شباح الصفرة من مطبخي واش رايكم

[ام مؤمن]

السلام عليكم

عملت السنة الماضية شباح الصفرة و بليتها جارية تحلتلي في المقلى و ماصلحتليش بقات في قلبي عاودتها و الحمد لله المرة هذه جاتني مليحة درتها لرمضان ان شاء الله واش رايكم فيها

بسم الله

http://cdn.top4top.net/i_bb2c6a181b4.jpg

بالنسبة للمقادير تقريبا نفس طريقة ام اماني مع اختلاف بسيط عملتها على طريقة الوالدة ربي يحفظها و ايضا ضفتلها قليل من مبشور الليمون نصحتني بيه اختي ام ياسين الزهراء ربي يحفظها

واش رايكم فيها تشبه و الالا لالالالالا ههه

http://cdn.top4top.net/i_4f852ce5641.jpg


http://cdn.top4top.net/i_4f852ce5642.jpg


http://cdn.top4top.net/i_bb2c6a181b3.jpg

http://cdn.top4top.net/i_bb2c6a181b4.jpg

http://cdn.top4top.net/i_bb2c6a181b5.jpg

http://cdn.top4top.net/i_95b430c55a1.jpg (http://up.top4top.net/)

http://cdn.top4top.net/i_bb2c6a181b7.jpg

و هذه زينت بيها طاجين لحلو اول روضان البارح

http://cdn.top4top.net/i_4cca8eeb327.jpg

http://cdn.top4top.net/i_4cca8eeb326.jpg

في انتظار تعليقاتكم حبيباتي

[lina23]

ماشاء الله عليك فحلة .بصح وجدتيها كيفماه تخباها

[ام مؤمن]

ماشاء الله عليك فحلة .بصح وجدتيها كيفماه تخباها

الله يبارك فيك اختي حطيتها في بورت مونجي و كونجليتها في المجمد و كي نحتاج نجبد واش حبيت

شكرا على مرورك

[ام مؤمن]

alah ybarek okhti min fadlek beh tarhi louz??

الله يبارك فيك حنونة

المرة الاولى رحيته في الروبو نتاع المكسرات عادي الباتور هي في الاصل تكون ناعم اللوز نتاعها و لكن هذه المرة رحيتها في الروبو كينوود اللي نرحي بيه البصل اللوز ماجانيش ناعم بزاف

و كي تسوقت لقيت في المحلات اللوز نتاع شباح الصفرة يتباع مرحي واجد

انا درت بنص كيلو رحيتوا كيما قلتلك في الروبو خرجتلي قرابة 80 حبة الله يبارك

شكرا لمرورك ان شاء الله تجربيها و تجيك مليحة

[om kamilia]

ماشاء الله شاطرة بصحتكم

[ام مؤمن]

الله يسلمك شكرا لك om kamilia

[اسمهان79]

بارك الله فيكي
راكي ما شاء الله تسلمي

[ام خالد اسلام]

جاتك رائعة فحلة ونص وخمسة وعشرون

[ام مؤمن]

بارك الله فيكي
راكي ما شاء الله تسلمي

الله يبارك فيك ربي يحفظك و الله فرحتني ردودكم

[ام مؤمن]

جاتك رائعة فحلة ونص وخمسة وعشرون

ربي يحفظك حنونة و يعطيك ما تتمناي

[karima88]

من فضلك أعطني الوصفة

[ام مؤمن]

من فضلك أعطني الوصفة

اتفضلي اختي

3 كيلات لوز رطب و كيلة غير اصبع سكر و شوية مبشور ليمون و تبلي بصفار بيضة و تزيدي غير بشوية الصفار و شوية ماء ورد و تلمي العجينة
و كي تطبعيها اجوزيها في بياض البيض غير مخفوق و اقليها و شباح الصفرة تقلى مرتين في المرتين تغسطيها في البياض و اذا اول مرة رايحة تعمليها نشرحلك بالتفصيل

[oum didou]

جاتك روووووووووووووعة قوليلي كيفاش تطيبي لاصوص تاعها بالتفصيل جاوبيني بسرعة وشكراااااا

[أم ياسين الزهراء]

هايلة يعطيك الصحة

[ام مؤمن]

جاتك روووووووووووووعة قوليلي كيفاش تطيبي لاصوص تاعها بالتفصيل جاوبيني بسرعة وشكراااااا

شكرا اختي

انا مانديرهاش طاجين وحدها بزاف لان العائلة ماتاكلهاش نزين بيها طاجين العين او الحلو كيما تسموه

اما الصوص نتاعها ديري مرقة بيضة بطرف لحم صغير شوية بصل رابي و ملح و فلفل و قرفة شوية برك و مغرف سمن او زيت و قلي اللحم مليح و امرقي و خلي اللحم يطيب في عقلوا كي يقرب يطيب ضيفي للمرق 2 كيسان صغار سكر او حسب ذوقك اذا ماتحبيش الحلاوة بزاف ديري 2 فناجيل و خليه يغلي مليح ثم ضيفي نصف كاس عسل فرانسيسكو و شوية ماء ورد و كي يغلي ارمي الشباح تغلي غلية خفيفة برك و طفي و ماتخليش الصوص خاترة بزاف لانها كي تبرد تزيد تعقد و ردي بالك تخلي الشباح على النار بزاف راهي تنفتح و تتهرى و اذا حبيتي ارمي حبات لوز صحاح في المرق للتزيين

نتمى نكون فدتك و ماتنساينيش من دعوة خير

[ام مؤمن]

هايلة يعطيك الصحة

الله يسلمك حبيبتي شكرا

["أم بلقيس"]

شكرا علي الطريقة بوركتي

[ام مؤمن]

الله يبارك فيك اخيتي شكرا لك رمضان كريم

[hadile21]

مشاء الله عليك تحفة

[ام مؤمن]

شكرا اختي صحى رمضانك

[sama22]

راهي جاتك واطية وشباح تجي شوي عالية ثانيا راكي حمرتها شوي في طياب وبصحتك

[ام ايمان16]

يعطيك الصحة ....

[ام مؤمن]

راهي جاتك واطية وشباح تجي شوي عالية ثانيا راكي حمرتها شوي في طياب وبصحتك

و الله مانعرف راني عندي شوية من نتاع عرس ابن اختي و شوية مشرية من نتاع الحانوت مافيهاش اختلاف على تاعي اللي درتها حجم واحد و لون واحد

شكرا على تعليقاتك

راني طيبتها البارح و المفيد جات طرية و مقرمشة و ماتحلتش في الطياب مرة اخرى كي تخلص اللي عندي و انعاودها ناخد نصائحك بعين الاعتبار

شكرا و صحى رمضانك

[ام مؤمن]

يعطيك الصحة ....

الله يصحي ايمانك شكرا

[hadjer36]

Slm khti ana awel.mara rah.njarbo te9edri.tmedili la recetteen detail

[idron0]

بارك الله فيك

[ام مؤمن]

slm khti ana awel.mara rah.njarbo te9edri.tmedili la recetteen detail

اختي وصفة الشباح في الصفحة الاولى كتبتها للاخت ام كاميليا و المرقة في الصفحة الثانية و كاش ماحبيتي تفهمي اكثر راني هنا