وانا كي سفسيت امي قالت ديري الاطباق لي حطيتهم
بصح انا حبيت نخالف :d
خاصةفي الطبق الثاني زيدو اقترحو علينا

[keneuz salsabil]

انا حابة ندير شربة فريك وهذي دائما في اليوم الاول حلو وبوراك بطاطا وتن وفرماج وغراتان ارز وشلاطة منوعة والتحلية تورتة الاناناس وايس كريم منزلي ... وان شاء الله ينعاد علينا بالصحة والعافية وطاعة الرحمان .

[أثيلة]

الطبق الثاني ممكن باطاطا فالفرن تجي بنينة بزاف انا ندير طبقة بطاطا و الثانية لحم الصدر نطيبو و نقطعو طراف و نحطو في ثاني طبقة و من فوق نغطيه بالباطاطا و نزينو بالفيوىنداشي و الزيتون الاخضر و الصوص تاعو نخدمها فالفيونداشي و الثوم والبصل و حبة طماطم و توابل شوية برك مش بزاف حتى تبقى نفس الطعم و الله نموت على باطاطا

[طيف السعادة]

رمضان كريم ان شاء الله تصموها بالصحة والعافية

اليوم الاول نديرو شربة فريك ومطلوع يعني ماما ديرهم ههه وانا راح ندير غرتان اللهلوبية تاع الهام هه ومملحات لي كورني ولا سوفلي هذا شرط وطاجين لحلو سلطة وتحلية عليا قلب اللوز وفلان وشارلوات بموس الشكولا والفراولة لyasmalak واليوم بلاك ندير الكرواسون لسحور ههه

[algerienour]

انا تاني نطيب الشربة المثوم لحم لحلو الوراك و السلاطة و الطلوع

[raghado]

انا حابة ندير فريك والحلو وغرتان سلاطة ومطلوع لازم والتحلية حابة ندير تارت دانيت بالشكولا

[اغادير]

صح رمضانكم.......... مازلنا ما قررناش..... باستثناء شربة فريك لمانقدروش نستغنو عليها والبوراك ههههه مشكورين

[chahinez chanez]

السلام عليكم أنا ندير الحريرة و البوراك باللحم مرحي و السلاطة خضرا مع الماسدوان و الفلفلة و الكبدة مشرملة وكروكات والبرقوق الحلو و في السهرة ندير الغريبية و المحنشة مع القهوة و الفواكه المتنوعة مع الفلان صح رمضانكم

[ام وائل فخر الدين]

صحه رمضانكم ينعاد عليكم وعلينا باللصحة و العافية والطاعة انشاء الله

اليوم لاول دائما حريرة بوراك بللحم طاجين حلو غارتان كوشة سلاطة ديسار ومنبعد غسل الماعن ثم النوجه الى الشاي وحاجة حلوة دون انا ننسى الصلاة الذكر والقران والتفكير في اليوم الثانى والله يكون في العون وصحه سحوركم

[ام طيري الجنة]

باذن الله سيكون
حريرة
طاجين حلو
مملحات و بوراك راح نكثر منها و ما نديرش مرق مالح باش ينتكل الطاجين الحلو لانو دايما يبقى كي يكون طاجين مالح
و سلطة منوعة
فلون و فواكه و عصير و الحمد لله

[أم ياسين الزهراء]

بادن الله شربة فريك كفتة وطاجين الحلو وسلاطة ورق والمطلوع كل يوم وادا جاب الديول نزيد الديول والفلن اكيد متعودين اليوم الاول مايكلوش بزاف وربي يقدرنا على الطاعة

[أم ريتاج زهرة]

السلام عليكن فطور أول يوم رمضان بإذن الله حريرة طاجين الزيتون البوراك و سلاطة منوعة الديسار فلان عصير و فواكه و رمضان كريم

[غيدآ اء]

السلام عليكم

حنا
شوربة فريك
خبز مطلوع
طاجين الحلو
فلون عادي
سلاطة


اليوم الاول دايما نديرو فيه حوايج عادية وحفيفة و منكثروش

ومبعد ايام نبداو نوعو في الاطباق

[حياة نور الدين]

رمضان مبارك
انانطيب ان شساء الله حريرة + سلاطة + حلو + دجاج بالزيتونو

[أم غيلاس]

صحة رمضانكم جميعا
أنا رايحة ندير شربة فريك و سلطة ماسيدوان و شطيطحة جاج بالأفخاذ تاع اسمهان و جاج محمر
و طجين حلو و بيتزا و خبز الفوقاس و فلان ماجور تاع ام اماني و عصير مشمش أو خوخ و الحمد لله

[*ام يونس*]

سلام لبتات,,حابة ندير بوراك باللحم المعروم فى الفرت شكون توريلي الطريقة

[أمّ علي]

انا اليوم الاول تعودت ندير
شربة فريك
شباح الصفراء
بوراك
سلاطة وسلاطة مشوية
كسرة القبايل لزوجي ومطلوع لينا
ديسير
وطبعافي البداية الحليييييييييب

[ليليا25]

اليوم الفطور شوربة فريك شباح الصفراء البريك لحميص سلاطة والكسرة تاع الخميرة

[أم فاطيمة]

السلام عليكم رمضان كريم
انا ناوية ندير حريرة و مطلوع و بوراك بالبطاطا و التن و طاجين لحلو و محمر بالشومبينيو و فلان في الفرن و لورداف و فواكه

[الماسة النادرة]

انا راح ندير شربة فريك والكباب بالجاج والحميس والمخلل تاع الباذنجان وندير البوراك والشلاضة ونبينا وصلينا عليه والسهرة انا في الحقيقة منطيبش الشاي لانو راجلي ميشربوش على هذيك ناكل التحلية وحدها ههههه صح رمضانكم حباباتي الى اليوم الثاني

[النجمة المتميزة]

اليوم بإذن الله حريرة و خبز الدار و طاجين لحلو و باطاطا الشورمة لإلهام و بوراك و التحلية مزال ماديسيديتش

[ام ايمان16]

رمضان كريم ان شاء الله تصموها بالصحة والعافية

[imane mon]

ana 3ewalet nedir nechalah chereba ferik , chetiteh dejaj chelada ta3e ros , borake saha fotorekom werabi kaderena 3ela siyam wenechalah nekhetoma kam men mara

[sara lora]

رمضان كريم الله يقدرنا نصموه بصحة على طاعة الله
حريرة + برقوق بلحم الحلو + سلاط مصيدوان +فلفة بالكبدة+ كوني فارصي + مشروبات الغازية+ سيتروناد +خبز الدار
بعد تراويح قهوة بالشامية وسيقار والفاكهة + فلون نتاع البيمو



صحة فطوركم جميعا

[نسرين البرايجية]

اليلام عليكم وصح رمضانكم رح نديرو شربة فريك بوراك سلا
طة مطلوع دجاج مفور لحم لحلو

[dima 08]

شوربة فريك+طاجين حلو (لحم حلو)+طاجين زيتون+سلطةاوردافر+حميص+المطلوع+قازوز+التحلية (سلادفروي+فلان+زلابية)+قهوة وتاي
صح فطوركم

[زهرة الريف*]

رمضان مبارك وكل عام وانتم بخير
بإذن الله شربة فريك وبوراك وسلامة مشكلة وكبدة مشرملة وفلون الطبقات وطبعاً سيدة الحلويات قلب اللوز وقريوش مع عصير طبيعي وفواكه الموسم
والحمدلله حمدا كثيراً والصلاة والسلام على رسول الله صلى الله عليه وسلم

[عآشقة الجنة]

حنا نديرو لفريك و لبوراك بلفرماج و بطاطا و لحلو و سلاطة الطاجين مزالني نخمم فيه بلاك نديرو طاجين زيتون و بعد لفطور نديرلهم سلطة الفواكه صحا فطوووركمم
هاذا أول نهار في رمضان مش في دارنا و راحا نعقبو في دار زوجي ربي يهنينا كامل إن شاءالله